ايه اخبار تعيين أوائل الكليات ياجماعة؟

[د.عبدالرحمن المنياوي]

السلام عليكم ورحمة الله وبركاته ..

إخواني وأخواتي أوائل خريجي جامعات مصر الحمد لله تم بتوفيق الله استلام أوائل جامعات المنيا وبني سويف ودمنهور جوابات الترشيح الخاصة بهم .. أنا هاتكلم عن اللي لينا واللي علينا بكل صراحة ..

لقد تواجدت معهم اليوم وتابعت الحكاية من اول لحظة لآخر لحظة .اليوم انهارده كان في منتهى الوقاحة لا تنظيم ولااحترام لأي من الاوائل وكانت المعاملة كما لو أنهم مجموعة من الهمج والموظفين ليسوا على مستوى الأداء وليسوا بالكفاءة المطلوبة ..

انت ياعم النحاس كبرت في دماغك وقلت أجيب الناس تستلم عندي والله أعلم من غرضك في ذك ولو أن اي انسان عاقل مدرك لا يرى لذلك مبررا أبدا .. طيب ياسيدي خلي فيه نظام واحترام على الأقل واحفظ أداميتهم ومكانتهم .. انت لما تعمل معاهم كده دوقت هتستنى إيه منهم لما يتعينوا غير إنهم يفشوا غلهم في الناس .. الفسااااااااد مازال مستمراً..

طيب أنا بارفع بعض الصور للوضع خلال اليوم بالتنظيم والإدارة وشوفوا الدنيا بعنيكم كانت عاملة إزاي .. النظام كان كالآتي:

أولا: مخصص شباك واحد للبنات وشباك واحد للشباب بس المشكلة الحقيقية إن الشبابيك كلها كانت تطل على غرفة صغيرة بها أربع موظفين لم يكلفوا خاطرهم بتسليم الجوابات لطابور الأوائل .. خد بقى النكتة .. لما الناس سالت الطابور مش بيتحرك ليه اكتشفنا إن كال واحد أو واحدة ليها حد معرفة كان بيدخل من باب الأوضة وطظ في الناس الواقفة في الطابور من الفجر دول .. شوية والدنيا قامت واتقلبت واتلغت الطوابير وهاصت ..
ثانيا: لا أخفيكم سرا وكثير ممن كانوا هناك لاحظوا ذلك لقد امسكت في الموظف المسئول عن التسليم وكان أسمر البشرة وانفجرت فيه الأمر الذي جعله أمر أن يتم استلام ابطاقات الخاصة بكل كلية على حده .. ولكن أيضا للأسف ظل الحال على ماهو عليه حتى نهاية اليوم وتسلم الأوائل خطاباتهم لاعنين الفوضى والروتين وحاملين معهم رفع الضغط وكثير من اأمراض التي مازلنا نعيشها هنا في مصر ..

ثالثا: بمناسبة ما أذيع آخر يومين عن جامعة المنيا واعتبار البعض على أنه (إشاعات ومهاترات) وبالرغم من تأكيد البعض على هذه المعلومات رغم تعرضهم للهجوم .. للأسف لم تكن إشاعات ولا مهاترات المهاترات ماأخبركم به الموظفون وأعموا به أعينكم .. بالفعل كليات الآداب والعلوم ودار العلوم بالمنيا لم تستلم خطاباتهم وبسؤال المسئولين أخبرونا أن كشوفات كل الجامعة ستعلق الأحد بمديرية التنظيم والإدارة بالمنيا .. وجوابات ترشيح هذه الكليات امتأخرة سوف تصل للمنيا يوم الخميس القادم مع مندوب خاص .. هذااكلام تأكدنا منه من اكثر من مصدر من المسئولين هناك وأذاعوا ذلك علنا .. لذلك يجب أن يعتذر كل من ظن في أحد بالسوء لمجرد أنه أذاع ذلك أمس وأول أمس ..

