ايه اخبار تعيين أوائل الكليات ياجماعة؟ - الصفحة 333

اوائل تربية · #**4981** 31-12-2011, 02:54 AM

جزاك الله كل خير يا دكتور عبد الرحمن .... لو سمحت عندى سؤال لحضرتك
انا تربية انجليزى الاولى على الدفعة و السادسة على الكلية بتقدير جيد جدا مع مرتبة الشرف
ما هى الوظائف اللى ممكن اترشح ليها غير مدرسة و ادارية فى الجامعة و ادارية فى ادارة تعليمية ...ايه تانى غير الوظائف دى؟؟؟؟
وماهو تدريج الوظائف دى من الاحسن للاقل....عشان نفهم لو نعمل تظلم و لا لا؟؟؟
ارجوك يا دكتور ترد عليا لانى فعلا مش عارفة لو سمحت محتاجة من حضرتك الرد و السؤال ده اهم حاجة بالنسبة ليا...من فضلك يا دكتور عبد الرحمن....

ramy49 · #**4982** 31-12-2011, 05:47 AM

سؤال هام للدكتور عبد الرجمن والذين استلموا خطابات التعيين
كيف يتم توزيع الاوائل على الجهات الحكوميه

المكتبي · #**4983** 31-12-2011, 07:06 AM

لقد اطلعت علي معظم صفحات تعين الاوائل ....الا يوجد احد خريجين الاوائل يصلح للعمل بقطاع الكهرباء او البترول ؟في حين ان تعينات الدبلومات والمعاهد مع الاحترام لكل الموهلات تعين في مثل تلك الاماكن ....هل هذا تعين ام ماذا اليس من حقنا نطالب بالتعين في مثل تلك القطاعات وخاصة ان كان لنا زملاء دراسة تم تعينهم سابقا في تلك الاماكن بالكوسة المصرية

الله الموفق والمستعان ,,,,,,,

لازورد · #**4984** 31-12-2011, 10:47 AM

اقتباس:

المشاركة الأصلية كتبت بواسطة ام زياد ومهاب

رجاء الافادة لمن لديه علم زميل لنا مناوائل جامعة الازهر بعدما اقترب الحلم من التحقق ليصبح معيدا لديه مشكلة اقتراب سنة من 35 فى شهر 2 فهل السن يحسب من تاريخ خطاب الترشيح ام من استلام العمل وان حث مالا يتمناه هل الدرجة التى خصصت له كمعيد تحجب حقه فى مشروع العشرين الاوائل لا تعرفون مدى معاناته لكنه انسان مؤمن ادعوا الله انتنهى هذه الجامعة الاجراءات سريعا وفقنا الله جميعا الى مايحبه ويرضاه

أولا جزاك الله خيرا لهدا الاهتمام
ثانيا أعتذر إليك فأنا لم أر الرسالة إلا الآن
ثالثا لك ولزميلك هذه البشرى :
قرأنا في صفحات الأوائل على الفيس بوك أنه قد تمت الموافقة في مجلس الجامعة يوم الأربعاء الماضي على جميع ال 6033 معيد ومعيدة بدون أي شروط حتى شرط السن
بارك الله للجميع

eman23 · #**4985** 31-12-2011, 11:42 AM

جزاك الله كل خير يا دكتور عبد الرحمن .... لو سمحت عندى سؤال لحضرتك
انا مدرسةحاسب ألي خريجة تربية نوعية دفعة 2007 بترتيب (3 في الكشف ) بمرتب 466 + 100 حوافز هل هيزيد مرتبي وسيتغر المسمي الوظيفي بتاعي !!!!!!!!!!!!!!!!!!!!!!!!!!!!!
..من فضلك يا دكتور عبد الرحمن....
وشكرااااااا......

د.بتول · #**4986** 31-12-2011, 12:25 PM

[QUOTE=El Ninio;4191808]

السلام عليكم ورحمة الله وبركاته

ازيكم يا شباب
مبرووووك لكل الناس
أنا الحمد لله قدمت ورقي في مديرية الزراعة واستلمت الشغل
عقبالكم كلكم

[/QUOTE
ألف مبرووووووووك وعقبالنا جميعا
بس ياريت تعرفنا الاوراق اللي قدمتها مع الجواب وبالنسبة للفيش وكعب العمل انا اقدر اعمله قبل ما استلم الجواب؟
وإزاي اعمل الرقم التأميني دا؟
وجزاك الله خيرا

سلامه ممدوح · #**4987** 31-12-2011, 12:55 PM

بالنسبة للسن يحسب من يوم الترشيح، ولما سألت في الجامعة قال الأستاذ عبد العال الموظف المختص بالجامعة :" من يوم تسليم أوراقه، وليس من وقت مباشرة العمل".

