ايه اخبار تعيين أوائل الكليات ياجماعة؟ - الصفحة 303

vetcubo24 · #**4531** 13-12-2011, 10:46 PM

[QUOTE=kimifawzy;4160430]دكتور عبد الرحمن

معلش سؤال

يعني إيه ياخدوا بالترتيب

طيب ما ممكن أبقى أنا ال 15 على دفعتي و تقديري أو مجموعي أعلى من الأول في دفعة تانية

و كمان فيه دفعات قبلي اتعين منها 40 واحد على 3 سنين عشان كانوا جايبين مجموع أعلى من الأوائل في السنين اللي بعدهم؟؟؟؟

يا ريت يكون فيه توضيح دقيق في النقطة ديه

لإن فعلاً في كليتي "بيطري القاهرة" فيه دفعات الأول فيها جايب جيد مرتفع ؟؟؟ هل هيتم تعينه عشان هو الأول في دفعته قبلنا و أنا جايب جيد جداً ؟؟؟؟

و سؤال تاني معلش:

الناس اللي هيطلعلهم جوابات اللي قدموا بس و لا كل اللي في القائمة اللي الجامعة بعتتها ؟؟؟؟

و بالنسبة للناس اللي شغالين في جهات حكومية تابعة لتخصصهم هل هيطلعلهم جوابات برضوا ولا هيتعينوا في مكانهم بدل التعاقد

اولا يادكتور لو حيفاضل الناس بالترتيب حيبقى فى انصاف وبعدين ماتحتش نفسك فى مقارنة مع دفعات سابقة
لان انت لم توضع تحت ظروف اختبارهم فالدفعات الحديثة بالكلية نظم الساعات المعتمدة الى بيها ممكن تاجل مواد بمزاجك كما يجب ان تلاحظ شى ان ممكن خريج كلية طب بيطرى فى نفس دفعتك من جامعة تانية ممكن ترتيبة اقل منك ولكن التراكمى والتقدير اعلى منك فى جامعات طب بيطرى فيها بيحصل على امتياز كتير مثل كفر الشيح لذا يجب طرح الموضوع بكافة جوانبة

wafa2 · #**4532** 14-12-2011, 12:05 AM

اقتباس:

المشاركة الأصلية كتبت بواسطة فاطمة الزهراء 86

السلام عليكم

معذرة يا دكتور عبد الرحمن لي سؤال وأرجو الرد عليه :

حضرتك قلت إن ( وحاولنا معرفه طريقة التوزيع بشكل اخر : لاقينا ان هما مثلا بياخدو الاول فى الكشف فى كليه ما فى كل الدفعات يوزعوه وبعدين يدخلوا على التانى وهكذا .........

1- يعني إيه ياخذوا الأول وبعدين الثاني يعنى معنى كده إني هستنى للسنة الجاية عشان أتعين ده لو كان ترتيبي 15 ولا إيه أرجو التوضيح .
2- هو إحنا هنستلم الجواب من القاهرة ولا إيه .

3 - طيب اللي بيشتغل مؤقت يستقيل دلوقت ولا يستنى لما يستلم الجواب وبعدين يقدم الإستقالة , ولا هما مثلا هيقولولي روحي على بيتك لأنك شغالة .

4- طيب لما هستلم الشغل الجديد هقدم الإستقالة بتاعتي للشغل الجديد عشان يعرفوا إني معتش شغالة حكومي ولا مقلش حاجة وقدم ورقي عادي .

5- سؤال اخير هو نتيجة إيه اللي هتبان يوم الخميس المراحل يعني والمواعيد .

معلش اسئلتي كتير جدا لكن ما بقا إلا القليل وجزاك الله خيرا على المجهود الرائع .

اسمحيلى ارد عليكى ولو ان السؤال موجه لد عبد الرحمن بس حبيت افيدك باللى عندى
1- مش هتستنى للسنة الجايه ولا حاجه الموضوع ان الناس سالوا النحاس ازاى بتوزع الاوائل والمادة 18 بتنص على ان الاولويه للاعلى مؤهلا الماجستير او الدكتوراه يعنى ثم الاعلى تقديرا ثم الاقدم تخرجا ولو تساوا كل دى يبقى الاكبر سنا بس النحاس قال انا مش ملتزم بالمادة دى فى التوزيع وان اللى بيعملوه انهم بياخدوا اول الدفعة بتاع العشرين كلهم فى كل كلية ويوزعوهم وبعدين ياخدوا التانى من كل الدفعات وهكذا ومن المفترض ان الكلام دى تم خلاص او فى سبيله للانتهاء فى خلال اسبوع ان شاء الله

