هنتثبت من غير كادر انشاء الله

[sheer2010]

كلام وهم
وعود وهم
كذب
كذب

[علا رضا]

المشكلة يا جماعة إن وزيرنا الجديد بيخاف قوى على مصلحة الدولة كل ما يتكلم يقول معنديش مكان عشان أعين حد الأعداد اللى اتعينت كتيرة قوى خلاص بقى يقفلوا الكليات عشان مفيش مجال للشغل ولا التعيين ربنا يهدى الجميع من وجهة نظرى الدولة فاشلة فى اتخاذ القرارات وهذا شى صعب جدا انعدمت المصداقية عيب لما نقعد نكذب على الناس واحنا ناس كبيرة أمال بقى عيالنا الصغيرين يعملوا إيه أتمنى ألا يصرح أحد بشى إلا إذا استطاع تنفيذه بلاش لعب بقى بأعصاب الناس

[عمر فتحى2000]

فى محافظه بنى سويف اخذوا صوره العقد والبطاقه وبيقولو فيه تثبيت انشاء الله

[ابو عبد الراضى]

ربنا ييسر كل امر عسير يارب

[hapysweety]

المشاركة الأصلية كتبت بواسطة sheer2010

شكلها كدة كدبة ابريل
كلام احنا بنسمع الكلام ده من بعد الثورة
تثبيت جه احمد جمال وقال سيت تعيين المعلمين
ومافيش حاجة
جه جمال العربي وقال انا معلم وفي صف المعلم
ولكن عدوى الكرسي اصابته فنسى كل وعوده وحصل له زهايمر
ومافيش تعيين

انا عرفت دلوقتي المشكلة فين ؟ المشكلة في اسم جمال نفسه
المفروش نقول عايزين وزير جديد ومش يكون في اسمه اسم جمال خالص

[hapysweety]

المشاركة الأصلية كتبت بواسطة روتي حبي

المهم المرتب هيزيد و خلاص بس هل الاجازات مرتبطه بالدرجه التالته دي و لا لا
لاني سالت في الاداره لاني عاوزه اخد اجازة رعاية طفل قالولي بعد 6 شهور لان المعلم المساعد ملوش اجازات غير بعد 6 شهور من تاريخ التثبيت
يا تري الكلام ده صح و لا لآ؟؟ علشان ميجيش بعد 6 شهور و يقولولي مينفعش لانك متعينتيش معلم

بس انا اللي اعرفه ان بعد التعيين او التثبيت في 6 شهور تحت الاختبار مينفعش ناخد فيهم اجازة بدون مرتب بعد الشهور الستة ممكن تاخدي وعموما لو انتي محتاجة تقعدي مع البيبي بتاعك ممكن تعملي نص اجر بحيث انك تروحي المدرسة يومين في الاسبوع بس وبتحدديهم في الادارة وبتكوني علي قوة المدرسة

[hapysweety]

المشاركة الأصلية كتبت بواسطة عمر فتحى2000

فى محافظه بنى سويف اخذوا صوره العقد والبطاقه وبيقولو فيه تثبيت انشاء الله

ي ريت تتاكدلنا من الموضوع ده لانه ممكن يكون للمؤقتين مش للمعلم المساعد

[عبدالعزيز عايد]

المعلم المساعد يعمل بعقد محدد المدة ولذلك يدخل ضمن نطاق المؤقتين وان كان علي الباب الاول

[hapysweety]

المشاركة الأصلية كتبت بواسطة عبدالعزيز عايد

المعلم المساعد يعمل بعقد محدد المدة ولذلك يدخل ضمن نطاق المؤقتين وان كان علي الباب الاول

ربنا يسمع منك ي رب بس انا قريت علي صفحة عضو من اعضاء النقابة علي الفيس بوك ان العمالة المؤقتة المقصود بيهم الناس اللي بعقود وبالتالي مرتبتهم قليلة جدا فهيخلوهم متثبتين بالوزارة علشان ياخدو الحد الادني للجور ويتم تعينهم بعد 3 سنين وطبعا نتيجة للكلام ده يبقي احنا معلمين مساعدين المفروض نمتحن الكادر ونتثبت علي طول ولا احنا كمان هنقعد 3 سنين؟