هل تم تعديل القانون من اجل وزارة التربية والتعليم من اجل حرمان المعلمين من الدرجات

[محمود حسن حرب]

بشرى لمنتظرى الدرجات المالية جءنى إميل من الاستاذ / السيد بلال قال فية

(الدرجات نزلت فى المديريات ولــــــــكن لن يتم تعديل الوظيفة إلا بعد مرور 5 سنوات من اجتياز امتحان الكادر هذا ما ورد بقسم الاحصاء و ما هو مذكور على موقع الوزارة) الزملاء الكرام تأكدوا من هذا الكلام

[عبدالحليم احمد عبد الحليم]

يا جماعة دى صورة الفاكس احنا مش عايزين كلام احنا عايزين فعل
عندنا اكثر من طريقة ما ندخلش الفصول مع بداية العاد الجديد او منروحش لا مراقبة ولا تصحيح
ودى صورة الفاكس

[samir aly]

ماشى نزلت الادارات في الشرقية بس الزيادة نزلت على المرتب ولا لسه ما الأسامى نزلت فى كل الجمهورية بس مع وقف التنفيذ
وشكرا

[عماد عبد اللطيف]

بشرى : ستتم الترقية كل 5 سنوات ابتداء من اختبار الكادر بمعنى أن اللي على الدرجة الثانية معلم أول سيكون سنة 2013 تلقائيا معلم أول أ
ومن كان على الدرجة الأولى معلم أول أ سيترقى إلى خبير سنة 2013 وهكذا الترقية ستتوالى كل خمس سنوات ابتداء من 2008
أتمنى أني أوصلت المعلومة بطريقة مبسطة وبالتالي الدرجة المالية لم يعد لها أهمية طالما أن العلاوة سارية والكادر أيضا يزيد مع كل ترقية
طبعا كل قانون أو قرار لابد أن يكون له ضحايا ولكن ماباليد حيلة ، فأنا مثلا بعد عمر طويل في خدمة الوزارة ، طلبوا منى الحصول على شهادة تربوية ، ومهما وصفت البهدلة التي عانيت منها للتقديم في كلية التربية لا يمكن أحد أن يصدقها ، ده بخلاف مصاريف 800 جنيه كل سنة لأن العاملين مدة دراستهم سنتان ، وياريت وزير التربية أو وزير التعليم العالي يشوف اللي بيجرى علشان يعرف الجحميع أين توجد المزبلة الحقيقية

[awm2005]

يا جماعة ازاي قانون دولة وزارة تعدله
ده قانون لكل العاملين بالدولة ازاي يكون لناس وناس لاء

[hanafi32]

يا جماعة ما تقولونه هذا تهريج والمقصود بوقف الترقية فى الفاكس هو وقف ترقيات الكادر المترتبة على الدرجات

[سعيد منار]

ياجماعة الخير لو كان وزير التعليم السبب فى منع الدرجات عن المعلمين فتعتبر هذة اول سقطة
للسيد الوزير الذى كنا نكن لة كل احترام وتقدير ويجب تدخل رئيس الوزراء لمنع هذة المهز لة

[صلاح نافع]

احنا كتير كلام وبس
وبعد الشكاوى
محدش هيسأل فينا
واخرة الكلام
محدش هيسأل فينا
يجب رفع قضايا
هذا هو الحل
اول التجمع والذهاب الى التنظيم والادارة او الوزارة
بس الموضوع محتاج تنظيم

[باسم الشاعر]

المشاركة الأصلية كتبت بواسطة صلاح نافع

احنا كتير كلام وبس
وبعد الشكاوى
محدش هيسأل فينا
واخرة الكلام
محدش هيسأل فينا
يجب رفع قضايا
هذا هو الحل
اول التجمع والذهاب الى التنظيم والادارة او الوزارة
بس الموضوع محتاج تنظيم

بارك الله فيك

[awm2005]

الموضوع يا استاذ حنفي مش موضوع وقف ترقيات الكادر علشان الفلوس الفاكس وقفت الدرجات كلها لك اللي بيخدوا الكادر بعد ما كتبوا الكشوف في المدريات وقفوا تنفذها علشان الفاكس ده
ربنا علي الظالم وحسبنا الله ونعم والوكيل

[sabah eb]

انا من الاسكندرية و قد تم وقف حصولى على الدرجة الاولى انا و زملائى علما انى تقدمت لها لانى حاصلة على الدكتوراه و استحق اقدمية عامين

[sabah eb]

ان وقف الدرجو يتم معه عدم حصولى على الزيادة فى المرتب و الكادر فى حين تم حصول كثير من الزملاء الترقية و حصولهم على الدرجة الاعلى الاعوام السابقة بعد اداء امتحان الكادر - انه منتهى الظلم كيف يطبق القانون علينا عام 2010 و لم يطبق على من سبقونا و القانون صادر 2007 - هل هناك متخصص فى القانون يفيدنا برأيه ؟!

[abdalla_abdalaty]

المشاركة الأصلية كتبت بواسطة علاء المصري2002

اين دور نقابه المعلمين
اذاكانت موجوده

النقابه مشغوله بعمل رحلات للاقارب على حساب المعلمين

[داودعلى]

اين النقابة الفاشلة التى لا تمثل المعلم

دايما مانطالب بنقابة مستقلة لها كيان وتمثل المعلم التمثيل الذى يستحقه كل معلمى مصر

[awm2005]

يا جماعة يا ريت نحدد يوم معين نقف فيه وقفه احتجاجية امام الوزارة او امام مجلس الوزراء لكي ننال حقوقنا