2- حتى الان استلام الجوابات هتكون من المقر الرئيسى فى القاهره وهيكون لكل جامعه يوم فى الاستلام وهيتم الاعلان عن الحدول دى الخميس القادم بحيث كل واحد يبقى عارف معاد استلام الجواب بتاعه

3- محدش يقدر يقولك روحى بيتك ولا حاجه انتى هتستلمى الشغل ان شاء الله بس امتى تقدمى استقالتك انا رايى بعد ما تستلمى جواب التعيين فى ايدك وتطمنى تماما من جديه الموضوع لاحسن الواحد مبقاش ضامن خاحه اليومين دول تقدرى تقدمى استقالتك واعتقد ان فى اسبوعين بين استلام الجواب والتعيين الفعلى على الاقل لتقديم الاوراق اللى هى اصول الشهادات للجهه اللى هتتعينى فيها

4- مش هقدر افيدك فى الموضوع دى بس مش جريمة يعنى انك بتشتعلى واكيد اى جهه متوقعه انك تكونى بتشتغلى فى مكان تانى واعتقد برده انك لازم تقدمى فيما يفيد انك قدمتى استقالتك وتم قبولها دى لو كنتى بيتشتغلى فى الحكومة اصلا انما فى اى جهه خاصه اعتقد مش هتفرف يعنى هى بس الفكرة انك مش تحجزى مكانين فى الحكومة

5- نتيجة المراحل يعنى كل جامعه ايه اليوم اللى المفروض تستلم فيه جواب التعيين

يارب اكون افدتك ويتممها على خير يااااااااااااااااااااااااااااااااااااااااااااااااا ااااااااااااااااااااااااا رب

ولاء عفيفى · #**4533** 14-12-2011, 12:31 AM

السلا عليكم يا دكتور عبد الرحمن لو سمحت ممكن تفيدنى اخر تعيين طلاب المنح ايه و ممكن الاستلام يكون على امتى

METO4050 · #**4534** 14-12-2011, 12:45 AM

الى الدكتور عبد الرحمن
قرات عن فتح مكتب لتلقى الطلبات واستكمال الاوراق بدءا من يوم 12-12
ما تعليق حضرتك على هذا الكلام
2 -ما هو قصد حضرتك بالاستمارات التى قدمناها فى شهر نوفمبر احنا قدمنا فى شهر اكتوبر
هو كان فى حاجة تانية ولا ايه
هو حضرتك ليه ما بتردش علية

kimifawzy · #**4535** 14-12-2011, 01:54 AM

[QUOTE=vetcubo24;4160577]

اقتباس:

المشاركة الأصلية كتبت بواسطة kimifawzy

اولا يادكتور لو حيفاضل الناس بالترتيب حيبقى فى انصاف وبعدين ماتحتش نفسك فى مقارنة مع دفعات سابقة
لان انت لم توضع تحت ظروف اختبارهم فالدفعات الحديثة بالكلية نظم الساعات المعتمدة الى بيها ممكن تاجل مواد بمزاجك كما يجب ان تلاحظ شى ان ممكن خريج كلية طب بيطرى فى نفس دفعتك من جامعة تانية ممكن ترتيبة اقل منك ولكن التراكمى والتقدير اعلى منك فى جامعات طب بيطرى فيها بيحصل على امتياز كتير مثل كفر الشيح لذا يجب طرح الموضوع بكافة جوانبة

أستاذي العزيز

أولاً:المفاضلة ديه تمت بالفعل لما استبعدوني من التعيين و عينوا 7 من الدفعة اللي قبلي عشان تقديرهم أعلى من تقديري رغم إن لو ماكانوش خدوا ال 7 دولي كنت هكون متعين دلوقتي و حصلت مع دفعة 2004 عندنا لما فضلوا يعينوا منهم ناس لمدة 3 سنين و يستبعدوا أوائل دفعة السنة عشان بتوع دفعة 2004 جايبين تقدير أعلى

ثانياً: ماتقارنيش بكليات تانية لإن واضح جداً إن فيه توزيع جغرافي لمناطق التعين فبديهي إنه مش هيجيب خريج كفر الشيخ حتى لو جايب أعلى مني و يعينوا في القاهرة

