|
||||||
| اجتماعيات طالب قسم خاص بالطلاب لتبادل المعارف والحلول للمشكلات التعليمية |
 |
|
|
أدوات الموضوع | انواع عرض الموضوع |
|
#31
27-06-2010, 12:02 AM
|
|||
|
|||
clinical chemist0 بجد حضرتك حببتنى فى علوم اكتر واكتر واللى شدنى اوى علوم بترول بس لو 10الاف فى السنه حرام كفايا مصاريف الدروس طول السنين اللى فاتت اهلى مش هيقولوا لا بس المفروض ارحم شويه واحس بيهم هوه مفيش حل غير بالفلوس للقسم ده؟ الاقسام التانيه شكلها شيقه وفيها حجات جميله بس الواضح انها بتعتمد عالحفظ زى اسماء الادويه والاثار الجانبيه وكده وانا عمرى ما حفظت بفهم واترجم طب اكيد حضرتك مجرب ايه احسن الاقسام اللى بتعتمد على اقل نسبه من الحفظ؟ سؤال معلش كمان علوم قسم فزيا وجولوجيا مستقبلها ايه ولا المهن المتاحه فيها ايه؟ دول ثلاثه اسئله آسفه بجد بس يمكن ربنا بعتك ليا من السما تساعدنى وهكون مشكوره جدا واسفه على ازعاجك
__________________
BE WHAT YOU WANT TO SEE IN THE WORLD 
|
|
#32
27-06-2010, 01:48 AM
|
|||
|
|||
|
اقتباس:
 اقتباس:
بس اسمع ان زراعه عامه كليه صعبه
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#33
27-06-2010, 04:59 PM
|
|||
|
|||
|
اقتباس:
.......... فيه قسم يجمع بين الجيولوجيا والفزيا اسمه جيوقزيا ودة بيبقي وظيفته في الحقل البترولي نفسه وبيبقي في اسكشاف البترول وكدة ودة غير قسم الجيولوجيا او جيوكميا او القسام الكميا لان الجيوكميا و اقسام الكميا بيبقي شغلها في معامل التكرير في شركات البترول اما الجيوفزيا بيبقي شغله في الموقع نفسه اما علوم بترول فبيجمع بين دة ودة وليه اولويه طبعا في التعيين في الشركات الراعيه للقسم وكمان ليه اولويه للتعيين في اي شركه لانه بيطلع مدرب وكمان بيدرس كل حاجة ..................... اما باقي الاقسام مش بتعتمد علي حفظ ولا حاجة فهى بنسبه كبيرة بتعتمد علي الفهم دى عكس نظام الثانويه العامه للي بيعتمد علي حفظ وهديكي امثله كتيرة في امتحانات العملي الكميا بتنقسم لكميا تحليله وكميا عضويه وكميا فزيائيه وكميا حيويه وكمياغير عضويه وعندك الكميا التحليله بتنقسم لكذا فرع منهم فرع كان بيندرس باب في الثانويه العامه للي هو بتاع الالوان ولما كذا يتحط علي كذا يدى لون كذا وانا فاكر ان في الثانويه العامه كان بيختبر قدرتك علي حفظ الالوان وحفظ المركبات دى اما في الكليه مش كدة فهو بيختبر قدرتك علي الفهم يعنى هيدكى مركب وهيقولك قوليل المركب دة اسمه ايه وهتدخلي ومعاكى الكتب وبيبقي فيها حاجة زى اسكيمه كدة بتنكي ماشيه وراها عشان تشوفي توصلي للمركب بتاعك يعنى معاكى الكتاب ومعاكى كل حاجة بس هو بيختبر قدرتك علي الفخم وعلي الوصول لاسم المركب ..................................... كذلك في الكميا العضويه بيتدخلي بالاسكيمه او الكتاب ومعاكى ادواتك و هيقولك اوصليلي للاسم المركب العضوى دة ...................... مثلا في الكميا التحلليه بردو هيدكى محلول وفيه كذا مركب و بتدخلي بالكتب والمطلوب انك تعرفي تركيز كل مركب فالمطلوب هنا هو دقه الايد والفهم مش الحفظ .................................. مثلا