دفعة ثانوية عامة 2016

[Duke Tefa]

المشاركة الأصلية كتبت بواسطة mohamed_hamza

غنّيها

مش هقولك استنتجي واشتقي والكلام اللي مبيأكلش عيش دا،
فيه لكل وحدة قياس عندكم تقريبا اربع أو خمس وحدات متكافئة فعشان تستنجي دا كله صعب ثانيا ممكن لاقدر الله تستنجي وحدة غلط، هو احساس انك تستنجي الوحدة المكافئة لوحدك دا حلو اه بس احساس الحل الصح اخر السنة احلى، ثالثا في الامتحان مفيش وقت للاستنتاج والتفكير انتي بتدخلي تكتبي وبس.مش داخلة تجربي

احفظي الوحدات اللي عندك كويس ولو صعب عليكي حاجة، حطيها فلحن وغنيها ولما تقرأيها بعد كدا اقرأيها بنفس اللحن دا، لحد ما توصلي لمرحلة هتلاقي نفسك بتقرأيها كدا لا اراديا اول ماتشوفيها، انا عملت كدا مع كام وحدة السنة اللي فاتت وجت وحدة منهم آخر السنة وحليتها بمجرد النظر غير اللي كنت حافظهم من غير لحن قعدت افتكر فيهم شوية

الصراحة انا بحب استنتجهم مش بحب احفظهم
وخصوصاً الفيزياء مش بحب الحفظ فيها غير النظري بس الي بحفظه

[Mohamed_Hamza]

المشاركة الأصلية كتبت بواسطة Duke Tefa

الصراحة انا بحب استنتجهم مش بحب احفظهم
وخصوصاً الفيزياء مش بحب الحفظ فيها غير النظري بس الي بحفظه

حقك ياكبير مانت رياضة بئا
بس كل شيخ وليه طريقة بردو
انا كنت بستنتجهم في الاول بس الموضوع مكنش ماشي معايا كويس في كل الوحدات، فغيرت الطريقة وبدأت احفظ

[Duke Tefa]

المشاركة الأصلية كتبت بواسطة Mohamed_Hamza

حقك ياكبير مانت رياضة بئا
بس كل شيخ وليه طريقة بردو
انا كنت بستنتجهم في الاول بس الموضوع مكنش ماشي معايا كويس في كل الوحدات، فغيرت الطريقة وبدأت احفظ

وفي وحدات كمان ساعات الواحد مش بيعرف يستنتجهم او في وحدات تحسها صعبة وفي الاخر تطلع ميو

[رفيقة الامل]

المشاركة الأصلية كتبت بواسطة Duke Tefa

زي ما قالك احمد ورقة وقلم واقعدي اشتقي وطلعي الوحدات المكافئة
انا اول سنة مش كنت بعرف احل واعرف وحدات القياس دي
لكن والله في المراجعة كنت بمسك وحدة وحدة واطلع من المكافئة علي طول

ماشى يامصطفى شكرا ع ردك

[رفيقة الامل]

المشاركة الأصلية كتبت بواسطة mohamed_hamza

حلوا امتحانات كتير من دلوقتي عشان تطمنوا لاخر السنة اكتر.

حلوا في كتاب الامتحانات نفسه على قد ماتقدروا، مش في ورق خارجي، الكتاب مش هيتحط في المتحف يعني، لما هتبصوا ع الامتحانات في الاخر كدا وتلاقوها محلولة دا بيطمنكم، على عكس لما يكون ابيض ياورد، حتى لو انتوا حالينه برا هتحسوا ان في حاجة ناقصة بردو...
مع ذلك فيه حاجات لازم تتحل برا الكتاب زي المسائل والرسومات... الخ.

المواد العلمية عندكم اربعة، كل يوم تحلوا امتحان في مادتين منهم مثلا، ولما يبدأ شهر خمسة زودوا الكمية شوية.

لو سؤال عارفين اجابته كويس حلوه شفوي، اما لو سؤال جديد او مش ثابت اوي احفظوا حله غيبا واكتبوه.

لو مش فاكرين معادلة عضوية في الامتحان، شوفوها من مصدر االمذاكرة واكتبوها خمس مرات، وانطقوا اللي بتكتبوه.

في امتحان الفيزياء حلوا الرسم البياني، وامتحان الكيمياء اي معادلة تتكتب باليد، الفيزياء اي اثبات او استنتاج اكتبوه باليد، وفي امتحان الاحياء ارسموا الرسمة بالبيانات كاملة، والجيولوجيا كذلك، هتستهونوا بالحاجات دي وتفتكروها تافهة، الحاجات التافهة دي بتضيع اتخن تخين في الثانوية.

