اللى داخل امتحان الكادر 26/7/2011 يدخل هنا

[مشتاقه لمصر]

المشاركة الأصلية كتبت بواسطة mahmoud1011

الف حمدلله على السلامة.. الحمد لله انك بخير يا مشتاقه.. كنا قلقانيين عليكي قوي.. ولا يهمك بخصوص الجأيزة لانك عملتي اللي عليكي.. واللي نعرفه عن المشتاقة ان هي واثقة في نفسها وعارفة قدراتها صح.. ما تخليش الاحباط يقرب منك.. وخليكي قوية دايما.. مدرستك صغيرة والواسطة كمان بتلعب دور.. اكيد باذن الله هتيجي الفرصة.. لي طلب عندك: حاولي ترفعي صور من الوسايل والشغل اللي عملتيه لاني اشوف حاجة منه ومتاكد انه شغل جأمد ويستحق التقدير.. وانا بالنيابة عن كل اخواتنا وزملاءنا هنا بهديكي المركز الاول عن جدارة وسيبك من الحج اللي حفيده مزهقة ومطلع عينه ومش عارف يعمل معاه ايه ههههه.. بقولك تاني انتي وحشتينا واشتقنالك قوي قوي وما تغيبيش عننا تاني ابدا ابدا

الاستاذ محمود اشكرك جد جد على كلامك
وبجد هون عليا كتير ووالله تصور مكنتش اخده بالى من موضوع الوسطه ده خالص
ولسه زميله ليه موضحالى الموضوع ده انهارده
ياللا معلش هنعمل ايه اصل المدرستين اللى اخده المركزين فعلا مدارس كبيرة
تجريبيه ومجمع تعليمى وفيهم امكانيات جاااااامده وعيب اووووى لما مدرسه صغيره زى مدرستى
تاكل منهم الجو بس ده ميمنعش ان البنت بتاعت المركز الاول كويسه وشغلها كويس
بس بصراحه وبجد مش افضل منى ممكن يكون فى مستوايا
والدليل انى ساعدتها بورقه العمل اللى انا عاملاها وهى انطلبت منها اعادتها وتصحيحها
وانا كنت عاملها افضل من تصورهم كمان
بس ربنا عارف قدرات مدرستى
والتعب اللى كنت هتعبه لو اتصعدت على مستوى الجمهوريه
وانى كنت هنحت فى الصخر لوحدى الحمد لله على كل شىء
اشكرك مرة تانيه
وان شاء الله هنزلك صور بعض اعمالى
بس يارب تظهر بجمالها وروعة الوانها
انت تأمرنى

[ندي محمد ابراهيم المليجي]

هلا وغلا بالغالية مشتاقة
فينك يا مشتاقة يعني بتتقلي علينا ولا أيه وفعلا يا محمود مشتاقة وحشتنا قوي قوي قوي واشتقنالك قوي قوي

وأنا من أول سطر كتبتيه توقعت أنك تفوزي بالمركز الأول وفي الأخر جاء ليه أحباط وكأنني أنا اللي خسرت بس هوه مش خسارة بقدر ما هو مكسب لكي لتقوي وتقفي علي أرض أكثر صلابة بس معقوله لسه فيه كوسة ووسايط أنا كنت فاكرة إن الثورة شالت كل هذه المساويء اللي كنا عايشين فيها منذ زمن .

بس سيبك المهم نورتي مكانك تاني يا غاليتنا وزي محمود ماقالك نزلي الوسائل دي نشوفها ويمكن ألطش منها حاجة عشان أولادي ( بعد أذنك طبعاً ) بس قولي ليه هيه اللي فازت كان شغلها متفوق عليكي في أيه ده أنتي كنتي عاملة اللي ما أتعملش وهل هيه من مدرسة مركزها قوي يعني ولا أيه ؟
لأني اللي أعرفه بيكون في هذه الأمور مجاملات أكثر منه شغل .

وأنا حاسة بكل كلمة كتبتيها ففيها معاناتك وتعبك ولكن الخيرة فيما أختاره لنا ربنا ومحدش عارف الخير فين أو أمتي كلنا بنتوكل علي الله وإن شاء الله المرة الجاية فائزة بإذن الله .

وربنا يخفف عنك كل زعلك يا مشتاقة وهو مش سهل يروح بسرعة بس أرمي وراء ظهرك وبصي دائماً للأمام ففيه الأمل والمستقبل والنجاح .

