|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
21-09-2008, 10:01 PM
|
||||
|
||||
احم احم
(بارت 2)  وانا مع سوستى حبيبتى لمحت جداول متعلقة وناس ملمومة فسألها دى جداولنا ؟؟ قالتلى ايوه قلتلها نقلتيها ؟؟ قالتلى لأ هما نقلوها مش عارفة ايه خلانا ننفض بس ايه يجبرنا نتحشر وسط التجمعات دى وعلى ايه ده الجدول .. مسيرنا هننقله فى يوم من الايام  المهم رحنا القينا نظرة على المدرج ورجعنا تانى مش فاكرة عملنا ايه اه قعدنا نفرج بعض على صور بعض والعيلة والاصدقاء وفضلنا نرغى شوية حقيقة يا جماعة كنا بنتكلم ع اننا اصحاب من 20 سنة ونهزر ونتريأ وعشنا حياتنا يعنى زينب بأمانة .. زى السكر فعلاااااااااااا بنوتة كميلة جدااااااااااااااااااااااااااااااا  بعد كده توجهنا نحو المدرج معرفش ده على اساس ايه احنا مشينا ورا احساسنا وخلاص دخلنا المدرج وقعدنا بقي فى تالت بنش ويا سلام بقي قاعدين يعنى ولا كأن فى حد زينا  الدكتور تقريبا نسي يصحى والله اعلم المهم اننا فضلنا فترة كبيرة قاعدين مهمتنا فى الحياة نرغى مع البنات اللى جنبنا ونتعرف على دى ودى ودى ونرخم عليهم اذا طلبت عادى يعنى وبعد ما خدنا ع الجو الجامد ده فوجئنا بأن .................................................. . المجموعة الفيزيائية المفروض تكون فى المعمل واحنا كنا قاعدين مع شعبة البيولوجى فى المدرج .. ومبسوطين يتبع 
__________________
 ••• والعز كل العز في ايماني •••
|
|
#2
21-09-2008, 09:54 PM
|
||||
|
||||
|
لاسف نفضولنا
ما اخدتش غير محاضرة واحدة رياضة ربع ساعة بردو وبعديها فضلنا مستنين دكتور الجيوفيزياء ساعة ونص وفى الاخر ماجاش رغم ان كل طلبة الجيوفيزيا حضروا وكنا بتاع 30 طالب كده اصل احنا عددنا كبير اوى السنة دى بس اتعرفت على شوية صحاب هناك جيوفيزيا زى بردو وقضيناها لحد نهاية الوقت وكان علينا سكاشن وبردو مخدنهاش قالولنا مفيش سكاشن او عملى اول اسبوع وروحت ونمت وصحيت على الفطار بردو زى امبارح وبس
آخر تعديل بواسطة احمد رضا ، 26-09-2008 الساعة 07:37 PM |
|
#3
21-09-2008, 10:19 PM
|
||||
|
||||
|
(بارت 3)
 بعد ما واحدة خدتنا للمعمل دخلنا لقينا حاجة عاملة زى معمل المدرسة بس على طويل وعريض البنات كلها جريت بقي تحجز صف اول باين انا وزينب .. الروقان كله راحت جابت الكرسي وحطته على ترابيزة المعمل بس كان فى بنات قدامنا انا مستظرفتش الوضع ومبحبش حد يعمل علينا نااااااااصح  المهم مسكت الكرسي ورحت قعدت جنب المعيدة قعدت انادى زينب بس طبعا هى فضلت تعاند مش عارفة كانت خايفة بقي او حاجة قمت جبت الكرسي بتاعها وشلته ( وايدى وجعتنى) وحطيته جنب بتاعى والحمد لله وافقت فى الاخر تتجنن معايا ونروح جنب مكان المعيدةوقامت المعيدة جت وعادى خالص طبعا انا كنت هادية موت وقاعدة مؤدبة جدا  ( زينب اوعى تتكلمى عديها )بس كده وشوية وطردونا وقالولنا يلا روحوا شوفوا المدرج اللى هيلمكوا يتبع .. انا رغاية
