ايه اخبار تعيين أوائل الكليات ياجماعة؟

[د.عبدالرحمن المنياوي]

نتائج متابعة اليوم ( الاثنين 12-12-2011 ) – تم فيها مقابلة رئيس الجهاز المركزى لتنظيم ولادارة - الدكتور / صفوت النحاس

... وكانت اهداف المتابعة معلنه من قبل كما نشرنا سابقا وجاءت نتائجها كالتالى : -

1- تحديد جدول زمنى موحد لكل الجامعات المصرية لاستلام جوابات التعين وذلك ابتدءا من يوم 24-12 وحتى يوم 15-1 بحد اقصى وبحيث بيشمل الجدول ايضا جامعة حلوان وهى اخر جامعة بعتا الحصر الكشوفات ........... وبحيث يكون فى ضمن الجدول كل الجامعات سواء ا بعتت قبل ديسمبر او بعد بداية ديسمبر .

2- بسؤاله عن نوعية الوظائف ومراعاة العدالة فى التوزيع – قال انه كل ال هيلتزم بيه هو انه تكون الوظيفة على الدرجة التالته التخصصية وان تكون فى مجال تخصصك ومتوافقة مع بطاقة الوصف الوظيفى لشغل الوظيفة التى تناسب مؤهلك .......... وان هو يحاول بقدر الامكان تحقيق العدالة فى التوزيع ولكن المادة 18 ليست ملزمة له فى التوزيع ولكن فقط فى احقية التعين من عدمة . وليس لك الاحقية ان تقاضية من خلالها .... على حد قولة .

- وحاولنا معرفه طريقة التوزيع بشكل اخر : لاقينا ان هما مثلا بياخدو الاول فى الكشف فى كليه ما فى كل الدفعات يوزعوه وبعدين يدخلوا على التانى وهكذا .........
- من خلال متابعتنا ايضا قدرنا نعرف ان بعض الكليات متاح ليها اماكن كويسه فعلا .... ولكن لا نستطيع ان نؤكد ولا يستطيع ان يؤكد احد ما هى الوظائف لمتاحة ؟؟ لكل الكليات والتخصصات .

3- بالنسبة للمغتربين من الاوائل وكيفية استلامهم : قال انه لازم يجى يستلم بنفسه خلال 60 يوم من تاريخ استلام جامعتة لجواب التعين ولا يجوز لاحد ان يستلمة بالنيابه عنه – ولا بد ان يستلم الجواب خلال ال 60 يوم

4- فتح مكتب لتلقى الطلبات واستكمال الاوراق فى حالة عدم ارفاق شهادة الدكتوراة او الماجستير عند التقديم ....... تروح تقدمها لانها بتفرق عند التوزيع ..... وسيسمتر هذا المكتب فى عمله بشكل دائم ... ولــــــــــــــــــــــــكن اذا انتا جامعتك تم توزيعها وانتا روحت وقدمت شهادة ماجستير مثلا ودا هيغير مكان تعينك ... هيتم توزيعك بعد انتهاء التوزيع لجامعات .

5- عند استلامك الجواب الخاص بك من الجهاز .... تتوجه للجهة ال جايلك بها لجواب وال بيكون تم مخاطبتها من الجهاز باسمك وانك هتتعين عندها ؟ وال بتقوم بدورها باصدار قرار تعينك وتسليمك العمل ............... بس فيه سؤال اطرح النهارده ؟؟ ماذا لو امتنعت او ماطلت الجهة فى تسليمك العمل ؟؟ فاجاب النحاس انه ليس له علاقة فدوره ينتهى عند نقطة تسليمك الجواب وقال ان احتمال ضعيف ولكن اذا حصل مــــــمكن ترجعلى بعد شهر .

6- بالنسبة للجدول الزمنى اشار النحاس انه هيقوم بارسالة لنا من خلال العلاقات العامة بالجهاز لرفعه على الجروب الرسمى يوم الخميس ان شاء الله والذى يتضمن ايام محددة بتواريخ لجامعات محددة . على ان يبدا يوم 24-12- وينتهى بحد اقص 15-1 ويشمل كل الجامعات .

7- بالنسبة للتظلمات سيكون هناك 10 ايام لتظلمات وستكون قاصرة على ( المحافظة التى تم اختيارها – الوظيفة غير مناسبة للتخصص او الكليه ) .

8- تم تسليم ورقة للدكتور النحاس تتضمن نتائج المقابلة وسيتم رفع صورة منها ايضا على الجروب .