والعكس بئا فيه حاجات تافهة فعلا مش تضيعوا وقتكم فيها ع الفاضي، زي كتابة الاجابات اللي انتوا حافظينها صم، زي قطعتين الفهم في الانجلش (كدا كدا هيجيبوا قطعة تانية خالص بأسئلة تانية خالص) ، زي قطع البلاغة اللي كلامها صعب (في الاخر بيجيبوا قطعة عبيطة)، زي التعبير والبراجراف (كفاية موضوع تعبير وبراجراف واحد مرة كل اسبوعين مثلا).

لو انتوا حافظين حاجة قبل كدا، وجه سؤال فيها وانتوا ناسيينها، حاولوا تتعبوا نفسكم شوية وتفتكروا مكان الكلام في الصفحة قبل ماتروحوا تشوفوها، هتستسهلوا وتشوفوا الاجابة على طول هتنسوها تاني، اللي بيجي سهل بيروح سهل...


خدوا بالكوا من دي عشان اهم حاجة، لما تغلطوا افرحوا مش تُحبطوا، ربنا خلاكم تغلطوا الغلطة دي دلوقتي عشان مش تغلطوا فيها اخر السنة، اتعلموا من غلطكم واعرفوا ايه الصح، ومش بس كدا، اعرفوا كمان ايه الطريق اللي وصلكم للغلطة دي عشان ماتكرروش غلطة زيها تاني، هي مش مجرد غلط وعرفنا الصح بتاعه والسلام، لا اكيد وراها سبب: يا اما مش مراجعين الدرس كويس، يا اما بتهملوا جزئيات في الدرس، يا اما مش فاهمين السؤال نفسه كويس، يا اما اتسرعتوا في الاجابة ... يا اما حاجات كتير، فحاولوا تشتغلوا ع السبب وتعالجوه دا عشان تقللوا الغلطات تدريجيا لحد ماتختفي تماما.
...
امتحانات اخر السنة ليها كلام تاني، بس خليه في وقته احسن.

شكراااااااااااا يادكتور ادعيلنا بالله عليك

[ahmedtarea]

المشاركة الأصلية كتبت بواسطة Duke Tefa

يسطي والله انا كنت مدريدي زيك
بس من قبل مونديال 2014 انضميت لرابطة البايرن والمنتخب الالماني
وده السبب الي خلاني اختار الماني كلغة تانية لما دخلت 1 ثانوي
الصراحة البايرن والمنتخب فرق غير طبيعية مش بيتعبوا ابدا في الماتش

هههههههه ماشي

[Duke Tefa]

المشاركة الأصلية كتبت بواسطة ahmedtarea

هههههههه ماشي

الف مبروك علي فوزكم علي برشلونة والله فرحتلكم من قلبي

[Esraa Yousry]

المشاركة الأصلية كتبت بواسطة Duke Tefa

بصي المدرس اول ما خلص المنهج
مسك الحاجات والاجزاء الصعبة زي تطبيقات العظمي والصغري والمحددات وتطبيقات التكامل وكل الحاجات الي فيها افكار راجعها كاملة معانا من الدليل
وبعد ما خلصناهم بدانا بفرع فرع يعني كل فرع بياخد 3 حصص مراجعة من كتاب 100% مراجعة نهائية بنحل اختباراته علي كل باب او فصل ثم بدخل علي اختبارات كتاب الوزارة بنحلها ايضاً وهكذا كل فرع احنا باقيلنا دلوقتي حصة هنحل فيها اختبارات الديناميكا من الوزارة
وبكدا يكون خلصنا كل الفروع مراجعة
وهيبدا المدرس من اختبارات الدليل هنحلها ثم الامتحانات السابقة ثم امثلة كتاب الوزارة وبكدا نكون ادينا كل فرع حقه وزيادة
ومش هكدب عليكي لو قولتلك اني الرياضة هي اكتر مادة راجعنها فيها كتير اوي
وربنا معانا

بص هو الاستاذ معملش معانا كده
هو بدأ بمراجعه فرع فرع والحصص الصعبه كان بيخليها لوحديها او معاها حاجه عبيطه كده و واحنا قاعدلنا التطبيقيه فى المراجعه وهو بيدينا ورق لامم هو فيه اصعب اسئله كتا ب المدرسه والدليل تقريبا كل اسئلته المعاصر كان بيجيب منه بس فى الشرح لكن هو عمره ما قالنا نجيب كتاب خارجى بس الصراحه انا اصلا كتابه ومراجعاته وكتاب امتحانات هو عامله برضه مكفينى وزياده وبتعجبنى دماغه مدى كل حاجه حقها الحمد لله بس يمكن الحصه بتطول جاااااااامد قووووووووي برو ع 12 تقريبا ببقى فى البيت الساعه 5

