ايه اخبار تعيين أوائل الكليات ياجماعة؟

[emy142005]

مفيش اى امل فى ان الجوابات دى توصل التنظيم والادارة فى المحافظات عشان مشوار مصر بجد متعب وطويل ؟؟؟؟؟؟؟؟؟؟؟؟

[mmm513654]

فين بتوع الازهر
يادكتور عبدالرحمن
مفيش اي اخبار عن الازهر
انا مقيم بالخارج ومش قادر اي اخبار
شكرا

[sama samy]

ياريت يادكتور عبدالرحمن تطمنى انا عارفة ان حضرتك جاوبت على السؤال ده قبل كده بزميلة تانية بس انا عايزة اطمن ..حضرتك انا شفت اسمى فى اخر كشف بس قريت النهاردة على صفحة من صفحات الاوائل انهم بيقولا التعيين لاول عشرين اسم وانا الكشف بتاعى فيه 40 اسم لان رقم عشرين فى عشرين واحد جايبن نفس نسبته فهل هياخدوا ناس ويشيلوا ناس بس لانهم بادئين بحوف ابجدية قبلينا ياريت تطمى يادكتور وجزاك الله كل خير

[راجية مغفرة الله]

من فضلك د عبد الرحمن بالنسبة لطلاب المنح هل كلهم تم توفير درجات لهم يعني كلهم هيتعينو ولا جزء منهم

[فاطمة الزهراء 86]

مبروك لجميع الأوائل
معلش يا دكتور عبد الرحمن لي إستفسار بسيط وهو إن إحنا بمجرد إستلامنا خطاب الترشيح هنتوجه بيه للجهة اللي إحنا مرشحين عليه طيب وهل الموضوع ده هيأخذ وقت يعني مثلا ممكن نستلم العمل في شهر يوليو المقبل على إعتبار السنة المالية الجديدة وعلى أساس إن يكون كل الخرجيين إستلموا جواب الترشيح , أرجو التوضيح . اصل في ناس قالوا لي إن تعيينات التربية والتعليم لازم تكون في شهر يوليو وإن إستلامهم للعمل لازم يكون في الشهر ده وقالوا لي إن الموضوع هيطول كتير لأن لسه هنروح للمديرية وبعدين التوجيه وبعدين التوزيع وكل ده محتاج شهور ...... والله الواحد بقاله من شهر 3 اللي فات وهو عمال منتظر ومش ناقص تعقيدات . .

طيب معلش يا دكتور عبد الرحمن هو إمتى بالضبط كل الخرجيين الأوائل هيستلموا العمل يعني في شهر كام بالضبط .

[mero morsy]

بسم الله الرحمن الرحيم

الى الأخ الدكتور / عبد الرحمن
اود أن أشكر حضرتك على مجهودك الرائع معنا طوال الفترة السابقة .
ياريت يادكتور حضرتك ترد على سؤالي وهو ما نوعية الوظائف لخريج تجارة ؟
واحب أن اوجه رسالة تهنئة الى جميع أخواني وأخواتي من أوائل الجامعات مبروووووووووووووووووك
وياريت تقبلونى أخت لكم لأنى كان نفسي من زمان أشترك في المنتدى

[amralaraby]

حسبى الله ونعم الوكيل فى صفوت النحاس ازاى يقول التعيين لعشرين اسم بس وجامعة طنطا كلية التربية فى المركز رقم 20 فيه 20 اسم يعنى الكشف كله 40 وكية السياحة والفنادق الاسماعيلية واخده المكرر وكلية دار العلوم جامعة الفيوم واخدة المكرر فى الحصر الجديد ............. انا مش فاهم اى حاجة كل اللى اقدر اقوله لصفوت النحاس حسبى الله ونعم الوكيل .............. حد يفهمنى اذا كان العبره بالعدد ليه ياخد 40 اسم فى كلية التربية جامعة طنطا ...................... هل ده عدل احنا كلية الحقوق بنى سويف عددنا فى الكشف 30 واحد فقط ازاى .................. حسبى الله ونعم الوكيل فى صفوت النحاس

