|
||||||
| قضايا سياسية وأخبار مصرية وعربية وعالمية منتدى يختص بعرض كافة الأخبار السياسية والإقتصادية والرياضية في جميع أنحاء العالم |
 |
|
|
أدوات الموضوع | انواع عرض الموضوع |
|
#31
28-08-2016, 12:13 AM
|
|||
|
|||
اقتباس:
هذه المقالة رائعة وقد اقتبست منها أخر سطرين وعملت عليها عدة مشاركات فى يوميات مواطن يعنى المقالة كلها على بعضها نالت إعجاب العبد الفقير إلى الله ليه انت أخدت منها مايتماشى مع فكرك وتركت الباقى هذا الأمر لايشعرك بالفخر لأن ريهام حداد اتكلمت كتييير عن المتربصين اللى بيقرأوا دون تمعن ويقطعوا الكلام الذى يتماشى مع فكرهم وبس
__________________
الحمد لله 
|
|
#32
29-08-2016, 08:49 PM
|
|||
|
|||
|
اقتباس:
|
|
#33
30-08-2016, 01:18 AM
|
|||
|
|||
|
واضح إنك عايز رئيس الدولة وضيوفه يقضوها محشى كرنب ومخللات ولا إيه؟
أنا مش شايف خرفان متعلقة ولا رومى بيفرفر ولاعجول بتتقطع واتهيأ لى ممكن تشوف المشهد دا فى أى فرح شعبى فى مصر واضح إن فيه صورة تعبتك من الصور اللى أنا نزلتها وبتحاول تقليدها قوللى عليها وانا أحزفها وبلاش تعمل فى نفسك كدا - صحتك يارجل وكمان لاتجيد فهم المكتوب كله بياكل فى لحمنا لما خلصوا لحمتنا وعيب وكل العيب إنك تكون من حتتنا وتروح تشرب معاهم نخب فى صحتنا
__________________
الحمد لله
|
|
#34
30-08-2016, 09:47 AM
|
||||
|
||||
|
ليه كده يامستر / رضا .. مارئيس الجمهوريه وضيوفه يقضوها
وكل واحد سندوتشين من عند البغل بتاع المحله .. كده ماشي يارجب ... أنا مش هاقول يروحوا محمد أحمد .. ولا حسني في إسكندريه والله يارجب .. هاكتب لك قايمه مطاعم في طنطا .. لو الريس حب ياخد ضيوفه ويعزمهم في المطاعم دي .. ميزانيه مصر مش هاتكفي .. بس الصراحه .. هايكلوا أكل مش هايلاقوه في مصر كلها خد مثلا ياحبيبي يارجب : ---------------------------------------- الوطنية الجميل تدخل بنص الفرخة اللطيف مع تلت مشكل وبامية باللحمة ورزك المعمر والسلطات وتطلع ع القهوة تضرب معسل ابو عمر شرحه باضافة بعض التفاصيل المهمة يعني نص الفرخة ينزلك فاهيتا مكسيكانو مع سكيلت ودخان لطيف كدا يسطلك اصلا والرز المعمر يبقى باللحمة طبعا والملوخية باللحمة وورق العنب هناك غريب عجيب والبشاميل هناك زي الزبدة ووشها مش احمر زفر زي ما ستات البيوت بتعملها حاجة كدا استيك الميزة في ابو عمر ان اكله كله سمنة بلدي وزبدة فلاحي وقشطة... هاتموت يعني ابو عمر هاينزلك شاي بالنعناع كدا متعرفش هو بدوي ولا لبناني ولا راكية ولا ايه بس هو لطيف جدا اما زين فدا بيعمل شوية كفتة مشوية مع ورقة لحمة ويا سلام بقى على الموزة لما تبقى متعصجة ونازلة بالمرق لو ممعاكش فلوس كتير ممكن تروح لرسلان بس تلحقه في اول اليوم او بعد المغرب واحلى حاجة هناك البط والشاي بالقرنفل في مطعم اكل لبناني بس انا مش فاكره كاتشب يا جماعة فدا بتاع الحاجات اللطيفة البيتزا الجميلة مع ساندوتش الشانجهاي اللطيف بس زود المشروم