ايه اخبار تعيين أوائل الكليات ياجماعة؟

[zoom_mak]

دكتور عبد الرحمن
واحد صاحبى جاله التوزيع على وزارة الداخلية وهو طبيب بيطرى ياترى هيكون ايه نظامه اصله قلقان جدا ومش عارف هل لو تم توزيعه على المديرية البيطرية احسن ولا ممكن تكون له وظيفة كويسة فى وزارة الداخلية ويا ترى مكان تعيينه هيكون بالقاهرة وضواحيها ولا ممكن يكون بعييييييييييييييييييييييييييييييييييييييد ارجو الرد ضرورى ضرورى ضرورى

[amralaraby]

دكتور عبد الرحمن انا كتبت لحضرتك الرقم بتاع الاستاذ عماد ......................................... عندى سؤال بما ان فيه درجات ماتمش تسكينها هل من الممكن انهم ياخدونا ولا لا .

[mazen m]

ممكن حد يقولى الخدمة العامة للاناث الورقة دى بنستخرجها منين وازاى

[doaa 1990]

السلام عليكم
النهارده استلام الجوابات كان منظم وهادي ومفيش مشاكل
كل مكتب عليه اسم كليه نروح ناخد الجواب ونمضي ونمشي علي طول الحمد لله
انا خريجة تربية نوعية وجالي وظيفة اخصائي تعليم ثالث
ياريت لو حد يعرف الوظيفة دي عبارة عن ايه يفيدني ؟؟؟

وبالنسبة للخدمة العامه لو هي في الخدمه العامه اصلا ولسه مش خلصتها يعني انا مثلا فاضلي شهرين واخلصها
في الحاله دي تروح تخطرهم وهما هيدوها شهاده مؤقتة لحد ما الاصلية تطلع
اما لو هي مش فيها خالص ولسه مش عملتها تروح تقريبا الاداره في المحافظة التابعه ليها وهيدوها افاده بالخدمه العامه
لحين انها تعمل الخدمه العامه وتنتهي منها يعني اصحابي اللي مش فيها راحوا جابوا ورقة مكتوب عليها افاده بالخدمه العامه
وكنت عايزه اعرف لو سمحتوا الشهاده المطلوبة لازم الشهاده الاصلية والا تنفع الشهاده المؤقتة
بالتوفيق للجميع وعقبال الازهر ان شاء الله

[مصر المستقبل]

المشاركة الأصلية كتبت بواسطة د.عبدالرحمن المنياوي

السلام عليكم ورحمة الله وبركاته ..

إخواني وأخواتي أوائل خريجي جامعات مصر الحمد لله تم بتوفيق الله استلام أوائل جامعات المنيا وبني سويف ودمنهور جوابات الترشيح الخاصة بهم .. أنا هاتكلم عن اللي لينا واللي علينا بكل صراحة ..

لقد تواجدت معهم اليوم وتابعت الحكاية من اول لحظة لآخر لحظة .اليوم انهارده كان في منتهى الوقاحة لا تنظيم ولااحترام لأي من الاوائل وكانت المعاملة كما لو أنهم مجموعة من الهمج والموظفين ليسوا على مستوى الأداء وليسوا بالكفاءة المطلوبة ..

انت ياعم النحاس كبرت في دماغك وقلت أجيب الناس تستلم عندي والله أعلم من غرضك في ذك ولو أن اي انسان عاقل مدرك لا يرى لذلك مبررا أبدا .. طيب ياسيدي خلي فيه نظام واحترام على الأقل واحفظ أداميتهم ومكانتهم .. انت لما تعمل معاهم كده دوقت هتستنى إيه منهم لما يتعينوا غير إنهم يفشوا غلهم في الناس .. الفسااااااااد مازال مستمراً..

طيب أنا بارفع بعض الصور للوضع خلال اليوم بالتنظيم والإدارة وشوفوا الدنيا بعنيكم كانت عاملة إزاي .. النظام كان كالآتي:

أولا: مخصص شباك واحد للبنات وشباك واحد للشباب بس المشكلة الحقيقية إن الشبابيك كلها كانت تطل على غرفة صغيرة بها أربع موظفين لم يكلفوا خاطرهم بتسليم الجوابات لطابور الأوائل .. خد بقى النكتة .. لما الناس سالت الطابور مش بيتحرك ليه اكتشفنا إن كال واحد أو واحدة ليها حد معرفة كان بيدخل من باب الأوضة وطظ في الناس الواقفة في الطابور من الفجر دول .. شوية والدنيا قامت واتقلبت واتلغت الطوابير وهاصت ..
ثانيا: لا أخفيكم سرا وكثير ممن كانوا هناك لاحظوا ذلك لقد امسكت في الموظف المسئول عن التسليم وكان أسمر البشرة وانفجرت فيه الأمر الذي جعله أمر أن يتم استلام ابطاقات الخاصة بكل كلية على حده .. ولكن أيضا للأسف ظل الحال على ماهو عليه حتى نهاية اليوم وتسلم الأوائل خطاباتهم لاعنين الفوضى والروتين وحاملين معهم رفع الضغط وكثير من اأمراض التي مازلنا نعيشها هنا في مصر ..

