تأجيل بدء العام الدراسي

[اسامه القزاز]

والله انا رأيى مختلف عن الجميع بدء الدراسة - تأجيل الدراسة كلها أمور سطحية مش فارقة حاجه خالص كلها أيام وبتعدى كل ما أدعو به الله سبحانه وتعالى فى هذه الأيام المباركة هو إعلان الجميع فى بلدنا الغالية مصر بنهاية أجازة ضميرنا علشان تقوم بلدنا وتقف على رجلها من تانى .

[tarek elhamy]

ياريت تتأجل رحمة باولياء الامور الناس تعبانه

[Mr_ibrahim Mustafa]

والله مش فارقة
دراسة أو أجازة
مفيش نظام مفييش تخطيط
عشوائية وقرارات ع المزاج وبس

[Mr_ibrahim Mustafa]

المشاركة الأصلية كتبت بواسطة e_a

* واحد مدرس خلف بنت سماها «كوادر».
* مدرس ضبط زوجته ماشية مع الكادر بتاعها ***ها وغسل عاره.
* أم العروسة للعريس المدرس: إحنا عندنا الشقة وكل شيء، ومش مطلوب منك حاجة.. إحنا بنشتري «كادر».
* المدرس لحبيبته: بصراحة يا حبيبتي أنا مش «كادر» أتقدم دلوقتي وظروفي صعبة خالص.
* طلب وظائف: مؤسسة تعليمية كبري تطلب عدد ٤ مدرس «بكادر» وعدد ٣ مدرس «بنصف كادر».
* فرصة: مؤسسة تجارية كبري تعلن عن توافر «كوادر» للمعلمين.. جميع المقاسات بجميع الأسعار.
* إعلان: لدينا «كادر» استعمال خفيف بحالة الزيرو.
* تلميذ بيسأل مدرسه: هو «الكادر» بتاعك يا أستاذ لونه إيه؟
* تنبيهات ناظر المدرسة: كل مدرس يعلق «الكادر» الخاص به علي صدره منعاً للإحراج.
* عاجل عاجل: مدرسة تطلب «كادر» مستعملاً وارد الخارج بترخيص سنة.
* الأب: تقدر تقول لي الدرجات ضعيفة ليه الشهر ده.
الولد: أصل المدرس بتاعنا معاه «كادر» صيني!
* واحد مدرس طلق زوجته لأنها بعد سنين عمر مش عارفة تجيب له «كادر»!

ههههههههههههههههههههههههههههههههههههههههههههههه
مش كادر اضحك

[عبد الجيد وهبه]

يا رب لا تدعنى اصاب بالغرور اذا نجحت ،ولا باليأس اذا فشلت ،بل ذكرنى دائما ان الفشل هو التجارب التى تسبق النجاح

[mr_shrefamen2]

حبايبي لو دا كان حالنا احنا يعني (بنكت) علي نفسنا امال ايه حال اعيال بعد ما تبدا الدراسة هايقولوا ايه يا رب الوزير يشوف النكت دي عشان يستريح ويشوف هو عمل في المدرسين ايه

[n_g]

انا من رايي اننا نسكت لان كده كده لا ياخذون براينا .ادينا اعترضنا على الكادر و قامت مظاهرات للصبح
ايه اللى حصل؟ اللى عايزينه بيعملوه

[ashrafnassr]

الافضل تبدأ يوم عشرين كده كده ماحدش هيروح و تتحسب ايام واسابيع وخلاص بدل تاجيلها ووجع دماغها
المهم عدد الاسابيع والايام ع الورق

[almoalem]

انا من رايى يأجلو الدراسة سنة نستجم فيها

[abraik]

تأجيل الدراسة ليست في يد سيادة الوزير ولازم نعذر الوزير 0000لأن سيادة الوزير مشغول في كيفية الخروج من مأزق الكادر 000هل يعملو النسبة 50% أو يحصل درجة رأفة 000 الوزارة قدمت أسوأ إهانة لمعلمي مصر في تاريخهم فكيف للوزارة أن تحترم رأي المعلمين في التأجيل للدراسة 00000(معلم ثانوي منسى 0000 آسف قصدي فني)

[walidbadr]

المشاركة الأصلية كتبت بواسطة mr_shrefamen2

الإخوة الأعزاء انا قمت بالمشاركة بهذا الموضوع عشان اشوف رايكم في موضوع إرجاء بدء العام الدراسي لبعد العيد يمكن لما يشوفوا ردودنا ومشاركاتنا يتحركوا شوية ويعملولنا اعتبار لان احنا اللي في النار وما حدش هايحس بيها غيرنا وهما بيأمروا وبس دون التفكير في من سوف يطبق عليهم هذه الأوامر ولا ايه رأيكم؟؟؟؟؟؟؟؟

دول ما بيشوفوش حاجة، ما بشوفوش غير مصالحهم وبس

[artman]

المشاركة الأصلية كتبت بواسطة ايمن الشريف

عادي لا مانع بس انا عن نفسي بصلي التهجد ثم السحور وصلاة الفجر يعني هروح نايم

وانا معاك اخي الكريم

ربنا يسهل

[المصرية xp]

تأجيل الدراسة بعد العيد أفضل كثيراً خصوصأ إنها مش عشرة أيام ولا حاجة دى أقل من أسبوع وعلى الاقل الطلبة يأتوا بعد العيد وهم فى قمة النشاط لاستقبال العام الدراسى مش لاستقبال الاجازة ..
ولكن نظام التعلمي الهبوللى عاوز يمشى كل حاجة بالأمر مع إن صاحب الأمر مش فاهم ... للأسف

[wms]

اكيد تأجيل الدراسه لمد اسبوع ( كده كده مش هيبقى فيه حضور للطلبه على الاقل ) سوف يؤدى الى انهيار وتدهور خطير للعمليه التعليمية فى مصر اللى هى اصلا مضبوطه على الآخر ... ههههههههههههههههه

[ممدوح مصطفى الانصارى]

كل سنة وانت طيب ........تعرف الوزارة بتحمل نفسها ما لا تطيق
بعدم التاجيل.........يا عينى زى الراجل الغلبان بس مقاوح...........وعدم تاجيل الدراسة اعتقد انه ليس له علاقة بالمدرس ولا بالمدرسة ولا بالطلبة ولاكن له علاقة سلبية على اولاياء للامور وزيادة عذابهم؟؟؟؟؟؟