هاتبقى حاجة لطيفة بما اننا ذكرنا المشروم اعظم مشروم ممكن تاكله في حياتك هايبقى في ستريو ولو عاوز تاكله مع طبق حلو هايبقى ستيكة تي بون مع فريش مشروم ونصيحتي زود عليها جريلد شريمب ومش محتاجين نقول ينزل معاهم ايه غير سباجيتي ريد يستحسن تسخن بواحد تاكو والسلطات تبقى السيزر فراخ او الجريك سلاط حاجة عظيمة عظيمة في كذا مطعم زي استريو بس هو اطعمهم وانسبهم في السعر والنظافة واعظمهم في الخدمة في ادامز وبورتوبيلو وفريسكي بما ان سيرة فريسكي حضرت فللناس اللي بتحب الباستاري هناك الارابياتا اعظم عظمات الباستا في طنطا تليها باستا اوليه الا اوليو نسيت اقولكم على الشريب سوب في ستريو يا اسيادنا احنا نسينا سبكترا هو مستواه حلو وقعدته برجوازية وفي حاجات كتير حلوة عنده خصوصا الفرايد بس غاالبا بيسترخصوا في اللحوم واطباق االلحوم عندهم غالية جدا - دي تجربتي مع الريب اي عندهم - بالنسبة للكشري أحسن 3 بيعملوا كشري في الشرق الاوسط هم مديح مديح مديح كشري عظيم يا جماعة وعدسه اصفر مش زي بتوع القاهرة بعدسهم البني الرخيص اللي بيطلع ريحة بعد نص ساعة الصلصة تحسها طماطم بس اي والله والرز ابيض ابيض مش رمادي باختصار كشري بيجوع ينفع تتعامل معاه على انه مخللات او مقبلات فتاكل كشري تاني برده بعدها لهاليبو في المرتبة اللي بعده وتحديدا اللي في شارع البحر بس لهاليبو اللي عند السيد البدوي بيعمل رز بلبن حلو ولهاليبو اللي في الشارع البحر بيعمل فطيرة كاسترد خطيرة بالنسبة للساندوتشات فاحلى سندوتش اكلته في طنطا كان عكا - في البدايات - حاجة مفتخرة الحقيقة الطابية بالنسبة لاسعاره فهو حاجة فخيمة طبعا وهكذا بطوط اسعاره متناسبه مع نسبة جودة او ردائة الاكل بس بلا شك اكلهم طعم وريحته حلوة الحواوشي عند الوطنيه عظيم تاكل وتعيط من الحلو وتتنحر بالنسبة للسمك فالموضوع صعب شوية الطنطاوية مش بتوع سمك بس عاملين مجهود لا بأس به خلينا نرتبهم شوية ريد سي حاجة مفتخرة وبيحرص قدر الامكان انه حاجته تبقى طازة بعده القبطان رهبة السمك والريحة والخدمة والديكور فالجميل للاسماك كميات بالنسبه لغيره الاخطبوط - بس دا قفل تقريبا - البورسعيدي اول ما فتح كان بيعمل احلى شوربة سي فود بس خلاص تقريبا بيودع الحوت دا محل شوي صحيح بس بيشوي ويتبل السمك تتبيلة مفتخرة احنا مش حلوين في الاسماك زي البورسعيده والاسكندرانية الحقيقة يعني الفول والطعمية مفيش عربية فول في طنطا بتعمل اكل وحش كلهم حلوين وحرشين ومبيعرفوش يعملوا طعمية باستثناء واحد عزمني عنده المصري وحسام فهمي مبيعرفش يعمل اي حاجة واكله وحش وعيشه بايت ومعندوش بصل الجعان زمان كان مبدع فول وطعمية طعمية الجعان دي مميزة لدرجة لي صديق في الكلية كان بياكل من عنده 10 طعمية في الطقة الواحدة وهو مستريح عادي جدا ابو دشيش يا اسيادنا بيعمل طعمية غنوج حاجة مفتخرة لحد فترة معينة كان ارخص ساندوتش فول او طعمية في مصر بس الخلاص الدولار بقى ب700 جنيه هو احنا بنستورد فول!؟ لو هاتحلي في طنطا فانت مش محتاج تتوه وتسأل ستريو بيعملوا شيز كيك عظيمة - بس تقيلة وجبنتها دسمة - و شوكلت فلوتس كيك مع هوت شوكلت هاتبقى حاجة استيك الحقيقة كافينو نفس الحكاية بيعملوا سينابون لطيفة وميركاتو بيعملوا تيرمايسو عظيمة وسينابونهم وشيزكيكهم حلو برده الريد فلفيت دي انا مش مستلطفها بالدرجة الكافية بس اشطة حلوة يعني هي في ذاتها مش مستقلة ومحددة كدا وحافظة مقامها لا دا كل واحد بيعملها بمزاجه ومحدش عارفلها مسكة اصلا. الشبيحة بقى بتوع الضرب شعبولا وتلوث وعواد تروح تضرب 4 كفتة و3 كبدة من عند اي واحد فيهم تاكل وتتنحر زي سيد قشطة كدا وبالنسبة للجماعة السوريين الجمال فشخ عندك الدمشقي في دوران النادي واكلة سوري في علي مبارك دول اسياد الشاورمة بعدهم اسطنبول اما طربوش دا فتروح تاكل عنده لما تاخد علاوة 500 جنيه ولا حاجة الساندوتش ب30 بس مفتخر الحقيقة كل القصة انت محتاج تضرب 3 سندوتشات. اما بالنسبة للكوارع والسمين والمصمطة دي فماجد طشطش دا عظيم يا جماعة عنده شربة كوارع تاكلها تعيط على طول والتقاطيع والتحابيش والمشكل مع نص الفرخة التمام وتلت الكبدة يختاااااي مطاعم طنطا لن يكفيها الخبر في حصر ولا في قصد وصفها وطعامة اكلها وحلاوة قعدتها ولا اي حاجة طنطا غير يا اسيادنا والله أم محمد ده لو مزاجنجي وبتعرف تاكل بجد وإنت علي الزراعي طنطا / إسكندريه وعند كفر الزيات .. هاتشم ريحه أكل نسينا ريحته من زمان .. يلا .. ليت الشباب يعود يوما --------------------------------------------------------- منك لله جوعتنا علي الصبح يارجب .. إنت عشان تروح المطاعم دي مش محتاج مرتب الشهر .. مرتب السنه كلها .. ومش هايكفي
__________________
|
|
#35
30-08-2016, 02:52 PM
|
|||
|
|||
|
اقتباس:
فيه مطاعم محتاج سلفه من البنك الأهلى دلوقتى ماهو اللى معاه بيصرف واللى مامعهوش بيلعن الحكومة والدولة اللى منعاه يصرف زيهم نحن نتصارع من أجل المساواه فى الصرف لكن لو قلبنا القاعدة وقلنا نتتبارى فى الترشيدوالتوفير - الطرفين هيقولوا لك منيييييييييين؟ الدولة عايزه تجوعنا ولا إيه؟ فكرتنى يامستر أشرف أيام الخطوبة حبيب أعمل زى المخاطيب الجداد واعمل رحلة انتحارية وزياره لمدينة طنطا بيسموها فى علم الوشوشة (المخاطيب رايحين يتفسحوا ) لفينا طنطا من شرقها لغربها لحد ماخلاص هنقع م الجوع فقلت لها نتغذى سمك فى أحسن مطعم فى طنطا مش هقول اسمه ولكنه فى مدخل ميدان السيد البدوى دخلنا وطلبنا ومن كتر الجوع زودنا فى هذا المطعم على مايعملوا السمك المطلوب بيقدموا لك شوية سمك زغنطوط تقزقز فيهم على مالسمك المطلوب يجهز لكن الجوع خلانا نزلنا بلا رحمة وعبال ماجه السمك الكبير كنا شبعنا وسمعت صوت بيقوللى نلف لك السمك يا أستاذ -- قلت له خلاص احنا اتغدينا وشكرا بعد كدا وبعد الزواج كانت أى زيارة لنفس المكان بنبه أولا -- احنا هنصبر لحد ماتجيبوا كله مع بعضه الصبر هينجينا من مقالب القزقزة ههههههههههه شكرا جزيلا