بس المهم أحنا اللي كسبنا لأننا معانا مثلك يا مشتاقة وابتسمي دائماً صح يا انج ياغاليتنا الغائبة بقالها فترة عننا ووحشتينا جدا

[مشتاقه لمصر]

المشاركة الأصلية كتبت بواسطة ندي محمد ابراهيم المليجي

هلا وغلا بالغالية مشتاقة
فينك يا مشتاقة يعني بتتقلي علينا ولا أيه وفعلا يا محمود مشتاقة وحشتنا قوي قوي قوي واشتقنالك قوي قوي

وأنا من أول سطر كتبتيه توقعت أنك تفوزي بالمركز الأول وفي الأخر جاء ليه أحباط وكأنني أنا اللي خسرت بس هوه مش خسارة بقدر ما هو مكسب لكي لتقوي وتقفي علي أرض أكثر صلابة بس معقوله لسه فيه كوسة ووسايط أنا كنت فاكرة إن الثورة شالت كل هذه المساويء اللي كنا عايشين فيها منذ زمن .

بس سيبك المهم نورتي مكانك تاني يا غاليتنا وزي محمود ماقالك نزلي الوسائل دي نشوفها ويمكن ألطش منها حاجة عشان أولادي ( بعد أذنك طبعاً ) بس قولي ليه هيه اللي فازت كان شغلها متفوق عليكي في أيه ده أنتي كنتي عاملة اللي ما أتعملش وهل هيه من مدرسة مركزها قوي يعني ولا أيه ؟
[CENTER]للاسف المعيار اللى مخدتوش فى بالى للتقييم المعلمه ولا جه فى بالى الوسطى والمدارس الكبيرة وعلى فكرة البنت اللى فازت بالمركز الاول معلمة ابنتى سما فى KG2 ومن اصحابى وعارفه انا اتظلمت ازاى فى عملى قبل كده وكمان كل لما اساعدها فى حاجة والله تروح وتقول للموجهين فلانه الله يكرمها قلتلى كذا وبعتت ليه كذ ا الحمد لله البنت مش بتنكر مجهودى معاها ا [/CENTER]
لأني اللي أعرفه بيكون في هذه الأمور مجاملات أكثر منه شغل .

وأنا حاسة بكل كلمة كتبتيها ففيها معاناتك وتعبك ولكن الخيرة فيما أختاره لنا ربنا ومحدش عارف الخير فين أو أمتي كلنا بنتوكل علي الله وإن شاء الله المرة الجاية فائزة بإذن الله .

وربنا يخفف عنك كل زعلك يا مشتاقة وهو مش سهل يروح بسرعة بس أرمي وراء ظهرك وبصي دائماً للأمام ففيه الأمل والمستقبل والنجاح .

بس المهم أحنا اللي كسبنا لأننا معانا مثلك يا مشتاقة وابتسمي دائماً صح يا انج ياغاليتنا الغائبة بقالها فترة عننا ووحشتينا جدا

ا

ندى اختى العزيزة وقارئة رغى الكتييييييييييييييييييير اوووووووووووووى
ههههههههههههههههه والله وحشتينى جد جد و
بجد اشفقت عليكم لما رجعت وقريت كلامى اللى كتبته ده كتيييييييييييييييير جد
اصل انا مشفتوش لان النت كانت عندى معوووووووووقه وتقيله جد جد جد
لدرجة انى رديت عليكم ومنزلش الكلام بعد لما ارسلته
بس معلش
كفاااااااااااااااااااايه رغى
الستات دول يا ساااااااااااااااااتر يحبو الكلام بشكل
هههههههههههههههه
انتى تأمرينى يا قمر وانا ابعتلك الوسايل مش تلطشيهم
ياللا معلش انهارده حصل حاجات فى التوجيه لما الموضوع يخلص يبقى ادوشكم بيه
هههههههه اصلى لسه معرفش اخرت الناس دى ايه ؟؟
وانا بضحك اهوه علشان انتى قولتى ليه ابتسمى

[mahmoud1011]

السلام عليكم ورحمة الله وبركاته

أسعد الله مساء الناس الحلوين..

الغايبين..

يارب تكونوا بخير وبصحة وسعادة

هبدأ بالاخت الكبيرة انج : مش متعودين تاخيرك علينا بالشكل ده يارب يكون المانع خير.. وحشنا كلامك قوي..