في النظري مثلا الكميا العضويه في الثانويه العامه كان بيبقي يقلك كذا مع كذ بيدى المركب الفلانى في كليه العلوم هتاخدى حاجة اسمها رياكشن ميكانزم يعنى لما تحطى كذا علي كذا ايه المكانيكه او ازاى هيدى ناتج التفاعل وبالتالي لو انتى فاهمه المادة دى صح لو جالك اي مركب مع اي مركب وطالب الناتج هتعرفيه بالطريقه دى ......................... مثلا في نظري الكميا العضويه وفي الكميا العلاجيه او كميا الادويه فبتدرسي المسكنات وخافضات الحرارة والمضادات الحيويه ومضادات الفطريات ومضادات الفيروسات و منشطات الجهاز المناعى ومثبطات الجهاز المناعى ومنشطات الجهاز العصبي ومثبطات الجهاز العصبي الخ وماتقليقيش من الاسامى في الكميا العلاجيه لان اساميها شيك جدا يعنى مثلا فيه مسكن اسمه ليدو كايين فاسميهم سهله ....................... بتدرسي مادة مثلا اسمها كرموتوجراف ودى خاصه بفصل المواد الكميائيه العضويه عن بعضها يعنى مثلا لو عندى دهون وبروتيين مع بعض ازاى افصلهم عن بعض بيبقي فيه اجهزة خاصه بالكرموتوجراف بتفصلها بتدرسي انتى الجهاز وبتدرسي ازاى بيشتغل وكل حاجة فيه ودى مطبقه في مصانع كتير جدا منها مصانع الادويه ومستحضرات التجميل والبلاستك وكمان مطبقه في التحاليل الطبيه ...................... بتدرسي مثلا حاجة اسمها اسبكترا ودة ليه كذا نوع منهم مثلا النوع للي بيبين التركيب الكميائي للمركبات الكميائيه مثلا انا مش عارف تركيب مركب فبيتحط في الجهاز دة وبيطلع رسم بيانى وانتى وظيفتك انك تترجمى الرسم البيانى دة لمركبات كميائيه يعنى مثلا لنا تلاقي الرسم البيانى عند 10 بيبقي دة مثلا ذرة كلور ولما مثلا يبقي عند 50 يبقي مجموعه ميثيل تبداي تجميعيهم لغايه لما توصلي للمركب بتاعك ودة بردو حفظ ............................................. مثلا بتدرسي في الميكروبيولوجى ازاى تنتجى مضاد حيوى من البكتريا بتبداي تستخلصي مواد كيمائيه من البكتريا وتبدائي تحطيها علي البكتريا الممرضه وتشوفيها تنفع كمضاد حيوى ولا لاء وبتموتها ولا لاء ولو نفعت انها تكون مضاد حيوى بتبداي تدوري علي المادة الفعاله للي فيها بس وتفصليها لان المواد الكميائيه للي انتى مستخلصاها بتبقي مش منفصله فبتفصليها عن طريق الكرموتوجراف للي قلتلك عليها وبعدها تعملي اختبارات السميه وتشوفي المضاد الحيوى هل ينفع اننا نستخدمه جوة جسم الانسان ولا لاء يعنى اينعم هو موت البكتريا بس لما يدخل جوة جسم الانسان هو بيعمل حاجة وسام للانسان ولا لاء وتعملي اختبار السميه ولو طلع انه مش سام يبقي خلاص انتى معاكى المضاد الحيوى بتاعك مفصول ومتنقي ........................... معظم مواد كليه العلوم بتعتمد علي الفهم
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#34
28-06-2010, 02:09 PM
|
|||
|
|||
|
اقتباس:
نسيت اقولك ان فيه دلوقتى في الجامعه الامريكه في القاهرة عامله دبلومه لخريجى كليه علوم فقط عشان تبقي اخصائيه تحاليل طبيه معتمدة دوليا يعنى ممكن بعدها تشتغلي في امريكا او في اي بلد في اوربا
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#35
