ايه اخبار تعيين أوائل الكليات ياجماعة؟

[رحاب كريم]

معلش يا دكتور انا عارفة انى هاتقل عليك من عشمى
اكيد الانتداب بعد 6 شهور ؟ماينفعش اقضيهم فى مكان الانتداب؟
ولا اغير مكان العمل اثناء فترة التظلمات؟
رجاءا تجاوبنى يا دكتور

[meslmat]

وبخصوص خريجو 2011
ما موقفهم ؟
والقاعدة العامة" مستقبل" لطالب ترتيبه ال 15 على حقوق عربى ( الاول على دور اكتوبر ) والكشف به مكرر كثير وترتبة ال28 بعد استبعاد التكرار
ولو ان الكلية قبلت عذر عن دخول الامتحان فرفض الطلب وبالتالى حصلت فى المادة التى تخلفت عن حضورها على مقبول 12.5 بدل جيد 15 مما انزلنى من الترتيب رقم 12 الى ال15
فهل تنصحونى بان اقاوم واتظلم وارفع فضية لانهم رفضو قبول عذرى
وما هى الاجراءات وكيف لى متابعتها
ارجو الرد
وخصوصاً من حبيب الملايين والاوائل المتفوقين
د. عبد الرحمن المنياوى

[رحاب كريم]

بليييييييييييييييييييييييييييييييييييييييييييييييي ييييييز اوعى تقفل من غير ما ترد تأكيدا على سؤالى

[المستر المعتز بالله]

لو سمحتم
انا خريج كليه تربية قسم تاريخ لعام2008 وكنت الاول على الدفعه بنسبه82.89%
ودلوقتى قالوا هناخد العشرين الاوائل من 2003 الى 2010 وانا طلعت ال21 على الكليه علما بان اخر ثلاثه فى القائمه جايبين 82.90% أى بفرق واحد من مائه فى المائه(0.01%)
قولولى اعمل ايه

[ولاء عفيفى]

د.عبد الرحمن من فضلك عايزة اعرف موقف طلاب المنح ايه فى موضوع الاعلان العام و خصوصا بعد صدور درجات ماليه خاصه باسم طلاب المنح فقط من وزاره الماليه

[عبدالرحمن ر]

سؤال لو سمحت يادكتور , احنا علي علم ان لازم كل خريج يستلم جوابه بنفسه , لكن في بعض الجروبات مكتوب فيها اهالي استلمت لابنائهم بشرط درجة القرابة والاوراق كلها تكون معهم !!!! هل هذا صحيح ؟؟؟ جزاكم الله كل خير

[فاطمة الزهراء 86]

السلام عليكم
مبروك لكل الخرجيين ولكن لي سؤال للدكتور عبد الرحمن :

هو إني رقمي في الكشف 17 بعد إستبعاد معيدين ورقمي 20 قبل استبعاد المعيدين والحمد لله مفيش تكرار في الكشف وأنا خريجة تربية ونفسي أشتغل في التدريس لأني أحبه ولكن سمعت مؤخرا إن في ناس كتير جالهم أخصائيين في الجامعة وبصراحة أنا مش حابه أكون إداريه لأنه مش في مجال تخصصي .

سؤال معلش هما بيعينوا إزاي يعني هل التمييز للخمسة الأوائل في تربية أنهم يكونوا في الجامعة والأواخر هم في مدرسة ارجو الرد .....

[shosho_love]

'نا للاسف لسه عارفه ان اسمى كان من ضمن العشرين الاوائل ومش مليت استماره رغبات لانى مكنتش اعرف وانا من محافظه الشرقيه وجوابات الترشيح 9\1 اعمل ايه؟

[د.عبدالرحمن المنياوي]

المشاركة الأصلية كتبت بواسطة رحاب كريم

معلش يا دكتور انا عارفة انى هاتقل عليك من عشمى
اكيد الانتداب بعد 6 شهور ؟ماينفعش اقضيهم فى مكان الانتداب؟
ولا اغير مكان العمل اثناء فترة التظلمات؟
رجاءا تجاوبنى يا دكتور

حاولي في التظلمات إن مانفعش يبقى هتقعدي الـ6شهورمكانك

المشاركة الأصلية كتبت بواسطة shosho_love

'نا للاسف لسه عارفه ان اسمى كان من ضمن العشرين الاوائل ومش مليت استماره رغبات لانى مكنتش اعرف وانا من محافظه الشرقيه وجوابات الترشيح 9\1 اعمل ايه؟

سافري بكرة على طول على القاهرة واملي استمارة علشان تلحقي تتوزعي مع جامعتك

المشاركة الأصلية كتبت بواسطة فاطمة الزهراء 86

السلام عليكم
مبروك لكل الخرجيين ولكن لي سؤال للدكتور عبد الرحمن :

هو إني رقمي في الكشف 17 بعد إستبعاد معيدين ورقمي 20 قبل استبعاد المعيدين والحمد لله مفيش تكرار في الكشف وأنا خريجة تربية ونفسي أشتغل في التدريس لأني أحبه ولكن سمعت مؤخرا إن في ناس كتير جالهم أخصائيين في الجامعة وبصراحة أنا مش حابه أكون إداريه لأنه مش في مجال تخصصي .