__________________
الحمد لله
|
|
#36
30-08-2016, 03:42 PM
|
||||
|
||||
|
علي رأيك يامسنر رضا .. أيام الفسح ودي كانت من أزمان .. وحقب مرت علي فكره إذا لم أكن مخطئا المطعم إللي إنت رحت فيه عند السيد البدوي كان (( الزيني )) وإن كان بقي بتاع كباب وكفته بعد كده .. المهم ب 100 جنيه ولا 200 كنت تعمل فسحه حلوه .. أنا بتكلم عن منتصف التسعينات وتدخل مطعم كويس وتاكل كويس .. النهارده إبنك لما يحب يروح أي مطعم من دول .. الخمسمايه يدوب لو كفوا .. وبعدين يجي رجب مستكتر علي الريس وضيوفه أكله يمكن أقل من أكل المطاعم دي حالا .. ولا الكبسه والمندي في قطر كانت حلوة علي قلوبهم .. وهما بيربعوا صوابعهم
__________________
|
|
#37
01-09-2016, 09:51 PM
|
|||
|
|||
|
اقتباس:
 يمكن تشوف دى مياة معدنية فرنسية
|
|
#38
01-09-2016, 09:56 PM
|
||||
|
||||
|
اقتباس:
متهيأ لي إن نص مرتبه إللي سابه ممكن يغطي المياه
المعدنيه الفرنسيه .. ده لو كان عندك إسم الشركه المنتجه ................... مسيو / رجب .....................
__________________
|
|
#39
01-09-2016, 10:00 PM
|
|||
|
|||
|
اقتباس:
  سعر الزجاجه الصغيرة يتجاوز 25 جنيها
|
|
#40
01-09-2016, 10:10 PM
|
|||
|
|||
|
اقتباس:
هـى المـؤامرة فـين؟! http://www.almasryalyoum.com/news/details/1002514 عبد الناصر سلامة م 0 أعجبتنى صراحة الدكتور عمرو الجارحى، وزير المالية، حينما نفى وجود مؤامرة اقتصادية على مصر، مشيراً إلى أن الأمر يتعلق فقط بتحديات اقتصادية كبيرة، تتطلب تضافر الجهود للتغلب عليها، موضحاً أيضاً أن الدين العام وصل إلى نسبة ١٠٠٪ من إجمالى الناتج المحلى. تصريح الوزير يأتى بالتزامن مع موافقة صندوق النقد الدولى على منح مصر أكبر قرض فى تاريخها (١٢ مليار دولار)، يتزامن أيضاً مع قروض أخرى، من دول متعددة فى مجالات مختلفة، يتزامن مع مِنح من العواصم والمنظمات الدولية فى آن واحد، يتزامن مع صفقات عسكرية مع أكثر من دولة أوروبية، صفقات عسكرية وصناعية وتجارية مع روسيا، أيضاً مع الصين، مع الهند، استمرار المعونات العسكرية والمالية الأمريكية، تعاون أمنى واسع وتبادل تجارى أوسع مع إسرائيل. الجديد فى هذا الصدد هو ما نقلته صحيفة «يديعوت أحرونوت» الإسرائيلية، عن وزير النقل الإسرائيلى «يسرائيل كيتس» حول خطة لإنشاء خط سكة حديد لربط إسرائيل مع ما سماها «الدول العربية المعتدلة»، وإذا ربطنا بين هذا الخبر، مع الأنفاق المخصصة للسكك الحديدية، التى يتم حفرها أسفل قناة السويس الآن، فقد نكتشف أننا بصدد مزيد من التعاون، مع ذلك العدو التاريخى، بما يشير فى هذه الحالة، إلى أن أجندة المرحلة تحمل الكثير من الغموض والمفاجآت فى آن واحد. ماذا تبقى إذن، حتى يمكن لأحد أن يتكهن بأن هناك مؤامرة من أى نوع على الدولة المصرية، إذا كانت السياحة مضروبة، فذلك نتيجة طبيعية للاعتراف بالفشل الأمنى المتمثل- على الأقل- فى منع جماهير الكرة من حضور المباريات، إذا