|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#31
10-07-2011, 06:31 PM
|
||||
|
||||
منتظريـــــــن الحلقة يا أم عمار
جزآكِ الله خيراً
__________________
|
|
#32
11-07-2011, 11:21 AM
|
||||
|
||||
|
::: الحلـــقة الحادية عشر :::   وبعد أن تناول الجميع وجبة الإفطار جلست أسرة رانيا مع خالها خال رانيا : إيه رأيك يا رانيتي ل و تيجي تقضي معانا كام يوم ؟؟ أهو تغيرى جو برده إيه رأيك !! والدة رانيا : يا ريت توافق والله ده أنا شخصيا عندي إكتئاب من قعدتها في البيت خال رانيا : طيب إيه رأيك يا رانيا .. كانت رانيا شديدة الشوق للخروج من المنزل ولكنها لا تريد أدني تقصير في حق الله عز وجل فهي منتقبة وستظل منتقبة إلى أن يجعل الله لها مخرجًا خال رانيا : بس معلش يا رانيا .. كان فيه شوية حاجات أم محمود موصياني أشتريهم لها من هنا فقبل ما ميعاد الأوبيس بفترة هخرج أجيب الحاجات دي فلو وافقتي يبقي هرن عليكي تلبسي وتقابليني في الشارع إنتي عارفة السن يا رانيا يا بنتي   عندها جال بخاطر رانيا فكرة إن قدر الله لها الذهاب مع خالها تضع نقابها داخل حقيبة يدها وتخرج من باب الشقة بدون النقاب وتغطي وجهها بالكامل بيدها إو بأي شئ وبعد أن يغلق والدها ووالدتها باب الشقة ترتدي النقاب علي السلم عندها إبتسمت رانيا قائلة : خلاص يا خالو هستخير إن شاء الله وذهبت رانيا لتتوضأ وصليت ركعتي الاستخارة وبعد أن إنتهت رانيا من صلاتها إذ بوالدتها تدخل حجرتها والدة رانيا : بصي يا رانيا أنا هقنع أبوكي إنك تخرجي بالملحفة بس من غير النقاب طبعا بس آخر مرة .. عشان ما تقوليش إحنا بنفرض رأينا بس بكرر كلامي تاني آآآآآآآآآآخر مرة مفهوم ؟؟؟ رانيا : وهي مبتسمة خلاص إن شاء الله يا أمي وبعد أن ذهبت والدة رانيا لتجهيز وجبة الغذاء خال رانيا : رانياااااااااا يا رانيا والد رانيا : هتلاقيها قاعدة في أوضتها يا أبو محمود خال رانيا : أقوم أشوف هتعمل إيه ودخل حجرة رانيا خال رانيا : إيه يا رانيتي هنعمل إيه !! رانيا : لو أبي وافق هتكون فيه مشكلة صغيرة خالها : خير !! رانيا : وأنا راجعه هنا .. مش عاوزة أرجع لوحدي خالها : ماشي يا ستي هوصلك لهنا إن شاء الله رانيا : ربنا يبارك فيك ويجزيك خير يا خالو اللهم آمين ثم خرجت رانيا من غرفتها إلي الصالة رانيا : حضرتك موافق يا أبي إني أقضي مع خالو كام يوم ؟؟ والد رانيا : أيوة طبعا موافق أنا مصدق إنك تخرجي تغيري جو؟؟ رانيا: جزاكــ الله خيرًا يا أبي وبعد أن تناول الجميع وجبة الغذاء خرج خال رانيا ليشتري تلك الأشياء التي أوصته زوجته بشرائها .. موصيا رانيا بالنزول عندما يتصل بها علي تليفون المنزل وبعد العصر .. يرن خال رانيا الهاتف رانيا : السلام عليكم ورحمة الله وبركاته خالها : أيوة يا رانيا أنا مستنيكي تحت العمارة يا حبيبتي رانيا : خلاص أنا نازلة لحضرتك خالها : ماشي يا حبيبي سلام وأغلق هاتفه المحمول .. خرجت رانيا مودعة والدها ووالدها بعد أن وضعت نقابها في
