مبادرة المعلمين

[gaaamaaal]

أوافق لأنه يجب أن يكون المعلم هو القدوة وأن يكون فعلا المعلم هو من أكثر الناس حبا لمصر أما الأخرين فهذا شأنهم

[mohammed733]

معرفش الشهامه دى جات منين ياراجل ياطيب احنا بناخد ايه علشان نتبرع كفايه عليناا فواتير المياه والكهرباء اللي بيديه مرسي باليمن بياخده وبياخد اضعافه بالشمال اطلب من اللي بياخدو الالاف هما اللي يتبرعو مش الغلابه بس اكيد انته اخوانى

[عمرو حجازي]

المشاركة الأصلية كتبت بواسطة ابونرمين

كل رأى لا يأتى على الهوى يقولك متنكرين؟يا رجل هو فيه أوحش من إنك تتنكر لوطنك وقت المحنة؟وبعدين الحكومة قادرة تأخذ منك ومن غيرك ولكن الأكرم يكون بمبادرتك؟

هو بالعافية
من حقك تتبرع وتدعو الاخرين بس مش من حقك انك تنكر حق الاخر في الرفض كل واحد له مبرراته وقناعاته الشخصيه . ياريت نحترم أراء بعض وبلاش تهكم او غلظه في الكلام

[عمران جابر مهني]

انا موافق علي اي حل يحل ازمة بلدي بدون نفاق ولا تردد

[sadq7]

على رأى المثل:غنى طلب شقفة كسر الفقير زيره.

[العلوم للصف الخامس]

يامحترم 50%الاولى لم تصرف فى معظم المحافظات الى اليوم افهموا بقى حرااااام

[ابو محمد ع م]

اقترح ان يتم خصم 20 جنية على كل 600 جنية من جميع العاملين بالدولة من الرئيس حتى الغفير
جميع من يقبض من الدولة مرتب

[د/عزت التونسى]

المشاركة الأصلية كتبت بواسطة ابونرمين

كل رأى لا يأتى على الهوى يقولك متنكرين؟يا رجل هو فيه أوحش من إنك تتنكر لوطنك وقت المحنة؟وبعدين الحكومة قادرة تأخذ منك ومن غيرك ولكن الأكرم يكون بمبادرتك؟

ياخى العزير التبرع ليس بالقهر او بالتهديد بان الحكومة قادرة ان تقهرنا على التبرع **هذا اسلوب يضر اكثر مما يخدم **والله انا انأى كثير عن الكلام عن الحكومة والحكام ولكنك والله اجبرتنى ان اتكلم**ثم اى حكومة تقصد وانا أسأل وأقصد اقرار اجابة واضحة وهى ان كل الحكومات تعمدت تجاهلنا وتجاهل مطالبنا وكأننا لسنا موجودين وليس لنا اى احتياجات **ثم مالى ارى الغالبية تتحدث عن ال50% الثانية ونحن والله لم نأخذ الاولى حتى الآن **من اراد التبرع فليذهب الى المكان الذى يتبرع فيه وهذا شأنه ولايجب ارهاب الاخرين

[همسات المصريه]

الصراحة بما انى معلم لكن موضوع التبرع ده شىء جميل وخصوصا واحنا بنستلف من الاقارب من اول الشهر لاخره علشان نجرى على اكل ولادنا وتعليمهم........اصابتنى دهشة............تعجب
وتردد علية سؤال هو الى تفضل بذلك مش عايش فى مصر
كان فيها ثورة علشان العيش حتى لم يقولوا فينو فول فطار
ومن الثورة فلوس رايحة عادى ترصيف شارع انتخابات والرشاوى الخاصة بيها
ده الى خالق الكون حدد الزكاةومن جهة المصريين الى ربنا يكرمهم بتبرعوا فعليا فى حالة المقدرة مثل مستشفى السرطان وغيرها
مصر بلد الخير والامن والسلام مذكورة فى القرأن
وحاليا وفعليا انا مش عايزه الكادر كله بس عايزة اكون موظف عادى فى الدولة بقالى 13 سنه مفيش ترقيه ولا علاوة تشجيعية ولا زياده 50%
ده حال التعليم
ومعظم المعلمين يتمنوا من الله ان ينقلوا يبقوا اداريين لاضغط ولاسكر فى سن 30 وسرطان وقلب من سن 45 وربنا يشفينا وتامين يقول مش هديكوا اجازة مرضية الا وانتوا ميتين
ياه .............انت قلبت علينا المواجع
انا هكتفى بالدعوة لمصر ان يحميها الله بجد نفسى انفض من عليها غبار الهم
ولكن ايدينا مقيدة

[سعد الشال]

