طالبات الصف الأول الثانوى

[فلة الصداقة]

المشاركة الأصلية كتبت بواسطة طالبةُ التفوقِ

البيت ده هو وبتاع المعالى ومن يطلب العذراء لم يغلها المهر الحمد لله اشهر مثالين اعرفهم على التشبيه الضمنى ههههههههههه وفهمت بيهم التشبيه الضمنى شوية
معاكم حق فى إن ابيات بتكون من ره بتكون معانيها صعبة بس انا بحاول ارجح المعنى بالسياق ولو معرفتش بحاول اجيب اى ادلة وبعد ده كله طبع التوفيق على ربنا ربنا يجعل التوفيق حليفنا يارب يا بنات وبصوا
بصراحة يعنى انا مطنشة شوية السنة دى باخد الاساسيات بس واى درجات
على فكرة انا اسمى الاء وانتم بقى كل واحدة تقول اسمها
واسفة على الاطالة
وياريت درجات تالتة اعدادى بالمرة وهدفكم وناويين علمى ولاا دبى ورياضة ولا علوم
طووووووووووووووولت اوى سورى دوشتكم

ازيك يا آلاء ومبسوطة انى عرفت اسمك يا طالبة التفوق ، أنا بردوه واخدة راحتى شوية السنة دى لأنى بعتبرها فسحة بين تالتة اعدادى وتانية وتالتة ثانوى ، وانا معاكى ان الأبيات اللى بتكون من بره بتعتمد على فهم الطالب وحسن تفسيره للمعنى مش مجرد مذاكرتنا للبلاغة فقط ، وان شاء الله يكون ربنا معانا جميعا ، وأنا اسمى آية ومجموعى فى تالتة اعدادى هو 292 و نص من 300 وان شاء الله علمى علوم ونفسى أدخل كلية طب أو كلية علوم ، وعلى فكرة انتى مش دوشتينا ولا حاجة هههههههههه .

[فلة الصداقة]

المشاركة الأصلية كتبت بواسطة eveay

الموضوع أكثر من رائع يا فلة الصداقة
وبجد فى ناس كتير هتستفيد منه وأتمنى انى اكون مشاركة فيه

متشكرة جدا ليكى يا قمر وسعيدة ان الموضوع عجبك وطبعا يشرفنى انك تكونى مشاركة فيه وتكونى صديقة لينا ، وأى اسئلة انا فى الخدمة .

[فلة الصداقة]

المشاركة الأصلية كتبت بواسطة صفا2010

شكرا اوى على ردك يا الاء
وفعلا توفيق ربنا هو اهم حاجه .. وربنا يوفقنا جميعا
انا اسمى صفا .. مجموعى في 3 اعدادى 294.5من300
وبإذن الله علمى علوم
انا بردو السنة دى واخده راحتى شويتين تلاته كده ..علشان لسه اللى جاى اصعب بكتير

ما شاء الله على هذا المجموع الرائع ويارب دايما تكونى من المتفوقين وبالتوفيق ياقمر .

[فلة الصداقة]

المشاركة الأصلية كتبت بواسطة صفا2010

ربنا يوفقنا جميعا ان شاء الله
ولو في اى اسئله حضرتك عايز اجابتها بإذن الله نحاول نجاوبها
وبصراحه معرفش اقول رأيي لانى مش صاحبة الموضوع
بس اكيد كلنا هنساعد بعض ان شاء الله

بالتأكيد يا صفا ان شاء الله كلنا هنساعد بعض .

