وزير التعليم: امتحانات الثانوية العامة تبدأ السبت 12 يونيو المقبل.. ولمدة اسبوع

[menna 2010]

والله ده بيستهبل هو ياخد قرارات واحنا ننضر فى الاخر
هو لو مكنا كان اكيد اضايق من الجدول ده ازاى طالب اول مره يدخل امتحانات الثانويه العامه يعنى فى سنه 2 ثانوى وميعرفش اصلا شكلها ايه يمتحن فى اسبوع بس كل يوم ومافيش ولا يوم فاصل ده ازاى
يعنى مثلا طالب الادبى عنده 13 فصل فى التاريخ وكبير جداااا ازاى يتزاكر فى اقل من نص يوم او طالب الاحياء والكمياء ازاى يذاكروا
ده بجد حرااااااااااااااااااااااااااااااااااام وظلم للطلبه
ومع احترامى للاساتذه الى هنا كلهم عاجبهم نظام الامتحان انتوا على ايامكو طب كانت بتاخد من 80% يعنى بمعدل كليه اداب فى ايامنا انتو اه كنتوا بتمتحنو كل يوم بس ماكنش فى حد بيعدى ال 90% والى كان بيجبها يبقى الاول على الجمهوريه بقى
وبعدين بصو للتعليم كان على أيامكو كان كويس ومافيش حاجه اسمها تهريج والمدرس بيشرح بجد جدااا لكن دلوقتى معظم المدرسين يدخلوا يكتبوا كلمتين على الصبوره ويعلموا الواجب الى الطلبه عملينوا وعلى ما يخلص تكون الحصه خلصت ده بزمه تعليم ولا يرضى مين وجاى هو يصلح فى اخر شهر فى السنه ويصدر قرارات كلها ظلم للطالب وهو ولا همه اسمه بيصدر قرارات وخلاص عشان النس تقول داوزير حاسم وجبار وخلاص
بس لو عند ابن او بنت فى الثانويه العامه كان هيفكر 100000 مره قبل اى قرار بياخدو او حتى بس على قرار الجدول

[الساعى الى الحق]

شايف المدرسين بيؤيدوا الوزير فى كل كبيرة و صغيرة عسى أن يقدر لهم ذلك ... و الله أعلم . بلاش السادة المدرسين يقسوا على الطلبة كفاية الزمن و المسئولين عن التعليم قاسيين عليهم . كان زمان فيه حاجة مهمة اسمها مصلحة الطالب , كانت توضع فوق كل الإعتبارات , راحت فين مصلحة الطالب فى الزمن ده ؟
طلبة اليومين دول شعرهم بيشيب قبل الأوان من الثانوية العامة ... دى حقيقة شفتها بعينى كتير : اولاد و بنات فى سن السبعة عشر غزا شعرهم الشيب . ارحموهم و ارحموا من فى الأرض يرحمكم من فى السماء . مش ذنب اللى ما يقدر على مصاريف الـ ig أو الدبلومة الأمريكية و ما قداموش غير الثانوية العامية , ملوش ذنب يتحمل القرارات المفاجئة دى كل يوم و التانى و خصوصا فيما يتعلق بالإمتحانات .
معظم الطلبة قبل أى إمتحان بيوم واحد بيكون عندهم حالة نسيان من التوتر , مهما كانوا باذلين مجهود فى المذاكرة طول العام و عاملين اللى عليهم و زيادة بيبقوا محتاجين لإلقاء نظرة سريعة على كل المنهج حتى يشعروا بالإطمئنان . أنا لمستها بنفسى فى طلبة كتير ملتزمين و متفوقين . ده معناه إن حرمانهم من المراجعة دى يضعهم فى مهب الريح - دى مش مبالغة - يعنى هم و حظهم : إما افتكروا الإجابة فى الإمتحان و إما لا . أى جناية هذه على طالب اجتهد و ذاكر و محتاج بس فرصة إنه يلقى نظرة أخيرة قبل الإمتحان على المعلومات ؟ هل الهدف نعمل امتحان ثانوية عامة ونقلب و يللا و الطلبة الجادين يجى لهم احباط .. مش مهم ؟ و للا الهدف كل طالب ياخد فرصته و ياخد حقه و نحافظ على مصلحته ؟ ليه الإستعجال و تقصير فترة الإمتحانات ؟ لمصلحة مين ؟ مش للطالب ده أكيد .
فى جانب هام لهذا الموضوع لا يخفى على المسئولين عن الشباب : كثرة الإحباط لدى الشباب قد يضعف شعورهم بالإنتماء ... و ده أمر خطير للغاية .
فرجاء لمسئولى التعليم - و معظمهم عندهم أبناء - الرحمة بالطلاب ... ومراعاة ان يعطى الجدول فرصة يومين على الأقل للطالب بعد اليوم الذى يؤدى فيه الإمتحان السابق .
اذكركم بحديث الرسول صلى الله عليه و سلم " كلكم راع و كلكم مسئول عن رعيته ....." الطلبة رعيتك يا سيادة الوزير فساعدهم ... جزاك الله خيرا

[طموحة للأبد]

(( حســــــــبي الله ونعم الوكيل )) بجد حرااام
هنراجع امتى هو ياإما تسيبوا قبل المادة 5 أيام و
ياإما كلوا ورا بعض................: mad:<_<

[أستاذ/شفيق الأخضر]

الله ينور عليك يا د بدر
هو ده الكلام
وللأخوة الطلاب " انتوا زعلانين ليه " هل سيطبق على ناس وناس ولا على الكل " على الكل " يبقى كله في نفس الظروف " وبالتوفيق ان شاء الله

[asma mohamed]

بجد يا جماعه احنا اتظلمنا من ساعه مادخلنا التعليم
هتيجى على دلوقتى يلا
اظلمونا اكتر واكتر
ماعدش فارق على فكره

حسبى الله ونعم الوكيل

[عطاوية]

شكرا على الخبر

[Rocket]

الوزير ده كان ينفع وزير داخلية والله كل ذلك مردود عليه بدعوات المطحونين طوال العام من الطلبة وأولياء أمورهم

ارى ان وزير التربيه و التعليم يشجع الى دخول الجامعات الخاصه فلا اجد مبرر غير ذلك