كان الاقتصاد يتهاوى، فذلك نتيجة طبيعية لسوء التخطيط والفشل فى إدارة موارد الدولة، إذا كانت الاستثمارات الخارجية قد توقفت، فذلك نتيجة طبيعية لهروب الاستثمارات المحلية، وعدم القدرة على كسب ثقة هذه أو تلك، إذا كان الإنتاج يتراجع، فذلك نتيجة طبيعية للاضطرابات السياسية، إضافة إلى الاعتماد على جهة بعينها فى تنفيذ مشاريع الدولة، مما زاد من نسب البطالة، والتضخم، والتردى الاقتصادى بصفة عامة. الحقيقة المؤكدة هى أننا نحن الذين نتآمر على أنفسنا، ليس هناك أبداً من يتآمر علينا، سياساتنا كفيلة بتحقيق أهداف الآخرين إذا كانت هذه هى أهدافهم، حتى الآن لا أحد يعى حجم المنح والمعونات الخارجية، ولا أين ذهبت، لا أحد يعى حجم القروض الدولية، ولا لماذا كانت، لا أحد يعى أين ذهب الاحتياطى النقدى الاستراتيجى، ولا أموال الناس التى تم جمعها لحساب أحد المشروعات، ولم يتم إنفاق سوى ٣٠٪ منها باعترافات رسمية، لا أحد يعى سر الانهيار الكبير فى قيمة العملة المحلية، ولا سر ارتفاع حجم الديون الخارجية. الأمر المنطقى هو أننا كان يجب أن نعتمد على أحد مسارين، إما أن نغلق على أنفسنا، دون اللجوء إلى ديون من أى نوع، وذلك برفع الدعم شيئاً فشيئاً، وفرض مزيد من الضرائب شيئاً فشيئاً، أو أن ننفتح على الديون فى مقابل عدم إجهاد الناس بالضرائب ورفع الأسعار، ومزيد من الإتاوات، إلا أن ما يجرى كان غريباً من كل الوجوه، اللجوء إلى كل ذلك فى وقت واحد، سحب كل رصيد الدولة من الاحتياطى النقدى، سحب كل رصيد الناس أيضاً، التهام المعونات والمنح والقروض الأجنبية، فرض أعباء جديدة على الناس فى كل المجالات، ارتفاع الأسعار والتضخم والبطالة، إلى الحد الذى رفع من نسب الفقر فى المجتمع، استشراء الفساد فى كل مفاصل الدولة دون وجود إرادة واضحة فى مواجهته. أعتقد أن المؤامرة الحقيقية على مصر هى ألا نستطيع حماية ذلك الشاب الإيطالى، جوليو ريجينى، الذى لقى حتفه فى ظروف غامضة، هى ألا نستطيع حماية السياح المكسيكيين فى صحراء الواحات، هى ألا نستطيع حماية طائرة الركاب الروسية فى أجوائنا فوق سيناء، هى ألا نستطيع فك لغز إسقاط طائرة مصر للطيران فوق البحر المتوسط، هى أن تكون لدينا كل هذه الأعداد داخل السجون، هى أن توجد كل هذه الملاحظات الداخلية والخارجية حول القضاء، هى أن تكون كل هذه السقطات الشُرطية فى مجال حقوق الإنسان، هى أن يكون ذلك الأداء الإعلامى المتردى، هى أن يكون ذلك الاستقطاب الداخلى الكفيل بإسقاط أى دولة. فى السابق كنا نحيل الفشل إلى الحروب والتسليح والتهام الموارد، الآن أصبح الحديث الوهمى عن المؤامرات الخارجية، بدا أن البحث عن شماعة هو سلوك مصرى أصيل للتبرؤ من سوء الإدارة، بدا أننا لا نريد أبداً الاعتراف بالفشل، بدا أننا لا نسعى إلى الاعتماد على ذوى الخبرة للنهوض من تلك الكبوة، إلا أن اعتراف وزير المالية، فى هذه الظروف، بعدم وجود مؤامرات من أى نوع، ربما يكون بداية الطريق الصحيح، التى يجب أن نبنى عليها.