رابعا: بالنسبة لنوعية الوظائف لازم اكل يعرف أنه بالفعل تم تمييز حملة الماجستير والدكتوراة يليهم أصحاب الخمس مراكز الاولى وهذا الأمر تابعته بدقة في كل الكليات .. هم حددوا الأماكن المتاحة ورتبوها حسب الأفضل فيكل تخصص ثم وزعوا عليه حملة اماجستير ثم أصحاب التقدير الممتاز من امراكز الأولى .. وهذه بعض الأمثلة : كلية التربية الرياضية أغلبهم تم توزيعهم على التربية والتعليم أما حملة اماجستير منهم فتم توزيعهم على الجامعة كأخصائيين رياضيين بالرغم من تأخر ترتيبهم ..

أوائل سياحة حملة الماجستير والامتيازات تم تعيينهم بهيئة التنشيط السياحي أما الباقون فتم توزيعهم بين مديرية التضامن (الشئون الاجتماعية) ومديرية التموين وديوان عام المحافظة والمجلس المحلي ومديريةالصحة .. كلهم على أخصائي سياحة أو أخصائي علاقات عامة .. تجارة أعلى أوائلهم على الضرائب والباقي محاسبين في الجامعة ومحاسبين في حتت نص ونص ..

أوائل ألسن كذلك بعضهم الجامعة والتربية والتعليم الصحة ..
خامسا : كل من رأيتهم ممن كتب محافظة التعيين القاهرة جاءت له وظائف مرموقة .. مثل سياحة وألسن --- مترجم بمركز السينما .. ووزارة السياحة وهكذا .. زراعة هيئة الرقابة على الصادرات ..

سلبيات اليوم : انعدام النظام وهذا لم أكن أتعشم رؤيته بعد شهور من التحضير من موظفين لادراية لهم بشئ .. وعدم تسليم بعض الكليات ..

إيجابيات اليوم: صدق النحاس وعده بتمييز حملة الماجستير والمراكز الخمسة الأولى..

هذا ماحدث اليوم وأنا لسه واصل حالا للبيت والحمد لله على كل شئ ..

[احمد الماكن]

شكرا لرد حضرتك بجد وحمدلله عل السلامة
الوظائف شكلها مش كويسة اوى بس الحمد لله انا محتار وغيرى اكيد الل شغال حاسس بالننقطة دى ؟
سؤال بسيط ايه الل جاب السياحة ( للصحة & والشئون الاجتماعية)))))))))))))))))))))))))))

بجد اازى ؟؟؟؟

افهم من كده ان اغير المنصورة واكتب القاهرة عشان يكون افضل ؟ هههه اسف طبعا

[asiaa]

السلام عليكم ورحمة الله وبركاته

بالنسبة لحاسبات ومعلومات جتلهم وظائف

1-فى الجامعة :اخصائى تحليل ونظم او تشغيل حاسبات
2- فى مديرية التربية والتعليم : اخصائى تدريس ثالث
2- فى وزارة الماليةوالتأمينات

وربنا يوفق الجميع يارب

[doaa 1990]

لو سمحت يا دكتور عبد الرحمن انا خريجة 2010
ياتري تربية نوعية قسم تكنولوجيا التعليم متوزعين فين ؟؟؟؟؟؟؟؟؟؟؟؟؟؟؟؟

[قطرالندى25]

بعد اذنك يا دكتور عبد الرحمن انا من المنيا ومقدرتش اسافر استلم الجواب ؟ اعمل ايه كده التعيين راح عليا !!!!!!!!!!!!!!

[نور القمر2006]

عايزه اعرف حاجه ايلى معاه ماجستير هيشتغل اخصائى زية زى ايلى فى الخمسه الاوائل ايلى لاحضر ولا تعب المفروض الماجستير يتميز اكتر من كده واحدة صاحتى طالعة الاولى ومعها ماجستير وجالها اخصائى وكمان الخامسه مش معها ماجستير
نفس الوظيفة

[يوسف ا]

السلام عليكم يا دكتور /عبد الرحمن ،حمد الله على سلامتك ولعلك بخير وفى أحسن حال ، أنا يوسف من أسيوط عاوز أعرف كلية الخدمة الاجتماعية الوظائف المتاحة لها وخصوصا المراكز الخمس الاولى وبالله عليك يا دكتور ضرورى جدا وبارك الله فيك وكتر من أمثالك.