9- ايضا بشكل مبدئى سيكون هناك متابعه لنا يوم الثلاثاء القادم بالجهاز وان شاء الله تكون الاخيرة قبل البدء فى استلام الجوابات ....

[د.عبدالرحمن المنياوي]

المشاركة الأصلية كتبت بواسطة ghada ahmed khalil

السلام عليكم دكتور عبد الرحمن .........ارجو من حضرتك ان ترد على استفسار ى ..........انا من العشرين الأوائل و ايضا على اعتاب مناقشة رسالة الماجستير فى شهر يناير القادم ان شاء الله .....فهل بعد المنافشة ستكون لى فرصة فى التعيين ضمن الحاصلين عل درجة الماجستير مع العلم اننى من الخارج.......و لكم جزيل الشكر

تعيين احاصلين علىا لماجستيرمن الخارج يتم بإعلان يشمل بعض التخصصات المطلوبة ولكل حق التقدم والاعلى يتم تعيينه وليس التعيين للكل

[د.عبدالرحمن المنياوي]

المشاركة الأصلية كتبت بواسطة dr_hero4040

dr_hero4040
السلام عليكم يا دكتور عبد الرحمن
اريد معرفة طلاب المنح الذين لم يحصلوا على الدرجة بعد - ما موقفهم من تلك التعييان يادكتور عبد الرحمن

ولكم جزيل الشكر

لما يحصلوا على الدرجة يعاملوا نفس معاملة الذين أنهوا .. يعني لو هم اتعينوا انتم بعد إنهائكم تتعينوا أوة بهم

[m.shemes]

المشاركة الأصلية كتبت بواسطة د.عبدالرحمن المنياوي

تعيينك لا يأتي على تعاقدك.. ولو عاوز كده ممكن تقدم مايفيد انك تعمل مؤقت في جهة معينة.. والمطالبة بتعيينك في مكان آخر حضرتك طبعا كتبت استمارة رغبات وكتبت فيها المحافظة اللي عاوز تتعين فيها.. ولو ماكتبتش الاستمارة دي تبقى كارثة طبعا لان اسمك مش هيكون في التعيينات كده .. الاستمارة كان مخصص لها 3اسابيع في أول نوفمبر.. لك أسبوع تتظلم فيه وهو الاسبوع ااول او الثاني في يناير.. مافيش اختبارات كادر قبل التعيين دلوقت يعني مش معادها .. لا ضم لفترة التخرج السابقة لأن الخبرة نظير العمل.. والعفو لك يا أخي ..

هو يادكتور احنا كنا كتبنا الاستمارة في اول اكتوبر مش في نوفمبر ولا كان في حاجه تانية في نوفمبر

[hany rady]

انا عايز اعرف هل سيتم تعيين الخمسه ام العشرين اللاوائل وجامعه جنوب الوادى بقنا فى اى مرحله يا دكتور عبد الرحمن وشكرا

[د.بتول]

دكتور عبد الرحمن هل ممكن التظلم في المدينة اللي هتيجي فيها الوظيفة مش بس المحافظة ؟ بمعنى أوضح لو جت الوظيفة بره مدينتي ينفع اتظلم ولا لاء طمني يا دكتور الله يخليك
وجزاك الله كل خير

[ريمون22]

مشكور دكتور عبدالرحمن علي الاخبار الحلوة دي !!!!!!!!! لكن مفيش امكانية لتسليم الجوبات من المحافظات بدلا من الجهاز المركزي بالقاهرة ؟؟؟؟؟؟؟؟؟؟؟؟؟؟؟؟؟

[amralaraby]

دكتورنا الفاضل الرجاء الرد عليا وافادتى ضرورى وحضرتك تعلم ان افضل المعروف اغاثة الملهوف حيث اننى من ال20 الاوائل على كلية الحقوق بنى سويف واسمى كان موجود على موقع الاكاديمية ورقمى فى الكشف 30 وترتيبى ال 18 على الدفعة والعدد الكلى للكشف 33 اسم وباء على ذلك ذهبت ومليت الاستمارة وكنت انا وثلاثة فقط من الدفعة لان الباقى معظمهم معينين فى الهيئات القضائية لكنى فوجئت ان الكلية بعتت كشف جديد سؤالى كالتالى هل من الممكن للجهاز المركزى ان يرجع الى الكشف القديم لاستكمال الاسماء الى ال 20 ولا لا ؟ وما العمل فى حالة لن يتم ذلك واحب ان الفت انتباه حضرتك الى نقطه هامه جدا الا وهى ان جامعة الفيوم فى الكشف القديم كلية دار العلوم بعتت 20 اسم فقط لكن المفاجاه انها فى الكشف الجديد باعته فى دفعة 2005 على ما اعتقد 30 اسم لانها واخده الاسامى المكرره وسارفق لحضرتك صورة من ذلك .
رجاءا كل الرجاء ان تقول لى ما الحل ولك منى جزيل الشكر .

