نفسى اهاجر برة مصر ياساتر انا زهقت منها

[عاشقه ام الدنيا]

]المووووضوع رائع يا مصريه
طبعا او ل واهم حاجه في الدنيا حبي لبلدي اهم من فلوس الدنيا كلها
وبعدين الي بيقول فلوس وبهدله امال فين التضحيه بتاع شعب مصر عشان بلده وايه الي عملته عشان تتحسن اما كل واحد يقول انا زهقت انا تعبت ويسافر بره بالمنظر ده متستناش انها تتغير
وطبعا انا مع مصريه جدا ده بقى الي اسمه انتماء للوطن اين كان والانتماء ده بقي نادر جدا في مصر طبعا

[مصرية وبحب بلدي]

المشاركة الأصلية كتبت بواسطة كرومبو2011

ذليل النفس ذليل فى كل مكان
واللى ينظر للفلوس على أنها كل الأمل والامال يستاهل كل اللى يجرى له
اسألوا الأكبر منكم كيف يعاملهم العرب قبل ذلك
ولماذا تغير ت معاملتهم الأن
هتلاقوا العيب مشترك
زيادة رفاهية من الدول الخليجيه جعلتهم يبحثون عن طريقة تنسيهم ماضيهم المؤلم
فى زمن ماكان المصرى ينتج فى أرضه مايكفى مصر والأشقاء العرب
واسألوا رمال ميناء جده ومسقط
لم يحمل هذا الفضل حتى الان سوى الامارات العربيه والكل يريد نسيانه بإهانة أصحابة
والعيب الثانى فى ذليل النفس الذى تكبر على العمل كحارس أمن فى الفنادق أو القرى المنتشرة
فى مدن الساحل الشمالى والشرقى وذهب ليغسل أطباق فى دول أخرى
مع أن المقابل المادى أفضل من الخارج ولكنه يعشق المذلة فماذا تفعل له وفيه
نصف اللى بيروحوا السعودية بيروحوا من أجل الحج ببلاش --
ولما يرجع الناس تقولوا ياحاج
عشنا فى الجزائر لم نرى سوى المودة والمحبة من أهلها
فماذا حدث الأن ؟
اسألوا أنفسكم ؟؟؟؟؟؟؟؟؟
والسلام عليكم

هو ده بجد متشكرة جدا
انا غلبت اقول كدة كلهم ضدى

[مصرية وبحب بلدي]

المشاركة الأصلية كتبت بواسطة عاشقه ام الدنيا

]المووووضوع رائع يا مصريه
طبعا او ل واهم حاجه في الدنيا حبي لبلدي اهم من فلوس الدنيا كلها
وبعدين الي بيقول فلوس وبهدله امال فين التضحيه بتاع شعب مصر عشان بلده وايه الي عملته عشان تتحسن اما كل واحد يقول انا زهقت انا تعبت ويسافر بره بالمنظر ده متستناش انها تتغير
وطبعا انا مع مصريه جدا ده بقى الي اسمه انتماء للوطن اين كان والانتماء ده بقي نادر جدا في مصر طبعا

بجد نورتى الموضوع بكلامك الاكثر من رائع
ايوة كدة خلونى احس ان فيه مصريين بخير فى المنتدى
النيك نيم بتاعك روعة

[مصرية وبحب بلدي]

مصر امى وطول عمرى هاتفضل امى واغلى عليا من امى

[مصرية وبحب بلدي]

علمتني الغربة





علمتني الغربة أننا نملك أشياء كثيرة

لكننا لا ندرك قيمتها


علمتني الغربة الكثير والكثير
وكان من بين ما علمتني أنها أخبرتني من أنا ..

علمتني الغربة معنى اني مصرى
علمتني ان الانسان (في الوقت الحالي)
لا يهمه الا مصلحته

علمتني ان الموت ألف مرة فوق
ترابك يا مصر اهون من التفكير بالخروج خارجك..

فإن الغربة في كل حرف
منها حرقة قلب مشتاق

وحنين ... وألم ... وعذاب

الغربة كربة كما يقال ولكن
فيها يتعلم الإنسان المحال

و يقدر قيمة تراب أرضه ..

علمتني الغربة وما اقساه من تعليم

ان تحس بانك وحيد في وسط
الكل فيه يرغبك ولكن كل لمصلحته

علمتني ان ارى صديقي في
الوطن عدوي خارجه

كل هذا لا يساوي دمعة عين من امي لفراقي.

:امي الغالية... مصر
تحياتٌ وأشواقٌ من العين الباكية
دمعاتٌ وقبلاتٌ على اليد الحانية
أسيرُ يا امي
على رصيف الغربة
وأود لو أجد بسمة من فمك
أو بصمة من ظلك
أبيع نفسي والعالم
ولا أشتري غير ودك
فكيف يا امي أجدك

[Dr. Hoda Ahmed]

وطنى لو شغلت بالخلد عنه نازعتنى اليه بالخلد نفسى

[مصرية وبحب بلدي]

نورتى الموضوع
خير الكلام ا قل ودل

[حازم 93]

تحيااااا مصررررر
رغم اى حاجة تحصل فيها ,, هى بلدنا وكلنا لازم نحبها ونفتخر بيها وبتاريخها العظيم

[Dr. Hoda Ahmed]

- بلادي وإن جارت علي عزيزة *****وأهلي وإن ظنوا علي كرام
- يا بلادي وانت قرة عيني ******طبت نفسا على الزمان وعينا
- ولي وطنت آليت ألا أبيعه *****وألا أرى غيري له الدهر مالكا

[عاشقه ام الدنيا]

المشاركة الأصلية كتبت بواسطة مصرية وبحب بلدي

بجد نورتى الموضوع بكلامك الاكثر من رائع
ايوة كدة خلونى احس ان فيه مصريين بخير فى المنتدى
النيك نيم بتاعك روعة

والله انتي الي موضوعك منور الكون كله والله موضوع اكتر من رائع
بس اكيد طبعا انتي الاروع

[vampire1188]

لازم نفرق بين كام مفهوم كدا الاول عشان نقدر نتكلم ونتناقش

مش معنى ان انا عندى ولاء لوطنى وبحبها وبموت فيها ..