فأظن لن يكون بأي شكل من الأشكال عدل إن خريج دفعة 2004 أو 2003 اللي جايب جيد يختاروا مكانه للتعين قبل أي طالب جايب جيد جداً
ثانياً موضوع فرق الامتحانات ده و موضوع الساعات المعتمدة لو واحد أجل مادة واحدة بيلاقي نافسه على آخر سنة معاه على الأقل ترم زيادة لإن تسجيل مواد بيتوقف على اجتياز مواد تانية قد يكون هو مأجلها فعلاً و عشان كده دفعتنا كانت 930 اللي اتخرج منها في سنة التخرج 400 بس ... ثم الامتحانات نفسها بقى مش مقياس لإن الامتحان بنمتحنه على نفس المادة و اللي بيذاكر بقى مش بتفرق معاه الامتحان شكله ازاي المهم إنها أسئلة على المنهج اللي درسه مفيهاش تأليف فبالتالي جميع الفرص متساوية في الامتحان و يمكن كمان اللي بيتظلم الخريج الجديد لإن كل سنة المادة العلمية اللي بيتم تدريسها بتزيد عن السنة اللي قبلها

و أعتقد برضوا إن في الإعلان اللي كان موجود عشان التقدم للتعيين قالوا إن الأولوية للأعلى تقدير أو درجة علمية ثم للأقدم سناً لو متساويين في الدرجة العلمية و التقدير

لكن الكلام اللي بيقوله دكتور عبد الرحمن غير اللي اتكتب و لو فعلاً زي ما هو بيقول يبقى قمة الإجحاف في حق ناس كتير

vetcubo24 · #**4536** 14-12-2011, 07:49 AM

[QUOTE=kimifawzy;4160903][QUOTE=vetcubo24;4160577]

أستاذي العزيز

أولاً:المفاضلة ديه تمت بالفعل لما استبعدوني من التعيين و عينوا 7 من الدفعة اللي قبلي عشان تقديرهم أعلى من تقديري رغم إن لو ماكانوش خدوا ال 7 دولي كنت هكون متعين دلوقتي و حصلت مع دفعة 2004 عندنا لما فضلوا يعينوا منهم ناس لمدة 3 سنين و يستبعدوا أوائل دفعة السنة عشان بتوع دفعة 2004 جايبين تقدير أعلى

ثانياً: ماتقارنيش بكليات تانية لإن واضح جداً إن فيه توزيع جغرافي لمناطق التعين فبديهي إنه مش هيجيب خريج كفر الشيخ حتى لو جايب أعلى مني و يعينوا في القاهرة

فأظن لن يكون بأي شكل من الأشكال عدل إن خريج دفعة 2004 أو 2003 اللي جايب جيد يختاروا مكانه للتعين قبل أي طالب جايب جيد جداً
ثانياً موضوع فرق الامتحانات ده و موضوع الساعات المعتمدة لو واحد أجل مادة واحدة بيلاقي نافسه على آخر سنة معاه على الأقل ترم زيادة لإن تسجيل مواد بيتوقف على اجتياز مواد تانية قد يكون هو مأجلها فعلاً و عشان كده دفعتنا كانت 930 اللي اتخرج منها في سنة التخرج 400 بس ... ثم الامتحانات نفسها بقى مش مقياس لإن الامتحان بنمتحنه على نفس المادة و اللي بيذاكر بقى مش بتفرق معاه الامتحان شكله ازاي المهم إنها أسئلة على المنهج اللي درسه مفيهاش تأليف فبالتالي جميع الفرص متساوية في الامتحان و يمكن كمان اللي بيتظلم الخريج الجديد لإن كل سنة المادة العلمية اللي بيتم تدريسها بتزيد عن السنة اللي قبلها

و أعتقد برضوا إن في الإعلان اللي كان موجود عشان التقدم للتعيين قالوا إن الأولوية للأعلى تقدير أو درجة علمية ثم للأقدم سناً لو متساويين في الدرجة العلمية و التقدير

لكن الكلام اللي بيقوله دكتور عبد الرحمن غير اللي اتكتب و لو فعلاً زي ما هو بيقول يبقى قمة الإجحاف في حق ناس كتير[