حقيبة يدها خرجت من باب الشقة وهي تخفي وجهها بيدها بعد أن أغلق والدها الباب .. وارتدت النقاب علي السلم ونزلت لخالها أمام العمارة .. وبعد أن أوقف خالها التاكسي وركبا تذكرت رانيا كلام مريم (وكمان يا رانيا إنك تحاولي تغيري نفسك وتغيري الآخرين علي قد ما تقدري وبحكمة طبعا .. فاكرة الآية دي 1. "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ" رانيا : خالو هو حضرتك قلت دعاء ركوب السيارة ؟؟ خالها : لا يا بنتي والله أنا قرأته مرة في الأتوبيس وأنا كنت مسافر بس مش فاكره .. هو بيقول إيه !! رانيا : النبي صلى الله عليه وسلم ركب دابة فلما وضع رجله في الركاب قال: «بسم الله» –ثلاثا- فلما استوى على ظهرها قال: «الحمد لله سبحان الذي سخر لنا هذا وما كنا له مقرنين* وإنا إلى ربنا لمنقلبون، الحمد لله –ثلاثا-، الله أكبر –ثلاثا-، سبحانك إني قد ظلمت نفسي فاغفر لي فانه لا يغفر الذنوب إلا أنت خال رانيا : ربنا يباركــ فيك يا بنتي وبعد أن ذهبا إلي موقف الأتوبيس وركبت رانيا وخالها الأتوبيس ذكرت رانيا خالها بدعاء السفر ثم جعلت تنظر من نافذة الأتوبيس وتتأمل في ملك الله والتفت إلي خالها لتجده قد ذهب في نوم عميق تذكرت رانيا "قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ" ظلت رانيا طيلة الطريق تدعو أن يمكن الله لها دينها وأن يرزقها الحجاب الذي يرضيه وأن يرضي والديها به .. تدعو الله أن يجعل لها مخرجا .. وأن يهدي والديها ويجزي مريم عنها خير الجزاء .. إلي أن وصل الأتوبيس إلي تلك المدينة التي يسكن بها خالها .. تري ماذا ستفعل رانيا في منزل خالها .. هذا ما سنعرفه في الحلقات القادمة ... |
|
#33
11-07-2011, 11:21 AM
|
||||
|
||||
|
::: الحلـــقة الثانية عشر :::
وبعد أن وصلت رانيا و خالها إلي المنزل .. وجدت رانيا زوجة خالها في إستقبالها فقد أبلغ خالها زوجته بذاكـ الخبر السعيد .. فكانت تشعر براحة نفسية شديدة عندما تجلس معها بالرغم من الإختلاف في الكثير من وجهات النظر وبعد أن أعدت الزوجة الطعام لزوجها وابنة أخته أم محمود : مش وانت بتكلمني في التليفون أختي سمعت المكالمة وكانت مستغربة أوي هو أبو محمود فين !!! وعرفت من كلامي معاك إن رانيا جاية فحلفت عليا ما أسبش رانيا في البيت لوحدها وهي هتكلم حد من بناتها يخليه معاها الفترة دي أبو محمود : مش كنتي تاخدي بالك .. أختك تعبانة وأنتي اللي مفروض تكوني معاها ورانيا أنا معاها في البيت ما كنتش هسيبها أم محمود : خلاص قدر الله وما شاء فعل .. أمال رانيا راحت فين يا أبو محمود !!! أبو محمود : تلاقيها راحت تصلي .. وبعد برهه من الزمن .. رانيا : السلام عليكم ورحمة الله وبركاته .. خالها وزوجته : وعليكم السلام ورحمة الله وبركاته كنتي فين يا رانيتي رانيا : كنت بصلي المغرب أذن علينا في الطريق .. والعشاء كمان فجمعت العشاء والمغرب جمع