ندى : أخبارك إيه واخبار الأولاد ايه واخبار الشغل ايه واخبار مصر اللي طبعا مركزة معاها قوي دلوقتي ايه ومش متواجده زي الاول ليه ليه ليه ؟؟؟

احمد: عامل ايه يا ابو احميد عندك حق حال البلد بقى صعب قوي بس لازم يبقى فيه مساحة تفاؤل ولو صغيرة جدا والا هنقعد مكاننا ومش هنتحرك وبإذن الله فرجه قريب..

المشتاقة : عدت.. ففرحنا.. ولكن الان أين أنت ؟ .. ( بالبلدي كده ) فينك وفين الصور والوسائل.. شوقتينا نشوفهم .. وعلى فكرة ممكن تبعتيهم لينا على الرسائل الخاصة..

أدعو الله أن يحفظكم وألا يحرمني منكم أبدا.. تقبلوا خالص ودي واحترامي

[مشتاقه لمصر]

معلش يا جماعة مش فاكرة انزل الصور ازاى على المنتدى
انا مش شايفة مكان مكتوب عليه تحميل صور
ممكن حد منكم يساعدنى اصل من يوم ما المنتدى شكله اتغير وانا مش عارفه راسه من رجله

[mahmoud1011]

السلام عليكم جميعا

المشتاقة : بخصوص ارفاق الملفات زي الصور وخلافه اليكي هذه الصور:

65835590.jpg

والمرحلة التانية

75502292.jpg


والاخيرة

78353790.jpg

[eng wahab]

السلام عليكم ورحمة الله وبركاته محمود ندى مشتاقة واحمد
والله وحشتونى جدا وحمدا لله على سلامة مشتاقة ويارب ينولها ما تتمنى وندى حبيبت قلبى كيف حالك
و اشكر سؤالك الدائم عنى والسلام الكتير لمحمود ويارب يبارك فيه ويعطى له الصحة وسلامى للاستاذ احمد
وبقول له ربنا يصلح حال البلد ..... معلش انا غبت عنكم الفترة ال فاتت كنت فى حالة احباط من ال بيحصل فى التربية والتعليم
على وجه الخصوص تصوروا ان المدير العام والحاكم بأمره متجاهل وكيل وزارة التربية والتعليم والموجهين التابعين
للمديرية التعليمية التابعة لمحافظتى النايمة وبيعمل تعاقدات للخريجين من تخصصات مختلفة يسكنهم فى اى تخصص مثلا خريج اداب يدرس رسم وهذا الخريج السابق يدرس حاسب وتجد تعاقد اخر له فى المدارس الفنية ذات اليخصصات المختلفة واصحاب التخصصات الاصلية مش لقين حد يعبرهم ويعمل لهم عقد صحيح .اكيد ما عندهمش واسطة والموجهين ليس لهم حول ولاقوة ..... (غير موجهين مشتاقة ) و تضامنت معهم وكتبنا شكاوى على مستوى الجمهورية ولاحياة لمن تنادى وعندما تجد مسؤل وتشتكى له من ال بيحصل وتقول له
التعليم رايح فين اين الشخص المناسب فى المكان المناسب يقولك معلش ... دربوهم
طيب فترة الدراسة
كلها ما فائدتها وتلف الشكاوى وترجع للشخص الغير مسؤل السابق الاشارة له والله انا متفائلة بطبعى بس ده اسمه ايه ؟؟ مش عارفة ( سمك لبن تمر هندى )
دى حاجة بسيطة جدا من ال بيحصل فى نظرية لتطوير التعليم

[eng wahab]

فينكم يا حلوين يا مقطقطين ؟؟؟؟؟؟؟؟؟؟؟؟؟

[ندي محمد ابراهيم المليجي]

أسعد الله صباحكم جميعاً بكل خير أحبتي أنج وهاب - محمود - مشاقة

حبيبتي الغالية أنج صباح الفل والياسمين .......
أزيك أنج عاملة أيه وأخبارك أيه وما كنتش عارفة اللي معطلك عننا أيه فأنا زعلت لما قرأت علي الصعوبات اللي مازالت موجودة بمصر والكوسة والروتين اللي أصبح كابوس دائم في حياتنا عارفة تحسي إن فيه ناس موجودة بس عشان تعكنن علينا وعلي حياتنا ولومفيش أي حاجة هيه تتصرف وتعقد الموضوع يعني أنا لما نزلت أخر مرة مصر أختي كانت بتطلع رخصة السيارة تخيلي يطلبوا منها شهادة ميلاد أمي جابت ليهم شهادة الوفاة يقولوا لها لألألأ عايزين شهادة الميلاد وطبعاً في وسط القلق ده معرفتش تسافر البلد عشان تطلع مستخرج من شهادة الميلاد وبعد كده لما أنا رجعت هنا أتصلت بيه وقالت ليه الأمور مشت يا حلاوة متقلقيش وطبعاً أنتي عارفة أزاي ......فمازالت الأمور اللي تحت الطربيزة موجودة ما أختفتش من حياتنا .

