صوتك حلو اوووي ممكن نتعرف !!! - الصفحة 3

**تسابيح** · #31 03-07-2010, 07:40 AM

اقتباس:

المشاركة الأصلية كتبت بواسطة dina ali mahmoud

انا لسة مكتشفة ان البنات بتعاكس في الشارع تخيلوا انا ماصدقتش اللي بسمعة>

ياليلة بيضا

يعني مش مكفيهم التليفون
كمان في الشارع
الله يكفينا الشر
شكراا
نورتي

**تسابيح** · #32 03-07-2010, 07:41 AM

اقتباس:

المشاركة الأصلية كتبت بواسطة Mohamed Helme

موضوع جمييييل جدا ..فعلا ده اللى بيحصل وربنا يهدي الجميع

آآآآآآآآآآآآمين يارب العالمين
ربنا يهدي عباده
شكراا لحضرتك

**تسابيح** · #33 03-07-2010, 08:22 AM

اقتباس:

المشاركة الأصلية كتبت بواسطة totta2010

موضوعك جمييل جداا
وشكرااا ليكى على النصايح الغالية دى

الشكر لله
نورتي

اقتباس:

المشاركة الأصلية كتبت بواسطة عاشقة الطفولة

بارك الله فيكي

وللاسف هو ده اللي بيحصل

وربنا يهدي المسلمين

وفيك بركة روحي
ربنا يهدي الجميع
شكراا لك

**تسابيح** · #34 03-07-2010, 08:24 AM

اقتباس:

المشاركة الأصلية كتبت بواسطة ahmed elshereef

كلامك صح ميه في الميه
لكن هقوللك حاجة غريبه حصلت معايا شخصيا السنة اللي فاتت في الامتحانات
لقيت رقم غريب بيرن عليا طبعا رنة ويفصل بيعاكس يعني
واستمر الموضوع لحد ما زهقت واتصلت انا بيه
وكانت المفاجاة اني لقيت صوت واحدة ست
علطول قفلت وقلت ممكن ابنها الصغير بيلعب في التليفون وهيا مش عارفة
الغريب انه تاني يوم رنت تاني وفي نفس المعاد اللي كانت بترن فيه
قلت خلاص اما اكلمها واقولها بلاش ترني تاني
وفعلا رنيت واتفاجات انها بتقوللي (عايزين نبقى صحاب)

الصراحة انا اتصدمت

لاني مكنتش اعرف ان البنات بقت بتعاكس الاولاد
ورديت عليها رد غريب شوية قولتلها (بعد الامتحانات)

طبعا هيه اتكسفت وقالت خلاص مش هرن عليك تاني
قولتلها (يكون احسن برضه)

هههههههههههه
رد في الصميم
هههههههه
ربنا يهدي الجميع يارب
شكراا لك

**تسابيح** · #35 03-07-2010, 08:28 AM

اقتباس:

المشاركة الأصلية كتبت بواسطة usernamo

لا ده بقى بجد موضوع صعب انا حصلت مع اختى و حصلت مع بنت خالى ...
مع اختى بيقولها على فكرة انا واد رخم !!! (( طب ده انا اقوله ايه ؟! .. قمت واخد رقمه و موزعه على مصر كلها و كل يوم يتصلو بيه يشتموه ^^ )) و بقى اضحوكة و تسلية .. و مع بنت خالى بيقولها انا عايز اتعرف البنت تشتمه ووهوه لزقه لحد ما ودينا رقمه القسم و جابوه و اتعاملو معاه ...
بخصوص البنات بقى ... واحدة اتصلت بتقول ... ازيك يا احمد .. اقولها انا مش احمد النمرة غلط ... تقولى امال مين ... بحسن نية قلتلها اسمى مش قصدى حاجة .. لقيتها بتقولى طب ازيك يا امجد !! بقولها نعم بتقولى انا معجبه و مش عارف ايه .. (( مكذبش اديتها ميعاد فى شارع اعرفه و ووديت اصحابى كلهم ^^ و مرحتش انا ))

(( المحترم تتعامل معاه بإحترام ... اللى مش محترم لازم تكون زبالة معاه ^^)) لان التليفونات انت مش شايفه و لا هو شايفك يبقى حتى لو بنت توريله العين الحمرا و تهديديه تقوليله هودى رقمك القسم و مفيش اجبن من الشعب المصرى ^^

هههههههههه
حلوة أووووي ردود فعلك
هتخلي اللي مش محترم يحترم نفسه

هههههههه
دلوقتي مصر كلها عارفة رقم العيال الرخمة
والفضل يرجعلك طبعا

لا ع فكرة
الشعب المصري مش جبان
بس اللي مش محترم هو اللي جبان
طول انا ما ماشية صح
وفي حالي
اللي ممكن يخليني جبانة
وطبعا انا من الشعب المصري