تأخير وصليت المغرب 3 ركعات والعشاء ركعتين لأنه صلاة رباعية .. أم محمود : ربنا يتقبل يا رانيا يا حبيبتي رانيا : ربنا يباركــ في حضرتك يا خالتو .. أبو محمود : يللا يا أم محمود كوبيتين شاي ليا أنا والبت رانيا رانيا : شاي إيه بس يا خالو أنا هموت وأنام وكمان بخاف صلاة الفجر أو القيام يضيع خال رانيا : خلاص نأجل كلامنا للصبح .. رانيا : خلاص يا خالو إن شاء الله مش عاوز حاجة مني ؟؟؟ خال رانيا : عاوز سلامتك يا حبيبتي أم محمود : تصبحي علي خير يا حبيبتي رانيا : السلام عليكم ورحمة الله وبركاته أم محمود وزوجها : وعليكم السلام ورحمة الله وبركاته وفي الصباح بعد أن تناولت رانيا وجبة الإفطار مع خالها وزوجته رانيا : خالو ممكن أطلب من حضرتك طلب ؟؟ خال رانيا : طلب واحد بس تحت أمرك يا حبيبتي ..اطلبي براحتك رانيا : أنا كنت عاوزة موبايل حضرتك اكلم واحدة صاحبتي خال رانيا : يا أم محمود يا أم محموووود موبايلي من علي الكوميديننو اللي جنب السرير معلش أم محمود : حاضر ثواني .. وبعد بضع ثواني اتفضل يا ابو محمود خال رانيا : اتفضلي يا حبيبتي انتي عارفه رقمها .. إبتسمت رانيا .. كأنما تقول له حافظاه أكتر من رقمي .. ثم قالت : أيوة يا خالو ذهبت رانيا بالهاتف بالقرب من حجرة استقبال الضيوف حيث الشبكة التي تمكنها في الحديث مع حبيبتها في الله دون إنقطاع الخط وطلبت رقم مريم ثم ....... ...هذا ما سنعرفه في المرات القادمة |
|
#35
11-07-2011, 03:06 PM
|
||||
|
||||
|
جزاك الله خيرا
نحن بانتظار باقي الحلقات
__________________
سبحان الله وبحمده ... سبحان الله العظيم إذا أردت أن يعطيك الله ما تحب فاحرص على أن يرى الله منك ما يحب فاستغفر الله واحمده تعش مسرورا
|
|
#36
11-07-2011, 05:36 PM
|
|||
|
|||
|
جزاكى الله خير ونحن بانتظار باقى الحلقات بجد القصة رائعة
|
|
#37
11-07-2011, 05:48 PM
|
|||
|
|||
|
السلام عليكم.......
معلش ممكن حد يفهمني ايه اللي مكتوب دة؟؟؟؟؟؟ |
|
#38
11-07-2011, 09:56 PM
|
||||
|
||||
|
فى الانتظـآر .. جزآكِـ الله خيراً
__________________
|
|
#39
12-07-2011, 09:25 PM
|
||||
|
||||
|
::: الحلـــقة الثالثة عشر ::: طلبت رانيا رقم مريم بكل شوق ولهفة لتسمع ذاك الصوت الندّي قائلاً : السلام عليكم ورحمة الله وبركاته رانيا : وعليكم السلام ورحمة الله وبركاته .. مريم : مش معقول !! مش مصدقة نفسي والله رانيتي حبيبتي رانيا : وحشتيني خالص يا حبيبتي والله مريم : وإنتي كمان والله يا رانيا والله كنت لسه بفكر فيكــِ وبقول يا رب فرج كربها رانيا : ربنا يجزيكــِ عني خير والله .. ويجعل صالح أعمالي في ميزان حسناتكــ اللهم آمين تعبتك معايا الفترة اللي فاتت وتقلت عليكي أنا عارفة .. بس والله كلامك كانه رسايل من ربنا .. مريم : تعب إيه بس يا رانيا .. ربنا يفرج الكرب وعلي فكرة أنا متفائلة جدا .. وحاسة إن نهاية البلاء قربت .. بس زي