__________________
••• والعز كل العز في ايماني •••
|
|
#4
21-09-2008, 10:31 PM
|
||||
|
||||
|
( بارت 4)
خلصنا المعمل واتمشينا للمدرج (وسط الصحرا والشمس كانت عاملة شغلها )وصلنا لقينا أمة لا اله الا الله رحنا ع المدرج بتاع علوم واذ بنا نفاجئ بتزاحم للدخول فظيع جدا والاولاد عمالين يدخلوا جنب البنات وكان ناقص يزقو اكمان ومفيش ولا واحد وقف لبنت حتى قالها اتفضلى  ايه العيال الوحشة دى فين الرجولة المهم طبعا احنا بقى بنات رقيقة فضلنا مستنيين لما الجو يهدى ولما ملاقيناش فيه امل اتحشرنا ودخلنا بسرعة بسرعة دخلنا طبعا لقينا اول صفوف اتملت المهم اتصرفنا الحمد لله ودخلولنا 2 طلاب يكلمونا ربنا يكرمهم الصراحة صوتهم راح ومسمعناش اى حاجة المهم شوية كده وقمت منفضة انا وزينب للحوار ده وفضلنا ننم احنا بقى وسبنا اللى يتكلم يتكلم وفضلنا نجيب فى سيرة كل واحد من المنتدى ونحكى قصص وعجائب وطرائف منتداناوالناس هتموت وتعرف احنا بنتكلم على ايه كل شوية حد يقوم باصصلنا كده  .. و فيه ناس قالتلنا يا تبطلوا رغى يا تفهمونا انتوا بتتكلموا ف ايهوكان الرد .. بصى قدامك يختى ......................... يتبع
__________________
••• والعز كل العز في ايماني •••
|
|
#5
21-09-2008, 10:47 PM
|
||||
|
||||
|
( بارت 5)
شوية كده وحاجات لطيفة اتوزعت علينا ملحقتش اقراها لأن واحدة صاحبتى سبتتها منى  المهم المفروض كان قدامنا محاضرتين حقوق انسان ( معرفش ايه علاقتها بعلوم  )ولغة اوروبية طبعا انا وزينب حسينا اننا لو ننفض يبقي احسن المهم اتمشينا وكملنا الرغى اللذيذ بتاعنا البنوتة دى بجد يا جماعة لا يمكن تزهقوا منها والله لاحظت حاجة غريبة جدا وبايخة اوى طول ما احنا ماشيين البنات جايبانا من فوق لتحت ومن تحت لفوق وحاجة كده غريبة لا انكر اننا كنا شيك جدا جدا بس بردو حاجة غريبة شككونى ف نفسي بلاش احكى اكتر علشان معكش وانتهى اللقاء بينى وبين زينبُ على خير وسلمت عليها بسرعة بسرعة علشان كنت وقفت تاكسي جوه الجامعة كملت انا ع المدينة مع واحدة جارتى ولما وصلنا سألت الست اللى كانت قاعدة قالتلى بكل برود النتيجة يوم 7 _ 10 مش شايفة اللوحة دى وقامت مشاورالى ع لوحة تمن متر فى تمن متر <_< قمت متنحالها جامد ومشيت وسبتها بدون ولا كلمة لأنى مضمنتش رد فعلى كان ممكن يكون ايهوقامت صاحبتى فضلت تكلمها هى وجاتلى ومشينا فى طريق الخروج من الجامعة يتبع ..