[معلم مساعد 2011]

طب اوائل تربيه رياض اطفال ياتري ايه ياريت اللي عارف يقولي
وشكرا

[الفيروزة]

السلام عليكم يا دكتور /عبد الرحمن ،حمد الله على سلامتك

الثا: بمناسبة ما أذيع آخر يومين عن جامعة المنيا واعتبار البعض على أنه (إشاعات ومهاترات) وبالرغم من تأكيد البعض على هذه المعلومات رغم تعرضهم للهجوم .. للأسف لم تكن إشاعات ولا مهاترات المهاترات ماأخبركم به الموظفون وأعموا به أعينكم .. بالفعل كليات الآداب والعلوم ودار العلوم بالمنيا لم تستلم خطاباتهم وبسؤال المسئولين أخبرونا أن كشوفات كل الجامعة ستعلق الأحد بمديرية التنظيم والإدارة بالمنيا .. وجوابات ترشيح هذه الكليات امتأخرة سوف تصل للمنيا يوم الخميس القادم مع مندوب خاص .. هذااكلام تأكدنا منه من اكثر من مصدر من المسئولين هناك وأذاعوا ذلك علنا .. لذلك يجب أن يعتذر كل من ظن في أحد بالسوء لمجرد أنه أذاع ذلك أمس وأول أمس ..

معنى الكلام في ثالثا استلام جواب الترشيح من التنظيم والادارة بالمنيا لخريجي جامعة المنيا ........الرجاء الرد؟

[دمعة تائبه]

انا الثانيه على دفعة تربيه نوعيه حاسب الى المنصوره
ياترى ايه الوظيفه ؟؟

[amralaraby]

بسم الله الرحمن الحيم

ساتكلم عما حدث معى اليوم عندما ذهبت لاستلم جواب الترشيح وصلت الجهاز الساعة 10 صباحا خرجت من الجهاز الساعة 4 صباحا المفاجاه ان اخر عشر دقايق هاقولكم كنت قاعد مع مين

1- انا طبعا خريج كلية الحقوق بنى سويف دفعة 2007 والحمد لله حصلت على الماجستير 2011 طبعا انا ترتيبى الثامن عشر على الدفعة لكن رقمى فى الكشق 30 فباتالى اسمى ماكانش موجود هناك والحمد لله على كل حال مع العلم انهم استبعدوا المعينين من الكشوفات يعنى احنا عددنا فى الحقوق 180 لكل الدفعات الكشف الاجمالى اللى فى التنظيم 66 واحد فقط وفيه شخص واحد من دفعتى من العشرين هوه اللى استلم الجواب

2- طبعا ماسكتش بدأت اسال على موضوع المكررين سالت موظفين الكشوفات قالوا احنا ما نعرفش قالولى اسال مدام جيهان قابلتها انسانه محترمه جدا قالتلى انتم امركم غريب بس احنا فيه احتمال اننا ناخد المكررين بس بعد ماندرس الموضوع مع الدكتور

3- دخلت على استاذ جينتل كده اسمه احمد قالى انتم ليكم حق بنسبة ميه فى الميه قالى كل اللى اقدر اقوله اعمل تظلم وشكاولى لحد ماتاخد حقك خصوصا عشان فيه درجات ما تمش تسكينها

4- دخلت على الاستاذ رئيس الشؤن القانونية قالى طبعا المفروض لو خمسه جايبين نفس الدرجة يتحسبوا واحد زى الكلية بتاعتك ماعامله كده قلتله الحل قالى اكتب شكوى وهاديك رقم وتابعنى وفعلا الراجل محترم جدا ادانى رقم الموبايل كمان

5- دخلت تانى شوية قابلت الاستاذ هانى بجد شخصية محترمة حاكيت المشكله قالى اولا انا المسؤل عن موضوع الترتيب ده ثانيا ادينى صورة من الكشف واتصل بيه يوم الاربعاء واقولك تعمل ايه وادانى الرقم واخد رقمى

6- دخلت تانى شويه لحد الدور التاسع وقابلت شخصيه فى منهى الاحترام وهو الاستاذ مصطفى التهامى اكد لى اننا اصحاب حقوق اكيده وان شاء الله هناخد المكررين