[فلة الصداقة]

المشاركة الأصلية كتبت بواسطة صفا2010

شكرا جدا على ردك
وبإذن الله طول ما احنا بنساعد بعض كل حاجه هتبقى سهله

لا شكر على واجب وان شاء الله كلنا مع بعض والتعاون هو أساس النجاح

[فلة الصداقة]

المشاركة الأصلية كتبت بواسطة طالبةُ التفوقِ

ربنا يوفقك يارب يا قمر وتحققى كل احلامك
أنا بقى كنت 295 من 300 وبرده ان شاء الله ناوية علمى علوم بس خايفة من الاحياء عشان فيها حفظ وانا مش بحب احفظ وبرده فيها رسم ومش بعرف ارسم اوى
ادعووولى

ماشاء الله وان شاء الله من المتفوقين دايما ، وعلى فكرة انا بحب علم الأحياء لأنه من الطبيعة ، بيخلينى أكتشف ملامحها وأعرف عنها أكتر وكأنه بياخدنى لعالم تانى ، عشان كدة انا واثقة انه هيكون سهل ان شاء الله رغم انى لسة هاخده فى التيرم التانى أما حاليا أنا باخد فيزياء بس من المواد العلمية .

[ahmed mosbah]

المشاركة الأصلية كتبت بواسطة طالبةُ التفوقِ

[/color]


وفيك بارك واللهَ أسألُ أنْ يوفقنا جميعاً لكلِِ ما يحبُ ويرضى
وأنا أيضاً منْ محبى اللغةِ العربيةِ خاصةً النحو والبلاغة فهى لغةٌ زاخرةٌ بالجواهرِ مؤثرةٌ معانيها
وختاماً : أسألُ اللهَ أنْ يجعلَ التوفيق حليفَنا
واللهُ ولىُ التوفيقٍ
بالمناسبة بقى أعرب ماتحته خط

==================================================


خاصة/ مفعول مطلق منصوب بالفتحة.

النحو/ مفعول به منصوب بالفتحة.

مؤثرة/ خبر مقدم مرفوع بالضمة.

معانيها / مبتدأ مؤخر مرفوع بالضمة والهاء ضمير مبنى فى محل جر مضاف إليه.

أن مصدرية لا محل لها من الإعراب

يجعل/ فعل مضارع منصوب بالفتحة

========================

ووفقنى الله وإياكن...........................

[فلة الصداقة]

السلام عليكم أصدقائى :
أتمنى أن تكونوا بخير وعلى أفضل حال ، والآن حان وقت المسابقات والأسئلة
وعلى كل محبى علم الفيزياء الاطلاع على هذا السؤال الذى لم أستطع فهمه أو تفسيره حتى الآن وبالتالى لم أستطع حله مع الأسف
وسؤالى هو
جسم يتحرك بسرعة متغيرة من الشرق الى الغرب ، فمتى يكون اتجاه العجلة :
1) من الشرق الى الغرب .
2) من الغرب الى الشرق .
مع توضيح نوع العجلة فى كل حالة .
* ملحوظة : هذا السؤال فى الفصل الثانى الدرس الثانى ( السرعة _ العجلة ) .
وآسفة جدا ان كنت قد أثقلت عليكم

[فلة الصداقة]

المشاركة الأصلية كتبت بواسطة ahmed mosbah

==================================================


خاصة/ مفعول مطلق منصوب بالفتحة.

النحو/ مفعول به منصوب بالفتحة.

مؤثرة/ خبر مقدم مرفوع بالضمة.

معانيها / مبتدأ مؤخر مرفوع بالضمة والهاء ضمير مبنى فى محل جر مضاف إليه.

أن مصدرية لا محل لها من الإعراب

يجعل/ فعل مضارع منصوب بالفتحة

========================

ووفقنى الله وإياكن...........................

ما شاء الله رائع جدا ، ولكن عندى سؤال اذا سمحت لى :
لماذا عربت كلمة النحو مفعول به منصوب بالفتحة ؟
وشكرا جزيلا .

[ahmed mosbah]

المشاركة الأصلية كتبت بواسطة فلة الصداقة

ما شاء الله رائع جدا ، ولكن عندى سؤال اذا سمحت لى :
لماذا عربت كلمة النحو مفعول به منصوب بالفتحة ؟
وشكرا جزيلا .