__________________
••• والعز كل العز في ايماني •••
|
|
#6
21-09-2008, 10:37 PM
|
||||
|
||||
|
بداية انا صحيت الساعة 6.20 كده الصبح ونزلت من البيت على 7.15 المهم دخلت الكلية على 8 الا ربع كده
لقيت الناس كلها متجمعة بيحضروا محاضرة رياضة فحضرت معاهم كنا كتير اوى علشان كان معانا بيولوجى والراجل الدكتور عمال يتكلم عن المادة بالانجليزى ومحدش فاهم حاجة بس انا طبعا فهمت نسبة كبيرة من اللى اتقال ومفيش تلت ساعة كده وخلع وبعدين رحت قاعة الجيوفيزياء وشوفت الناس اللى فى القسم بتاعى لاول مرة بس هو اقرب تقييم للناس اللى فى القسم اللى كانوا معايا انهاردة ان البنات عباقرة ودخلينها جد عننا كانوا مبيكلموش حد طبعا فمكلمناهمش لان كنت حاسس ان لو حد مننا كلمهم هيشتمونا فقلنا نقصر الشر ونخلينا ساكتين والصبيان كانوا تقريبا نص نص يعنى مش روشين اوى بس ليهم فى الموبيلات وكده يعنى المهم قعدت انا وصحابى الصبيان اللى اتعرفت عليهم كانوا 5 بس لان مش معقول هتعرف على ال 20 يعنى بس اكيد هنعرف بعض قدام وقعدنا نتكلم شوية عن الكلية و طلعنا الموبيلات واللى يشغل اغانى واللى بيصور يعنى قضينا ال ساعة ونص كده وكنا على امل انتظار الدكتور يدخل بس ماجاش المهم ال ساعة ونص خلصت وبعد كده رحت حجزت كتابين اللغة وسلمت على زمايلى اللى اتعرفت عليهم وروحت
آخر تعديل بواسطة احمد رضا ، 26-09-2008 الساعة 07:40 PM |
|
#8
21-09-2008, 11:25 PM
|
||||
|
||||
|
[quote=براءة;787600]احم احم
سلامتك يا سوستى من الكحة  هبدأ من نقطة الصفر خرجت من بيتنا 6 الا ربع وصلت الجامعة 8 او 8 الا مش فاكرة المفروض كنت اقابل سوستى (اللى هيا زينب(اللى هيا ترافيل)) على باب الجامعةهو انا اسمى زينب وانا معرفش لكن كان معايا واحدة مش عارفة مكان جامعتها فرحت ادورلها عليها .. بحب اخدم وكده وانا ... اول ما دخلت لاقيت طلبة سياحة وفنادق كلهم: هو المدرج بتاعنا فين..وكانى البواب بتاع الكلية قلتلهم على طووووووووووول واحودوا كده <-------- ----------> ومش عارفة مشيوا مع اتجاه السهمين ازاى المهم شوية وزينب وصلت وهددتنى لو مجيتلهاش ع البوابة حالا حالا انا بصراحة خفت موت ووعدتها فى خلال نص ساعة هكون على باب الجامعة البنت زهقت منى وقالتلى بقولك ايه انا هروح كليتنا وهستناكى قلتلها يا ترى هتعرفينى قالتلى اه طبعا وعيب عليكى وبتاع ده على اساس انى فاكرة انك اللى فى الصورة اللى اكتشفت انها بتاعة ابتدائى احنا كنا قايلين لبعض عن لون لبسنا رحت الكلية لقيت واحدة بنفس المواصفات وماسكة الموبايل وموبايلى بيرن قمت كنسلت وانا بضحكلها قامت بصت الناحية التانية .. وحسيت بجد انها شايفة واحدة هبلة بتضحكلها مثلا وقامت رنت عليا تانى رحت بقي حطيت موبايلى جنب ودنها ( بقولها اللى انتى بترنى عليها جنبك اهى) قامت بصتلى شزرا ومشيت وسابتنى والله ما شفتها خالص قلت مش معقولة القمر ده يبقى سوستى قولتلها انا اهو يا بنتى حرام عليكى وبعد ما سلمنا تسليم على بعض تسليم حااااار جدا سربت البت صاحبتى اللى ف كلية تانية وانطلقت انا و سوستى بقي وايدها ف ايدى [quote=براءة;787629]احم احم سلامتك من الكحة يا سوستى (بارت 2) وانا مع سوستى حبيبتى لمحت جداول متعلقة وناس ملمومة فسألها دى جداولنا ؟؟ قالتلى ايوه قلتلها نقلتيها ؟؟ قالتلى لأ هما نقلوها مش عارفة ايه خلانا ننفض بس ايه يجبرنا نتحشر وسط التجمعات دى تجمعات ايه !!!!!!! انا حسيت ساعتها انى بشوف الاهرامات السبعة مش التلاتة وابو الهول انا علشان اجيب الجدول عاوزة سلم المطافى علشان اشوفلى كلمة وعلى ايه ده الجدول .. مسيرنا هننقله فى يوم من الايام قوليلهم فكرتنا الجديدة فى معرفة الجدول صورناه فيديو المهم رحنا القينا نظرة على المدرج ورجعنا تانى مش فاكرة عملنا ايه اه قعدنا نفرج بعض على صور بعض والعيلة والاصدقاء وفضلنا نرغى شوية حقيقة يا جماعة كنا بنتكلم ع اننا اصحاب من 20 سنة ونهزر ونتريأ وعشنا حياتنا يعنى زينب بأمانة .. زى السكر فعلاااااااااااا بنوتة كميلة جدااااااااااااااااااااااااااااااا قولى الصراحة كميلة ايه بس انتى اللى طلعتى سكر وعسووووووووووووولة اكمل بكرة بقى
عاوزة اناااااااااااااام
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#9
22-09-2008, 05:39 AM
|
||||
|
||||
|
[quote=travel;787849][quote=براءة;787600]احم احم
سلامتك يا سوستى من الكحة لا ده انا بظبط صوتى قبل متكلم هبدأ من نقطة الصفر خرجت من بيتنا 6 الا ربع وصلت الجامعة 8 او 8 الا مش فاكرة المفروض كنت اقابل سوستى (اللى هيا زينب(اللى هيا ترافيل)) على باب الجامعةهو انا اسمى زينب وانا معرفش اديكى عرفتى .. فين شكرا يا طنط رحمة لكن كان معايا واحدة مش عارفة مكان جامعتها فرحت ادورلها عليها .. بحب اخدم وكده وانا ... اول ما دخلت لاقيت طلبة سياحة وفنادق كلهم: هو المدرج بتاعنا فين..وكانى البواب بتاع الكلية قلتلهم على طووووووووووول واحودوا كده <-------- ----------> ومش عارفة مشيوا مع اتجاه السهمين ازاى ذنبهم فى رقبتك مش بعيد يكونوا لحد دلوقتى تايهين فى الجامعة بسببك يا اجرام انتى المهم شوية وزينب وصلت وهددتنى لو مجيتلهاش ع البوابة حالا حالا انا بصراحة خفت موت ووعدتها فى خلال نص ساعة هكون على باب الجامعة البنت زهقت منى وقالتلى بقولك ايه انا هروح كليتنا وهستناكى قلتلها يا ترى هتعرفينى قالتلى اه طبعا وعيب عليكى وبتاع ده على اساس انى فاكرة انك اللى فى الصورة اللى اكتشفت انها بتاعة ابتدائى والله العظيم متصوراها فى اخر تالته ثانوى كمان بس سيبك انتى انا فى الجامعة اختلفت كبرت بقي وبقيت انسة احنا كنا قايلين لبعض عن لون لبسنا رحت الكلية لقيت واحدة بنفس المواصفات وماسكة الموبايل وموبايلى بيرن قمت كنسلت وانا بضحكلها قامت بصت الناحية التانية .. وحسيت بجد انها شايفة واحدة هبلة بتضحكلها مثلا وقامت رنت عليا تانى رحت بقي حطيت موبايلى جنب ودنها ( بقولها اللى انتى بترنى عليها جنبك اهى) قامت بصتلى شزرا ومشيت وسابتنى والله ما شفتها خالص قلت مش معقولة القمر ده يبقى سوستى من بعض ما عندكم انتى الى طلعتى ..( ... ) فى اولاد موجودين مش قدامهم قولتلها انا اهو يا بنتى حرام عليكى وبعد ما سلمنا تسليم على بعض تسليم حااااار جدا سربت البت صاحبتى اللى ف كلية تانية وانطلقت انا و سوستى بقي وايدها ف ايدى اقتباس:
معلش بقي رديت متأخر سويتين
__________________
••• والعز كل العز في ايماني •••
|
|
#10
21-09-2008, 11:19 PM
|
||||
|
||||
|
بصوا بقى بالصلاه على النبى كدة
