|
#31
14-08-2011, 12:19 PM
|
|||
|
|||
اقتباس:
__________________
 ولما قلبى إداكى قلبى ياحته منىرجعتلى بسمه كانت رقيقه ضايعه منى  
|
|
#32
14-08-2011, 04:37 PM
|
||||
|
||||
|
اقتباس:
مانا قولتك
شابو لقلمك المبدع
__________________
ان صمتي لا يعني جهلي بما يدور حولي
|
|
#34
14-08-2011, 08:38 PM
|
||||
|
||||
|
رائع بس ايه يا عم دا .. دحنا في رمضان حتي
بس قمة الحب يضحي بحياته عشان حبيبو يعيش و هو كدا ممتش دا كدا عايش في نص التاني يسلموا يا تامر ( قلمك و ايديك )
|
|
#35
14-08-2011, 10:07 PM
|
|||
|
|||
|
اقتباس:
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#36
14-08-2011, 11:42 PM
|
|||
|
|||
|
اقتباس:
حالا هتعرفى احمد عايز ايه من امير
تابعينى يارنا
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#37
14-08-2011, 11:46 PM
|
|||
|
|||
 يوميات (الصوت ) الحلقه السادسه امير / بجد حكايه مؤلمه جدا يا ( صوت ) ولا تحب أقولك ياأحمد احمد / مش هتفرق كتير ياأمير حب حياتى ضاع منى بس إنت عارف أنا مش ندمان ولا عمرى فى يوم هندم أنا لو كان ليا مليون كلى كنت برضه ضحيت بيهم فى سبيل حبيبتى بجد أناحزين جدا إنى بعدت عنها بس اللى مصبرنى انى سبت جواها حته منى فى سعاده اكتر من كده ياأمير امير / معقول لسه فيه حب باالشكل ده أكيد إنتم من عالم تانى غير العالم بتعنا ده العالم بتعنا كله كدب وخاينه وخداع كله الم وعذاب المهم إنت عاوز منى إيه دلوقتى ؟؟ وإيه سبب تحذيراتك ليا المستمرة؟؟ احمد / مش عارف وأكدب لو قلت عارف ممكن تقول قدر ونصيب إنى اكون معاك امير / بس أنا مش عاوزك تبقه معايه، الناس فكرانى مجنون احمد / تيجى نعمل إتفاق ياامير تنفزلى طلبى وأنا أوعدك إنى ابعد عنك امير / موافق طبعا عاوز كام أنا معايه 15 جنيه ونصف احمد / إيه ياعم ده!! أنا مش عاوز فلوس امير / أمال عاوز إيه ؟؟؟ احمد / أنا نفسى أشوف منى حبيبتى وأطمن عليها امير / طيب إزى ياأحمد وإنت بتقول إنى أنا وبس إللى ممكن أسمع صوتك احمد / ما هو ده إللى أنا عوزة منك تكلمها بصوتى امير / نعم ياأخويه إزى ده احمد / هقولك كلام وتقولهولها واوعدك إنى بعدها مش هزعجكك تانى ابدا امير / رغم ان اللى بتقوله ده هو الجنون نفسه ،بس انا موافق ياأحمد يالله بينا على بيتها ويمشى امير واحمد على بيت منى وقدام البيت يقف امير ويسأل احمد ويقوله امير / متأكد إن ده بيتها ياأحمد، ولا هنروح فى دهيه ، ركز احسن البواب ده شكله غبى ، وكل شويه بيبص علينا شكله فاكرنا حراميه ياعم إلحق ده جاى علينا ويجى البواب عند امير ويبصله ويقوله البواب / عاوز إيه ياأستاذ ؟؟ امير / لو سمحت مش ده بيت الانسه منى برضه؟؟ البواب / أيوة هو ده امير / طيب سلامو عليكم البواب / استنى عندك ياجدع انت ..عاوز إيه من الانسه منى ؟؟ امير / مش عاوز .. أنا كنت بسأل بس ..أنا زميلها فى الشغل البواب / طيب استنى الانسه منى نزله أهيه أنسه منى كلمى الاستاذ عوزك .. بيقول إنه زميلك فى الشغل يبص امير لأحمد ويقوله بخوف امير / إلحقنى ياأحمد البواب الغبى ده هيودينى فى دهيه ..