فربنا موجود وماتزعليش نفسك فلا يضيع حق وراءه مطالب أبداً فأكثري من الاستغفار وأنا عارفة أنك في الأمور مش محتاجة أقولك عليها .
المهم أخبار الخطوبات أيه والأفراح والليالي الملاح طمنينا دائماً عليكي يا أنج وهاب وربنا يفرحك دائماً .

غاليتي مشتاقة صباحك قشطة يا مشمشة أزيك عاملة أيه وأخبار أولادك أيه وأنا معجبة جدا بأصرارك دائماً للنجاح حتي ولو بمحاولة الدخول بشرف التجربة ... وده بيدل علي أنك أنسانة ناجحة يامشتاقة وصدقيني إن شاء الله هتنجي وهتوصلي بإذن الله وزي محمود ماقالك ممكن تبعتي لنا شغلك علي الخاص لأنه شغل متعوب عليه وحرام يأخذه أحد علي الجاهز .
طمنيني عليكي دائماً يا مشتاقة .

الأخ العزيز محمود أسعد الله صباحك بكل خير وأنا متشكرة علي سؤالك الدائم عننا بس أنا بدخل بصفة منتظمة علي النت بس بكون أحياناً مش عارفة أكتب كلمة فأولادي ممنوع أجي جنب النت إلا بعد ما يخلصوا لعبة المزرعة السعيدة اللي جننوني بيها وأخرها أبني النهاردة الساعة 6 صباحاً بيقول ليه أيه رأيك أشتري دجاجة نحطها في البيت تبيض لينا بيض بدل ما كل شوية تشتري بيض من الجمعية . فده اللي بيخليني ما أعرفش أتواصل معاكم .

وأنت فعلا معاك حق فأنا مشغولة بأخبار مصر دائماً فالأمور تسير للأسوء ......هات ليه حاجة واحدة بقت كويسة كل حاجة أصبحت غالية والآزمات المتكررة في السلع الاساسية وحال بورسعيد اللي واقف فهناك أهلنا ويصعب عليا لما أسمع عن بعض العائلات أصبح دخلهم معدوم وعدم وجود محافظ لغاية دالوقتي يعني مفيش أمن بالبلد .

بس اللي مفرحني شوية إن فيه خطوبة أخويا كمان 10 أيام وكان نفسنا نكون معاه بس أنا هنزل في رمضان وباقي أخواتي في أخر الصيف وطبعاً لازم تتعمل الخطوبة عشان خالتي مسافرة أمريكا علي شهر 6 فهتكون واقفة مكان والدتنا الحبيبة .
وأنا مش عارفة أقول لك أيه عقبالك ولا أنت مخطوب ولا خاطب بس المهم الفرحة حلوة جدا لأعز الناس وهم الغائبين عننا .......

ومعلش طولت عليكم بس فعلا لما يكون ليك أصدقاء تحس أنك أهلك معاك فأنت هنا عارف كل واحد مشغول يعني أخواتي معايا بس ممكن نشوف بعض علي الطاير مرة كل أسبوع .
وشكرا علي تواصلك الدائم معانا يا محمود فأنا بفرح لما بدخل علي الموقع وألاقي أحد مننا متواجد وبيسأل علي الكل .

