|
#1
|
|||
|
|||
اقتباس:
تمام بس انا شغال من جيم وسنيور ومعنديش بردو مشاكل فى الانجلش وبعمل زيك بردو بحل الاتنين بس المستر بيصححلى جيم لانه الكتاب الاساسى اللى بنشتغل منه وسنيور لو فى اى حاجة وقفت فيه معايا بقولوا عليها وبيحلها بس دلوقتى انا عايز اعرف انت بتذاكر قصة الانجلش منين لان القصة جديدة ومنزلتش فى امتحانات الثانوية غير مرتين بس فمش عارف اذاكرها منين خصوصا ان اسئلتها كتيرة وشخصياتها اكتر وربنا يكرمنا بالدرجة النهائية ان شاء الله
__________________
|
#2
|
|||
|
|||
ربنا يوفكو يا شباب ويا بنات " والله انا مش عرفت اذاكر الاسبوع اللى فات كويس فا المواد تقلت عليا هوا انا استاهل اساسا
بس خير ادعولى بس ربنا يكرمنى واقدر اخلص الاديم عشان الحق اذاكر الجديد وربنا يرضى عنكم ويقوبكو يارب فى سوال بس كده للناس اللى تعرف الخرائط الذهنيه ؟؟؟ حد جربها |
#3
|
|||
|
|||
المسألة دى موجودة فى كتاب المدرسة ص 153 مثال رقم 2
مخلوط من مادة صلبة يحتوى على هيدروكسيد الصوديوم وكلوريد الصوديوم . لزم لمعايرة 1, جرام منه حتى تمام التفاعل 10 ملليلتر من 1, مولارى حمض الهيدروكلوريك. احسب نسبة هيدروكسيد الصوديوم فى المخلوط انا بقى مش طالب الحل لأن المسألة محلولة بس مش فاهم طريقتها انا المشكلة انى مش فاهم اى حاجة فى اى حاجة من المسألة دى.. حسيت اول ماشفتها كأنى معرفش حاجة فى الباب المسألة دى هل هى من مسائل المعايرة؟ طيب اى نوع من انواع المعايرة؟ |
#4
|
|||
|
|||
اييييييه يا دكاترة المستقبل ان شاء الله ..
معلش سامحوووونى اليومين دول غبت عنكو فيهم .. طمنونى عليكو .. و اللى محتاج حاجة يقول .. ربنا يقويكو الهمة يا شباااااااااب |
#5
|
|||
|
|||
اقتباس:
ياريت تنصحينا نذاكر قصة الانجلش منين ؟ وايه رايك فى فكرتى انى ابدا الجيولوجيا فى شهر 12 عشان مضغطش نفسى وكده كفاية علينا الاحياء والعربى والبقية تاتى
__________________
|
#6
|
|||
|
|||
اقتباس:
بعد ما تخلصو كل ده افتحو بقى ف اسئلةالكتب الخارجية .. ادوووووها براحتكو .. كل ما تحلو اكتر كل ما المعلومات تثبت ف دماغكو اكتر و تلاقو نفسكو حفظتو الشابتر من كتر الحل ... حوار الجيولوجيا هسالكو البنات اللى انا كنت سالتهم قبل كدة .. بس انتو قولولى هو فى حاجة منها اتلغت عندكو ؟؟ هم هيبقو ادرى بطبيعه المادة منى و هيبقو عارفين ايه الافضل ليكو فيها .. ربنا معاكو |
#7
|
|||
|
|||
هتلر ... هدورلك حاضر على ملزمة فيزيا كويسة تانية .. اعذرنى بس اتاخرت عليك بس و الله غصب عنى ان شاء الله ف اقرب وقت انزلك لينك لحاجة تانية كويسة
Drako .. " يا رب اكون كتبت الاسم صح " .. كمل مع مدرس العربي بتاعك و اشتغل معاه .. دة مدرس كووووويس جداااااا .. اوعى تزعل انك نقصت ف الامتحان ده بالعكس .. افرح و افرح اوووى كمااان .. انقص دلوقتى و قفل ف الامتحان .. دة اللى احنا عايزينه .. امتحان اخر السنة مابيجيش بالطول اللى انت بتحكى عنه ده ماتقلقش .. هتحل كل الاسئلة ان شاء الله بما فيها الاختيارى ... هو بيعملكو كدة بس دلوقتى كنوع من التدريب و عشان تفتكرو و تجمعو الدنيا و تحددو نقط ضعفكو .. انتو معندكوش منهج نحو السنة دى خاااااااالص الا دروس بس تتعد ع الصوابع .. كله المنهج القديم عشان كدة هو حط اسئلة تغطى الكلام ده .. اتكل على الله و اشتغل مع المدرس ده للاخر زى ما هيقوووولك .. و اوووووووعى تيجي ف مرة يكون عامل امتحان و ماتروحش عشان مش مراجع .. لااااا .. رووح و حل و شوف انت محتفظ ف ذاكرتك باد ايه من المعلومات من اول مذاكرة.. دة هيديك اشارة للى محتاج تعيد عليه و ان كنت بتذاكر بطريقة صح بتثبت المعلومات ف دماغك و لا لا .. ربنا يوفقكو جميعااا باذن الله |