يبقى اشتغل ببلاش ويطلع عين اهلى عشان شوية ملاليم وباخدهم بعد طلوع الروح كمان

مش معنى ان انا عندى انتماء لوطنى يبقى دا يمنعنى انى اسافر بره

في حالة انى لاقيت فرصة عمل احسن بمرتب احسن بمعاملة افضل بمركز اجتماعى افضل

حكاية ان الناس تسافر بره وتروح تشتغل بواب وويتر والوظايف اللى مالهاش لازمة دى

انا غير مؤيد ليها تمااااما طبعا .. لان دا مبدأياً بيقلل من قيمة المصرى خارج البلد

زى ما مثلا انا لما اشوف واحده فلبينيه ماشية فى الشارع هنا بقول عليها اه دى خدامة

لكن اما انا ابقى طالع من هنا بعقد موثق من الخارجية ومكتب العمل ومظبط نفسى وحالى ومحتالى

وطالع باحترامى وعارف انا هاشتغل ايه هناك ومرتبى كام وكل الكلام دا .. يبقى خلاص تمام اوى كدا

الانسان بطبيعته بيحاول يسعى للأفضل

ربنا ماأمرناش اننا نفضل فى مكاننا زى ماحنا لمجرد بس اننا بنحب البلد اللى اتولدنا فيها

بس اذا كانت البلد اللى انا بحبها مش لاقى فيها العيشة الكريمة اللى انا عايزها ..

يبقى اشوف نفسى بقى .. انا لا هاغلط واقولك يحرق دى بلد وتغور فى ستين داهية ولا الكلام دا

بس بكل زوق واحترام .. انا امشى بهدوء جداً .. ولما يبقى ليا نصيب ابقى ارجع تانى

ويمكن موضوعك دا بيفكرنى بقصيدة كنت سمعتها .. فيه مقطع كدا فى النص بيقول

يا سايقة دورى .. عدى فوقيا و دوسى .. نصبوا عليا وشحتونى فلوسى

ربطونى فيكى حتى ما اتغميت .. فرحوا هما ووحدى انا اتغميت

عايش بدون لازمة .. ولو مرة شكيت آخد بالجزمة

يعنى ايه يبقى اسمك هبة النيل والمايه كل يوم بتقطع ؟!

ولما اشتكى غلو الفاتورة .. يقولوا اشتكى .. بس تدفع !!

[عاشقه ام الدنيا]

وانا اسفه جدا اني معرفتش ارد عليكي عشان مينفعش ابعت رساله خاصه
ومش عارفه ابعت رساله زائر
وبالنسبه للتوقيع فده شرف ليا طبعا وشكرانك ادتهولي
واكيد هوا تحفه جدااااااااااااااااااااااااااااااااا

[BaNZeR]

يمكن في مصر مشاكل كتير
لكني عمري ما قلت إني بكره مصر !
وعمر ما كان إني بدور على لقمة عيشي بره يبقى انا غير وطني

بصي يا مصرية
في علم النفس ولا علم الاجتماع ولا الاقتصاد ايا كان نوع العلم اللى بيدرسو فيه ده
لازم لما يتم عرض المشكلة يتم عرض الحلول بتاعته
منفضلش نحل المشكلة بمشكلة تاني وننسى إننا كدا محتاجين حلين !!
مطلوب إني اغير في وطني ومطلوب إني اعيش بال200 جنيه واتجوز وابني بيتي بيهم !!

وبعدين يعني ايه بكره يكبر ؟
استنى كمان 20 سنة لحد ما مرتبي يوصل 600 يا حلاوة الزيادة !!

كفاية المهور اللى بتطلبوها

تغيير البلد والاصلاحات دي في ايد اللى ماسكين البلد
في ايد الوزرا والمحافظين ورجال الساسة والامن
مش في ايد الموظفين الغلبانين

متحوليش إنك تربطي المشكلة بمشكلة تانية
حاولي إنك توجدي حلول لكل مشكلة وساعتها اقولك فعلاً انا كان ممكن اعمل كدا
وانا اللى قصرت
(بالمناسبة انا كنت قلت موظف بـ200 جنيه متجاهلاً ملايين من العاطلين !)

[mody2006]

أنا كنت في يوم من الأيام بقول كده أنا مصري ومش هاسيبها ده كان قبل ماتخرج طبعا بعد التخرج لقيت اني لو استمريت في حبي لبلدي هيبقى حب من غير مقابل بس ليه أخرج بره وأشتغل في الأطباق ما اشتغل في اللي أنا متخصص فيه أنا شايف الحكايه دي قديمة جدا .*

[ضياء الدين سعيد]

أنا مصرى وبعشق مصر
واللى يجيب سيرتها بالسوء ممكن أقتله



بس أتعلمت من مصر والغربه


إن

الفقر فى الوطن غربة والغنا فى الغربة وطن