منى جيه علينا احمد / منى حبيبتى زى ما هى متغيرتش امير / لاء وحياه ابوك مش وقت عواطف اقولها إيه ؟؟ ولما تقرب منى من امير تبصله وتقوله منى / فى إيه يااستاذ عاوز إيه؟؟ ثم إنت مش زميلى فى الشغل إنت مين ؟؟؟ امير / أنا الاستاذ أمير نور الدين ( محامى ) منى / وبعدين امير / أنا كنت عاوز اقولك إن ال منى / فى إيه ياأستاذ مالك !! ويبص امير لأحمد وهو متنح وبيبص على منى ويقوله امير / ماتتكلم ياعم هتودينى فى دهيه البواب /هو بيكلم مين !! إظاهر إنه مجنون ياأنسه منى إبعدى إنتى وأنا هتصرف مع الاشكال دى احمد / إجرى ياأمير امير / وحياه خالتك إنت بتجرى وتبعنى إستنى بس ياعم انا هفهمك كل حاجه وينزل البواب ضرب فى امير فيقوله امير امير / ياعم كفايه.. قفايه ولع حرام عليك وبعد نصف ساعه من الضرب المتواصل يجى ولاد الحلال ويخلصوا امير من ادين البواب ولما يبعد امير ويشوف احمد بيضحك يقوله امير / كمان ليك نفس تضحك ياأحمد والله حرام عليك البواب إديه كانت زى الشومه منه لله وبعدين هنعمل إيه احمد / مفيش قدامى غير صديق عمرى (حسام ) هو الوحيد إللى ممكن منى تصدقه امير / طيب خلينى معاك للأخر فين صديقك حسام ده؟؟ احمد /البيت قريب من هنا .. مش بعيد يالله بينا وقدام شقه حسام صديق احمد يخبط امير على الباب ولما تفتح والده حسام الباب يقولها امير امير / سلامو عليكم ياحاجه لو سمحتى هو حسام موجود الحاجه / أيوة موجود نقوله مين امير / لو سمحتى قوليله الاستاذ امير صديق أحمد الحاجه / إتفضل يابنى .. ثوانى انده لحسام ويجى حسام ولما يشوف امير يقوله حسام /إذى حضرتك يااستاذ أمير ولدتى قلتلى إنك صديق احمد الله يرحمه تحت امرك امير /أنا جاى النهارده ياأستاذ حسام علشان أقولك الانسان سعات مش بيموت كله احمد /إيه ياعم ده إنت بتقول إيه قوله إنى معاك ..وإنى عوزة يسعدنى للوصول لمنى حسام /أنا مش فاهم اى شئ يااستاذ امير ممكن توضح امير /أنا جاى بخصوص أحمد من الاخر أحمد لسه عايش حسام /إنت مجنون .. انا كنت حاسس من ساعه ماشوفتك انك مجنون أحمد مات وأنا حضرت دفنته كمان إنت أكيد مجنون امير / أنا مش مجنون أحلفلك بإيه إنه عايش بس مش عايش باالمعنى المعروف أقصد إن روحه عايشه وهو قاعد بنا دلوقتى وبيسلم عليك ساعتها يقف حسام ويبص لأمير بغضب ويقوله حسام /المقبله إنتهت ياأستاذ امير وياريت تبقه تعرض نفسك على دكتور نفسانى مع السلامه ساعتها يبص امير لأحمد ويقوله امير / شوفت ياعم أحمد جبتلى التهزيق احمد / قوله بأمارةأدهم صديقك وحكايته اللى كنت انت واحمد مسمينها ( حكايه حب ) حسام / مش معقول إنت عرفت منين حكايه أدهم دى محدش يعرفها فى الكون غيرى وغير أحمد رحمه الله عليه امير / أحمد هو إللى قالى عليها ومستعد يحكيها ليا وأنا أحكيها ليك حالا علشان تصدق إنه موجود بينا والى لقاء قادم وجديد من يوميات ( الصوت ) بقلم تامر على الطويل أمير الجروح
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#39
16-08-2011, 12:58 PM
