ايه اخبار تعيين أوائل الكليات ياجماعة؟

[عبدالرحمن ر]

المشاركة الأصلية كتبت بواسطة معلم مساعد 2011

بسم الله الرحمن الرحيم
متابعة لاول يوم لاستلام خطابات ترشيح جامعات ( بنى سويف - المنيا - دمنهور )
1- فيما يخص الحضور كااااااااااااان كبييييييييييييييير جدا ومش حد كان عنده ظرووف ...... اكيد عاوزين تعرفوا انا عاوز اقول ايه ؟؟!!!! الحمد لله .
2- كان هناك زحااام شديد جدا وسوء تنظيم بشكل كبيييير للغاية .
3- موجود كشوفات باسماء الاوائل ال ليهم جوابات ( وهو فقط ال فى الكشوفات ال اتبعتت من الجامعهة من رقم 1-20.... وال قدموا فى مديريات التنظيم والادارة ) .... بحيث بتشوف اسمك وبعد كده بينادوا الاسماء ............ بتستلم جوابك وتمضى وتغادر . والاستلام عن طريق البطاقة .
4- حدثت مشكلة لكليات لخريجى تربية ودار العلوم جامعة المنيا لانهم مش لاقوا جواباتهم .............. وهيتم تلسليمهم من مديرية التنظيم والادارة بالمنيا يوم الخميس .
5- استلام العمل بتاريخ موحد للجميع كما اعلنا من قبل وهو 22-1... بحيث لا ياخذ احد اقدمية عن احد فى الاستلام .
6- الماجستير والدكتوراة ثم من 1-5 هم تقريبا فى افضل الاماكن المتاحة .
7 - امثلة للوظائف (
1- خريجى حقوق وتجارة ( معظمهم بالضرائب - وزارة المالية - الجامعه ) واعتقد ان وظائفهم كويسة الحمد لله . ( كل حقوق بنى سويف فى الضرائب العامة .
2- خريجى تربية ( معظمهم مدرسيين ... فيما عدا القليل - فى الجامعه - ديوان عام المحافظة )
3-خريجى اداب ( ديوان عام محافظة - اخصائى تدريس بالجامعات - هيئات مختلفة بالنسبة للغات - تامينات )
4-حاسبات ومعلومات ( اخصائى تدريس بالجامعة - ديوان عام محافظة )
5- سياحة ( ديوان عام الوزارة - الجامعات - ديوان عام محافظة - علاقات عامة فى جهات مختلفة )
6- هندسة ( مهندسين فى وزارة النقل والكبارى - الجامعات )
6- الطب البيطرى ( مديرية الطب البيطرى .. والصحة والحيوان )
7- تربية نوعية ( مدرسين + جامعات )
8- فنون جميلة ( وزارة الثقافة - المسرح القومى )
9-زراعه ( مديريات الزراعه - التموين - جامعات )
10-علوام ( اخصائين فى معامل - مستشفيات - جامعات ) .


منقول

شكرااااااا علي الايضاح والمعلومات بس لو سمحت ما معني في الجامعة معيد يعني ولا ايه ؟

[عبدالرحمن ر]

دكتورنا العزيز اولا الف مبروك علي التعيين , ثانيا بعض الوظائف مكتوب الجامعة معناها معيديين بالجامعة ولا معناها ايه ؟ وجزااااك الله كل خير

[المستر المعتز بالله]

لو سمحتم
انا خريج كليه تربية قسم تاريخ لعام2008 وكنت الاول على الدفعه بنسبه82.89%
ودلوقتى قالوا هناخد العشرين الاوائل من 2003 الى 2010 وانا طلعت ال21 على الكليه علما بان اخر ثلاثه فى القائمه جايبين 82.90% أى بفرق واحد من مائه فى المائه(0.01%)
قولولى اعمل ايه

[emy142005]

عايزة اسال عن وظيفة اخصائى ثالث فى مديرية التربية والتعليم وهل هى احسن من وظيفتى الحالية اخصائى تطوير فى مدرسة وايه هى المميزات واسيبك وظيفتى واستلم الوظيفة الجديدة ولا ايه خصوصا انها فى المحافظة وانا فى مدينة تابعة ليها

[راجية مغفرة الله]

د عبد الرحمن هل فعلا طلاب المنح سوف يعينوا عن طريق اعلان عام وليس بالتسكين

[كيميائى وائل]

