يجب الغاء حصص النشاط اللي ملهاش لازمه

[Mr. Essam Emam]

حاجة مضيعة للوقت
ويعد شوية هم هيكتشفوا انها مضيعة
بس بعد ما يعملوا لجنة منبسقة للبحث فى الموضوع
وتطلع لها قرشين حلوين
بعد كده يتم الألغاء
وسلم لى على النشاط

[علاءمالك]

الوزاره فيها حاجات كتير عايز تتلغى بس كله بيضحك على كله

[satra]

المفروض 8 ساعات عربي و5 رياضيات و3 انجليزي و3علوم و3 دراسات و3 نشاط (رياضه مكتبه حاسب الي )في المرحله الابتدائيه لان الاطفال جالها كبت من اليوم الكامل لان مفيش اساسا ا نشاط مفعل لان مفيش امكانيات ويكون هناك 2 تربيه دينيه واخلاقيه

[احمد صلاح الهريدى]

فعلا عندك حق انا لا اعترف بحصص النشاط لكن ماذا نقول مازلنا نعيش فى عصر كله تمام يافندم كله بيضحك على كله

[الغيضاني ماث]

كلها حصص فاشلة لسبب بسيط وهو
عدم وجوووووووود معلم متخصص لها
سبحان الله وبحمده * سبحان الله العظيم

[ragali]

من فترة واحنا بنتكلم فقط ومازالت الحصص السخيفة موجودة يا ريت نطالب الوزير بالغائها بدل الكلام وخاصة انى سمعت انه مهتم بها جدا بدون وجود متخصصين وامكانيات وكانه جى من كوكب تانى ومش عارف مدارسنا كويس
زمان اتخرج ناس عظام علماء ودكاترة ومهندسين وكان موجود العقاب للطفل اللى منعوه الايام دى ومكنش فيه كمان حاجة اسمها نشاط

[thegreycat]

السلام عليكم زملائي الافاضل
سؤال فعلا محيرني بخصوص قرار 313 العجيب والفقرة الخاصة بحصص الانشطة هل هو ملزم لمعلم اللغة الانجليزية لتدريس حصص المسرح ماعلاقة معلم اللغة الانجليزية بالمسرح وهو غير متخصص بالاضافة الى انه لم يقوم بتحضير اى مادة باللغة العربية من قبل ناهيك عن تفعيل تلك الحصص داخل الفصل وكيف يتسق ذلك مع جملة الاقرب في التخصص

واذا كان الوضع فى المدرسة كالتالي: مشرفي النشاط يقوم بعضهم بتدريس قليل من حصص النشاط( ست حصص مثلا ) والبعض الاخر يقوم باعمال ادارية كالامن وخلافه ومعلم اللغة الانجليزية حتى وان لم يكمل نصابه فهو ليس الاقل نصابا بين المعلمين اصحاب المواد الاساسية بالمدرسة كاللغة العربية مثلا وهو الاقرب للتخصص على ما اعتقد فكيف يستطيع مدير المدرسة ان يجبره على تنفيذ تلك الحصص مستندا الى جملة حسب رؤية مدير المدرسة وحتى تهديده بالشئون القانونية اذا امتنع عن التنفيذ

[bkarahmed]

زمان واحنا فى الابتدائية والاعدادية كنا بناخد 6 حصص من ضمنهم الوسيقى والالعاب والمجالات والنشاط والفسحة كانت حوالى 45 دقيقة او اكتر
دلوقتى الفترات الواحد مش عارف يخلص فيها درس نصف الحصص اللى قلتها بقت اختيارى والمناهج المفروض انها اتغيرت الى الاحسن ولكن ..............
هل هناك تغيير فى فكر التلاميذ ؟ اكيد لا اكيد تغيير سيئ للغاية
لو انت ولى امر امسك اى كتاب من كتب المرحلة الابتدائية وحاول انك تذاكر منة حاجى لعيالك حتلاقيك عايز درس عشان تدرس لعيالك
زمان كان الكتاب ما يخليش الطالب يحتاج حاجة لانه مليان شرح وامثلة ومسائل وتمارين
دلوقتى مثال ناقص ويقولك اكمل .... ابحث.... شارك... اصدقئك
يبقى لزم تاخد درس خصوصى عشان الاستاذ يكمل ويبحث ويشارك
مع انها اسمى رسالة واشرف عمل يقوم بة الانسان الا انها اصبحت مهنة البحث عن المتاعب

[الغيضاني ماث]

عاوز حصص انشطة وفر لها معلمين متخصصين
اما مدرس اللغة العربية يعطي العاب او موسيقى اوووووووووووو
فهذا هو التهريج
يا عالم ارحمونا وارحموا التعليييييييييييييييييييييييييييييييم

[Amr 82]

الانشطة اهم بالنسبة للمرحلة الابتدائية فقط

[نور الندى]

كلام سليم
أنشطة يعنى إمكانات ومفيش إمكانات للأنشطة

[المعلم الامين]

لازم نعترف اولا بالأنشطة هل لها فائدة على الطلاب ولازم نعرف ان الأنشطة لها متخصصين يقوم على تنفيذها من خلال برامج معينة تجذب الطلاب الراغبين بمعنى انه توجد فروق فردية بين الطلاب فمثلا هناك طلاب عندهم موهبة فى الألقاء وموهبة فى الرسم وموهبة فى العمل الجماعى من خلال الرحلات وخلافه يعنى ممكن تمارس الرحلات من خلال حصة الأنشطة وكمان ده كلام غير مدروس حسب واقع وامكانيات المدارس بجميع المحافظات لأن التعليم مش بس فى القاهرة

[mr salah Osman]

حصة النشاط بالتعليم الفنى ليس لها داعى لان الاولى لطالب الفنى الاهتمام بمواد التخصص ولا يوجد امكانيات لتفعيلها سواء مادية او حتى اماكن ويشتكى مدرسى المواد الثقافية او التخصص من الازعاج وهناك صعوبة شديدة فى تطبيق الجداول

[الطائر56]

حصص الانشطه هى اهدار للمال العام تخيلوا ايها الاخوة انه يوحد سبعة انشطه يمكن لمدير المدرسة ان يوزع على المدرسين بالفصول هذه الانشطه حسب احتيار التلاميذ الذى لايحدث ففى مدرستنا يقسمها المدسون على بعضهم كل واخد اسبوع .... وسلملى ع التعليم

[mrshaban]

تنفيذ الانشطة بالمدارس له علاقة بالمواهب عند الطلاب ...سواء كانت فنية ..رياضية .. موسيقية.. قرائية وشعر وادب من خلال المكتبة..معنى انكم تطالبون بالغائها من المدارس فهذا بمثابة دفن لهذه المواهب .. اكيد الذى يطالب بالغائها له علاقة بالدروس الخصوصية لانها تجعل اليوم الدراسى طويلا مما يستقطع من زمن الدروس الخصوصية خارج المدرسة
لا يوجد تعليم فى اى دولة متقدمة دون الانشطة ..
عليه العوض فى معلمى مصر