[كيميائى اسلام الشاعر]

بسم الله الرحمن الرحيم السلام عليكم ورحمة اللهثبت في الصحيحين عنه صلى الله عليه وسلم أنه قال :" لله أشد فرحا بتوبة عبده حين يتوب إليه من أحدكم كان على راحلته بأرض فلاة , فانفلتت منه , وعليها طعامه وشرابه فأيس منها فأتى شجرة فأضطجع في ظلها – قد أيس من راحلته – فبينا هو كذلك إذا هو بها قائمة عنده فأخذ بخطامها ثم قال من شدة الفرح اللهم أنت عبدي وان ربك – أخطأ من شدة الفرح – "سبحان الله ...وما أجمل تلك الحكاية التي ساقها ابن القيم رحمه الله في مدارج السالكين حيث قال : " وهذا موضع الحكاية المشهورة عن بعض العارفين أنه رأى في بعض السكك باب قد فتح وخرج منه صبي يستغيث ويبكي , وأمه خلفه تطرده حتى خرج ,فأغلقت الباب في وجهه ودخلت فذهب الصبي غير بعيد ثم وقف متفكرا , فلم يجد له مأوى غير البيت الذي أخرج منه , ولا من يؤويه غير والدته ,فرجع مكسور القلب حزينا . فوجد الباب مرتجا فتوسده ووضع خده على عتبة الباب ونام ,وخرجت أمه , فلما رأته على تلك الحال لم تملك أن رمت نفسها عليه , والتزمته تقبله وتبكي وتقول : يا ولدي , أين تذهب عني ؟ ومن يؤويك سواي ؟ ألم اقل لك لا تخالفني , ولا تحملني بمعصيتك لي على خلاف ما جبلت عليه من الرحمة بك والشفقة عليك . وارادتي الخير لك ؟ ثم أخذته ودخلت" .فتأمل قول الأم : لا تحملني بمعصيتك لي على خلاف ما جبلت عليه من الرحمة والشفقة .وتأمل قوله صلى الله عليه وسلم :" الله أرحم بعباده من الوالدة بولدها " وأين تقع رحمة الوالدة من رحمة الله التي وسعت كل شيء ؟فإذا أغضبه العبد بمعصيته فقد أستدعى منه صرف تلك الرحمة عنه , فإذا تاب إليه فقد أستدعى منه ما هو أهله وأولى به .فهذه تطلعنا على سر فرح الله بتوبة عبده أعظم من فرح الواجد لراحلته في الأرض المهلكة بعد اليأس منها .حين تقع في المعصية وتلم بها فبادر بالتوبة وسارع إليها , وإياك والتسويف والتأجيل فالأعمار بيد الله عز وجل ,وما يدريك لو دعيت للرحيل وودعت الدنيا وقدمت على مولاك مذنبا عاصي ,ثم أن التسويف والتأجيل قد يكون مدعاة لاستمراء الذنب والرضا بالمعصية , ولئن كنت الآن تملك الدافع للتوبة وتحمل الوازع عن المعصية فقد يأتيك وقت تبحث فيه عن هذا الدافع وتستحث هذا الوازع فلا يجيبك .لقد كان العارفون بالله عز وجل يعدون تأخير التوبة ذنبا آخر ينبغي أن يتوبوا منه قال العلامة ابن القيم :" منها أن المبادرة إلى التوبة من الذنب فرض على الفور , ولا يجوز تأخيرها , فمتى أخرها عصى بالتأخير ,فإذا تاب من الذنب بقي عليه التوبة من التأخير , وقل أن تخطر هذه ببال التائب , بل عنده انه إذا تاب من الذنب لم يبقى عليه شيء آخر " . ومن موجبات التوبة الصحيحة :كسرة خاصة تحصل للقلب لا يشبهها شيء ولا تكون لغير المذنب , تكسر القلب بين يدي الرب كسرة تامة , قد أحاطت به من جميع جهاته وألقته بين يدي ربه طريحا ذليلا خاشعا , فمن لم يجد ذلك في قلبه فليتهم توبته . وليرجع إلى تصحيحها , فما أصعب التوبة الصحيح بالحقيقة , وما أسهلها باللسان والدعوى. فإذا تكرر الذنب من العبد فليكرر التوبة , ومنه أن رجلا أتى النبي صلى الله عليه وسلم فقال :يا رسول الله : أحدنا يذنب , قال يكتب عليه , قال ثم يستغفر منه ويتوب ,قال : يغفر له ويتاب عليه , قال : فيعود فيذنب ، قال : يكتب عليه ,قال :ثم يستغفر ويتوب منه ,قال : يغفر له ويتاب عليه . قال : فيعود فيذنب . قال :"يكتب عليه ولا يمل الله حتى تملوا "وقيل للحسن رضي الله عنه : ألا يستحي أحدنا من ربه يستغفر من ذنوبه ثم يعود , ثم يستغفر ثم يعود , فقال : ود الشيطان لو ضفر منكم بهذه , فلا تملوا من الاستغفار .إن الهلاك كل الهلاك في الإصرار على الذنوبوان تعاظمك ذنبك فاعلم أن النصارى قالوا في المتفرد بالكمال : ثالث ثلاثة .فقال لهم : ( أفلا يتوبون إلى الله ويستغفرونه )وإذا كدت تقنط من رحمته فان الطغاة الذين حرقوا المؤمنين بالنار عرضت عليهم التوبة إن الذين فتنوا المؤمنين والمؤمنات ثم لم يتوبوا ...) هذا والله أعلم ..وصلى الله وسلم على نبينا محمد .اما فيما يخص موضوعنا :أود أن أقدم الشكر الممزوج بالخجل للدكتور عبد الرحمن المنياوى فقد دخلت هنا الآن خصيصا بعد إحساس منى بالتقصير و التقرب عند الحاجة والنفور عند قضائها - بإذن الله - فقد بدأت أشعر بأنى و بعض الأخوة قد تبعثرت وحدتنا و أصبح يترقب أحدنا الآخر ليس للإطمئنان عليه و لكن للسؤال و لطمأنة النفس فقط..وليس لهذا السلوك ان يصدر من إناس قد تكون لهم الكلمة فى رفعة هذا الوطن وتحديد مساره فى المنستقبل إن قدر الله لنا هذا.اللهم أصلح لنا شأننا و يسر لنا أمرنا و ارزقنا من خيرك ما ترضاه لنا غير مشتتين ولا مفترقين .