ما قلت لك قبل كده يا رانيا عاوزاكي مستفيدة مليون % بحس سبحان الله إن البلاء حاجة ضروريه جدا في حياتنا .. مش بيقولوا إذا لدغتك عقرب فهي مصل ضد الحيات وبيقولوا كمان : إذا زارتك شدة فإعلم أنها سحابة صيف .. عن قليل تنقشع ولا يخيفك رعدها ولا يرهبك برقها .. فإنها محملة بالغيث وما الكروب يا رانيا إلا كالبيضه تحسب سجنا لما فيه وهي تحوطه وتحميه ليخرج منها خلقا جديدا بإذن الله المهم قبل الخطبة العصماء نسيت أسألك إنتي بتتكلمي من فين ؟؟ رانيا : من موبايل خالو ..أنا سافرت معاه مريم : طيب إزاي وأنا فهمت إنك مش بتعرفي تخرجي خالص رانيا : ده موضوع يطول شرحه لما ربنا ييسر وأقابلك وده قريب إن شاء الله هحكيلك كل حاجة مريم : ربنا يعينك يا حبيبتي .. بس عاوزة أذكرك يا رانيا (( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ )) وإفتكري كمان ربنا وهو بيقول للسيدة مريم .. (( وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّا )) السقوط بقدرة الله ..ولكن ربنا يحب يشوف مجاهدتك وأخدك بالأسباب .. إستفراغك للوسع .. إحنا كلنا ضعفاء .. لكن ماشين في طريق ربنا برحماته .. ومش بحولنا ولا بقوتنا .. فاهماني يا رانيا ؟؟ رانيا : أيوة مريم : وكمان عاوزة أقولك حاجة في محنتك دي .. وبعد ما معظم الأسباب المعينة علي الطاعة بعدت عنك .. هتلاقي الشيطان لاااااااازم هيشغلك وقتك .. طيب بإيه بصغائر الأمور .. اللي هي السفاسف فافتكري دايما .. حديث الرسول صلي الله عليه وسلم (( إن الله يحب معالي الأمور وأشرفها , ويكره سفسافها )) فقولي لنفسك أكرهها لأن الله عز وجل يكرهها .. وطبعا يا رانيا الدعاء علي طول وهانت والله يا حبيبتي .. ويا بختك يا عم رانيا : جزاكــِ الله خيرًا ربنا يبارك فيك يا مريم مريم : ربنا يوفقك في امتحانك وتعديه علي خير رانيا : مش تنسيني من دعائك يا مريم بالله عليك مريم : من غير ما تقولي يا حبيبتي رانيا : جزاكـِ الله خيرًا .. مش عاوزة مني حاجة ؟؟ مريم : جزاكي الله خيرًا .. في حفظ الله يا حبيبتي رانيا : السلام عليكم ورحمة الله وبركاته مريم : وعليكم السلام ورحمة الله وبركاته وبعد أن أنهت رانيا المكالمة ذهبت إلي خالها .. لتعطيه هاتفه المحمول وبعد أن أعطته إياه .. خال رانيا : قوليلي يا رانيا مالك يا حبيبتي !! خسيتي أوي وحاسس كأنك شايلة هموووم إحكيلي يا حبيبتي ممكن ربك يعيني وأساعدك .. أو أوجهك للصح .. أحكيلي يا حبيبتي مالك !! رانيا : مفيش يا خالو أنا بخير الحمد لله .. ونعم ربنا عليا كتير جدا .. ربنا يعيني بس وأقدر أشكرها .. خال رانيا : طيب ما أنا عارف بس مالك ؟؟ رانيا : خالو ..فيه مشاكل كتير في البيت معايا .. خال رانيا : سبحان الله كنت والله بقول كده برده طيب .. المشاكل بسبب إيه ؟!! رانيا : بسبب إلتزامي بتعاليم ديني ونقابي أنا خرجت معاكـ بالنقاب بس في البيت مفكرين إني خلعته خلاص .. خال رانيا : خلعتيه !!! رانيا : أيوة يا خالو ..