ثالثا: بمناسبة ما أذيع آخر يومين عن جامعة المنيا واعتبار البعض على أنه (إشاعات ومهاترات) وبالرغم من تأكيد البعض على هذه المعلومات رغم تعرضهم للهجوم .. للأسف لم تكن إشاعات ولا مهاترات المهاترات ماأخبركم به الموظفون وأعموا به أعينكم .. بالفعل كليات الآداب والعلوم ودار العلوم بالمنيا لم تستلم خطاباتهم وبسؤال المسئولين أخبرونا أن كشوفات كل الجامعة ستعلق الأحد بمديرية التنظيم والإدارة بالمنيا .. وجوابات ترشيح هذه الكليات امتأخرة سوف تصل للمنيا يوم الخميس القادم مع مندوب خاص .. هذااكلام تأكدنا منه من اكثر من مصدر من المسئولين هناك وأذاعوا ذلك علنا .. لذلك يجب أن يعتذر كل من ظن في أحد بالسوء لمجرد أنه أذاع ذلك أمس وأول أمس ..

رابعا: بالنسبة لنوعية الوظائف لازم اكل يعرف أنه بالفعل تم تمييز حملة الماجستير والدكتوراة يليهم أصحاب الخمس مراكز الاولى وهذا الأمر تابعته بدقة في كل الكليات .. هم حددوا الأماكن المتاحة ورتبوها حسب الأفضل فيكل تخصص ثم وزعوا عليه حملة اماجستير ثم أصحاب التقدير الممتاز من امراكز الأولى .. وهذه بعض الأمثلة : كلية التربية الرياضية أغلبهم تم توزيعهم على التربية والتعليم أما حملة اماجستير منهم فتم توزيعهم على الجامعة كأخصائيين رياضيين بالرغم من تأخر ترتيبهم ..

أوائل سياحة حملة الماجستير والامتيازات تم تعيينهم بهيئة التنشيط السياحي أما الباقون فتم توزيعهم بين مديرية التضامن (الشئون الاجتماعية) ومديرية التموين وديوان عام المحافظة والمجلس المحلي ومديريةالصحة .. كلهم على أخصائي سياحة أو أخصائي علاقات عامة .. تجارة أعلى أوائلهم على الضرائب والباقي محاسبين في الجامعة ومحاسبين في حتت نص ونص ..

أوائل ألسن كذلك بعضهم الجامعة والتربية والتعليم الصحة ..
خامسا : كل من رأيتهم ممن كتب محافظة التعيين القاهرة جاءت له وظائف مرموقة .. مثل سياحة وألسن --- مترجم بمركز السينما .. ووزارة السياحة وهكذا .. زراعة هيئة الرقابة على الصادرات ..

سلبيات اليوم : انعدام النظام وهذا لم أكن أتعشم رؤيته بعد شهور من التحضير من موظفين لادراية لهم بشئ .. وعدم تسليم بعض الكليات ..

إيجابيات اليوم: صدق النحاس وعده بتمييز حملة الماجستير والمراكز الخمسة الأولى..

هذا ماحدث اليوم وأنا لسه واصل حالا للبيت والحمد لله على كل شئ ..

السلام عليكم ورحمة الله وبركاته ..