[قانونية]

المشاركة الأصلية كتبت بواسطة د.عبدالرحمن المنياوي

تعيين احاصلين علىا لماجستيرمن الخارج يتم بإعلان يشمل بعض التخصصات المطلوبة ولكل حق التقدم والاعلى يتم تعيينه وليس التعيين للكل

وحضرتك عندك فكرة أية التخصصات الى هتكون مطلوبة بالظبط بالنسبة للحاصلين على الماجستير من الجامعات المصرية يعنى كلية الحقوق هتكون مطلوبة ولا هتستبعد؟ وكمان لى استفسار حول معنى جملة الحاصلين على ماجستير من الخارج اى من خارج القطر المصرى من أشقائنا العرب ولا الحاصلين على الماجستير من الجامعات المصرية المنتشرة داخل جمهورية مصر العربية ؟
ولك جزيل الشكر على أهتمامك وسرعة الرد
جزاك الله الخير كلة

[ghada ahmed khalil]

المشاركة الأصلية كتبت بواسطة قانونية

وحضرتك عندك فكرة أية التخصصات الى هتكون مطلوبة بالظبط بالنسبة للحاصلين على الماجستير من الجامعات المصرية يعنى كلية الحقوق هتكون مطلوبة ولا هتستبعد؟ وكمان لى استفسار حول معنى جملة الحاصلين على ماجستير من الخارج اى من خارج القطر المصرى من أشقائنا العرب ولا الحاصلين على الماجستير من الجامعات المصرية المنتشرة داخل جمهورية مصر العربية ؟
ولك جزيل الشكر على أهتمامك وسرعة الرد
جزاك الله الخير كلة

بصراحة انا قصدى بالحاصلين عليها من الخارج اى ليس من خلال منحة سواء من الأكاديمية او من الجامعة واعتذر عن عدم توضيح هذه النقطة فى سؤالى

[معلم مساعد 2011]

لو سمحت يادكتور عبد الرحمن
انا خريجه دفعه 2003 ومن الاوائل واشتغلت في مدرسه بقالي حوالي 8 سنين كان عقد عادي ولسه متثبته من سنه في مدرسه

