ركن النحو والصرف

[محمد فريد الشناوى]

قاعدة مهمة للتفرقة بين همزة القطع وهمزة الوصل :

للتفريق بين هاتين الهمزتين في بداية الكلمة هناك طريقة سهلة وهي :أن تضع قبل الكلمة حرف الواو أو الفاء ثم تنطقها فإن نطقت الهمزة فهي همزة قطع ، وإن لم تنطق الهمزة فهي همزة وصل .
مثال : أخذ ( وأخذ ، فأخذ ) لاحظ أنك تنطق الهمزة إجبارا ، ولاحظ أن الهمزة قطعت عليك النطق بين حرف الواو أو الفاء وحرف الخاء
مثال : استعمل (واستعمل ، فاستعمل) لاحظ أنك لم تنطق الهمزة ، وإنما اتصل حرف الواو بالسين واتصل حرف الفاء بالسين ولذلك سميت همزة وصل .

[مجدى قطب]

هذا العمل العظيم يضم كل قواعد النحو ،
و هو منقول للإفادة
و إليكم رابط التحميل

حديقة النحو ,وقواعد اللغة العربية

[Islamrma]

السلام عليكم ورحمة الله وبركاته

hi ازيكم يا جماعة دى أول مشاركة ليا وأتمنى تعجبكم

أنا جايب شوية كلمات جموعها غير مألوفة أوى يعنى وأنا مش جايبها فذلكة والله ولا حاجة لأنى واثق أن أى عضو فى المنتدى ممكن يحلها بسهولة


أنا بس كنت عايز أشارك بأول موضوع ليا فى المنتدى فى لغتنا الجميلةلغة الضاد

ملحوظة (محدش يحاول يفتح المعجم اللى لسة مستلمينه من المدرسة علشان الغش حرام وميضيعش وقته فى كلام فاضى)



:c ool::coo l:


أولا جمع:رمسيس

ثانيا جمع:سلسبيل

ثالثا جمع:عندليب

رابعا مفرد:شتى

خامسا حتة تحلية للنوابغ

مضاد:يتيم


مستنى ردودكو والاجابة بكرة زى دلوقتى

ويا ريت كل واحد عنده لغويات معقدة يكتبها مع المشاركة بتاعته ومينساش يحلها للافادة العامة

جزاكم الله خيرا

[مجدى مختار]

أشكر الأستاذ محمد فريد الشناوى على هذا المجهود الجميل و بارك الله فيه و جعله فى ميزان حسناته يوم القيامة .

[باهى فوزى فخرالدين]

جمع رمسيس : أرمسة
جمع سلسبيل: سلاسب وسلاسيب
جمع عندليب: عنادل
مفرد شتى: شتيت
مضاد يتيم: لطيم

[باهى فوزى فخرالدين]

جمع رمسيس : أرامسة
جمع سلسبيل: سلاسب وسلاسيب
جمع عندليب: عنادل
مفرد شتى: شتيت
مضاد يتيم: لطيم

[Islamrma]

شكرا يا جماعة على المشاركات الكتيرة أوى اللى وصلت


لكن عموما أغلبية الاجابات صحيحة ما عدا جمع رمسيس فهو (رعامسة) ومحدش يضحك لأن المعلومة مؤكدة من مدرس عربى فلتة

وأما مضاد (يتيم)فهسيبها هه لعل وعسى!!!


وشكرا على المرور الوحيد من بهى الدين

[tareqe012]

عايزين إجابة عن عكس اليتيم إذا كنت تعرف فعلا ههههههههههههههههه

[محمدمصطفى مصطفى]

1- اليتيم فى الناس من فقد أباه وفى البهائم فقد الأم --------------> هذا معنى يتيم
2- وكل شىء مفرد يعز ويندر نظيره فهو يتيم أيضا كأن نقول جوهرة يتيمة أى نادرة ---------> هذا معنى آخر لكلمة يتيم
وأعتقد أن الإجابة سهلة الآن أنت تريد مضاد لمعنى يتيم الثانية
يمكن أن يكون مضادها الشائع المنتشر أى مضاد النادر
والله تعالى أعلى وأعلم

[Islamrma]

المشاركة الأصلية كتبت بواسطة tareqe012

عايزين إجابة عن عكس اليتيم إذا كنت تعرف فعلا ههههههههههههههههه

أنا آسف على التأخير بس ده لأنى ملقيتش أى ردود


عموما عكس يتيم (عجى) وهو من له أب وأم

أنا طبعا لما سئلت فيها معرفتهاش وجايبها بس عشان الكل يستفيد

[Islamrma]

السؤال التالى:

جمع (ابن آوى)

ماذا تعنى السجنجل؟

[themoondream]

حرام عليك انت بتجيب الحاجات ديه منين
أنا أول مرة أعرف السجنجل
في حاجة اسمها السجنجل ؟؟؟؟؟؟؟؟!!!!!!!!!!!!!!!!
ياريت مش تتأخر في الحل , وتزودنا دايما بالمعلومات الغريبه ديه

[محمد ولاء الدين]

جمع ابن اوى بنات اوى وهو حيوان يشبه الثعلب اما السجنجل فلا اعلم وارجو التواصل معى

[Islamrma]

المشاركة الأصلية كتبت بواسطة themoondream

حرام عليك انت بتجيب الحاجات ديه منين
أنا أول مرة أعرف السجنجل
في حاجة اسمها السجنجل ؟؟؟؟؟؟؟؟!!!!!!!!!!!!!!!!
ياريت مش تتأخر في الحل , وتزودنا دايما بالمعلومات الغريبه ديه

أولا:شكرا جزيلا على الاهتمام

ثانيا:أنا كنت مرة بدور على كلمة فى المعجم بتاع المدرسة وفجأة

شفت حاجة اسمها سجنجل قلت لازم أعرف معنى الكلمة المرعبة دى

رحت بصيت على معناها لقيتها يعنى مرآة

بس

[Islamrma]

المشاركة الأصلية كتبت بواسطة محمد ولاء الدين

جمع ابن اوى بنات اوى وهو حيوان يشبه الثعلب اما السجنجل فلا اعلم وارجو التواصل معى

شكرا على مشاركتك يا محمد وطبعا إجابتك صح

أما السجنجل فهى المرآة وعلى فكرة كل الحاجات دى موجودة فى المعجم بتاع المدرسة