انا نزلت من بيتنا كانت الساعة 8 بالظبط عشان قلت اروح الكلية بدرى عشان الشمس وكدة بس طبعا الشمس ضحكت عليا وطلعت بدرى حبة وخدتها من اولها  وصلت الكلية الساعة 9 وربعانا اصلا مكانش عندى محاضرات بس كان فى واحد صاحبى رايج يحول من 1أل5أ عشان يبقى معايا فى السكاشن والمعامل المهم رحنا لقينا طابور عامل زى طابور العيش على شئون الطلبة طبعا مرضيناش ندخل علشان منتبهدلش خاصة اننا رايحيين باللى على الحبل قلنا نعمل حاجة غيرها اه صح نسيت اقولكوا البنات ماشاء الله هناك انا مش هتكلم اكيد انتوا شوفتوا والولاد بردج بس طبعا مش زى البنات المهم سالنا بنتين على موضوع البالطو والادوات نجيبهم منينقالولنا فى مول اسمة الزعفران رحت وجبت الحاجة بس كان شكلى زبالة اوى فى البالطو ورجعت حجزت كتابين اللغة وسالت على اللوكرس كل ده حصل بسرعة ومشيييييييييت الحمد لله
__________________
اصعب احساس فى الدنيا لما تحس بظلم وقهر وانت ياعينى وحيد فى الدنيا ملكش حد ملكش ضهر |
|
#12
22-09-2008, 12:49 AM
|
||||
|
||||
|
بجد والله يا رحمة الموضوع كده بقى جامد جدااا
عايزين المشرف يثبتلنا الموضوع ده والمغامرات بتاعتك يا رحمة انتى وترافيل فعلا جميلة جداااا بس للاسف الكهربا قطعت وانا بقراها من شوية المهم انا دلوقتى كملتها وهى فعلا جميلة جدااا ومستنينك تحكيلنا باقي المغامرات ان شاء الله وياريت يا جماعة كل اللى فى علوم على المنتدى ومشاركوش فى الموضوع يدخلوا يحكولنا مغامراتهم فى اول ايام الكلية ويشاركونا فى الموضوع واللى شارك بردو يشارك تانى وتالت وعاشر كمان
آخر تعديل بواسطة ahmed2845 ، 22-09-2008 الساعة 12:56 AM |
|
#13
22-09-2008, 09:38 PM
|
||||
|
||||
|
مش مهم المشرفين يثبتولنا الموضوع
احنا نقدر نثبت الموضوع بنفسنا عن طريق المشاركات وان شاء الله زى ما انتى قلتى نحاول نتابع اوك يلا بقى بالمرة احكى على اللى حصلى انهاردة بداية طبعا صحيت من النوم الساعة 6 ونزلت من البيت على 7 الا ربع المهم غيرت طريقة المواصلات وروحت الكلية على 7.20 لقيت بقى الجامعة فاضية ومفيش حد ماشى توقعت طبعا ان الكلية هى كمان فاضية قلت ادخل بقى الكلية احجز مكان قدام فى المدرج بدخل لقيت امة لا اله الا الله كلها جوااا بنقولهم في ايه يا جماعة قالولنا فى محاضرة كيمياء هتبدأ دلوقتى حضرت وخلاص وبردو قعدت ورا المهم طلعت المادة هيدرسهالنا 3 دكاترة الاولانى قعد يكلم كتير وكالعادة محدش فهم منه حاجة فانا بقى توقعت ان الاتنين اللى جايين هما كمان هيرغوا كلمتين ويروحوا رحت نفضتلهم وخرجت مع صاحبى نقضيها بره المهم رجعت بعد ما المحاضرتين خلصوا رجعت لقيت الناس بتتكلم عن بويل وشارل بنقول هو فى ايه هو حد شرح ولا ايه قالولنا اه قالولنا الدكتور التالت شرح محاضرة بس التانى قعد يرغى زى الاولانى المهم نقلنا الكلمتين والحمد لله طلعت حاجات سهلة من بتوع السنة اللى فاتت وبعد كده رحت انا وصاحبى على عملى الجيولوجيا لقينا راجل محترم كده قاعد طلع انه معيد قعد يقولنا من المحاضرة اللى جاية هاتوا قلم وكشكول سلك والوان قلناله ليه قلنا انا هديكم مادة اسمها خرائط طبوغرافية تبع بردو عملى الجيولوجيا بس الراجل طلع عنده ضمير وشرحلنا من اول محاضرة وخد اكتر من ساعة يشرح وبعد كده قلنا العملى الجاى بعد العيد احنا طبعا لما صدقنا وقومنا خلعنا وروحت نمت وصحيت على الفطار وبعد الفطار ذاكرت الكلمتين اللى خدناهم وطبعا قبل المذاكرة صليت المغرب وفى نص المذاكرة صليت العشاء وخلصت مذاكرة الكلمتين دول وجيت على المنتدى على طول