|
|
#41
02-09-2016, 12:26 AM
|
|||
|
|||
|
اقتباس:
لا لا لا لا دا انت راجل خبرة ولازم نتابع دررك لنستفيد منك ومن علمك ومعلوماتك وكمان دا انت لمّاح قوى يارجب ومتابع الرئيس فى أكله وشربه وأكيد عامل له ألبوم باقى الحلو -- ياترى السيسى بيحلى ولابينام خفيف ؟!!! إنت بتحب السيسى قوى بس بتدارى يارجب  احنا لازم نعرف طبق اليوم فى مطبخ السيسى ياريت ماتبخلشى علينا بيه يارجب شوف السيسى أكل رومى وشرب مياه غازية من فرنسا وحلى أكيد وراح الهند إنت أكلت وشرب وحليت ورحت فين ؟ بوابة الثانوية وصفحتك ع الفيسبوك تاعب روحك قوى يارجب --- انت هتقطع نفسك
__________________
الحمد لله
|
|
#42
02-09-2016, 10:37 AM
|
||||
|
||||
|
اقتباس:
ياسلام يارجب كل حاجه بتقع من رجليها إلا بني أدم .. من لسانه
ياتري نوع المياه إللي في سياره السيسي .. إيه ؟؟ ركز وشوف إستيكر الزجاجه .. هاتلاقيه مختلف تماما عن النوع إللي جنابك فاضح الدنيا بيه ( evian ) .. وشوف مكان الإستيكر ولون الغطاء وإيه إللي جاب زجاجه مياه الصافي أم 4 جنيه جنب النوع ده -------------------------------------------------------------- وبكررها لك تاني فيه حاجه إسمها إقرار الذمه الماليه لكل موظف في مصر .. قبل المنصب .. وبعد المنصب .. ومتهيأ لي إن السيسي كان بيمتلك قبل المنصب إللي يقدر يشتري بيه الزجاجه الكبيره من ( إيفيان ) وده كان معلن علي الكل .. ولا جنابك كنت يتصيف في ترعه المحموديه .. ياتري جبت مصاريف المصيف منين يارجب .. وكتبت إقرار الذمه الماليه بتاعك ولا ؟؟ وحبيبك وروح قلبك هو وشله الأنس ( مورسي ) كانوا بياكلوا فته وبط .. بكام .. ولا أقولك .. بلاش دي .. كانوا بيمسحوا إيديهم بمناديل ورق بكام ولاد الملحوسه ولايهمك يارجب .. المهم الأخلاق .. سيبك إنت
__________________
|
|
#43
02-09-2016, 11:06 AM
|
||||
|
||||
|
اقتباس:
هو سلوك مصري جيني .. (( قالوا للحرامي إحلف .. قال جالك الفرج )) .. وبدايه الإصلاح هو الإعتراف بالتقصير ومحاوله إصلاحه .. وليس حرق البلد .. يارجب
__________________
|
|
#44
02-09-2016, 01:04 PM
|
|||
|
|||
|
اقتباس:
|
|
#45
02-09-2016, 01:27 PM
|
|||
|
|||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:37 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