السلام عليكم ورحمة الله وبركاته

للافادة

انا لسه راجع من التنظيم والادارة حالا

انا خريج علوم 2003

وجالى اخصائى معمل

الله اعلم يعنى ايه المهم ربنا يوفق الجميع ان شاء الله

[عبدالرحمن ر]

لا اله إلا الله محمد رسول الله

[تقى83]

الى الدكتور عبدالرحمن عارفة ومتأكدة انك اكيد تعبان على الآخر ربنا معاك ويجزيك عنا كل خير .بس لو حضرتك عندك اى معلومات عن موضوع اصحاب المنح ياريت تطمنا . وفى حاجة عن موضوع الاقدمية ولا طالب 2003 زية زى 2010هيتعينو ع نفس الدرجة ولا السنين الى فاتت ممكن تتحسبلهم بأى شكل بعد بعد مايستلموا الوظيفة لآن حساب عددالسنيين بيفرق فيما بعد.وشكرا

[عبدالله أبو عبدالرحمن]

السلام عليكم

مفيش حد سمع ولا شاف أي حاجة عن أوائل الأزهر

هما ليه دايما بيعاملوا خريج الازهر كأنه مواطن (خريج) درجة تانية ... في كل حاجة متأخرين في كل حاجة .. حتي الناس واخدة فكرة عن الأزهرية أنهم (حفيظه) (مش بتوع فهم ) مع أن كل مكان فيه الكويس و الوحش

بجد حاجة تغيظ !!!!!!!!!!

الي ك/وائل

بالتوفيق ياريس ومتستعجلش في قرارك

ربنا يبارك فيك

[تقى83]

الف مبروووووووووووووك للناس الى بتستلم النهاردة اخباركم اية ياجماعة الدنيا زحمة وهرجلة وفوضى ولا اتنظمت شوية عن انبارح ربنا معاكم ويوفقكم.

[د.عبدالرحمن المنياوي]

المشاركة الأصلية كتبت بواسطة تقى83

الى الدكتور عبدالرحمن عارفة ومتأكدة انك اكيد تعبان على الآخر ربنا معاك ويجزيك عنا كل خير .بس لو حضرتك عندك اى معلومات عن موضوع اصحاب المنح ياريت تطمنا . وفى حاجة عن موضوع الاقدمية ولا طالب 2003 زية زى 2010هيتعينو ع نفس الدرجة ولا السنين الى فاتت ممكن تتحسبلهم بأى شكل بعد بعد مايستلموا الوظيفة لآن حساب عددالسنيين بيفرق فيما بعد.وشكرا

موضوع المنح هيكون فيه إعلان اعم أول يناير كل المنح تقدم فيه للتسكين والإعلان ده علشان التعيين يكون قانوني

وموضوع الأقدمية ناس كلموني عليه ولكني اظن أنه لن يجدي .. لأن القانون واضح (الخبرة نظير العمل)

المشاركة الأصلية كتبت بواسطة عبدالرحمن ر

دكتورنا العزيز اولا الف مبروك علي التعيين , ثانيا بعض الوظائف مكتوب الجامعة معناها معيديين بالجامعة ولا معناها ايه ؟ وجزااااك الله كل خير

لأ طبعا الجامعة يعني إداري في الجامعة محدش خالص كادر خاص

المشاركة الأصلية كتبت بواسطة د.بتول

لو سمحت يا دكتور عبد الرحمن:
تسليم الجوابات بيبدأ من الساعة كام؟
وياترى فيه دور يعني اللي بيروح بدري بيقف في طابور ويستلم بدري
وبالنسبة ان الاستلام يوم 22/1 معنى كدا لازم نخلص أوراقنا من دلوقتي لاني لسه هستلم الجواب كمان اسبوعين؟
ولو جه في مدينة تانية خالص ممكن أعمل تظلم ويتقبل؟
بليييييييييييز رد عليا

التسليم من 8 صباحا إلى 1 ظهرا
كانت الأمور صعبة أول يوم لأننا كنا 3 جامعات
آه خلصي ورقكوجهزيه لأن كل خطاب بيبقى مكتوب فيه الاستلام خلال 15 يوم
نعم ممكن تتظلمي
أديني رديت

المشاركة الأصلية كتبت بواسطة قطرالندى25

بعد اذنك يا دكتور عبد الرحمن انا من المنيا ومقدرتش اسافر استلم الجواب ؟ اعمل ايه كده التعيين راح عليا !!!!!!!!!!!!!!