سؤال معلش هما بيعينوا إزاي يعني هل التمييز للخمسة الأوائل في تربية أنهم يكونوا في الجامعة والأواخر هم في مدرسة ارجو الرد .....

الاعلى في الجامعة والأقل مدرسين وانا جاوبت يافاطمة قبل كده بس معلش علشان انت زبونة قديمة هنا

المشاركة الأصلية كتبت بواسطة عبدالرحمن ر

سؤال لو سمحت يادكتور , احنا علي علم ان لازم كل خريج يستلم جوابه بنفسه , لكن في بعض الجروبات مكتوب فيها اهالي استلمت لابنائهم بشرط درجة القرابة والاوراق كلها تكون معهم !!!! هل هذا صحيح ؟؟؟ جزاكم الله كل خير

ك خريج استلم بنفسه وتأكيد عى ذلك .. ماحدث غير ذلك لم أره ولا اعلم عنه شئ

المشاركة الأصلية كتبت بواسطة المستر المعتز بالله

لو سمحتم
انا خريج كليه تربية قسم تاريخ لعام2008 وكنت الاول على الدفعه بنسبه82.89%
ودلوقتى قالوا هناخد العشرين الاوائل من 2003 الى 2010 وانا طلعت ال21 على الكليه علما بان اخر ثلاثه فى القائمه جايبين 82.90% أى بفرق واحد من مائه فى المائه(0.01%)
قولولى اعمل ايه

مادام انت مش في الكشف ولا من العشرين خلاص مفيش نصيب

[يوسف ا]

السلام عليكم يا دكتور السؤال للمرة الثالثة كلية الخدمة الاجتماعية الوظائف المتاحة لها وخصوصا الخمسة الاوائل معلش يا دكتور يا ريت تجاوبنى وبارك الله فيك وكثر من أمثالك

[د.عبدالرحمن المنياوي]

الشئون الاجتماعية

[أسماء الجمل]

د. عبد الرحمن من فضلك انا روحت استلمت الجواب بتاع الترشيح والحمد لله مدرس مادة بجامعة القاهرة وانا منتظرة الفرصة دي من 2004 المشكلة اني حامل وحملي في مشاكل وبسبب ذهابي لاستلام الجواب لغ وامر اصبح اسؤ وبناء على ذلك الدكتور طلب الراحة التامة في الفراش لحين الولادة وده شهر 6 ما الحل هل يمكن لامي وهي تملك توكيل رسمي عام انا تذهب بمسوغات التعين -ولا هيعقدوها زي جوابالترشيح لحد ما مموت- لحين صدور جواب التعيين او انهم يأجلولي استلام العمل لحين الولادة ولا كدا خلاص بعد الاوائل والماجستير وتسجيل الدكتوراه حلمي في التريس بالجامعة حتي لو مش كادر خاص يروح عليا ارجو الافادة بالله عليك انا ما فيش حد واقع في المصيبة اللى انا فيها دي خالص ايه العمل؟؟؟؟؟؟؟

[بيرو و الضحى]

السلام عليكم انا مشكلتى ان الكلية بعتت كشف به اسماء الاوائل ووضعت المكررين حسب الترتيب الابجدى و ليس حسب السن مع العلم انى انا اكبر المكررين سنا ووضعوا اسمى حسب الترتيب الابجدى العشرين مكرر رقم 21 و دلوقتى مش عارفة اعمل ايه و محدش بيرد على تليفون التنظيم والادارة ومش عارفة اسافر بسبب الجو و المطر وبلدى بعيدة ومش عارفة اعمل تظلم امتى فيدونى بالله عليكم

[eamey]

دعبد الرحمن لوسمحت اللى مكتوب له فى الجواب ديوان عام المحافظة ومجلس محلى باحث سياحة هيشتغل فى المحافظة ولا المجلس والافضل المحافظة ولا المجلس

[أسماء الجمل]

د. عبد الرحمن من فضلك انا روحت استلمت الجواب بتاع الترشيح والحمد لله مدرس مادة بجامعة القاهرة وانا منتظرة الفرصة دي من 2004 المشكلة اني حامل وحملي في مشاكل وبسبب ذهابي لاستلام الجواب الامر اصبح اسؤ وبناء على ذلك الدكتور طلب الراحة التامة في الفراش لحين الولادة وده شهر 6 ما الحل هل يمكن لامي وهي تملك توكيل رسمي عام انا تذهب بمسوغات التعين -ولا هيعقدوها زي جوابالترشيح لحد ما مموت- لحين صدور جواب التعيين او انهم يأجلولي استلام العمل لحين الولادة ولا كدا خلاص بعد الاوائل والماجستير وتسجيل الدكتوراه حلمي في التريس بالجامعة حتي لو مش كادر خاص يروح عليا ارجو الافادة بالله عليك انا ما فيش حد واقع في المصيبة اللى انا فيها دي خالص ايه العمل؟؟؟؟؟؟؟