خلعته خال رانيا : بصراحة ومن غير زعل يا رانيا إنتي برده مزوداها شويتين تلاتة وبابا خايف عليكـي من التشدد ده ما كلنا يا رانيا بنحب ربنا وقلوبنا كويسة و عايشين حياتنا عادي رانيا : بس يا خالو ربنا بيقول (( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ )) يعني الحب ده لازم يكون ليه علامات يعني مثلا أنا لو قلتلك يا خالو فلانة دي بتحبني جدا هتقولي وإيه الدليل !!! اللي بيحب حد لازم بيسيب حاجات وبيمسك بحاجات وبيضحي قبل كل شئ ولله المثل الأعلي .. وسبحان الله أكبر عاطفة محركة هي عاطفة الحب .. وكمان الرسول صلي الله عليه وسلم .. بيقول (( ألا وإن في الجسد مضغة إذا طهرت طهر الجسد كله وإذا فسدت فسد الجسد كله ألا وهي القلب )) خال رانيا : بس يا رانيا يا بنتي الدين يسر مش كده .. رانيا : ما ربنا بيقول يا خالو (( يُرِيدُ اللَّهُ بِكُمُ الْيُسْرَ وَلا يُرِيدُ بِكُمُ الْعُسْرَ )) ولما ربنا بيأمرنا بأي أمر بيكون من باب التيسير علينا لأنه هو اللي خلقنا وعارف إيه اللي يصلحنا وإحنا مهما عملنا ومهما حاولنا نظرتنا لااااازم بتكون قاصرة .. يعني مثلا الرسول ( صلي الله عليه وسلم ) بيأمرنا إننا نشرب وأحنا قاعدين  إكتشفوا إن اللي يشرب وهو واقف بيكون عرضة للإصابة بالفشل الكلوي .. الرسول أمرنا ننفض الفراش  قبل النوم ..إكتشفوا يا خالو إن لما بنام بيكون فيه خلايا ميته مش بنقدر نشوفها موجودة في المكان اللي كنا نايمين فيه ومهما اتعرض المكان ده للشمس والتهويه الخلايا دي بتفضل موجوده .. وتتفاعل مع الجلد وتعمل أمراض جلدية .. وسبحان الله مش بتزول إلا مع نفض الفراش و3 مرات زي ما الرسول أمرنا .. عمركــ يا خالو سمعت عن صحابي انتحر !! ولا صحابي كانت نفسيته تعبانه!!! خال رانيا : لا يا بنتي رانيا : ده لأنهم كانوا بيتبعوا كل التعاليم مفيش فرق بين سنة وفرض فكانت حياتهم كلها يسر .. لما ربنا أمرنا بالنقاب للمرأة .. ده برده يسر لنا .. بيحمي المجتمع كله من الفتن وفتنة المرأة فتنة عظيمة .. خال رانيا : ماشي يا رانيا .. بس فيه مواضيع وحاجات بتكون بسيطة وهينة وإنتي بتكبري المواضيع وتعملي مشكلة والموضوع مش مستاهل .. مشي حالك وربنا يعينك بعد كده رانيا : لا يا خالو .. ربنا بيقول (( وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )) فأنا بخاف أفرط في أي أمر أو أقع في أي نهي .. وأثناء ذلك الحوار حضرت أم محمود ومعها أكواب العصير  وتستمع لذاك النقاش المحتدم بين زوجها وابنه أخته فتقول مؤيدة لكلام زوجها .. بس يا رانيا انتي لسه صغيرة يا حبيبتي .. لما تكبري ابقي براحتك .. رانيا : بس أنا عارفه يا خالتو إن ربنا خلقني لمهمة واحدة وسخر لي الكون ده كله عشان المهمة دي ولو نفذت المهمة دي هكون أسعد واحدة في الدنيا .. عمر السعادة ما كانت في لبس ولا برفان .. عمر الساعدة ما كانت في أغنية ولا فيلم .. ولو حس العاصي بلذة وقت