اولا هى ارزاق مقسمها الله ولكن ردعليك ان الاول كلية طب بيطرى القاهرة كان صعب فيها جدا جيد جدا لدرجة ان الائحة الخمسية كانت تحتم ان من حصل على جيد جدا يعيين معيد ولان دفعة 2004 كانت دفعة شاطرة جدا حصل على التقدير 17 معيد حاليا اغلبيتهم خلصوا الدكتوراة ثاني لوان تم تعيين الاوائل من هذا التاريخ كان زمانهم فى مراكز بحوث او على الدرجة الثانية فليس من العدل بان حديث التخرج يعين مع من سبقوة بعدة سنوات كما ان التوزيع بناء على رغبةالمتقدم يعنى عادى جدا خريج جامعة اخرى يرغب فى العمل فى القاهرة لفرصها المتعددة وانت تقول ان عين من دفعتك 7 وانت ترتيبك 15 اذن لو تم عدم استبعاد المعيدين لم يكن يحق لك التعيين الحمد لله على كل حال الرجاء التريث فى الطرح يفهم منه الحساب بناء على اغراض شخصية

amralaraby · #**4537** 14-12-2011, 10:58 AM

دكتورنا الفاضل الرجاء الرد عليا وافادتى ضرورى وحضرتك تعلم ان افضل المعروف اغاثة الملهوف حيث اننى من ال20 الاوائل على كلية الحقوق بنى سويف واسمى كان موجود على موقع الاكاديمية ورقمى فى الكشف 30 وترتيبى ال 18 على الدفعة والعدد الكلى للكشف 33 اسم وباء على ذلك ذهبت ومليت الاستمارة وكنت انا وثلاثة فقط من الدفعة لان الباقى معظمهم معينين فى الهيئات القضائية لكنى فوجئت ان الكلية بعتت كشف جديد سؤالى كالتالى هل من الممكن للجهاز المركزى ان يرجع الى الكشف القديم لاستكمال الاسماء الى ال 20 ولا لا ؟ وما العمل فى حالة لن يتم ذلك واحب ان الفت انتباه حضرتك الى نقطه هامه جدا الا وهى ان جامعة الفيوم فى الكشف القديم كلية دار العلوم بعتت 20 اسم فقط لكن المفاجاه انها فى الكشف الجديد باعته فى دفعة 2005 على ما اعتقد 30 اسم لانها واخده الاسامى المكرره وسارفق لحضرتك صورة من ذلك .
رجاءا كل الرجاء ان تقول لى ما الحل ولك منى جزيل الشكر .

kimifawzy · #**4538** 14-12-2011, 12:27 PM

[QUOTE=vetcubo24;4161044][QUOTE=kimifawzy;4160903]

اقتباس:

المشاركة الأصلية كتبت بواسطة vetcubo24

اولا هى ارزاق مقسمها الله ولكن ردعليك ان الاول كلية طب بيطرى القاهرة كان صعب فيها جدا جيد جدا لدرجة ان الائحة الخمسية كانت تحتم ان من حصل على جيد جدا يعيين معيد ولان دفعة 2004 كانت دفعة شاطرة جدا حصل على التقدير 17 معيد حاليا اغلبيتهم خلصوا الدكتوراة ثاني لوان تم تعيين الاوائل من هذا التاريخ كان زمانهم فى مراكز بحوث او على الدرجة الثانية فليس من العدل بان حديث التخرج يعين مع من سبقوة بعدة سنوات كما ان التوزيع بناء على رغبةالمتقدم يعنى عادى جدا خريج جامعة اخرى يرغب فى العمل فى القاهرة لفرصها المتعددة وانت تقول ان عين من دفعتك 7 وانت ترتيبك 15 اذن لو تم عدم استبعاد المعيدين لم يكن يحق لك التعيين الحمد لله على كل حال الرجاء التريث فى الطرح يفهم منه الحساب بناء على اغراض شخصية

للتوضيح ليس إلا:
أولاً أنا الترتيب العام ليا على دفعتي هو 24 و تم تعين 20 من دفعتي و 7 من الدفعة اللي قبلي حضرتك يعني حقي واضح جداً في التعيين لو لم يتم تعين أحد من الدفعة اللي قبلي

ثانياً: موضوع الجيد جداً ده لا نادر و لا حاجة دفعتي فيها 39 جايبين جيد جداً و دفعة 2010 فيها ناس جايبين امتياز في بيطري القاهرة

ثالثاً: طبعاً الأرزاق مقسمها ربنا ... بس برضوا ربنا ما يرضاش بالظلم (دفعة يبقى اتعين منها 45 معيدين و يعينوا منها 20 بعدهم قبل دقعة كل اللي اتعين منها 15 أو 20 بس) خلاص لو عايز ياخد بالترتيب يبقى ياخد بالترتيب العام شم بالترتيب بعد المعيدين

يعني بوضوح كده أنا حتى في الترتيب (العااااام) مش بعد المعيدين هيكون ترتيبي أعلى من ناس كتير ترتيبها الأول بعد المعيدين لإن دفعاتهم اتاخد منها أعداد أكتر بكتييييييييييييير من الدفعات اللي بعدهم للتعيين