[خالد عقيبى]

تحية خاصه الى دكتورنا الفاضل / عبد الرحمن جعلك الله عونا لاخوانك الأوائل وجزاك الله كل الخير على ما تبذله معهم من مجهود
بالنسبه لأوائل الأزهر { المعيدين } الموضوع على حد علمى واطلاعى يسير على ما يرام
وبحمد الله وتوفيقه استلمنا اليوم أوائل كلية التربية بتفهنا الأشراف خطابات الترشيح للمرحلتين الأولى والثانية معا وجارى استيفائنا للأوراق المطلوبه
فأسأل الله العلى القدير أن يتم علينا فرحتنا جميعا سواء أوائل العام أو أوائل الأزهر

[د.عبدالرحمن المنياوي]

المشاركة الأصلية كتبت بواسطة راجية مغفرة الله

من فضلك د عبد الرحمن بالنسبة لطلاب المنح هل كلهم تم توفير درجات لهم يعني كلهم هيتعينو ولا جزء منهم

نعم كلهم بإذن الله ..

[د.عبدالرحمن المنياوي]

لا أملك من أخبار الأزهريين شئ .. وبالنسبة لعدد المعينين يا جماعة الاسبوع الجاي هتبان كل حاجة ..

[د.عبدالرحمن المنياوي]

المشاركة الأصلية كتبت بواسطة zoom_mak

يا دكتورنا العزيز
اسف جدا على الاسئلة الكتير بس استمحيك عذرا
انا بجد تايه جدا وعايز اعرف حاجات كتييييير
خطاب الترشيح دة هيكون على المديرية التابع ليها وهى هتوزعنى ولا على الوظيفة اللى هتثبت فيها مباشرة
معلش سامحنى

على الوظيفة على طول..

المشاركة الأصلية كتبت بواسطة mero morsy

بسم الله الرحمن الرحيم

الى الأخ الدكتور / عبد الرحمن
اود أن أشكر حضرتك على مجهودك الرائع معنا طوال الفترة السابقة .
ياريت يادكتور حضرتك ترد على سؤالي وهو ما نوعية الوظائف لخريج تجارة ؟
واحب أن اوجه رسالة تهنئة الى جميع أخواني وأخواتي من أوائل الجامعات مبروووووووووووووووووك
وياريت تقبلونى أخت لكم لأنى كان نفسي من زمان أشترك في المنتدى

النحاس قال إن مصلحة الضرائب طلبت كل خريجي تجارة والتربية والتعليم طلبت كل التربويين

المشاركة الأصلية كتبت بواسطة فاطمة الزهراء 86

مبروك لجميع الأوائل
معلش يا دكتور عبد الرحمن لي إستفسار بسيط وهو إن إحنا بمجرد إستلامنا خطاب الترشيح هنتوجه بيه للجهة اللي إحنا مرشحين عليه طيب وهل الموضوع ده هيأخذ وقت يعني مثلا ممكن نستلم العمل في شهر يوليو المقبل على إعتبار السنة المالية الجديدة وعلى أساس إن يكون كل الخرجيين إستلموا جواب الترشيح , أرجو التوضيح . اصل في ناس قالوا لي إن تعيينات التربية والتعليم لازم تكون في شهر يوليو وإن إستلامهم للعمل لازم يكون في الشهر ده وقالوا لي إن الموضوع هيطول كتير لأن لسه هنروح للمديرية وبعدين التوجيه وبعدين التوزيع وكل ده محتاج شهور ...... والله الواحد بقاله من شهر 3 اللي فات وهو عمال منتظر ومش ناقص تعقيدات . .

طيب معلش يا دكتور عبد الرحمن هو إمتى بالضبط كل الخرجيين الأوائل هيستلموا العمل يعني في شهر كام بالضبط .