=================================================

أشكركِ على مروركِ الطيب ،ولكن هناك قاعدة عامة

إذا أتت كلمتا( خاصة،خصوصا)فى وسط الجملة يعربا

مفعول مطلق وما بعدهما مفعول به لفعل محذوف

تقديره أخص.
======================

وأخيرا وفقنى الله وإياكم......................:av4056bb7 jp3:

[ahmed mosbah]

المشاركة الأصلية كتبت بواسطة فلة الصداقة

السلام عليكم أصدقائى :
أتمنى أن تكونوا بخير وعلى أفضل حال ، والآن حان وقت المسابقات والأسئلة
وعلى كل محبى علم الفيزياء الاطلاع على هذا السؤال الذى لم أستطع فهمه أو تفسيره حتى الآن وبالتالى لم أستطع حله مع الأسف
وسؤالى هو
جسم يتحرك بسرعة متغيرة من الشرق الى الغرب ، فمتى يكون اتجاه العجلة :
1) من الشرق الى الغرب .
2) من الغرب الى الشرق .
مع توضيح نوع العجلة فى كل حالة .
* ملحوظة : هذا السؤال فى الفصل الثانى الدرس الثانى ( السرعة _ العجلة ) .
وآسفة جدا ان كنت قد أثقلت عليكم

===============================================

أعدكِ بالتفكيرفى هذه المسألة وسأرفع

الحل بأسرع وقت ممكن.

[Dr.Noha Sami]

المشاركة الأصلية كتبت بواسطة فلة الصداقة

السلام عليكم أصدقائى :
أتمنى أن تكونوا بخير وعلى أفضل حال ، والآن حان وقت المسابقات والأسئلة
وعلى كل محبى علم الفيزياء الاطلاع على هذا السؤال الذى لم أستطع فهمه أو تفسيره حتى الآن وبالتالى لم أستطع حله مع الأسف
وسؤالى هو
جسم يتحرك بسرعة متغيرة من الشرق الى الغرب ، فمتى يكون اتجاه العجلة :
1) من الشرق الى الغرب .
2) من الغرب الى الشرق .
مع توضيح نوع العجلة فى كل حالة .
* ملحوظة : هذا السؤال فى الفصل الثانى الدرس الثانى ( السرعة _ العجلة ) .
وآسفة جدا ان كنت قد أثقلت عليكم

للاسف انا الترم ده كمياء ..ان شاء الله حد يساعدك

[طالبةُ التفوقِ]

المشاركة الأصلية كتبت بواسطة ahmed mosbah

==================================================


خاصة/ مفعول مطلق منصوب بالفتحة.
أيوة صح لفعل محذوف تقديره أخص

النحو/ مفعول به منصوب بالفتحة.
صح للفعل المحذوف أيضا فتقديرة الجملة
أخص خاصة النحو فالفاعل ضمير مستتر تقديره أنا

مؤثرة/ خبر مقدم مرفوع بالضمة
مؤثرة هنا : نعت سببى على كلمة لغة مرفوع وعلامة الرفع الضمة الظاهرة .


معانيها / مبتدأ مؤخر مرفوع بالضمة والهاء ضمير مبنى فى محل جر مضاف إليه.
هنا : معانى فاعل مرفوع بالضمة المقدرة على الياء لاسم الفاعل العامل (مؤثرة)

أن مصدرية لا محل لها من الإعراب
أيوة أن حرف مصدرى ونصب لا محل له من الاعراب

يجعل/ فعل مضارع منصوب بالفتحة
أيوة فعل مضارع منصوب بأن وعلامة النصب الفتحة الظاهرة
والمصدر المؤول من أن والفعل المضارع فى محل نصب مفعول به ثانى للفعل أسأل


========================
والله أعلى وأعلم

ووفقنى الله وإياكن...........................

آمين يارب اللهم وفقنا جميعا لكل ما تحب وترضى

[طالبةُ التفوقِ]

المشاركة الأصلية كتبت بواسطة صفا2010

للاسف انا الترم ده كمياء ..ان شاء الله حد يساعدك

انا كمان للاسف كيمياء ربنا يوفقك ويوفقنا جميعا
ايه اخبارك يا صفا أنتى وفلة

[angel_eyes95]

يارب مكنش اتاخرت في الرد
انا اسمي اسراء وانا جايبة في ثالثة اعدادي 295 من 300
انا مبسوطة فعلا من الموضوع ده