آخر تعديل بواسطة احمد رضا ، 26-09-2008 الساعة 08:01 PM |
|
#14
23-09-2008, 03:08 AM
|
||||
|
||||
|
احنا بقى فضلنا كده مع نفسنا طول اليوم بس اخدنا محاضرة ميكانيكا ربع ساعة
خدنا فيها المتجهات .. بيقولوا انها كانت عندنا فى الميكانيكا باين والدكتورة شكلها كويس بس غاظنى اوى انها بتقولنا طبعا الميكانيكا امتحانها كان سهل اوى السنة اللى فاتت كنت هقوم اضربها هو احنا لو كنا قفلنا الرياضة مش كان زماننا دلوقتى فى هندسة
__________________
••• والعز كل العز في ايماني •••
آخر تعديل بواسطة احمد رضا ، 26-09-2008 الساعة 08:02 PM |
|
#15
23-09-2008, 05:16 PM
|
||||
|
||||
|
يلا بقى نصيبنا كده هنعمل ايه اهى بردو علوم احسن من غيرها
على العموم يا ستى بداية طبعا صحيت الساعة 6 ونزلت على 7 بس المره دى خدت نفس طريقى الاولانى فى المواصلات ووصلت على 7.40و كان علينا اول حاجة عملى فيزيا فضلنا ندور انا والواد صاحبى محمد على معمل الفيزيا فى الاخر لقيناه بس المعمل كان مقفول ف استنينا بره على امل ان المعيد يجى ويدينا المحاضرة المهم شوية كده ولقينا بقية قسم الجيوفيزيا جيهم وقعدنا نحكى ونتكلم عن الكلية المهم طلع معانا واد ساقط وقعد يحبطنا ويقولنا جيوفيزيا دى اكتر قسم متعب وهتاخدواا مواد كتيرة وصعبة وملكمش ايام اجازة غير الجمعة وهيطلعوكم كل فترة للمقطم تدوروا فى الصخور وقعد يقولنا شغل البترول ده قليل فى مصر ومتصدقوش الكلام انكم هتجيلكم عقود عمل وانتوا بتدرسوا وقعد يرغى جاب للواحد اكتئاب المهم انا وصاحبى طبعا نفضناله وحسينا انوا بيقول كده علشان هو ساقط فضيلنا مستنين وفى الاخر سيبناهم ومشينا لان المعيد ماجاش و الوقت ده كان عندنا فاضى من بعد العملى 3 ساعات فطبعا لازم نستنى علشان عندنا حقوق انسان على 1.20 المهم الواد صاحبى كان عايز يروح يقابل بنتين وقالى تعالى معايا بس انا نفضتله وقلتله روح انت لوحدك بس تقريبا كده كان زعل ومشى لوحده بس بعد كده كلمنى عادى انا بقى بقيت لوحدى قعدت افكر اعمل فى ال 3 ساعات دول قمت اتصلت بواد صاحبى تانى قالى انا جاى الكلية دلوقتى فا استنيته وقضيناها طبعا كالعاده صاحبى التانى ده كان بيولوجى وكان عليهم محاضرة الميكروبيولوجى وحاجة تانيه زيها كده مش فاكر اسمها ف قالى تعالى معايا والنبى احضر معايا المحاضرة فرحت معاه لحد ما محاضرة حقوق الانسان تيجى المهم الراجل الدكتور طلع عنده ضمير وقعد يشرحلهم شوية وطبعا المدرج كان هينفجر من الناس واللى قاعد برجل واحدة واللى طاير فى الهوا فانا طبعا اتخنقت من الجو ده واستنيت لما المحاضرة الاولانية خلصت وقلت لصاحبى التانى هستناك تحت لما تخلص المحاضرة التانيه رن لى على الموبايل و قعدت شوية فى ممر علوم لحد ما صاحبى التانى ده خلص ورنلى ورحنا على المدرج نحضر محاضرة حقوق الانسان وكالعاده الدكتور اتاخر اوى وتقريبا كده مكانش جاى لان الساعة كانت 2.10 ولسه ما جاش والمحاضرة كانت الساعة 1.20 فلقينا الناس بدأت تمشى رحنا مشينا احنا كمان المهم طلعنا ملقيناش الميكروباص واقف رحنا خدنا تاكسى وقلنا بقى نفكها شوية بدل الميكروباص الخنيق و روحت على العصر ولسه حتى قبل ما انام صليت الظهر والعصر وجيت على المنتدى وبس
آخر تعديل بواسطة احمد رضا ، 26-09-2008 الساعة 08:11 PM |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:02 PM.