المعصية بتكون من تزيين الشيطان وبعدها بيكون ألم لا يوصف ربنا بيقول (( وَمَا خَلَقْتُ الْجِنَّ وَالْأِنْسَ. إِلَّالِيَعْبُدُونِ )) خال رانيا : طيب هما في البيت معارضين التزامك ومعارضين نقابك هيحصل إيه لو تركتي النقاب مثلا دلوقتي بس لغايه ما ربنا يرزقك بالزوج الصالح والبسيه بعدها .. رانيا : أولا أنا عمري ما تمنيت إني أرتبط بإنسان لمجرد إنه شكلي عجبه .. شكلي عجبه النهارده هيعجبه شكل فلانة بكرة وهكذا !! غير كده .. مش ممكن أحرم الزواج بسبب الذنب ده مش الرسول صلي الله عليه وسلم بيقول (( إن العبد ليحرم الرزق بالذنب يصيبه )) خال رانيا : طيب خلينا في نقطة النقاب دلوقتي لو في الكلية منعوا المنتقبات من التعليم .. أو بعد ما تخرجتي وتعبتي واتبهدلتي في الدراسة يقولوا مفيش شغل للمنتقبات رانيا : يبقي أكيد ربنا أراد بيا الخير .. ورضا ربنا عندي أهم وأغلي من كل شئ .  هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 720x528 الابعاد 61KB. أم محمود : طيب وإنتي لابسة النقاب كده في الجامعة .. وإنتي بتستعملي السواك .. وكنت سمعت إنك بتستأذني من المحاضرات في أوقات الصلاة وتروحي تصلي .. وإنتي بتعملي كده أصحابك مش بيسخروا منك !! ما بتزعليش وقتها !! رانيا : لأ طبعا .. ليا الفخر طبعا .. ده طريق الأنبياء والصالحين والرسول صلي الله عليه وسلم قدوتي استهزأ بيه .. أم محمود : بس بصي يا رانيا .. الدنيا كلها كده وعايشين ومبسوطين .. وبيرضوا ربنا برده رانيا : والله يا خالتو يوم القيامة أهل النار هيقولوا (( إِنَّا وَجَدْنَا آبَاءنَا عَلَى أُمَّةٍ وَإِنَّا عَلَى آثَارِهِم مُّقْتَدُونَ )) وكل واحد بيتحاسب عن نفسه .. ولو قدر يصلح اللي معاه يكون أفضل مش العكس .. خال رانيا : صحيح يا بنتي كل واحد هيتحاسب عن نفسه كل واااحد بيتحاسب عن نفسه .. ربنا يوفقك يا بنتي ويكثر من أمثالك .. رانيا : طيب كنت عاوزة أطلب من حضرتك طلب خال رانيا : اتفضلي يا حبيبتي رانيا : كنت عاوزاك يا خالو تحاول تقنع والدي بالكلام ده إنت عارف يا خالو مفيش تفاهم ولا نقاش .. خال رانيا : خلاص وأنا بروحك البيت هكلم بابا إن شاء الله رانيا : خالو بس مش عاوزة مشاكل إنت بتكلمه كأني ما اتكلمتش معاك في حاجة خال رانيا : عيب عليك يا رانيا .. ما تخافيش تُري ما الذي سيفعله خال رانيا مع والدها ؟!! وهل سيتمكن من إقناعه ؟!!! هذا ما سنعرفه في المرات القادمة .. |
|
#40
12-07-2011, 11:30 PM
|
||||
|
||||
فى الانتظار لباقى حلقات هذا المسلسل الرائع وصاحبة الموضوع الأروع\
جعل الله بنات المسلمين مثل مريم دعاة فى سبيل الله وجعلنا الله هداة مهتدين لا ضالين ولا مضلين
__________________
اللهم اغفرلى ولوالدى وللمؤمنين يوم يقوم الحساب ._(يارب أحصل على الامتياز) كل من يقرأ يقول أميييين ***اللهم ثبتنى على دينك*** *اللهم ارزقنى الشهادة فى سبيلك* *وادخلنى الجنه مع حبيبك ورسولك(صلى الله عليه وسلم)  |