دخلت عند استاذتنا المحترمه جدا وهى الاستاذه امل نفس الكلام انتم اصحاب حقوق ومش ذنبكم انكم مكررين ودخلت معانا فى الحوار استاذتين انا مش عارف اسمائهم بس بردو قالو ان شاء الله هناخد المكررين واعمل تلظلم

7- اخيرا هاقولكم اخر عشر دقايق كانت مع مين ياترى مع معالى الوزير الدكتور صفوت قلت للاستاذه امل انا عايز ادخل واشوف وجهة نظره قالت حاضر وبالفعل دخلت بعد السلام ازيك يادكتور قالى اهلا ايه الموضوع قالى باختصار قلت حاضر عطيته الكشف بتاع الكلية قالى انا يابنى جايلى 20 درجة فقط لاغير وماقدرش اقول لوزير المالية على درجات تانى قلت يافندم الناس دى كلها متعينه فى هيئات قضائية قالى انا ملزم بعشرين اسم فقط قلتله طب فيه درجات ما سكنتش قالى والله ممكن ناخد ناس تانيه بس ماوعدكش عشان ماتجيش تقلى انت وعدتنى قلت يافندم انا اعمل ايه دلوقتى متخرج بقاللى اربع سنين وقدمت فى الهيءات القضائية وحصلش نصيب قالى انا ذنبى ايه قلتله ايه الحل قالى اعمل تظلم قلت اعمله دلوقتى قالى لا الافضل تعمله فى الميعاد الللى هوه يوم 16/1/2012 قالى عشان هاشكل لجنه للبت فى التظلمات وان شاء الله خير قلتله متشكر جدا على سعة صدر حضرتك ليه قالى العفو وكان مشغول جدا عشان فيه اخطاء فى جامعة عين شمس وتركت المكتب وذهبت .

[amralaraby]

بس كنت اتمنى انى اشوف الراجل المحترم صاحب الصدر الواسع ............................... بس لعلنا نتلاقى فى وقت لاحق ................................... طبعا اكيد انتوا عارفين من الراجل المحترم ..................... برافوا عليكم هو فعلا الدكتور عبد الرحمن .

[محمود المصري 2010]

السلام عليكم ورحمة الله وبركاته أعضاء المنتدي الكرام
دكتور عبد الرحمن أطلب منك الإجابة علي هذا التساؤل ‘نا رقمي في الكشف الثالث بعد استبعاد المعيينن في الجهات القضائية وحاصل علي ماجستير وعلمت أن الأول في ا لكشف علم من أحد أقاربه في التنظيم والإدارة بأنه تم ترشيحه للعمل في الضرائب مع العلم أنه غير حاصل علي ماجستير فهل دوة دليل إني في الضرائب علي حد قولك إن الحاصلين علي الماجستير والخمس الأوائل تم تمييزهم وهل لو حصل ولقيته وظيفته أحسن يحق لي التظلم ..
وأخيرًا بعد استلام الجواب ما العمل ومتي يتم تسليمه للجهة المرشح إليها بالظبظ . وشكرًاااااااا لسعة صدرك وبردوا مقلتليش حقوق جالهم إيه ...
والسلام عليكم ورحمة الله وبركاته

[W_MOHAMMED]

أختى الثانية على الكلية (أداب دمنهور بعد استبعاد المعيدالذى تم تعيينه يعنى ترتيبها في الكشف رقم 2

يا ترى هتشتغل إيه ؟؟


هى مدرسة بالتربية والتعليم أيهما أفضل تبقى بالوظيفة القديمة أم التعيين الجديد وماذا عن حساب الأقدمية

[د.بتول]

لو سمحت يا دكتور عبد الرحمن:
تسليم الجوابات بيبدأ من الساعة كام؟
وياترى فيه دور يعني اللي بيروح بدري بيقف في طابور ويستلم بدري
وبالنسبة ان الاستلام يوم 22/1 معنى كدا لازم نخلص أوراقنا من دلوقتي لاني لسه هستلم الجواب كمان اسبوعين؟
ولو جه في مدينة تانية خالص ممكن أعمل تظلم ويتقبل؟
بليييييييييييز رد عليا