مفيش الكلام ده كله .. اتعيين حصل خلاص انت بس بتروحي تستلمي عمل .. وبالنسبة لتربية والتعليم لم بيحبوايعقدوا بياخروا لكن الموضوع هناك مش باخد أكتر من أسبوع بكتييييييييييييييييييييييييييييره خالص ومفيش حاجة اسمها التعيينات في يوليو هم لما بيحبوا يعينوا جدد بيخاطبوا التنظيم والإدارة عشان يوفروا الدرجات لكن المرة دي العكس بيحصل ..

[amralaraby]

استاذ عبدالرحمن المنياوى ياريت تنزلنا القانون الخاص بالعشرين الاوائل .

[الشمس الجريئة]

أنا الرابعة علي كلية تربية تعليم أساسي بجامعة الفيوم ولكن فوجئت بأن أسمي مش موجود في الحصر الجديد بسبب أنهم أخذوا العشرين من كلية تربية تعليم عام وأنا حزينة لذالك فهل يوجد حل لهذه المشكلة ولا خلاص حلم التعيين راح منهم لله خلوني أحلم

[قانونية]

المشاركة الأصلية كتبت بواسطة د.عبدالرحمن المنياوي

يا أستاذه تعيينات الحاصلين على الماجستير والدكتوراة وطلاب المنح ليست كإداريين في الجهاز الإداري لأ دي تعيينات على الكادر الخاص يعني مدرسين مساعدين ومدرسين في الجامعات ومراكز البحوث .. وأخدوا خلاص موافقة المالية على تمويل الدرجات ..

يعنى معنى ذلك الذى فى مثل ظروفى من الحاصلين على الليسانس بتقدير مقبول ودرجة علمية بنظام الدبلومتين على حسابهم الخاص ليس لهم مكان فى الكادر الخاص الذى تتكلم عنة والذى وافقت علية وزارة المالية طيب مفيش حل يعنى مش هينزل لينا أعلان اخرى يشملنا ومعذرة لكثرة أسئلتى
جزاك الله الخير

[أبوخيرى]

خاص بالأزهـــــــــــــــــــــــر

منقول عن محمد مجدى



بسم الله الرحمن الرحيم
الحمد لله والصلاه والسلام على سيدنا رسول الله واله وبعد
الاخوه والاخوات تحيه طيبه

نحمد الله تعالى على عظيم نعمائه ومزيد كرمه
فقد ذهبت الاداره اليوم الى الجامعه لمتابعه امرين :
1 متاببعه ارسال ورق لغات وترجمه لرئاسه الوزراء
وبإذن الله تعالى الورق سيرسل صباح غد الاثنين بامر الحي القيوم مع مندوب من الجامعه وبصحبته الاخ احمد الصيني لرئاسه الوزراء بامر الله تعالى
وسبب تاخر الارسال منا لامنهم والله يشهد انا لانحابيهم ..

2 ارسال فاكس استعجال لكل كليات الجامعه مؤقتا بمده محدده لتحضرجميع الكليات اوراقنا الى الجامعه بامر الله تعالى
وقد تم ذلك بفضل الله تعالى وسنرفع لحضراتكم لاحقا الليله ان شاء الله تعالى صوره الفاكس والذي سيرسل للكليات غدا صباحا ويتابع هذا الامر اخونا محمود ابو العز

هذا واننا نؤكد انه لاصحة لاي اخبار عن اي اعتصام داخل مبنى الجامعة ومن يدعو لذلك يتحمل شخصيا نتيجة ذلك

ايها الاحبه لاتسمعوا لمن يبث في اوساطكم اخبارا خاطئه عن سير الورق فالحمد لله مسار اوراقنا بخير عظيم

ونسأل الله تعالى ان يتم امرنا على خير وفضل وبركه



أخوكم / السيد خيرى / كفرالشيخ