|
#41
12-07-2011, 11:55 PM
|
||||
|
||||
|
متابعين دايما
جزآكـِ الله خيراً
__________________
|
|
#42
13-07-2011, 11:55 AM
|
||||
|
||||
|
::: الحلـــقة الأخيرة :::
وبعدما عادت رانيا إلى بيتها كان قلبها يخفق بشدة تُرى ماذا سيفعل خالي ؟؟ وهل سيوافق أبي ؟؟ هل ستزداد المشاكل مرة أخرى ؟؟ يــــــــــارب أرح قلبي وبالي يارب دبر لي فإني لا أحسن التدبير وفجأة رن جرس الهاتف والد رانيا : السلام عليكم أهلااااااا إزيك يا عم الحاج فينك من زمان طيب انت لازم تستأذن .. البيت بيتك تنور في أي وقت ربنا يكرمك في حياتك إن شاء الله ما تتأخرش علينا بقى وعليكم السلام ورحمة الله وبركاته وهنا سمعت رانيا والدها وهو يكلم والدتها بصوت عالى : ده خال العيال جاي كمان شوية قومي حضري العشا عشان ياكل معانا وفي هذا الوقت كانت رانيا فى غرفتها متوترة جدا وقلقة جدا وتنظر فى ساعتها ولا تدري ماذا تفعل ويكاد القلق ي***ها وفجأة قررت أن تذهب لتتوضأ ثم عادت إلى غرفتها ولبست إسدال الصلاة ثم وقفت بين يدي ربها و الله أكبر وبدأت تصلي وتقرأ سورة يوسف وتبكي بشدة وهي تذكر المواقف التي مر بها يعقوب عليه السلام وكيف أنه أبتلي بلاء شديد جدا وفقد ابنه وقرة عينه يوسف ثم أخاه ثم فقد بصره وتأخر الفرج جدا ولكنه لم ييأس وإلى آخر لحظة ظل صامدا ويقول : " فَصَبْرٌ جَمِيلٌ ۖ عَسَى اللَّـهُ أَن يَأْتِيَنِي بِهِمْ جَمِيعًا ۚ إِنَّهُ هُوَ الْعَلِيمُ الْحَكِيمُ " كانت تستمد من هذه القصة قوة عجيبة وأخذت تبكي بشدة وهي تستشعر مدى قدرة الله ومدى لطفه بعبده وكيف رد إلى يعقوب بنيه وكرّمه وعوضه خيراً ولم ينســـــــــــاه سبحانه وتعالى ثم سجدت وأخذت تدعو ربها وتبكي بحرقة يارب ارزقنى يارب لبس حجاب أمهات المؤمنين يارب لا تحرمني منه بذنوبي يارب ضاقت بي الحيل ولم يعد لي سواك يارب يارب من لي غيرك اقبلني يارب ولا تردني اقبلني واجعلني ألبس النقاب يارب فى هذا الوقت لم تكن رانيا تعلم أن خالها بالخارج يجلس مع والدها ويتبادلا أطراف الحديث أحيانا ينفعل والدها ثم تتدخل والدتها ثم يهدأ الطرفان ويحاول خال رانيا إقناعهما بكل قوة ورانيا مستمرة في صلاتها ودعائها ولا تدري بما يحدث حولها وبعد أن إنتهت من صلاتها أخذت تكفكف دمعها ثم نظرت إلى وجهها فى المرآة ورأت عيناها محمرة جداا من أثر البكاء فبكت وقالت : يارب أنت أحن عليّ من أبي وأمي يارب لم أعهدك إلا لطيفا بي رحيما بي ثم ابتسمت وشعرت بمعية الله لها وشعرت بطمأنينة وفجأة سمعت أحد يطرق عليها باب غرفتها ثم دخل والدة رانيا : بتعملي إيه يا راينا ؟؟ راينا : مفيش حاجة يا أمي ؟ عايزة مني حاجة ؟ والدة رانيا : تعالى عشان خالك برة خال رانيا من بعيد : خليها مكانها أنا هجيلها بنفسي خال رانيا مبتسما : إزيك يا رانيا رانيا : الحمد لله يا خالو ثم اقترب منها وقال لها بصوت منخفض : أبوكِ وافق على النقاب إيه ؟؟ بتقول إيه ؟؟ فأنفجرت رانيا فى البكاء مش ممكن ؟؟ أنا مش مصدقة ؟؟ ثم تذكرت مريم صديقتها فقررت أن تبلغها الخبر لكي تفرحها فأخت تليفون خالها وبدأت تتصل عليها ولكنها لم ترد اتصلت مرة أخرى ولكنها لم ترد أيضاً فشعرت رانيا أنها رسالة من الله عز وجل : يااااه يارب .. أنا آسفة يارب أنا لازم أشكرك إنت يارب أنا آسفة أوي يارب انت كريم أوي يا رب ثم سجدت سجدة شكر طوييييلة جدا وهي تبكي ولا تدري ماذا تفعل لك الحمد حتى ترضى يارب ثم قامت وذهبت إلى خالها رانيا : جزاك الله خيراً يا خالي .. بجد مش عارفة أقولك إيه .. بس ربنا يجعله في ميزان حسناتك خال رانيا : ربنا يكرمك يا بنتي ويثبتك ثم خرجت رانيا إلى أمها وأبيها وأخذت تقبل يديهما وتشكرهما وذهبت لغرفتها وأخرجت النقاب الذي كانت تخبأه وبدات تلبسه وتبكي  وقضت هذه الليلة تصلي وتحمد ربها --------------- دي قصة خيالية واقعية في نفس الوقت أحداث كتير منها بتحصل في حياتنا وبنواجهها كتير معارضة الأهل والمجتمع وقضية الثبات في وسط كل العقبات والفتن دي لكن دي قصة ممكن تكون رسالة ليكي وقدوة لكل بنت نفسها تلبس الحجاب لكن قدامها عقبات أنا بقولك رانيا دي نموذج قدامك أوعي تيأسي من روح الله والله عز وجل لن ينساكِ من جوده وكرمه ولكن أقبلي عليه وادعيه بقلبك وكوني صادقة فى طلبك وتيقنى بأنه لن يدعك أبداً أسأل الله العظيم أن يرزق كل بنات المسلمين الحجاب الشرعي الذي يرضيه ----------------- تقبل الله منا ومنكم صالح الأعمال ----------------- لا تنسوني من صالح دعاااائكم |
|
#43
13-07-2011, 03:04 PM
|
|||
|
|||
|
جزاكى الله خيرااااااااااا
وثبتنى واياكى الله ع طاعته وهدانا جميعا الى طريقه المستقيم |
|
#44
13-07-2011, 03:20 PM
|
||||
|
||||
بجد روووووووووووووووووووووووووووووووووووووووووووعة
مدعمة بصور وكمان عنصر الاثارة موجود وبلاحظ ان حضرتك بتذكرى اثناء الحديث اداب واخلاق من تعامل مريم مع السيدة المسنة وتعاملها مع غير الملتزمة كمان حسن تعامل رانيا مع والديها حتى مع اختلاف وجهات النظر بجد مش عارفة اشكرك ازاى  :av4056b b7jp3:ربنا يباركلك ويحقق لك اللى نفسك فيه يااااااااارب
__________________
 
|
|
#45
13-07-2011, 07:27 PM
|
||||
|
||||
|
يارب ارزقنى يارب لبس حجاب أمهات المؤمنين
يارب لا تحرمني منه بذنوبي يارب ضاقت بي الحيل ولم يعد لي سواك يارب يارب من لي غيرك اقبلني يارب ولا تردني ربي أنت أحن علي من أبي و أمي وأحبائي ربي عاملني برحمتك لا بعدلك وأعمالنا ربي انهم يقولون أن حلمي مستحيل وأنا أصبح وأمسي موقنة أنك على كل شئ قدير
__________________
سبحان الله وبحمده ... سبحان الله العظيم إذا أردت أن يعطيك الله ما تحب فاحرص على أن يرى الله منك ما يحب فاستغفر الله واحمده تعش مسرورا
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:17 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