|
|||
|
|||
|
اقتباس:
نورتينى بجد يالوجين وحالا الحلقه الجديده هتنزل
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#40
16-08-2011, 01:06 PM
|
|||
|
|||
|
يوميات (الصوت ) الحلقه السابعه حسام / والله إنت شكلك ياإما عبيط ياإما مجنون بس خلينى معاك للأخر إحكيلى ياعم حكايه أدهم لما أشوف أخرتها معاك يبص امير لأحمد ويقوله قول ياعم بس براحه خلينى اعرف احكيله وبعدين يبص امير لحسام وهو متنح ويقوله امير / بصى ياسيدى ( حكايه حب ) يفوق ادهم على صوت جرس التليفون بتاعه فيرد يلقيه محمود صديقه ويقوله محمود محمود / أيوة ياأدهم إنت فين ياعم؟؟ بقالى ساعه واقف مستنيك قدام القهوة يلا بقه يعم بلاش رخامه رجلى ورمت من قبل مانمشى يامفترى ادهم /طيب يامحمود انا جاى اهوة .. وأنا قولتلك إمبارح إنى هاجى ..خلاص بقه بطل غلاسه هلبس أهوة ونازل سلام بقه دلوقتى ويقوم ادهم يغسل وشه وينده على امه ويقولها ادهم / ماما ماما الام / عاوز إيه ياأدهم؟؟ ادهم / معكيش فلوس أصلى نازل مع صحبى ندور على شغل الام / خد من الدرج عندك إللى إنت عوزة ربنا يوفقك ياحبيبى وياخد ادهم الفلوس من الدرج ويقوله لولدته وهو بيفتح باب الشقه ادهم / سلام بقه أنا نازل عوزة حاجه الام / ربنا يخليك ياحبيبى مع السلامه وينزل ادهم ويقابل محمود ولما يشوفه محمود يقوله محمود / إيه يابنى كل ده تاخير .. فى إيه ؟؟ ادهم / إسكت يامحمود أنا أصلا مكنتش نازل كل يوم نفس الموضوع!! ننزل ندور على شغل وبرضه نرجع بليل بعد مرجلينا تتهرى من كتر المشى أنا تعبت يامحمود إحنا بقالنا 3 سنين مخلصين كليه.. ومش عارفين نشتغل خالص محمود / يعم فكها شويه أنا النهارده متفائل قوى ..يلا بينا .. وتعاله نمشى من الشارع الجانبى ده علشان نختصر المسافه ادهم /على فين المرة دى ؟؟ محمود / يعنى هنروح فين يعنى !! هنروح ندور على شغل .. ركز بقه ياأدهم ادهم / طيب ياعم أما أشوف أخرتها معاك وهما ماشين يبص محمود على محل فخم ويقول لأدهم محمود / الله ياأدهم لو أكون صاحب المعرض ده وأشغلك بقه عندى بقه وأزلك .. وأقولك أمشى أكنس المحل ياله ادهم / يعم ياريت وأنا أكنسهولك كل ساعه بس أشتغل أنا تعبت وكل يوم أخد فلوس من ولدتى محمود / خلاص يعم أنت هتحسسنى بالذنب ليه ما أنا ذيك برضه كل يوم أخد فلوس من ولدى بعد ميهزقنى ويقول يافاشل ادهم / ههههههههههههه والله عنده حق ياأحمد إنت طول عمرك فاشل وشويه ويلاقى ادهم شاب بيعاكس بنت وبيقولها شاب رخم /( ياقمر إنت .. طب عبرنى إنت تقيل كده ليه) ادهم /شايف يامحمود العيل الغلس ده بيدايق البنت محمود / يعم وإحنا ملنا يلا بينا.. مش نقصين مشاكل ادهم / إزى يعم ده واد قليل الادب .. ولا زم يتربى ..إستنا انا رايحله ويمشى ادهم على الشاب الرخم ويقوله ادهم /إنت ياأستاذ عيب كده إعتبرها يعم أختك شاب رخم /وإنت مالك إنت وهو ؟؟ إمشى إنت وهو أحسنلك بدل ماأشرحكم ويخرج الشاب الرخم مطوة من جيبه فيشد محمود ادهم ويقوله محمود / حاسب ياأدهم ده معاه مطوه خلاص يعم مش عوزين مشاكل يلا بينا ياأدهم البنت / بالله عليك ماتسبنى معاه ساعتها يبص ادهم للانسه ويقولها وهو بيشدها من اديها ادهم / تعالى ياأنسه أوصلك شاب رخم /أه إنت ناوى على عراك .. طيب تعاله بقه وساعتها يضرب الشاب الرخم ادهم بالمطوى فى اديه ويجرى فيتألم ادهم ويحاول يكتم الدم فيسنده محمود ويقوله محمود / شوفت ياعم أدهم إنت مالك بس تعاله بسرعه نروح المستشفى الله يخرب بيتك البنت / انا اسف والله .. انت كويس يااستاذ ادهم ادهم / متخفيش عليا .. عمرالشقى بقى .. انا كويس وساعتها يوقف محمود تاكس ويقوله محمود / تاكسى المستشفى بسرعه لو سمحت البنت / ممكن أجى معاكم ؟؟ أنا أسفه جدا ياأستاذ أدهم محمود / إركبى نوديه المستشفى وبعد كده نبقا نتأسف برحتنا.. ده دمه سايح وفى المستشفى يدخل ادهم اوضه الجراحه فيقول لمحمود ادهم / اه اه اه ... محمود محمود / ايوة ياأدهم ادهم / أنا كويس خلى الانسه تمشى محمود / يعم دى مصممه إنها تفضل مستنياك لحد أ ما تخلص خياطه للجرح ادهم / أنا خلصت خياطه خلاص .. روحنى البيت محمود / طيب براحه ياادهم البنت / الف سلامه على حضرتك أستاذ أدهم انا أسفه جدا .. معرفش الولد ده جه منين .. وعايز ايه منى أنا متشكرة جدا ادهم / متشكرنيش ياأنسه ......... البنت / أميرة اسمى أميرة سالم ادهم / إتشرفت بمعرفت حضرتك اميرة / ممكن أطلب منك طلب ؟؟ ادهم / إتفضلى طبعا ممكن محمود / عوزة إيه تانى .. فى حد تانى هيعكسك وعايزاها يتجرح تانى ادهم / بس بقه يااحمد فيخرج محمود بره اوضه الجراحه ويقول لأدهم بغضب محمود / طيب يعم أنا مستنيك بره ادهم / أيوة ياانسه أميرة اميرة/ ممكن أخد رقم حضرتك علشان أبقه أطمن عليك ادهم / ملوش لازمه أنا بقيت كويس اميرة / متحسسنيش بالذنب .. دى أقل حاجه ممكن أعملها ليك .. ولا انت مش عايزنى اطمن عليك؟؟ ادهم / طيب خلاص أنا رقمى 010628385 اميرة / انا لازم امشى دلوقتى .. اصلى اتاخرت جدا .. مع السلامه ادهم / مع السلامه محمود / خلاص كده يعم أدهم يلا بينا بقه ويركب محمود وادهم التاكسى وقدام بيت ادهم يوقف محمود التاكسى ويقوله محمود /أيوة هنا ياأسطى براحه ياادهم استنى اما اخبط على الباب ربنا يستر بقه من ولدتك وقدام الباب تسأل الحاجه وتقول والده ادهم /مين على الباب ؟؟ محمود /أنا محمود ياحاجه فتفتح الباب وتلاقى ادهم ابنها مجروح تصرخ وتقول برعب والده ادهم /أدهم إبنى مالك ماله يامحمودإيه حصل ؟؟ محمود / مفيش حاجه ياماما أصله إتخانق مع عيل صايع كان بيعاكس بنت وضربه باالمطور والده ادهم /إنت كويس ياادهم ادهم / متخفيش ياماما والله انا كويس الواد محمود ده بيكدب عليكى ويبص لمحمود ويقوله بغضب وهو بيزوقه هذه الحلقه تتبع حالا
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#41
16-08-2011, 01:14 PM
|
|||
|
|||
|