لا مراحتش حاجة استني للخميس واسالي في المنيا لو ملقتيش الجواب وصل سافري في أيم خلال الأسبوع القادم على أقصى تقدير لأنك لازم تتوجهي لجهة العمل خلال 15 يوم

المشاركة الأصلية كتبت بواسطة الفيروزة

السلام عليكم يا دكتور /عبد الرحمن ،حمد الله على سلامتك

الثا: بمناسبة ما أذيع آخر يومين عن جامعة المنيا واعتبار البعض على أنه (إشاعات ومهاترات) وبالرغم من تأكيد البعض على هذه المعلومات رغم تعرضهم للهجوم .. للأسف لم تكن إشاعات ولا مهاترات المهاترات ماأخبركم به الموظفون وأعموا به أعينكم .. بالفعل كليات الآداب والعلوم ودار العلوم بالمنيا لم تستلم خطاباتهم وبسؤال المسئولين أخبرونا أن كشوفات كل الجامعة ستعلق الأحد بمديرية التنظيم والإدارة بالمنيا .. وجوابات ترشيح هذه الكليات امتأخرة سوف تصل للمنيا يوم الخميس القادم مع مندوب خاص .. هذااكلام تأكدنا منه من اكثر من مصدر من المسئولين هناك وأذاعوا ذلك علنا .. لذلك يجب أن يعتذر كل من ظن في أحد بالسوء لمجرد أنه أذاع ذلك أمس وأول أمس ..

معنى الكلام في ثالثا استلام جواب الترشيح من التنظيم والادارة بالمنيا لخريجي جامعة المنيا ........الرجاء الرد؟

قالولنا يوم الخميس هتصل جوابات الكليات المتأخرة للمنيا

المشاركة الأصلية كتبت بواسطة محمود المصري 2010

السلام عليكم ورحمة الله وبركاته أعضاء المنتدي الكرام
دكتور عبد الرحمن أطلب منك الإجابة علي هذا التساؤل ‘نا رقمي في الكشف الثالث بعد استبعاد المعيينن في الجهات القضائية وحاصل علي ماجستير وعلمت أن الأول في ا لكشف علم من أحد أقاربه في التنظيم والإدارة بأنه تم ترشيحه للعمل في الضرائب مع العلم أنه غير حاصل علي ماجستير فهل دوة دليل إني في الضرائب علي حد قولك إن الحاصلين علي الماجستير والخمس الأوائل تم تمييزهم وهل لو حصل ولقيته وظيفته أحسن يحق لي التظلم ..
وأخيرًا بعد استلام الجواب ما العمل ومتي يتم تسليمه للجهة المرشح إليها بالظبظ . وشكرًاااااااا لسعة صدرك وبردوا مقلتليش حقوق جالهم إيه ...
والسلام عليكم ورحمة الله وبركاته

إن شاء الله في الضرائب تعيينك لأن أغلب حقوق راحوا الضرائب

[احمد الماكن]

مستر عيد انا كتبت لحضرتك تقريبا ماخدتش بالك مش مشكلة
انا ان شاء الله هكون تابع 8 يناير قناة السويس وكنت من اوائل دفعتى فى السياحة والفنادق ولل
أسف انا شغال حاليا فى فندق كبير جدااا بجد محتار ومش عارف لحد الان ايه الل مكن يجى .
بعيد عن رائ
راى حضرتك ايه استلم الحكومة اضمن ؟
انا محافظتى المنصورة ؟
سؤالى لان دوخت حضرتك : الخاص ولا الحكومة لان الحكومة هتكون عليها العين الفترة الل جاية

[تقى83]

معلشى يادكتور عبدالرحمن اسألتنا كتيييييييييير بس اية الاوراق المطلوب تجهيزها للتعيين ةاستلام الوظائف

[تقى83]

[quote=د.بتول;4181349]لو سمحت يا دكتور عبد الرحمن:
تسليم الجوابات بيبدأ من الساعة كام؟
وياترى فيه دور يعني اللي بيروح بدري بيقف في طابور ويستلم بدري
وبالنسبة ان الاستلام يوم 22/1 معنى كدا لازم نخلص أوراقنا من دلوقتي لاني لسه هستلم الجواب كمان اسبوعين؟

معلشى يادكتور عبدالرحمن اسألتنا كتيييييييييييييييير بس اية الاوراق المطلوب تجهيزها

[eamey]

لوسمحت د عبد الرحمن هو اللى مكتوب له ديوان عام المحافظة والمجلس المحلى هيتعين فى المحافظة ولا المجلس وممكن يتوزع على المراكز اللى تابعة المحافظة ولا هيتعين فى المحافظة نفسها مستنية رد حضرتك وشكرا