ولكم مني أصدقائي الاعزاء ألف مليون سلام

[eng wahab]

السلام عليكم ورحمة الله وبركاته ندى محمود مشتاقة احمد
الله يفرح قلبك يا ندى ويتمم خطوبة اخوك ويسعده ويسعد بباكم بيكم ويكمل رسالته على خير امين يارب العالمين
ويسعد اخونا محمود ويفرح قلبه بالزوجة والاولاد الصالحين اما عن خطوبة اولادى فربنا يهىء لهم الزوج والزوجات الصالحين
انا ابنى ما بيفكرش فى اى شىء من هذا القبيل يعتبر صغير الى حد ما ولكن المشاكل الان فى بنتى الكبيرة بترفض اى حد يتقدم لها بحجح واهية ويارتها بتعرف تختار عموما لما تخلص تعليمها على خير تكون نضج تفكيرها وربنا يصلح حالنا جميعا
ومشتاقة مشغولة بالمسابقات وما بتسألش على احد ربنا يوفقها الى ما فيه الصالح

[مشتاقه لمصر]

المشاركة الأصلية كتبت بواسطة eng wahab

السلام عليكم ورحمة الله وبركاته ندى محمود مشتاقة احمد
الله يفرح قلبك يا ندى ويتمم خطوبة اخوك ويسعده ويسعد بباكم بيكم ويكمل رسالته على خير امين يارب العالمين
ويسعد اخونا محمود ويفرح قلبه بالزوجة والاولاد الصالحين اما عن خطوبة اولادى فربنا يهىء لهم الزوج والزوجات الصالحين
انا ابنى ما بيفكرش فى اى شىء من هذا القبيل يعتبر صغير الى حد ما ولكن المشاكل الان فى بنتى الكبيرة بترفض اى حد يتقدم لها بحجح واهية ويارتها بتعرف تختار عموما لما تخلص تعليمها على خير تكون نضج تفكيرها وربنا يصلح حالنا جميعا
ومشتاقة مشغولة بالمسابقات وما بتسألش على احد ربنا يوفقها الى ما فيه الصالح

انج انا لا انا مشغوله ولا حاجه والله
بدخل كل يوم تقريبا على المنتدى
ازور الموضوع واقرى شويه حاجات واخرج
ربنا يسمعنا عنك كل خير يا قمر وربنا يهدى لك بنتك
كل البنات كده فى السن ده
بس انتى حاولى تقربى منها وتسمعى منها اللى جواها
خليها تتكلم وتحس ان فى حد بيسمعها ويا سلام لما تكون ماما حبيتى
ثانيا متفرضيش عليها رأيك (عارفه هتقوليلى مبفرضش )
بس اقصد لو عايزة توصللها معلومه او طريقة للتفكير الصحيح ميكنش بطريقة مباشرة
اعطيها من خبراتك حكايات كأنك بتحكى معها ووتتكلمى على انها سهرايه
وركزى انتى عايزة توصللها ايه من غير ميكون باين
مش علشان نضحك عليهم ابدا علشان نساعدهم على التفكير
ونعنهم على مواصلة الطريق
وده ما يمنعش شويه حبكه وذكاء دا احنا اوواااااريييب ههههه
ما احنا ساعات بنحط الدواء لاولدنا فى العصير
علشان ميحسوش بيه وربنا يشفيهم ربنا يعينك ويقويك
واسفه لو كنت تدخلت فى امورك

ندى مصر هتنور امتى بيك يا ستى ؟؟؟
ربنا يفرحك بوجودك وسط اهلك
على فكرة انا منستش صور الوسايل
بس والله الوصله بتاعت الموبيل بايظه هجيب غيرها وانزل الصور ان شاء الله
استاذ محمود
ايه اخبارك ؟؟
طمنا عليك ؟
ربنا يرزقك الصحه والعافيه وينولك اللى فى بالك

[مشتاقه لمصر]

المشاركة الأصلية كتبت بواسطة eng wahab

السلام عليكم ورحمة الله وبركاته ندى محمود مشتاقة احمد
الله يفرح قلبك يا ندى ويتمم خطوبة اخوك ويسعده ويسعد بباكم بيكم ويكمل رسالته على خير امين يارب العالمين
ويسعد اخونا محمود ويفرح قلبه بالزوجة والاولاد الصالحين اما عن خطوبة اولادى فربنا يهىء لهم الزوج والزوجات الصالحين
انا ابنى ما بيفكرش فى اى شىء من هذا القبيل يعتبر صغير الى حد ما ولكن المشاكل الان فى بنتى الكبيرة بترفض اى حد يتقدم لها بحجح واهية ويارتها بتعرف تختار عموما لما تخلص تعليمها على خير تكون نضج تفكيرها وربنا يصلح حالنا جميعا
ومشتاقة مشغولة بالمسابقات وما بتسألش على احد ربنا يوفقها الى ما فيه الصالح