يا ريت يكون الموضوع واضح لإن واضح جداً إن الكلام تداخل عليك

amralaraby · #**4539** 14-12-2011, 01:54 PM

سؤال ضرورى ياجماعة وارجو الرد عليه انا اسمى كان من ال20 الاوائل على كلية الحقوق بنى سويف على موقع الاكاديمية وبناءا على ذلك مليت الاستمارة لكنى فوجئت ان فيه كشف جديد واسمى مش فيه ايه الحل ولو فرضنا ان ال20 الاوائل محدش راح منهم لملئ الاستمارة هل هايرجعوا للناس الباقيه عشان يكملوا ال 20 ولا لا انا محتار جدا ومش عارف اتصرف ازاى ياريت لو حد يقدر يفيدنى وانا كمان مع دليل يثبت ان بعض الجامعات اخدت المراكز المكررة مثلا كلية دار العلوم الفيوم واخده 30 واحد فى الكشف .................. ياريت لو حد يقدر يفيدنى .

vetcubo24 · #**4540** 14-12-2011, 02:17 PM

اقتباس:

المشاركة الأصلية كتبت بواسطة amralaraby

سؤال ضرورى ياجماعة وارجو الرد عليه انا اسمى كان من ال20 الاوائل على كلية الحقوق بنى سويف على موقع الاكاديمية وبناءا على ذلك مليت الاستمارة لكنى فوجئت ان فيه كشف جديد واسمى مش فيه ايه الحل ولو فرضنا ان ال20 الاوائل محدش راح منهم لملئ الاستمارة هل هايرجعوا للناس الباقيه عشان يكملوا ال 20 ولا لا انا محتار جدا ومش عارف اتصرف ازاى ياريت لو حد يقدر يفيدنى وانا كمان مع دليل يثبت ان بعض الجامعات اخدت المراكز المكررة مثلا كلية دار العلوم الفيوم واخده 30 واحد فى الكشف .................. ياريت لو حد يقدر يفيدنى .

ردا على سيادتكم من خلال متابعتى وبعد اذن د عبدالرحمن ممكن لوكان فى الدفعة مكرر كتير فى مركز وسط العشرين مثلا فى الرابع الخامس الاول فى التنظيم والادارة يعامل المكرر الى هو فى الوسط معاملة الترتيب يعنى هو عاوز عشرين اسم بس وفرضا ان خمسة مكرر فى الترتيب السادس عشر مثلا يبقى ترتيبهم 16 -17- 18-19-20 ولاياخذاحد بعدهم
ماعدا لو التكرار فى الترتيب العشرون سيطر ياخذهم حتى لو عشرة

اما بخصوص السؤال الثانى فلن يتم اضافة اى شخص بعد العشرون فى حال تنازل احدا منهم عن الوظيفة واو عدم تقديم استمارة او مرور مدة 60يوم من تاريخ الاعلان عن نتيجة التعيين لان ببساطة كان رئيس الجهاز عاوز يعين العشرين بالمعيديين بالترتيب العام يعنى لو دفعة واخدة عشرون معيدا كان عاوز ان لايعيين احد من بعدهم لكن بالضغط عدل عن رائية

amralaraby · #**4541** 14-12-2011, 02:21 PM

اشكرك اولا على الرد كلية دار العلوم جامعة الفيوم فى الحصر الجديد باعته المكرر فاصبح عدد الاسماء 30 اسم ليه كلية الحقوق مايكونش فيها نفس الكلام ................... هل ممكن اشتكى الى الجهاز المركزى ولا ايه .

gmy10180 · #**4542** 14-12-2011, 08:49 PM

ايه اخبار اوائل الازهر ياجماعه

د.بتول · #**4543** 15-12-2011, 08:52 AM

السلام عليكم ورحمة الله وبركاته
من فضلكم ياجماعة حد يعرفني فين الجهاز المركزي بالظبط يعني من رمسيس بتركبوا ايه؟

METO4050 · #**4544** 15-12-2011, 08:58 AM

حد يقدر يقولى فين مكان الجهاز المركزى للتنظيم والادارة
وازاى يا دكتور عبد الرحمن هنعرف ان اسمائنا نزلت ولينا جواب فعلا

د.بتول · #**4545** 15-12-2011, 09:09 AM

دكتور عبد الرحمن طمنا هنعرف إزاي ان اسمائنا نزلت
وهل ينفع التظلم لو جالي جواب التعيين خارج مدينتي ؟؟؟؟؟ والتظلم يكون إزاي؟؟؟؟