#8
|
|||
|
|||
اقتباس:
والله الواحد مش عارف هيعمل ايه من غير نصايح حضرتك بصراحة حاجة رائعة تستاهلى عليها كل الشكر والتقدير وان شاء الله ربنا هيكرمك ويوفقك فى كل ماتتمنيه يارب بس كان عندى حتة استفسار صغيرفى انى اذاكر الشابتر واطلع منه الاسئلة اعتقد ان ده هياخد منى وقت ولا رايك ايه ؟ انا كنت دايما كنت بقرا الشابتر من كتاب المدرسة واحفظ الاسئلة والاجوبة بتاعة الشابتر من الكتاب الخارجى وبعد كده احل من كتاب المدرسة والكتاب الخارجى فمش عارف هل كده صح ولا لا والسنة دى مش عارف احفظ اسئلة القصة من انهى كتاب خارجى عايز كتاب يكون لامم كل الاسئلة ومش سايب حاجة انا معايا جيم وسنيور ومش قادر احكم هحفظ اسئلة مين وكتاب المدرسة لسه مستلمتهوش بس النص الاصلى بتاع كل شابتر موجود ف سنيور فياريت حضرتك تنصحينى اعمل ايه بالظبط وهل انا كنت بذاكر صح ولا كنت بتعب نفسى ع الفاضى مع انى استمريت ع النظام ده من 3 اعدادى ل 2 ثانوى والحمدلله عمرى ما نقصت ف القصة بس بصراحة كنت بتعب منها فى الاخر لانها كانت بتاخد منى مجهود فياترى اكمل بنفس نظامى القديم ولا اغيره ولو كملت اذاكر من انهى كتاب خارجى ؟ حتة الجيولوجيا ياريت حضرتك تسالى لنا فيها احنا منهجنا السنة ديه اول 5 ابواب جيولوجيا لان الباب السادس اتحذف وعلوم البيئة عندنا الباب الاول والتالت لانهم حذفو الباب التانى يعنى الجيولوجيا وعلوم البيئة كلهم 7 ابواب فياترى يستاهلوا اخد فيهم درس من دلوقتى ولا استنى لشهر 12 ؟ سورى ع الرغى الكتير
__________________
|
#9
|
|||
|
|||
اقتباس:
معانى القصه ثم معانى القصه ثم معانى القصه، بيتعمل فيها إيه ؟؟ |
#10
|
|||
|
|||
اقتباس:
انا عن نفسي كنت بحفظها و مختلفة تمااامااا مع الدكتورة ف حوار انكو تقرو المعانى بس ده .. لو دخلتو على المنتدى القديم بتاعنا ده اللى هو الموضوع اللى كنا احنا متجمعين فيه و شفتو الاسئلة اللى كانت عليه ليلة امتحان العربي هتلاقو 90% منها ان مكنش كلها على المعانى .. كلها يا مضاد يا جمع يا مفرد .. و انا ف تانية ثانوى لما عملت تظلم لقيته منقصنى درجتين ف الورقة على معانى النص الاجبارى لمجرد انى مكنت كاتباهم زى ما هم ف النموذج .. و للامانه اجابات النموذج كانت موجوده ف الكتب الخارجية و انا كنت حافظاها بس مكنتش براجع ع المعانى ف تانية عشان كدة نقصت .. المعانى كفيلة انها تديكو درجات من الهو لو اتحفظت و اكدتو عليها و ما اهملتوهاش .. و كفيلة برضه انها بعد الشر تطير منكو درجات دوووون ادنى داعى رأيي الخاص و نصيحتى ليكو قدام ربنا .. احفظوووووووها .. متعبة و مقرفة و مملة .. انا عارفة و الله .. بس لو ماتعبتوش ف المذاكرة هتتعبو ف ايه يعنى ... العربي مش بالبساطة اللى ناس كتير متخيلاها و لا عااااادى كدة بيتلم ف اخر شهرين .. الناس اللى لمته اخر شهرين دول كانو قايمين نايمين ف الشهرين دول ع العربي انا مش عايزاكو تعملو كدة عشان انتو موادكو كتير و محتاجين كل دقيقة ف كل مادة .. ادوله حقه دلوقتى ف المذاكرة و التعب عشان مايخدش هو حقه منكو تالت و متلت ف المراجعه ربنا يقويكو |