انج انا لا انا مشغوله ولا حاجه والله
بدخل كل يوم تقريبا على المنتدى
ازور الموضوع واقرى شويه حاجات واخرج
ربنا يسمعنا عنك كل خير يا قمر وربنا يهدى لك بنتك
كل البنات كده فى السن ده
بس انتى حاولى تقربى منها وتسمعى منها اللى جواها
خليها تتكلم وتحس ان فى حد بيسمعها ويا سلام لما تكون ماما حبيتى
ثانيا متفرضيش عليها رأيك (عارفه هتقوليلى مبفرضش )
بس اقصد لو عايزة توصللها معلومه او طريقة للتفكير الصحيح ميكنش بطريقة مباشرة
اعطيها من خبراتك حكايات كأنك بتحكى معها ووتتكلمى على انها سهرايه
وركزى انتى عايزة توصللها ايه من غير ميكون باين
مش علشان نضحك عليهم ابدا علشان نساعدهم على التفكير
ونعنهم على مواصلة الطريق
وده ما يمنعش شويه حبكه وذكاء دا احنا اوواااااريييب ههههه
ما احنا ساعات بنحط الدواء لاولدنا فى العصير
علشان ميحسوش بيه وربنا يشفيهم ربنا يعينك ويقويك
واسفه لو كنت تدخلت فى امورك

ندى مصر هتنور امتى بيك يا ستى ؟؟؟
ربنا يفرحك بوجودك وسط اهلك
على فكرة انا منستش صور الوسايل
بس والله الوصله بتاعت الموبيل بايظه هجيب غيرها وانزل الصور ان شاء الله
استاذ محمود
ايه اخبارك ؟؟
طمنا عليك ؟
ربنا يرزقك الصحه والعافيه وينولك اللى فى بالك

[mahmoud1011]

"اللّهُمَ آجْعلٍنيَ وأَحْبَابي مِنْ آعّظَمٍ خَلقِكَ نَصيٍباً فِيّ كُلَ خَيٍر تَقُسِمَھ،وَفِيّ كُلَ نُوَرٍ تُنْشٍرهَ، وَفِيّ كُلَ رِزَقٍ تَبْسٍطهَ، وَفٍيّ كُلَ ضُرَ تُكِشَفهٍ، وَفٍيّ كُلَ بَلاًءَ تَرْفَعهٍُ صبحكم اللهُ بفضله وجوده وكرمه وعفوه وإحسانه

[مشتاقه لمصر]

المشاركة الأصلية كتبت بواسطة mahmoud1011

"اللّهُمَ آجْعلٍنيَ وأَحْبَابي مِنْ آعّظَمٍ خَلقِكَ نَصيٍباً فِيّ كُلَ خَيٍر تَقُسِمَھ،وَفِيّ كُلَ نُوَرٍ تُنْشٍرهَ، وَفِيّ كُلَ رِزَقٍ تَبْسٍطهَ، وَفٍيّ كُلَ ضُرَ تُكِشَفهٍ، وَفٍيّ كُلَ بَلاًءَ تَرْفَعهٍُ صبحكم اللهُ بفضله وجوده وكرمه وعفوه وإحسانه

اللهم آآآآآآآآآآآآآآآآآآآآمين يا استاذ محمود
ويكون هذا الدعاء فى ساعة اجابه
ربنا يجزيك خير

[mahmoud1011]

مساء الفل والورد والياسمين على الناس الحلوين.. ويارب دايما في الصفحة منورين.. حمدلله على السلامة يا انج وعلى فكرة الكوسة والواسطة والمحسوبية شكلها كده لسة ليها شوط تاني محدش عارف هيخلص امتى.. والمصيبة ان التعليم واخد اكبر نصيب وربنا يسهلها والحاجأت دي تختفي ا واحنا على ضهر الدنيا.. ندى/ الف مبروك خطوبة اخوكي وعقبالي يارب.. على فكرة انا كمان بحب لعبة المزرعة السعيدة قوي.. المشتاقة/ فين الصور ما تبقيش بخيلة قوي كدة.. وربنا يوفقك مش عارف ليه عندي احساس بيقول انك أروبة قوي فاهماها صح ومش من الناس اللي بتكسرهم الظروف وبيعلقوا الشماعات يارب تجيلك الفرصة وتتحقي النجأح اللي تستاهليه فعلا.. بعد يومين هيبقى مر على سفري المرة دي 4 شهور وحاسس انهم 4 ساعات يلا بقى علشأن هنام تصبحوا على خير