METO4050 · #**4988** 31-12-2011, 05:54 PM

دكتور عبدالرحمن
انا ساكت اهو من زمان وما بتكلمش
بس لى كام سؤال وغير مكررين
1- انا لسة هستلم جوابى يوم 10 وحضرتك قلت التعيين يوم 22
فهل هلحق فىالفترة دى اخلص اوراقى
2-تغيير البطاقة اللى بيقولوا عليه بيكون فى 15 يوم
3-ما هو الحل اذا ذهبت ولم اجد لى اسم علما بانى قدمت
4-او ماذا افعل اذا استلمت وتوجهت للجهة المراد تعيينى فيها وقالولى لسة ما جالناش حاجة ساعتها استنى واضيع وقت ولا اعمل ايه
برجاء افادتى

METO4050 · #**4989** 31-12-2011, 06:07 PM

ممكن اعرف من الناس اللى راحوا القاهرة ايه اللى خصل معاهم
ويا ريت كل واحد يجيله جوابه يطمنا
اهو بالمرة نباركله

METO4050 · #**4990** 31-12-2011, 06:14 PM

وممكن اعرف المفروض ابقه هناك من الساعة كام باظبط علشان اضمن انى اخد جوابى فى نفس اليوم لانى من دمياط
وها الكل بيستلم من شباك واحد ولا كل كلية ليها شباك
وهل الجهاز بيخلص كل الناس اللى موجودة ولا مالهوش دعوة الساعة 2 بيقفل
ارجو الرد ممن لديه اى فكرة او من اخوانا اللى استلموا جواباتهم

Aroub Ahmed · #**4991** 31-12-2011, 07:12 PM

اقتباس:

المشاركة الأصلية كتبت بواسطة meto4050

وممكن اعرف المفروض ابقه هناك من الساعة كام باظبط علشان اضمن انى اخد جوابى فى نفس اليوم لانى من دمياط
وها الكل بيستلم من شباك واحد ولا كل كلية ليها شباك
وهل الجهاز بيخلص كل الناس اللى موجودة ولا مالهوش دعوة الساعة 2 بيقفل
ارجو الرد ممن لديه اى فكرة او من اخوانا اللى استلموا جواباتهم

السلام عليكم ورحمة الله وبركاته
الى انا عرفته حضرتك ان تسليم الجوابات من 8ص الى 1 ظهرا وفيه شباكين شباك للرجال وشباك للبنات وهينادوا كل كلية على حدة بس لازم نستلم بالبطاقة ولا تنسى الكعب الى حضرتك خدته من التنظبم والادارة الى فى شطا عشان لو طلبوه انا برده سمعت بالاوراق الى حضرتك قلت عليها بس سألت فى التنظيم والادارة الى فى شطا قالولى مجلناش اى حاجة بخصوص الامر ده
وعلى اى حال لو طلبوا احنا ممكن ناخد من مركز البطاقات ورقة تدل على انها بتتعمل
سؤال معلش انا برده من دمياط ومش عارفة نروح ازاى هل هتكون فيه باصات او عربيات هتاخدنا من مكان معين ولا نروح لواحدنا وجزاكم الله خيرا

amralaraby · #**4992** 31-12-2011, 08:57 PM

ياجماعة المقصود باوائل الخريجين الذين تخلفوا عن التقديم المكررين فى الكشوفات اى الذين اياتى اسمهم بعد العشرين يعنى مثلا انا كلية الحقوق بنى سويف دفعة 2007 وترتيبى الثامن عشر على الدفعة ورقمى فى الكشف المرسل من الكلية 30 قبل استبعاد المعيدين وكشف الجامعة معايه هل يحق لى التقديم ام لا ارجو الرد ضرورى .

amralaraby · #**4993** 31-12-2011, 09:04 PM

"التنظيم والإدارة" يتلقى طلبات أوائل الجامعات المتخلفين عن التعيين

أعلن الجهاز المركزى للتنظيم والإدارة عن تلقى طلبات أوائل خريجى كليات الجامعات المصرية وجامعة الأزهر من خريجى دفعات عام 2003 وحتى 2010، ممن تخلفوا عن التقدم إلى الجهاز، للتعيين ضمن المشروع القومى لتشغيل أوائل الخرجيين وفقاً لما قرره اجتماع مجلس الوزراء رقم 15، المنعقد فى 16 يونيو الماضى.

وأكد الجهاز، فى بيان له اليوم السبت، ضرورة تأكد كل خريج من اسمه وإدراجه ضمن الـ 20 الأوائل بالكشوف المعتمدة من المجلس الأعلى للجامعات، والتى تم إرسالها إلى الجهاز فى الفترة من 8 : 19 يناير المقبل.

وأشار الجهاز إلى ضرورة إرفاق الطلب بعدد من المستندات، وفى مقدمتها أصل المؤهل الدراسى الحاصل عليه الخريج، وبطاقة الرقم القومي، بالإضافة إلى تحديد الموقف من التجنيد بالنسبة للذكور، وتحديد موقف الخدمة العامة بالنسبة للإناث، على أن يقوم كل خريج بملء نموذج لتحديد المحافظة التى يرغب فى العمل بها.

وأهاب البيان بالخريجين بعدم تلقى أى طلبات بعد هذا التاريخ، سواء باليد أو عن طريق البريد.

اوائل تربية · #**4994** 01-01-2012, 03:02 AM

دكتور عبد الرحمن ارجو من حضرتك الرد على سؤالى.... لو سمحت يا دكتور ترد عليا بخصوص سؤالى اللى سالته لحضرتك قبل كده و هو......
انا تربية انجليزى الاولى على الدفعة و السادسة على الكلية ما هى الوظائف اللى ممكن ارشح ليهاغير مدرسة او ادارية فى الجامعة ...ايه تانى غير الوظائف دى؟؟؟؟؟ و ما هو تدرج هذه الوظائف من الاحسن للاقل عشان لو عايزة اتظلم ....لاننا فعلا مش فاهمين يا دكتور
اتمنى من حضرتك الرد على سؤالى من فضلك يا دكتور و جزاك الله خير

م. شريف · #**4995** 01-01-2012, 09:47 AM

السلام عليكم
برجاء الإفادة : أنا مسافر بره هل والدى يقدر يستلم خطاب الترشيح بالبطاقة بتاعتى لحد ما أخلص أمورى وأرجع مصر ؟