[Duke Tefa]

المشاركة الأصلية كتبت بواسطة Esraa Yousry

بص هو الاستاذ معملش معانا كده
هو بدأ بمراجعه فرع فرع والحصص الصعبه كان بيخليها لوحديها او معاها حاجه عبيطه كده و واحنا قاعدلنا التطبيقيه فى المراجعه وهو بيدينا ورق لامم هو فيه اصعب اسئله كتا ب المدرسه والدليل تقريبا كل اسئلته المعاصر كان بيجيب منه بس فى الشرح لكن هو عمره ما قالنا نجيب كتاب خارجى بس الصراحه انا اصلا كتابه ومراجعاته وكتاب امتحانات هو عامله برضه مكفينى وزياده وبتعجبنى دماغه مدى كل حاجه حقها الحمد لله بس يمكن الحصه بتطول جاااااااامد قووووووووي برو ع 12 تقريبا ببقى فى البيت الساعه 5

يا لهوي من 12 ل 5
المهم احنا ايضاً مش جايبين كتاب خارجي شغالين من مذكراته كانت اول السنة شرح
انما في المراجعة جبلنا 100% وصورهولنا وكذلك الدليل القديم صورهولنا
انا حصتي بردو الساعة 12 بس برجع 1 ونص او 2 بالكتير لاني الدرس جنب البيت

[ahmedtarea]

المشاركة الأصلية كتبت بواسطة Duke Tefa

الف مبروك علي فوزكم علي برشلونة والله فرحتلكم من قلبي

ما انت مشجع قديم لازم تفرح

[شرف الزملكاوى14]

المشاركة الأصلية كتبت بواسطة رفيقة الامل

حد يقولى ع طريقة احفظ بيها وجدات القياس ف الفيزيا ضرووووووووووووووووووووووووووووووووووووووووووررى

بصى وحدات القياس دى انا عن نفسى عمرى ما حفظتها
هوا اهم حاجة فيها انك تشوفى الوحدة المكافئة وترجعيها للوحدة الاصلية .. يعنى وانتى بتذاكريها ومكتوب مثلا الوحدات المكافئة للفولت .. مطلوب منك تبصى على كل وحدة مكافئة وازاى ترجعيها بقى للفولت لان السؤال اللى بييجى الامتحان كده
وبرضو احد خطوات انك ترجعى الوحدة المكافئة للاصلية ( لو هوا صعب شوية فى الوحدة المكافئة ) انك تكونى حافظة كام حاجة صغيرة كده فى الوحدات .. النيوتن مثلا كان بيكافىء حاجة كده فيها كيلو جرام .. قصدى يعنى ان اللى هتحفظيهم ميعديش 3-4 وحدات بس علشان لوشفتى مثلا الكيلوجرام ده وكان معاه حاجة كده مش فاكرها تقومى شايلة البتاع ده على بعضه وحطة نيوتن مكانها .. هتلاقى ظهرلك بقى قانون بسيط خالص ..
اما بقى لو الوحدة المكافئة سهلا .. فانتى هتشيلى كل وحدة وهتحطى الكمية اللى بتقيسها يقوم يظهرلك قانون يوصلك للوحدة الاصلية .. حاولى بس تدربى عليها .. بعد اكتر من مرة هتلاقي ان شاء الله الحكاية دى بقت سهلة
++ لو السؤال بقى جابلك وحدة وقالك هاتى الوحدات المكافئة بتاعتها ( وده نادر جدا ) سهلة خالص
لو قالك مثلا الفولت
تقومى كاتبة القانون العادى خالص للفولت اللى هوا IR يبقى هوا امبير فى اوم بعدين مرة تشيلى المقاومة مثلا وتحطى قانونها التانى اللى هوا رو فى ال على A .. ومرةتانية تثبتى المقاومة وتغيرى التيار بقانون تانى مثلا ومرة تالتة تغييرهم هما الاتنين وهكذا
واسف عالتطويل

[Duke Tefa]