ادهم / واله يامحمود روح إمشى ياله محمود /إنت بتطردنى ياادهم ادهم / أيوة بطردك محمود / من وراء قلبك أنا عارف ادهم /إمشى ياله محمود /طيب .. سلام ياحاجه والده محمود /مع السلامه يامحمود وبعد ساعه بالظبط وادهم جوة فى اوضته يرن جرس موبيله فيرد ويقول ادهم /الووووو صوت ملائكى / الاستاذ ادهم ادهم / ايوة مين معايه ؟؟ صوت ملائكى /انا اميرة اميرة سالم ازى حضرتك دلوقتى ادهم / انا الحمد لله ياانسه اميرة اميرة/ انا بعتزر مرة تانيه ادهم / يابنتى خلاص مفيش حاجه انسى بقه انا سعيد انى انجرحت النهارده علشان اعرف بنت جميله زيك اميرة / ده من ذوقك استاذ ادهم ادهم / مابلاش أستاذ دى ..قوليلى ادهم وبس .. وانا هقولك اميرة وبس إتفقنا ؟؟ اميرة/ طيب أقولك تصبح على خير ادهم /وانتى من اهله ياأميره وشويه ويرن جرس موبيل احمد فيفتح ادهم ويقول الووو ادهم /الووووووووو المتصل / ايوة ياادهم انا محمود ادهم / عاوز ايه تانى يابوز الاخص .. مش كفايه الكلام اللى قولته لولدتى ورعبتها عليا محمود / انا بفكرك اننا بكرة هنروح للحاج سلامه .. بتاع ورشه النجاره علشان يشوف لنا شغل ادهم /تصدق إنت حيوان ومعندكش نظر !! طيب ازى وانا لسه مجروح وانت كنت معايه ومخيط محمود / يعنى مش هنروح بكرة ؟؟ ادهم / واله امشى ياله ويقفل السكه فى وشه وشويه وتنده له والدته وتقوله والده ادهم / ادهم ادهم / ايوة ياماما والده ادهم / يلا علشان ناكل ادهم / انا مش جعان ياماما انا عاوز انام والده ادهم / طيب ياحبيبى ارتاح انت وتانى يوم يصحى ادهم مفزوع على صوت محمود وهو بيقوله محمود/اصحى بقه يعم ادهم / فى ايه مين ؟؟ محمود/ يعم انا محمود ادهم / وعاوز ايه يعم محمود محمود / يلا بينا علشان نلحق الراجل اللى هيشغلنا ادهم / وله امشى احسنلك من وشى الساعه دى انت معندكش دم انا مجروح ياحيوان يلى مش بتفهم ..ازى همشى معاك ؟؟ محمود / خلاص يعم انت حر بس ايه ده يعم باين عليك السعاده فى ايه ؟؟ ادهم / وانت مالك محمود / لا بجد مالك سعيد ليه ؟؟ ادهم / اميرة كلمتنى امبارح تطمن عليا محمود / اميرة مين يعم ؟؟ ادهم / يابنى البنت اللى إتخنقت علشانها محمود / اه البنت الرخمه دى ادهم / البنت الرخمه !!واله يامحمود قوم إمشى ياله.. إطلع بره محمود / ليه بس ؟؟ ادهم /علشان انت حمار انا حبتها محمود / نعم ياخويه!! هو إنت لحقت تحبها حب من اول نظرة ده وساعتها يرن جرس الموبيل بتاع ادهم فينط ادهم من على السرير وياخد الموبيل وهو بيشاور ل محمود انه يسكوت ويقول ادهم / الووووووووووو أميرة وحشتينى قوى اميرة/ أنا حبيت أطمن عليك وأقولك صباح الخير ادهم / ممكن نتقابل ؟؟ اميرة / نعم يااستاذ أدهم ادهم / ممكن نتقابل ؟؟ اميرة/ ليه فى حاجه ؟؟ ادهم / لما نتقابل هتعرفى اميرة/ طيب أوكى بس فى مكان عام ادهم / أوكى اتفقنا ( فى كا فتريا السلام الساعه 2 ) اميرة / أوكى مع السلامه ادهم / مع السلامه محمود / يخرب بيتك ياادهم إنت إتهبلت ياله إنت هتقبلها بجد ادهم / أنا حبيت أميره بجد يامحمود محمود / إنت مجنون حبتها إزى وإمته؟؟ دانت لسه شايفها إمبارح وكانت السبب فى جرح اديك ادهم / كان أجمل جرح فى حياتى محمود / يعم أنا مروح أحسن إنت إتجننت ( سلام ) ويمشى محمود وهو مستغرب من كلام صديقه ادهم وبعد كام ساعه يبص ادهم فى الساعه ويقول ادهم / الساعه دلوقتى 1 أنا لازم اروح .. بس هحتاج فلوس علشان العزومه والمشاريب .. انا هطلب من ماما وينده ادهم لولدته ويقولها ادهم / ماما أنا هاخد فلوس محتاجها ضرورى والدته / خد عندك فى الدرج ياادهم ادهم / أنا ماشى ياماما عاوزة حاجه والدته / مع السلامه ياحبيبى وفى الكافتريا يقابل ادهم اميرة ويلقى معاها واحده فيبصلها ويقول لأميره ادهم / أهلا أنسه أميرة اميرة / أهلا أستاذ أدهم دى أختى مروة ادهم / أهلا بيكى مروة وساعتها تقوم مروة وتقول لأدهم واميرة مروة / أهلا بيك أستاذ أدهم طيب أسيبكم وأروح أشترى حاجه اميرة / متتاخريش يامروة وتمشى مروة ويبص ادهم ل اميرة ويقولها ادهم / أميرة أنا حبيتك ومتسالنيش إزى وفين وإمته أنا حبيتك بجد اميرة/ أنا أنا أنا ادهم / قولى ياأميرة نفسى أعرف مشاعرك من نحيتى إيه اميرة / أنا إتاخرت ولازم أمشى فين راحت مروة بس ؟؟ ادهم / أميرة أنا بحبك بجد ولازم أعرف مشاعرك من نحيتى إيه.. ممكن وساعتها تيجى مروة فتقوم اميرة وتقول لمروه اميرة / مروة إنتى كنتى فين ؟؟ لازم نمشى ياأستاذ أدهم مع السلامه مع السلامه وفى نفس اليوم بليل يتصل ادهم ب اميرة ولما ترد يقولها ادهم / اميرة .. أنا أدهم أنا بقيت مجنون مش بعرف أنام ولا أصحى ولا أشوف فى الدنيا غيرك متعزبنيش أكتر من كده وقوليلى مشاعرك من نحيتى إيه اميرة / أنا ياأدهم ......... ( بحبك يامجنون ) ادهم / نعم إنتى قولتلى إيه بتحبينى الوووووووو الوووووووووووووووووو وساعتها يدخل محمود وينده لأدهم ويقوله محمود / أدههههههههههههههههههههههههم ادهم / محمود قالت بتحبنى يامحمود بتحبنى محمود / هى مين دى يامجنون ؟؟ ادهم / أميرة ياأحمد أميرة ************************* ************************* وغير المتوقع خالص إنتهت الحايه بعد قصه حب إستمرت 3 سنين إتفرقو الاحباب وإتجوزت أميرة إبن خلتها حسام وإتعذ ب أدهم شويه وبمرور الوقت عاش حياته وفتح مشروع وهو دلوقتى فى طريقه للنجاح وأميرة كملت حياتها مع حسام ودلوقتى عندهم من الاولاد 3 أدهم ومريم ومنه وبكده إنتهت الحكايه ياأستاذ حسام صدقتنى بقه ولا إيه أستاذ حسام .. استاذ حسام يخرب بيتك يا ( احمد / الصوت ) حسام اغمى عليه والى لقاء قادم وجديد من يوميات ( الصوت ) بقلم تامر على الطويل أمير الجروح 
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#43
17-08-2011, 01:19 AM
|
||||
|
||||
|
حلوة بجد يا محمود
بس عندى ملاحظة بسيطة انت قولت حكاية الصوت ابتدت من وهوه عنده اربع سنين يعنى المفروض حسام واحمد ومنى يكون سنهم كبير وبمراحل كمان بس حلوة وهاكملها خلاص
__________________
ان صمتي لا يعني جهلي بما يدور حولي
|
|
#44
17-08-2011, 11:22 AM
|
|||
|
|||
|
اقتباس:
فى انتظار متابعتك وردود الجميله يالوجين
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#45
17-08-2011, 12:54 PM
|
|||
|
|||
|
اقتباس:
تعبكم راحه بجد منورانى
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:32 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