#11
|
|||
|
|||
اقتباس:
ماهو أصل أنا قريتها و جيت بحل لقيت مضاد و جمع و معانى حاجات غريبه أوى، ديه أكبر مشكله عندى لغاية دلوقتى |
#12
|
||||
|
||||
بصوا يا جماعه
انا اخدت Chapter 1 المستر بيكتبلنا القصه فى مذكره بنص كتاب المدرسه وكل فقره تحتيها الترجمه بتاعتها وجايب كلمات نحفظها فانا قريت القصه كويس مره واتنين وفى الوقت ده طلعت كلمات تانيه مش عارفاها وقمت حفظت اللى طلعتوا مع كلمات المستر مع كلمات ذا بيست وسربريز "هما اللى معايا لان لسه المستر ماجابليش اجابات كتب تانيه" بعدين قريت القصه مره تالته وطلعت اسئله واجابات وقمت حفظت الاجابات دى المستر عاملنا اسئله برضو ...دى حفظت مع اللى طلعتوا بعدين مسكت الكتب الخارجيه جبت الاسئله قريتها وعلمت ع اللى شبه بعضو وحفظتوا ولو السؤال بطريه واحده والاجابة بطريقتين حفظت الاجابتين وبعدين جبت الاسئله اللى مش متشابهه حفظتها وقمت كاتبه الاسئله كلها فى ورق فلوسكاب بالجاف وسيبت مكان الاجابه رحت مسمعاهم بقلم رصاص بخط خفيف اوى وعلمتهم وكل ما الاقى نفسى غلطت اقوم امسح الرصاص واعيد تانى وفى الاخر طلعت اللى اتلخبطت فيه كتير فى ورق تانى ع جمب وبقيت اراجع عليهم من وقت للتانى وحليت اسئله اللى مش محلوله فى مذكره المستر وسيربرايز وذا بيست المهم الطريقه دى هتودينى فى داهيه هى بتلم الاسئله كويس اوى وبحس انى القصه اتظبطت معايا بس بصراحه بتاخد وقت كبيييير حد عنده حل تانى ؟
__________________
إَرسـمــ أَحـلـامـك علـى جـدران الـأَمـل ثـمــ إمـضـي لـ تـحقـيقهـا بــ تــفــاؤلツ الصـبــرِ :: ڪالـدوِاء الـمـر مـذاقــة سـئ ،، وِ لڪن نتــائجـة جميلـة ツ
|
#13
|
|||
|
|||
اقتباس:
ربنا يقويكى |
#14
|
||||
|
||||
اقتباس:
انا بس كنت قلقانه اوى من القصه لان كل اللى اعرفهم خوفونى منها والمستر كمان قال انها صعبه هو بالنسبه للحل كده كده بحل كتير بس كنت بزود انى بقعد احفظ لكن الحفظ رخم جدا وبياخد وقت لكن لما حليت لقيت فيه اسئله كتير بتتكرر وبتيجى نفس السؤال بس باسلوب مختلف يعنى هيغنى انى اقعد احفظ لان السؤال لما يتكرر واحله اكتر من مره هيثبت لوحده
__________________
إَرسـمــ أَحـلـامـك علـى جـدران الـأَمـل ثـمــ إمـضـي لـ تـحقـيقهـا بــ تــفــاؤلツ الصـبــرِ :: ڪالـدوِاء الـمـر مـذاقــة سـئ ،، وِ لڪن نتــائجـة جميلـة ツ
|
#15
|
|||
|
|||
اقتباس:
ايوة كدة تمام .. ماتقلقيش م القصة و الله هى سهله بس محتاجة تركيز و مراجعه و مذاكرة كويسة .. اول مذاكرة ليها هتحسي انها غلسة .. تانى مذاكرة بقى او المراجعه يعنى هتلاقى نفسك فيها بداتى تلمى الدنيا .. المدرسين بيقولو عليها صعبة لانهم بيقارنوها بالقصة اللى قبلها اللى هى mask of gold .. و القصة القديمة دى بشهاده كل الناس كانت هبله جدااااا و عبيطة .. فدى بالنسبة لها صعبة و دسمة بقى و مليانه .. ربنا يعينكو |
العلامات المرجعية |
|
|