المشاركة الأصلية كتبت بواسطة شرف الزملكاوى14

بصى وحدات القياس دى انا عن نفسى عمرى ما حفظتها
هوا اهم حاجة فيها انك تشوفى الوحدة المكافئة وترجعيها للوحدة الاصلية .. يعنى وانتى بتذاكريها ومكتوب مثلا الوحدات المكافئة للفولت .. مطلوب منك تبصى على كل وحدة مكافئة وازاى ترجعيها بقى للفولت لان السؤال اللى بييجى الامتحان كده
وبرضو احد خطوات انك ترجعى الوحدة المكافئة للاصلية ( لو هوا صعب شوية فى الوحدة المكافئة ) انك تكونى حافظة كام حاجة صغيرة كده فى الوحدات .. النيوتن مثلا كان بيكافىء حاجة كده فيها كيلو جرام .. قصدى يعنى ان اللى هتحفظيهم ميعديش 3-4 وحدات بس علشان لوشفتى مثلا الكيلوجرام ده وكان معاه حاجة كده مش فاكرها تقومى شايلة البتاع ده على بعضه وحطة نيوتن مكانها .. هتلاقى ظهرلك بقى قانون بسيط خالص ..
اما بقى لو الوحدة المكافئة سهلا .. فانتى هتشيلى كل وحدة وهتحطى الكمية اللى بتقيسها يقوم يظهرلك قانون يوصلك للوحدة الاصلية .. حاولى بس تدربى عليها .. بعد اكتر من مرة هتلاقي ان شاء الله الحكاية دى بقت سهلة
++ لو السؤال بقى جابلك وحدة وقالك هاتى الوحدات المكافئة بتاعتها ( وده نادر جدا ) سهلة خالص
لو قالك مثلا الفولت
تقومى كاتبة القانون العادى خالص للفولت اللى هوا ir يبقى هوا امبير فى اوم بعدين مرة تشيلى المقاومة مثلا وتحطى قانونها التانى اللى هوا رو فى ال على a .. ومرةتانية تثبتى المقاومة وتغيرى التيار بقانون تانى مثلا ومرة تالتة تغييرهم هما الاتنين وهكذا
واسف عالتطويل

الصراحة يا دوك كلام جميل

[Esraa Yousry]

المشاركة الأصلية كتبت بواسطة duke tefa

يا لهوي من 12 ل 5
المهم احنا ايضاً مش جايبين كتاب خارجي شغالين من مذكراته كانت اول السنة شرح
انما في المراجعة جبلنا 100% وصورهولنا وكذلك الدليل القديم صورهولنا
انا حصتي بردو الساعة 12 بس برجع 1 ونص او 2 بالكتير لاني الدرس جنب البيت

واحده ونص 2

انا البيت مش بعيد للدرجه بس احنا تقريبا بنخلص 4 ونص 5 الا

بس مشكله يعنى كده كده الرياضه تقريبا مش بحط دروس بعديها

المهم انه بيلملنا فعلا اسئله الدليل كلها تقريبا هى اسئلته رخمه بشكل الدليل ده

خير ان شاء الله اللي مش مظبطه معايا هى الفيزيا المشكله انى ادركت ان النظرى بتاعها مينفعش معاه غير الحفظ متاخر اووووى
ومش مظبطه معايا خالص انا اصلا لسه مخلصتش المنهج قاعدلى حصتين او تلاته فخير ان شاااء الله

[Duke Tefa]

المشاركة الأصلية كتبت بواسطة esraa yousry

واحده ونص 2

انا البيت مش بعيد للدرجه بس احنا تقريبا بنخلص 4 ونص 5 الا

بس مشكله يعنى كده كده الرياضه تقريبا مش بحط دروس بعديها

المهم انه بيلملنا فعلا اسئله الدليل كلها تقريبا هى اسئلته رخمه بشكل الدليل ده

خير ان شاء الله اللي مش مظبطه معايا هى الفيزيا المشكله انى ادركت ان النظرى بتاعها مينفعش معاه غير الحفظ متاخر اووووى
ومش مظبطه معايا خالص انا اصلا لسه مخلصتش المنهج قاعدلى حصتين او تلاته فخير ان شاااء الله

ان شاء الله خير
فعلا نظري الفيزياء رخم وخصوصاً الحديثة

[Duke Tefa]

بصي بقي يا إسراء ده القانون الي اكتشفته بس للأسف اكتشفته متاخر
ده قانون اسمه هيرو بتجيبي منه مساحة المثلث بمعلومية اطوال اضلاعه الثلاثة سواء كان متساوي الاضلاع او مختلف وغير كدا اني هينفعنا جامد في بعض الاشكال الرخمة في الفراغية مع العلم اني القانون ده لو حليتي بيه في الامتحان صح 100% لذلك نزل السنة دي القانون ده في سنة 1 ث وابقي اسالي مدرسك للتاكد
* الصراحة قانون من الآخر
http://up.harajgulf.com/do.php?img=674202