اتوجه بالشكر للعضو المميز الدكتور عبد الرحمن واقول له جعله الله في ميزان حسناتك
اليوم تم توزيع جوابات التعين الخاصه بجامعه المنوفيه
لاكن لا ادري ماذا اقول هل هذة تنظيم وادارة ام تخريب وادارة دعني اشرح لحضرتك ماذا حدث
- انا خريج هندسه شبين الكوم جامعه المنوفيه الثاني علي الدفعه بعد استبعاد المعيدين (تم تعين 4 معيدين) او بمعني اخر السادس علي الكليه متضمن المعيدين الذين تم تعينهم من قبل مع العلم اني اعمل بالسعوديه الان ذهب اخي اليوم الي التنظيم ولادارة بالقاهرة علي امل ان يحصل علي جواب التعين اويعرف ماهي الوظيفه او اين هي عندما وصل اخي قالو له هل اسمه موجود في القائمه المعلقه (هما معلقين الاسماء الذين لهم جواب تعين) بحث اخي في القائمه لم يجد اسمي ثم سئل في الداخل قالو له لايوجد له جواب تعين هنا ,حتي لا اطيل عليكم قالو له اعمل تظلم. قام اخي بعمل تظلم وقالو له بعد 15 يوم تعالي شوف ايه الي حصل
- -قالو له اسمه ما اتبعتش من الجامعه مع العلم ان اسمي في موقع اكاديميه البحث العلمي ثاني اسم لدفعه 2007 وقمت ايضا بملء استمارة التعين واخذت الوصل انا لاادري ماذا اقول حسبي الله ونعم الوكيل
- السؤال لاستاذي الدكتور عبد الرحمن ما العمل الان واذا قبل التظلم فهل تظن انه سوف يتم تعيني في وظيفه تناسب المستويات الاولي كما قال ام هو كلام وخلاص واحشر تعينات وطبعا اكيد فيه ناس الان اخذو الوظائف الجيدة وعلي ما يقبل التظلم هيكون الوقت اتاخر عندها هيقولو حطوة في اي مكان وخلاص انا لا ادري سيدي ماذا اقول هل تنصحني باي شيء اعمله. واسف اني طولت عليكم في الحديث وارجو لو تكرمت بالرد علي

[mazen m]

وبالنسبة للخدمة العامه لو هي في الخدمه العامه اصلا ولسه مش خلصتها يعني انا مثلا فاضلي شهرين واخلصها
في الحاله دي تروح تخطرهم وهما هيدوها شهاده مؤقتة لحد ما الاصلية تطلع
اما لو هي مش فيها خالص ولسه مش عملتها تروح تقريبا الاداره في المحافظة التابعه ليها وهيدوها افاده بالخدمه العامه
لحين انها تعمل الخدمه العامه وتنتهي منها يعني اصحابي اللي مش فيها راحوا جابوا ورقة مكتوب عليها افاده بالخدمه العامه

انا مش فاهم حاجة خالص لو ممكن توضحى اكتر بعد اذن حضرتك

[اوائل تربية]

لو سمحت يا د\ عبد الرحمن انا الاول على الدفعة و السادس على الكلية شعبة لغة انجليزية فما هو تعيينى انا نفسى اكون مدرسة ارجو الرد من حضرتك لان قلقان جدااااااا

[مهندس رضا]

طيب يا شباب لاستلام العمل للبنات مطلوب فيش و اقرار زمة مالية ولا لاء

[doaa 1990]

الخدمة العامه سنة بتبقي زي الجيش كده
بنروح الشؤن الاجتماعية ونقولهم عايزين نعمل الخدمة العامة والشئون توزعنا علي " الشباب والرياضة او الشئون ,..."
ونقعد سنة فيها نقبض كمان 4 جنية ولما السنة تخلص ناخد شهاده تأدية الخدمة العامة

الشهاده المطلوبة في الاوراق هي الشهاده اللي هتتاخد بعد سنة دي
لو هي لسه متخرجة ولسه السنة مش خلصت تروح الشئون وتاخد منهم شهاده مؤقتة
لو مش قدمت عليها خالص تروح الشئون تاخد افاده منهم تقدمها في الاوراق وبعد كده ملزمة انها تعمل السنة الخدمة

[mazen m]

شكرا لحضرتك وربنا يجزيكى كل خير يعنى اخر كلام اننا نروح للشئون الاجتماعية معلش اعذرينا

[اوائل تربية]

ارجو الرد من حضرتك يا د\عبد الرحمن لان الاخبار اللى بنسمعها عن التعيين مقلقة جدااااااااااااا و الوظائف مش مفهومة و هل التعيين فى مكان قريب و لا بعيد

[اوائل تربية]

لو سمحت ممكن اعرف الاول على الدفعة و السادس على الكلية يكون تعيينه ايه؟؟؟؟؟؟؟؟ فى مدرسة و لا الجامعة ارجو الرد لو سمحتم

[mazen m]

انا سمعت من ناس هنا ان اول خمسة ليهم امتيازات فى التعين اما الباقى فبيروح حسب تخصصة يعنى لو تربية ممكن مدرس والله اعلم

[اوائل تربية]

لو سمحتى الاول على الدفعة و السادس على الكلية تربية انجليزى ما هو تعيينه ؟؟ ارجو الرد لو سمحت

[mazen m]

حضرتك السدس على الكلية ممكن والله اعلم تتعين فى الجامعة او مدرس فى ادى المدارس دى على حد ما سمعت من ناس كتيرة