كلية التربية _جامعة طنطا _ دبلوم خاص _ شعبة تربية مقارنة

[عبدالله الفضلي]

يعطيك العافية على الجهد الكبير استاذ محمد
بصراحة تخجل الحروف من مجابهة هذا الجهد الجبار ..

[قطرات المطر]

المشاركة الأصلية كتبت بواسطة m_adel_143

الله يبارك في عمرك استاذة هبة وكل سنة وانتي طيبة

وانت بألف خير وربنا يبارك فى عمرك

[قطرات المطر]

محاضرة الاحصاء القادمة د/ محمد طلب مننا ان نقوم بحل المسألة الموجودة بالمحاضرة الاخيرة وهى عن حساب الوسيط من جدول تكرارى د/ محمد حلها بالتكرار المتجمع الصاعد وطلب مننا نحلها بس بالمتجمع النازل ونسلمها المرة القادمة وقال ان مش عليها درجات بس هو عاوز يحدد مين فاهم ومين اللى مش فاهم و انا اسفة انى اتأخرت فى تبلغيكم بس فعلا كنت نسيت بس الحمد لله افتكرت وربنا الموفق واسفة مرة تانية

[قطرات المطر]

معلش انا كنت عاوزة اسالك سؤال استاذ محمد لانى تهت واتلخبط خالص هو لما اجيب الوسيط من جدول تكرارى متجمع صاعد بيكون نفس النتيجة لو جبته من جدول تكرارى متجمع نازل ولا ممكن الوسيط هنا يختلف عن هنا لانى حليت مثال طلع الوسيط فى الصاعد هو نفسه لما حليته بالمتجمع النازل وفى مثال تانى الوسيط اختلف فى الدرجة من تكرارى صاعد الى تكرارى نازل
وجزاك الله خيرًا وشكرًا مقدمًا.

[m_adel_143]

الوسيط بييجي من المنحني المتجمع الصاعد

او

من المنحني المتجمع النازل

او من الاتنين مع بعض



لو من الصاعد لوحده

او من النازل لوحده

بنجيب ترتيب الوسيط = مجموع التكرارات / 2

ونكمل زي الخطوات الي قلتها في المحاضرة




اما لو من المنحنيين الصاعد والنازل مع بعض بنرسمهم في رسمة واحدة ونقطة التقاطع نسقط منها عمود راسي علي المحور الافقي ( محور السينات )

ويكون هو ده الوسيط




اما عن الاختلاف في قيمة الوسيط ...

ليس هناك اختلاف علي الاطلاق فقيمة الوسيط ثابتة باي طريقة من الثلاث طرق

وممكن يكون فيه اختلا بسيط مثلا لو الوسيط كان 36.5 مثلا

ممكن حد تاني يجيبه 36.6 او 36.7 او 36.2

بيكون جزء من عشرة

فرق بسيط لا يؤثر وده ناتج من انك بترسمي خط منحني باليد وليس بالمسطرة

[ابراهيم زناتي]

الاخوة في الكويت نفتقد مشاركات الزملاء ..... ضيف وهنادي ........ ونريد الاطمئنان لعل المانع خير أن شاء الله تعالي
منور المنتدي يا عبد الله أصلح الله حالك وسلام لحسين........... نراكم بخير وفي أحسن حال

[ابراهيم زناتي]

ربنا يبارك فيك يا محمد ودمت زخرا للجميع....... علي فكرة نريد نحجز عندك في درس الاحصاء ..يارب تقبل؟؟؟؟؟؟؟؟؟؟

[m_adel_143]

المشاركة الأصلية كتبت بواسطة ابراهيم زناتي

ربنا يبارك فيك يا محمد ودمت زخرا للجميع....... علي فكرة نريد نحجز عندك في درس الاحصاء ..يارب تقبل؟؟؟؟؟؟؟؟؟؟

أنا تحت امركم يااستاذنا

استاذي ابراهيم زناتي عندي غااااااالي قوي

انت بس تؤمر ياعم ابراهيم ...
انت وحسن وعادل

واي دمياطي

طبعا اي كلمة عن استاذنا ابراهيم زناتي
كأني بتكلم عن استاذي حسن ..
واستاذي عادل بالضبط

الغلا واحد ... والمعزة واحدة

[m_adel_143]

المشاركة الأصلية كتبت بواسطة عبدالله الفضلي

يعطيك العافية على الجهد الكبير استاذ محمد
بصراحة تخجل الحروف من مجابهة هذا الجهد الجبار ..

...

الله يبارك في عمرك استاذ عبد الله


لاتنسانا من صالح دعائك في السجود

[قطرات المطر]

مشكوووووووور استاذ محمد وجزاك الله خيرًا ورزقك الخير اينما كان........... اللهم آميـــــــــــــــن

[قطرات المطر]

المشاركة الأصلية كتبت بواسطة ابراهيم زناتي

ربنا يبارك فيك يا محمد ودمت زخرا للجميع....... علي فكرة نريد نحجز عندك في درس الاحصاء ..يارب تقبل؟؟؟؟؟؟؟؟؟؟

ربنا يبارك فى عمرك عمو ابراهيم انا معاكم فى الدرس ده لانى مفيش بينى وبين الرياضيات عامة والاحصاء خاصة عمار خالص ههههههههههه

[احمد المحجوب]

كل سنة وانتى طيبة ياقطرات المطر

[قطرات المطر]

وحضرتك بالف خير استاذ احمد ربنا يبارك فى عمرك

[ولاء قاسم]

كل سنة وانتم طيبيين ربنا يوفقكم جميعا كان نفسي ابقي معاكم السنة دي بس احلي حاجة اني عارفة لسة اتواصل معاكم من خلال المنتدي الجميل ده ربنا يديم التواصل والمحبة بين الجميع يارب والسلام ختام

[قطرات المطر]

اليوم اخذنا المحاضرة الثانية للدكتور فاروق البوهى وبلغنا انه هيعطينا محاضرة الاسبوع القادم لان احتمال ما يقدرش ييجى خلال الفترة القادمة بسبب امتحانات نصف العام عنده فى الكلية وكتابه نزل وهو موجود عند أ/ مريم ومكتبها موجود امام مكتب د / هدى اللى كان د/ يحيى بيبقى موجود فيه اللى حجز الكتاب بيروح ويبلغها اسمه وياخد الكتاب واللى لسه ماحجزش الكتاب يروح المكتب ويدفع الفلوس ليها (25 ج )وياخده ود/ احمد لم يحضر اليوم ايضًا
والمحاضرة اللى اخدناها اليوم موجودة بالمرفقات