نعم الرأى ويا ريت يكون من كل موظف فى البلد
نعم تم دعم اماكن أخرى زي جنية من كل طالب تم جمعة
إلى مستشفى 5757نسيتو ولا أية
يارب نصرك معانا يارب كرمك علينا

[عبده ع]

اما يقوم الرئيس والوزراء اللى مفروض يكونوا القدوه بعملوا ذلك يبقى المعلم الغلبان اللى مش لاقى ياكل وبيستنى الشهر يجى وبيعد ايامه عشان ياكل عياله يعمل زيهم زلا كلام وخلاص

[M..osama]

المشاركة الأصلية كتبت بواسطة الطبهارى

ار جو اولاعدم الزعل وخاصة الفلول من راى وهو ان نترك ال 50% الاخرى لمدة عام للبنك المركزى ولاتسترد لصالح وانتظروا الاجر من الله وشكرا وانا ولله مدرس وظروفى مثل ظروف الاغلبية العظمى من المدرسين بس نفسى اخدم بلدى

فكرة رائعة وأقل شىء نقدمه لبلدنا فى محنتها

[خالد نصار]

حكاية الـ 50 % التانية دي أصلا مش داخلة في حساب الحكومة ولا الرئاسة ولا الوزارة
دي عبارة عن أسبرينة مهدئ للمعلم لحد ما ييجي شهر يوليو وتبدا السنة المالية الجديدة وبعدين يقولوا القرار اتأجل لحد السنة المالية الجديدة يعني يوليو 2014 وهكذا ما احنا سمعنا عن الكادر من عشر سنين وتم تطبيقه من خمس سنين وفي القانون 155 اللي وقعه مرسي لم يتم الإشارة إلي الـ50% التانية من قريب أو بعيد
بصراحة أنا مش شايف ان فيه أي أمل في الكلام ده خصوصا اننا في اسكندرية ما فيش خبر عن الخمسين الأولي أو اننها دخلت مرتب شهر يناير أصلا
وبعدين انا خايف نوافق علي الخصم يقوموا يخصموا الاتنين ما هو استهبال بقه
معلهش يا اخواني احنا اقل مرتب في الدولة واقل مكانة اجتماعية ونفسي اشوف الحماس في التبرع ده من جهة تانية زي ما هي موجودة عندنا حد يتكلم عن اي وزارة اخري ويشوف ايه اللي حيجري بعد كده
الحكومة بكل ثقلها مش قادرة تنفذ الحد الأقصي علي الحكومة نفسها يعني موظفين وزارة المالية وقطاعات البترول ومجلس الوزراء والداخلية والجيش وغيرها كتييييير
وبعد كده يقول لك اتبرع
اللي موافق يقول هو بيكمل الشهر من مرتبه ؟ لو يقدر يدخل في تعليق ويحسب مصروف الشهر يساوي المرتب وللا لا
الحكاية مش حماس وخلاص لازم يكون فيه عدل ومساواة في البلد دي

[خالد نصار]

المشاركة الأصلية كتبت بواسطة ابونرمين

كل رأى لا يأتى على الهوى يقولك متنكرين؟يا رجل هو فيه أوحش من إنك تتنكر لوطنك وقت المحنة؟وبعدين الحكومة قادرة تأخذ منك ومن غيرك ولكن الأكرم يكون بمبادرتك؟

أكيد الحكومة تقدر تاخد من غي رما تتكلم والدليل علي كده انها اخدت من الخمسين % عشرة % وقالت لك دي علي أساسي 30/6 وكمااااااااااااان فيه محافظات كتير ما اخدتش الفتافيت دي وده مش لأن الحكومة قوية وجبارة وسطاتها واسعة لا معاذ الله ده لأننا ملطشة للجميع
احنا فعلا ملطشة لولي الأمر وللطالب وللمتابع يعني جت علي الحكومة خلليها تكمل
انا نفسي الكلام ده بس يتم اقتراحه في الداخلية وللا الجيش وللا وزارة العدل وللا المحكمة الدستورية
تعرف ايه اللي حيحصل ؟؟؟؟؟
حيـ................. وللا بلاش خللينا مؤدبييييييييين وشاطرييييين

[الباشا الأصلي]

من يرد فعل الخير ومساعدة الحكومة معدومة الكفاءة والتي ليس لها رؤية أو سياسة واضحة والتي تحوي الكثير من فلول النظام البائد - فليفعل ذلك هو حر في رأيه وفي تصرفاته ، ولكن لايزايد على الآخرين .. فخير مصر كثير ، ولكن بسبب السياسات المتخبطة وقلة خبرة النظام الحالي وعدم تطبيق العدالة الاجتماعية وتضييع الوقت والجهد في محاولة سيطرة النظام الحالي على كل مؤسسات الدولة وصلنا إلى ما نحن فيه .