لأول مرة فى مصر .... إنتخابات حرة ونزيهة ... إنتخب بدون بطاقة إنتخابية

[ibrahimkrna]

يا ريت كل رئيس مصرى ميستناش فى اكثر من 4 أو 5 سنين , حتى لو عانينا منه منبقاش عانينا فترة طويلة , زى فترة مبارك , دا الواحد حاسس انه عايش غريب فى البلد , لو عايز يقضى مصلحة ياخد واسطة معاه أو يضرب ايده فى جيبه , كمان نطلع من أزمة الغاز ندخل فى أزمة الدقيق وبعدها ازمة الميه والله المدرسين لما رنة عربية الانابيب سابوا الفصول ورمحوا علشان يحصل كل واحد انببة , يبقى ازاى كل واحد يقدر يؤدى عمله وهو بيفكر فى احتياجات بيته الضرورية , انا مش حاتكلم عن الغاز اللى بيروح اسرائيل ولا الوحدات السكنية اللى بتتباع للاجانب ولا ارضنا اللى بيقطع منها صاحب مصانع الاسمنت ويودى بلده والا العرب اللى بييجوا مصر علشات يهتكوا الاعراض , يبقى التغيير واجب وتحديد فترة الرئاسة لازم , وربنا يصلح الحال .

[thechampion]

طبعا الدكتور البرادعى الحاصل على جائزة نوبل للسلام
دكتوراة فى القانون الدورى اعلى الاوسمة من اعلى الطبقات من العالم اجمع
المدير السابق للوكالة الدولية
انما ما هى مميزات السيد جمال مبارك غير انه ابن الريس