وكلنا منه
يبقي التعميم غلط
الله يهدي عباده
نورت

**تسابيح** · #36 03-07-2010, 08:29 AM

اقتباس:

المشاركة الأصلية كتبت بواسطة mahmoudasus

شكرا أختاه على الموضوع الجميل

الشكر لله
جزيت خيرااا

**تسابيح** · #37 03-07-2010, 08:31 AM

اقتباس:

المشاركة الأصلية كتبت بواسطة alawadya

على فكره مش كل الولاد كده انا عن نفسى بحب واحده وهى بتحبنى بجد وجمدنا قلبنا وعرفنا اهالينا والموضوع بدأ بالتليفون برده يعنى مش فى كل الحالات التليفون وحش يعنى وان شاء الله هنتخطب قريب

ربنا يوفقكم يارب
انا طبعا مقلتش ان التليفون وحش
انا قلت البني آدم اللي يستخدمه غلط
يبقي وحش ومينفعش
وطبعا تحذير للبنات
عشان هم اللي بيتعرضوا اكثر للموضوع
مبروك الخطوبة مقدما
شكراا لك

**تسابيح** · #38 03-07-2010, 08:32 AM

اقتباس:

المشاركة الأصلية كتبت بواسطة صوت الامة

فعلا موضوع خطير وكبير
بس الحل هنا هو تربية الاولاد كويس فعلا
ومعرفة الخطا والصح
زى منتى قولتى وضربتى امثلة فوق
لو فعلا البنت متربية تربية سليمة مكنتش سمحت لاحد انة يعمل معاها كدة
وطبعا فى امثلة حضرتيك ذكرتيها توضح الكلام دة
ربنا يسترها مع بنات المسلمين
ويهدى شباب وبنا المسلمين اللهم امين

آآآآآآآآآآمين يارب
ربنا يهديهم
ويهدي الجميع
شكراا لحضرتك

اقتباس:

المشاركة الأصلية كتبت بواسطة BlakBlak66

شكرا علي الموضوع الجميل

الشكر لله
حضرتك نورت أكيد

**تسابيح** · #39 03-07-2010, 08:45 AM

اقتباس:

المشاركة الأصلية كتبت بواسطة sympathique

السلام عليكم
فى بداية الامر
انا بحييكى على موضوعك الاكثر من رائع
ودايما مواضيعك كلها ممنازة
وبتشرف بنفسى ان ده اول موضوغ ارد عليه بعد رجوعى للمنتدى

طبعا الكلام ده بيحصل يوميا
ان ولد يتصل ببنت او بنت تتصل بولد
سواء بقصد او من غير قصد
فمنهم من ينساق فى الامر
ومنهم من يحسكه من البداية
وان كان هناك بعض الشباب والبنات كما ذكرتى لا يستحوا من الاهانات

وانا برجو من اى بنت اى ولد يتصل بيها ان هىتعرف اهلها فى الحال حتى لاتتعرض الى اى م المشاكل

اما عن رايى كا اب او بنت

انا هستغل موضوعك ياتسابيح
ان لازم يكون فى ترابط اسرى اقوى من اللى احنا فيه دلوقتى
ولازم الاب يتكلم مع اولاده وهكذا بالنسبة للام
لازم يكون هماك علاقة صداقة مابين الاسرة باكملها
بين الاباء والابناء
وافتكر ان ده من السهل انه يحصل

فى الوقت ده هتكون الثقة متبادلة بين الجميع وفيش مشاكل هتحصل ان شاء الله

وبرجو مرة اخرى من كل الاعضاء اللى موجوديم معانا عنا سواء اولاد او بنات ان هما يقربوا من اخواتهم ويحالوا ايجاد الصداقة مابينهم

ومرة تانية بحييكى على موضوعاتك

وعليكم السلام ورحمة الله وبركاته
أولا حمدلله ع السلامة والمنتدي نور طبعا
فعلا عندك حق ان الموضوع بشكل يومي
وفيه ناس بتبقي مش تقصد وبتتأسف
وبيعدي الموضوع
وناس تانية معندهاش ريحة الدم
بتستمر في التخلف دا لحاجة في نفسها
أيوة موضوع الصداقة اللي بيعاني منه
معظم البيوت المصرية
لان كل واحد في حاله ومفيش صداقة
http://www.thanwya.com/vb/showthread.php?t=162430
عشان كدا البنت بتخافي تحكي لأهلها
او حتي بتخاف تحكي لأخيها الكبير
عشان محدش يشك فيها حتي لو هي انسان محترمة وكويس
شكراا لردك
بجد متميز
ربنا يخليك
نورت الموضوع