الوقفة الاحتجاجية يوم الثلاثاء 28/6 للمطالبة بالتثبيت على درجة معلم

[حسام عبد الهادى]

انا بقترح ان الوقفه تكون من يوم الاحد الجاى علشان السرعه فى التنفيذ لان اى تاخير مش فى صالحنا ياريت كله يتفرغ اليومين دول علشان مستقبله ومش هاتفرق معاك حاجه

[علىسمير]

ولا انا عارف

[basyoni]

يا جماعة لازم تطمئنوا ان فى شهر 7 قبلة او بعدة متفرقش فى قرار التعيين لانهم عاملين حسابنا فى الموازنة من قبلها ودا قانون مادام معلم مساعد الموازنة معمول حسابها من الاول لانك على درجة مالية

[marwa elminia]

كل سنه وانتم طيبين اللى اتثبت اتثبت وخلاص مافيش تثبيت واضحك علينا وماتعشموش والميزانيه واعتمدت

[ihabsaid]

المشاركة الأصلية كتبت بواسطة أسامة حسن

الأخوة الكرام/ المعلمون المساعدون
السلام عليكم ورحمة الله وبركاته
عندما تكاثرت الأخبار التى تؤكد أن تثبيت المعلمين المساعدين الذين اجتازوا الامتحان الأخير سيكون على درجة معلم مساعد وبدأت الاجراءات فى بعض المحافظات مثل الشرقية، وصارت المعلومات مؤكدة أحسست أن الدم يغلى فى عروقى .
إخوتى الكرام، وبعد خمسة أشهر على الثورة يكاد اليأس يعصف بالجميع وكأنها كانت احتفالا برحيل عصابة ومجئ عصابة.
ألم نحصل على كل الشهادات التى طلبت منا، ألم نجتز كل الاختبارات التى وضعت لتعرقل طموحنا ، ألم نلتهم كل المذكرات والكتب، ألم نقدم الأوراق والأختام، ألم نطع نظارنا وموجهينا ومدرسينا، ألم نطاطى لريح المديرين العاتية ولسماجة الزملاء الخائبة( أنت اسمك لسا مكتوب بالقلم الرصاص ،) ، ألم نفعل كل ذلك وأكثر من ذلك .
إخوتى، تعالوا نتعاهد أننا لن نرضى بالفتات بعد اليوم ، ولن يكتبوا أسمائنا بالرصاص بعد اليوم، وأننا نرضى بالرصاص على قلوبنا ولانرضى به على أسمائنا.
تعالوا أقترح عليكم أشياء إن اقتنعتم بها وإلا ناقشونى فيها :-
1- أرجو من كل من يقرأ هذا الكلام أن يرد عليه بأى رد ولا يكتفى بمجرد القراءة وخاصة على البند ثالثا منها.
2- عندما يعرضون عليك التثبيت على وظيفة معلم مساعد ارفض بكل حسم ولا تخشى ضياع حقك فقد تغير الحال ولن تعود الساعة إلى الوراء أبدا .
3- ما رأيكم لو اجتمعنا جميعا فى وقفة احتجاج أمام وزارة التعليم يوم الثلاثاء القادم 28 / 6 لنعلم الجميع رفضنا هذا المبدأ وأننا أصحاب حق وقضية، وتكون وقفة فى مظهر متحضر وبأسلوب راق تليق بمعلمين أصحاب رسالة.
4- لكل منا زملاء لا يتعاملون مع الانترنت وعلينا واجبا أن نشركهم معنا ونحثهم على الاهتمام، وكلهم أخيار ولكن عن قلة وعى قد تجد بعضهم لا يهتم فعليك أن تدعهم وسيجيبونك لأنها قضيتهم كما أنها قضيتك.
5- جارى دراسة الأبعاد القانونية لهذا الأمر، وتأسيس صفحة على الفيس بوك لنتجمع فيها

يا استاذ اسامة بارك الله فيك
في الشرقية تم وقف اجراءات تثبيت المعلم المساعد الممتحن للكادر وذلك لحين ورود قرار جديد يفيد بتثبيتهم علي درجة معلم
والان تم تثبيت المدرسين بالحصة علي درجة معلم مساعد
ياريت اكون وصلت حاجه ليك تطمنك

[mr hima]

موااااااااااافق وبالثلث نتجمع لأن هو ده الحل الأمثل للحصول علي حقوقنا

[بيبونينو]

تعددت الآراء و الاقتراحات و فى النهاية يبقى الحال كما هو علية.

[باسم منير رزق]

انا امتحنت 1-4 وانا سيدة ومن المنيا لكن نفسى احضر الاعتصام وزوجى قالى اما الرجالة مش عايزة تتحرك انتى اللى هتتحركى يا جماعة حتى لو العدد قليل وقابل الوزير نتثبت على معلم بدرجة علشان الحد الادنى

[hassanm79]

المشاركة الأصلية كتبت بواسطة باسم منير رزق

انا امتحنت 1-4 وانا سيدة ومن المنيا لكن نفسى احضر الاعتصام وزوجى قالى اما الرجالة مش عايزة تتحرك انتى اللى هتتحركى يا جماعة حتى لو العدد قليل وقابل الوزير نتثبت على معلم بدرجة علشان الحد الادنى

حدادنى اية ما خلاص مفيش لا ادنى ولا اقصى
وكل عام وانت على الادنى

[أسامة حسن]

يا جماعة كل الأخبار عن التسكين على وظيفة معلم إلى الآن لا تجاوز حدود التسكين بالفعل، العمل من أجل انتزاع حقوقنا المشروعة هو الحل الوحيد

[أسامة حسن]

إلى الإخوة المطالبين بتفتييت الوقفة ؛ كل فى محافظته، هذا الرأى يخالفه الصواب أرجو من الجميع بالالتزام بالوقفة غدا أمام وزارة التربية والتعليم بالقاهرة

[زياد الجمصى]

اخر فرصة هى غدا الثلاثاء 28/6/2011

ان شاء الله الكل يجتمع امام الوزارة الساعة 10 صباحا

لان هذا هو اخر موعد قبل شهر 7 .

ياريت ياريت الكل يكون هناك

وهو باذن الله تعب يوم ونستريح بعد كدة

ارجوكم بلاش السلبية والاتكال على بعض

والله كدة مش هينفع


الى اللقاء غدا الثلاثاء 28/6/2011

[نرمين و احمد]

انتو بتوع كلام وبس ومحدش عايز ينزل من بيته ولا يتعب نفسه

[زياد الجمصى]

ياجماعة خلاص كفاية كلام

تم الاتفاق بشكل نهائى

على التحمع غدا 28/6/2011 امام الوزارة

وياريت نبلغ الكل

ودى اخر فرصة لنا قبل شهر 7

والله المستعان

[مريم عبد العال]

مدرسين الاسماعيلية معاكم غدا باذن الله بس ياريت ميكنش ذي كل مرة والرجالة تطلع من بيتها بقة والسيدات لايتحججن بشئ