النهاردة كنت فى الادارة و سمعت الاتى :

[sammos]

الجزاءات بتلغى حافز الاداء همال هما حاطين الشرط ده فيه ليه
الناس دى مش بتلعب يدى المدرسين جزاءات يتخصم منهم الجزاء + الغاء حافز الاداء المدرس يفضل يترجاهم يشيلو الجزاء ومشاوير للتظلمات والشئون القانونية وخلافه وينسى مطالبه وطبعا اللى وصل الصورة دى المسئولين اللى نايمين فى الوزارة من ايام حسين كامل بهاء الدين
بس احنا عاوزين نتحد ونقلب التربيزة عليهم وهما اللى يروحوا النيابه مش احنا
شكوى جماعيه للقضاء يوم السبت نمضى عليه محتواها اهدار المال فى توزيع اموال الوزارة فى صورة مكافئات خاصة بديوان الوزارة فقط ومن المعروف ان اى مكافئة لاى مناسبه فى اى وزارة تكون لكل العاملين بالوزارة ولا يوجد اى سند قانونى لتوزيع مكافئة شهر رمضان والعيد لعدد محدود فى الوزارة فقط دون بقية العاملين لانها لا علاقه لها بمدى المجهود فى العمل الذى يتحججون به

[مشتاقه لمصر]

يا جماعهة انا طبعا مع الاضراب
بس انا اروح اول يوم دراسه فين ؟؟؟؟
المدرسه ؟؟ امضى واعتصم فى المدرسه او امام المدرسه
ايه المطلوب بالظبط
لانى انا تقريبا كده بقيت الاولى فى مدرستى
اللى اعرف موضوع الاعتصام
وكلهم بيسألونى نيجى يعنى ونمضو ولا نعمل ايه ؟؟؟؟؟؟؟؟؟؟؟؟؟ارجو الرد

[abohazem]

الجزمة
هى الحل للتعامل مع أى مدير مدرسة أو موجه أو زائرأو متابع أو وزير يتجنى على المعلمين ويحاول الوقوف ضد التيار
فنحن لا نطالب بأكثر من حقوقنا وهو العدل والمساواة بجميع موظفى الدولة فى مختلف الوزارات

[الامير الصعيدي]

المشاركة الأصلية كتبت بواسطة ashraf81s

الاوامر صدرت من فوق بالتشديد على مديرى المدارس بتغييب اى حد من الاسبوع القادم و عمل مذكرة اذا زاد العدد
و اذا تواصل الغياب ليومين يتم ارسال مذكرة بشأنه للادارة
هل هذا هو رد الضعفاء على الاضراب
و سمعت ايضا انه تم التشديد على المديرين بقطع ال 150 جنيه الشهرية لو لم يتم التعامل بكل قوة مع اى معلم يعمل اضراب

مصر لم و لن تتغير

من الواضح ان الزميل المدسوس هو من فئه حاملي الحقائب الزميل تاريخ تسجيله بالمنتدي شهر اغسطس وداخل علشان يكتب كده
انت فاكر هنخاف طظ في يوم عارضه
اتقي الله وافتكر ان كل قرش هيعود عليك وعلي زملائك
ابتعد عن المديرين ماسحي الاحزيه وحاملي الحقائب

[صفوت حمادة]

اثبتوا على ارائكم ولا تخافوا ان الله معنا لاننا بطالب بحقوقنا المهدرة

[shrief]

يا جماعة لازم مانتراجعش لانهم بجد مرعوبين وخايفين مننا لاول مرة.. مش مهم يغيبونا او يدونا جزاء وصدقونى اللى هيستقطعوة مننا مش هيجى حاجة جنب كرامتنا ووضعنا المهدر فى البلد دى .. وصدقونى لو خفنا وتراجعنا خلاص يبقى انتهينا وانداس علينا للابد... الوزير الهمام لما بيسألوة اشمعنا دكاترة الجامعة بياخدوا الكادر وال 200% قلهم اصلة كادر حقيقي وهو الكادر بتاعنا احنا صينى ولا اية..ولما هو حافز مش كادر طيب لية الذل والظلم فى الترقى وامتحانات وبهدلة وسحب درجات..صدقونى لو خفنا يبقى انتهينا ومحدش يتكلم تانى ولا يقول مظلومين ولا حقوقنا ضايعة..

[عادل الباشا]

إحنا موش أقل من شهداء التحرير اللى دافعوا عن قضية كل المصريين وانتصروا واحنا مستعدون للدفاع عن قضيتنا وسننتصر

[بدر1973]

يعنى هايعملوا أيه أكتر من كده

[alaa20022003]

أرجوا من كل مدرسوا مصر
الرجوع إلي الأنصبة السابقة
حسب درجة كل معلم
مثل الثالثة 21 حصة
الثانية 16 حصة
الأول 11 حصة
ولا تقبلو إي حصص زيادة
ولا نشاطات
لأن زيادة نصاب الحصص
كان معتمد على فلوس الكادر
الذي لاغه واعتبره حافز أداه
لأن هذا معناه أن المدرسين
ليسوا كما يقولون
مهمشون

[عادل أبوزيد]

باين عليهم مش عارفين ان مديرين المدارس معلمين ومطلبهم هو نفسه مطلب المعلميين . ولا يمكن فاكرينهم من وزارة الداخلية .

[seryo]

Gooooooooooooooooooooooooooooooooooood

[ابوعبدالله2000]

الوضع لم يتغير

[الأفضل رياضيات]

والله ما يقدروا يعملوا حاجة

[ابو توتو2010]

علي فكرة كويس اللي هم بيعملوه ده معنااااه انهم مرعوبييييييييييييييييين ومعناه برضو ان ربنا هينصرنا إن شاء الله المهم اننا نكون ايد واحدة ( المعلم والمعلم أيد واحدة )

[baheraw75]

احنا مبنتهددش
واللي لية حق وميخدوش يبقا ميستهوش