28-06-2010, 04:08 PM
|
|||
|
|||
|
clinical chemist0
بجد مش عارفه اشكرك ازاى انا خلاص علوم بقت فى دماغى بس قسم ايه الاقسام كتيره وجميله ومحتاجه تفكير كبير هقعد وادرس وافكر مشكور جدا وجزاك الله خيرا
__________________
BE WHAT YOU WANT TO SEE IN THE WORLD
|
|
#36
28-06-2010, 05:00 PM
|
||||
|
||||
|
نفسي في صيدلة لو مكنش يبقي بيطري
ادعولييييييييييييييييييييييييييييييييييييييييييييي يييييييييي وربنا معانا كلنا وتحققوا اللي نفسكم فيه
__________________
مَن رَطّب قَلبِه [ بذِكَر اللہّ ] . .لنْ يَتعْب من جفْآفَ الحياَة . . ألا بِذِكْرِ اللَّهِ تَطْمَئِنُّ الْقُلُوبُ
|
|
#37
28-06-2010, 08:45 PM
|
|||
|
|||
|
اقتباس:
انا علمي متأدب والكليات الي ادامي ان شاء الله زي ما انا متوقع مجموعي سياحه وفنادق وحقوق وتجاره وزراعة وادعولي ربنا يكرمني بحاجه اعلي
|
|
#38
30-06-2010, 04:40 PM
|
||||
|
||||
|
اقتباس:
ع فكره لو عاوز فعلا كده يبقي خدهم من الادبي احسن لاني مثلا لو دخلت سياحه وفنادق وخدتها من علمي هتبقي عاوزه 89 % انما لو هتاخدها من الادبي يبقي 85% يبقي من الادبي احسن وهتضمن نفسك ده رايي الشخصي وربنا معاك
|
|
#39
30-06-2010, 10:03 PM
|
|||
|
|||
|
اقتباس:
انا خلاص خلصت انا خلصت تالته علمي متأدب خلاص وعرفت اني غلطت لما كنت علمي متأدب لكن قدر الله وما شاء فعل انا الكليات الي حاططها دي هيا الي انا متوقع انها تكون ادامي ان شاء الله فانا بسأل بس عن افضلهم من حيث فرص العمل والساحه وفنادق دي انا خايف يكون شغلها ف الخمره وكده او الطبيخ لاني بكره حاجه اسمها مطبخ
|
|
#40
30-06-2010, 10:07 PM
|
||||
|
||||
|
انا برضو
ناويه ادخل تالته ثانوى بس بتمنى احقق حلمى وادخل صيدله
__________________
.gif)
|
|
#41
30-06-2010, 11:07 PM
|
||||
|
||||
|
اقتباس:
|
|
#42
01-07-2010, 01:53 PM
|
|||
|
|||
|
اقتباس:
طيب وعايز اي حد عارف اي حاجه عن الزراعة يا جماعة مكانة المهندس الزراعي دلوقتي ايه وايه مستقبلها من حيث فرص العمل
|
|
#43
02-07-2010, 12:21 AM
|
|||
|
|||
|
ميرسى على الموضوع الجميل ده
انا عن نفسى سايبة الحكم للمجموع وبعديها هفكر فى الممكن انا مابحبش اعلق نفسى بحاجة وممكن معرفشى احققها انا اجتهدت ان انا اجيب اكبر مجموع فى امكانى وربنااللى كاتبه لنا هنشوفة بس عموما ياريت يبقى مجال طبى 
__________________
أيام وليالى وأناأصبرحالى مبقاش بادياياغالى غير قولة آهمكتوبه علينادمعةلياليناعايشين والحزن ماليناوالاسم حياههه حياااااه آه
http://www.thanwya.com/vb/showthread.php?t=227448
|
|
#44
03-07-2010, 03:49 PM
|
|||
|
|||
|
اقتباس:
عايزة تكونى كميائيه وتشتغلي في المصانع وشركات الكيماويات وتفتحى معمل تحاليل كميا طبيه يبقي ادخلي اي قسم كميا عايزة تكونى ميكروبيولوجيه وتشتغلي في مصانع الخاصه بالميكروبيولوجى يبقي ادخلي قسم ميكروبيولوجى عايزة تجمعى بين الاتنين يبقي تدخلي قسم كمياء وميكروبيولوجى ودة افضل بكتير لانه بيجمع بين الاتنين وكمان فيه حجات بتتكامل مع بعضها زى مصانع الادويه بيبقي فيها اقسام للكميا وفيها اقصام للميكروبيولوجى وشركات الميه كذلك وشركات الاغذيه كذلك وكمان في التحاليل الطبيه فيوجد الكميا الطبيه والميكروبيلوجيا الطبيه وممكن تحضري ماجستير ودكتوراه في واحدة فيهم انا عن نفسي خريج القسم دة بتقدير جيدجدا وبعدها اخدت دبلومه الكميا الحيويه الطبيه وبعمل ماجستير في الميكروبيولوجيا الطبيه عايزة تشتغلي في شركات الكمبيوتر كمبرمجه يبقي قسم حاسب عايزة تشتغلي في البترول يبقي ادامك قسم علوم بترول او جيوفزيا او كميا وجيولوجيا
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#45
07-07-2010, 01:28 AM
|
|||
|
|||
|
خبر كان جاي انهاردة في جريدة اليوم السابع ان
كليه العلوم بالقاهرة افتتحت مركز لتطوير قدرات طلاب علوم البترول بجامعة القاهرة بالتعاون مع شركات اروربيه .................................................. ...................... اسيبكو مع الخبر الثلاثاء، 6 يوليو 2010 - 17:36  الدكتور هانى هلال والدكتور حسام كامل يفتتحان المركز كتب محمد البديوى أطلقت جامعة القاهرة برنامجاً يستهدف تنمية قدرات طلاب أقسام جيولوجيا البترول بجميع كليات العلوم المصرية، كما دشنت الجامعة مركزاً بكلية العلوم مزوداً بأحدث الأجهزة والمعدات، وذلك بالتعاون مع شركة بريتش جاز البريطانية والمركز الثقافى البريطانى. حضر افتتاح البرنامج والمركز بكلية العلوم الدكتور حسام كامل رئيس جامعة القاهرة ونواب رئيس الجامعة والدكتور ماجد الشربينى رئيس أكاديمية البحث العلمى ورئيس شركة بريتش جاز البريطانية والدكتور ارشد صوفى وتوم رايلى نائب السفير البريطاني، وعدد من المسئولين بالسفارة البريطانية بالقاهرة والمركز الثقافى البريطانى. كما شهد الوزير ورئيس جامعة القاهرة افتتاح معملين جديدين بكلية العلوم بتمويل من شركة بريتش جاز بحوالى أربعة ملايين جنيه، لمساعدة الباحثين وطلاب الدراسات العليا بأقسام جيولوجيا البترول فى مشروعاتهم البحثية. وقال "هلال"، خلال افتتاح المركز، إن تنمية قدرات الخريجين فى الجامعات المصرية من ضمن أولويات استراتيجية الوزارة فى تطوير التعليم، مشيرا إلى أهمية التعاون مع المجتمع فى نشر مبادرات تنمية قدرات الطلاب والخريجين فى كافة التخصصات وتزويدهم بمهارات العمل. ومن جهته أكد الدكتور حسام كامل رئيس جامعة القاهرة أهمية التوجه نحو توسيع نطاق الشراكة مع المجتمع والمؤسسات العالمية والمحلية فى إطار برامج مشتركة تستهدف تطوير قدرات الخريجين، وأوضح أن برامج توظيف مهارات العمل لدى الخريجين تعد أحد العناصر المهمة فى تطوير التعليم الجامعى. ويستهدف برنامج تطوير مهارات طلاب أقسام الجيولوجيا بكليات العلوم فى الجامعات المصرية تدريب 350 طالب وطالبة فى مرحلته الأولى بين عامــى 2009 / 2011، ويعقبها مراحل أخرى، حيث تقوم شركة برتيش جاز بتمويل البرنامج بالكامل بالتعاون مع المركز الثقافى البريطانى، والذى يتضمن تدريب الطلاب على مهارات اللغة الإنجليزية اللازمة لخريجى أقسام الجيولوجيا بكليات العلوم.
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:24 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