هل لو جالي جواب التعين مثلا تربيه وتعليم طبعا تثبيت طب منا متثبته بقالي سنه استلمو ا ولا ايه
وياتري هايضمو سنين اللي فاتت من ساعه مااتخرجت كأني متعينه من سنه 2003 مع اني ليه خبره 8 سنين

يارب يكون فيه ضم للسنين اللي فاتت دي كلها علشان احس بالفرق بيني وبين اي حد معايا في المدرسه لاني لو مفيش ضم يبقي لافايده من الترتيب

[amralaraby]

دكتورنا الفاضل الرجاء الرد عليا وافادتى ضرورى وحضرتك تعلم ان افضل المعروف اغاثة الملهوف حيث اننى من ال20 الاوائل على كلية الحقوق بنى سويف واسمى كان موجود على موقع الاكاديمية ورقمى فى الكشف 30 وترتيبى ال 18 على الدفعة والعدد الكلى للكشف 33 اسم وباء على ذلك ذهبت ومليت الاستمارة وكنت انا وثلاثة فقط من الدفعة لان الباقى معظمهم معينين فى الهيئات القضائية لكنى فوجئت ان الكلية بعتت كشف جديد سؤالى كالتالى هل من الممكن للجهاز المركزى ان يرجع الى الكشف القديم لاستكمال الاسماء الى ال 20 ولا لا ؟ وما العمل فى حالة لن يتم ذلك واحب ان الفت انتباه حضرتك الى نقطه هامه جدا الا وهى ان جامعة الفيوم فى الكشف القديم كلية دار العلوم بعتت 20 اسم فقط لكن المفاجاه انها فى الكشف الجديد باعته فى دفعة 2005 على ما اعتقد 30 اسم لانها واخده الاسامى المكرره وسارفق لحضرتك صورة من ذلك .
رجاءا كل الرجاء ان تقول لى ما الحل ولك منى جزيل الشكر .

[فاطمة الزهراء 86]

السلام عليكم

معذرة يا دكتور عبد الرحمن لي سؤال وأرجو الرد عليه :

حضرتك قلت إن ( وحاولنا معرفه طريقة التوزيع بشكل اخر : لاقينا ان هما مثلا بياخدو الاول فى الكشف فى كليه ما فى كل الدفعات يوزعوه وبعدين يدخلوا على التانى وهكذا .........

1- يعني إيه ياخذوا الأول وبعدين الثاني يعنى معنى كده إني هستنى للسنة الجاية عشان أتعين ده لو كان ترتيبي 15 ولا إيه أرجو التوضيح .
2- هو إحنا هنستلم الجواب من القاهرة ولا إيه .

3 - طيب اللي بيشتغل مؤقت يستقيل دلوقت ولا يستنى لما يستلم الجواب وبعدين يقدم الإستقالة , ولا هما مثلا هيقولولي روحي على بيتك لأنك شغالة .

4- طيب لما هستلم الشغل الجديد هقدم الإستقالة بتاعتي للشغل الجديد عشان يعرفوا إني معتش شغالة حكومي ولا مقلش حاجة وقدم ورقي عادي .

5- سؤال اخير هو نتيجة إيه اللي هتبان يوم الخميس المراحل يعني والمواعيد .



معلش اسئلتي كتير جدا لكن ما بقا إلا القليل وجزاك الله خيرا على المجهود الرائع .

[kimifawzy]

دكتور عبد الرحمن

معلش سؤال

يعني إيه ياخدوا بالترتيب

طيب ما ممكن أبقى أنا ال 15 على دفعتي و تقديري أو مجموعي أعلى من الأول في دفعة تانية

و كمان فيه دفعات قبلي اتعين منها 40 واحد على 3 سنين عشان كانوا جايبين مجموع أعلى من الأوائل في السنين اللي بعدهم؟؟؟؟

يا ريت يكون فيه توضيح دقيق في النقطة ديه

لإن فعلاً في كليتي "بيطري القاهرة" فيه دفعات الأول فيها جايب جيد مرتفع ؟؟؟ هل هيتم تعينه عشان هو الأول في دفعته قبلنا و أنا جايب جيد جداً ؟؟؟؟

و سؤال تاني معلش:

الناس اللي هيطلعلهم جوابات اللي قدموا بس و لا كل اللي في القائمة اللي الجامعة بعتتها ؟؟؟؟

و بالنسبة للناس اللي شغالين في جهات حكومية تابعة لتخصصهم هل هيطلعلهم جوابات برضوا ولا هيتعينوا في مكانهم بدل التعاقد ؟؟؟؟