آخر صيحات الوزارة عن الكادر ودرجاته الوظيفية ادخل وشوف

[توفيق رفعت عجيز]

المشاركة الأصلية كتبت بواسطة مصطفى عامر 2000

هذة القانون عمل حالة من الانتعاشة غير المعهودة فى العملية التعليمية احلى كلام

فين هي تلك الانتعاشة ايلي حضرتك تقصدها

[modym2020]

الحكومة بحاجة الى المعلمين
ولولا انها مجبرة لسد العجز بالمدارس
لم تكن لتفكر فى توفير فرص عمل
والدليل انظوا اى خريجى الكليات النظرية ....................

[توفيق رفعت عجيز]

الخريجين كثير لكن اين هو التعيين

[مشرف نشاط 2]

وزارة غريبة خلطبيطة_(بزرميط)

[اشرف المصرى]

حنفضل نقول ونعيد فى هجوم عالوزارة وسياستها
وبعدين
حيمشوا كلامهم واحنا نضرب راسنا فى الحيط
وهم الاقوى

فى البلاد العربية يتم تقييم المعلمين واختبارهم سنويا وهو نظام متبع منذ سنوات طوال
وليس بدعه
اذا كانت الوزارة جادة فى اللقاءات فيجب علينا كمعلمين ان نكون اكثر جديه مستعدين لها بكل افكارنا لطرحها والنقاش حولها والدفاع عنها ان استلزم الامر

اولا يجب طرح موضوع الانصبة للتغيير
فبعد تطبيق القانون اصبح المعلم الخبير يدرس 16 فى التعليم الاعدادى مثلا
وهو قد بلغ من العمر ما يجاوز ال 50 عاما
والحجة ذى ذلك هى الاستفاده من خبراته الطويله !!
مع ان الواقع ان هذه الخبير قد ترك التدريس لفترات طويله وتوجه للعمل الادارى ثم من اين يجد الجهد لتدريس هذه الحصص الكثيرة فى هذا السن ؟
اقترح ان يكون نصاب المعلم الخبير فى حدود 6 او 9 حصص لا اكثر على ان يستفاد من خبرته فى تدريب زملائة المعلمين الاصغر بان يكون مسئولا عن وحده تدريبية يتابعها ويقدم نتائجها فى ملف انجازة
وان يكون نصاب المعلم الاول أ فى حدود ال 15 حصه
والمعلم الاول فى حدود ال 18
والمعلم فقط فى حدود 22

اعتقد ان هذه القضيه تحتاج مناقشه مع الوزارة فما حدث فى المدارس من تفريغ لشباب المعلمين ونقلهم لمدارس اخرى بعيده او احيانا ادارات اخرى هو تحطيم للشباب ويعمل بعكس القيم المعروفه من ان الشباب هم عماد الامه ونحن نهدر طاقاتهم بالنقل والاغتراب او الندب فى حين يبقى اخوانهم الخرجين فى المقاهى والطرقات بلا عمل !!

[توفيق رفعت عجيز]

سمعت ان الوزارة استوردت خبراء يخططوا للكادر ؟

[ابو ايه255]

البلد عوزه بلد يارجاله مصر محتاجه كل ايد تتمد وهما بيقطعوا كل ايد تتمد

[Soaad-532]

المشاركة الأصلية كتبت بواسطة توفيق رفعت عجيز

سمعت ان الوزارة استوردت خبراء يخططوا للكادر ؟

بسم الله الرحمن الرحيم
( إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَآ أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُمْ مِّن دُونِهِ مِن وَالٍ)

[توفيق رفعت عجيز]

اعتقد انهم لو عاوزين يشتغلوا صح يختبروا الناس قبل التعيين علشان ميحصلشي لخبطه

[عبد الرحمن سعد]

حسبنا الله ونعم الوكيل وربنا على الظالم والمفترى وابن الحرام

[توفيق رفعت عجيز]

المشاركة الأصلية كتبت بواسطة عبد الرحمن سعد

حسبنا الله ونعم الوكيل وربنا على الظالم والمفترى وابن الحرام

ربنا يتقبل منك

[توفيق رفعت عجيز]

المشاركة الأصلية كتبت بواسطة redagoh

استاذ توفيق احنا تعيين واحد والفرق اننى استلمت اول تعينى فى بلاد ماوراء البحار يعنى لا مرتب يكفى ولاحوافز ولاغيره وكانت مصاريفى على أخويا الكبير اللى قالها هعتبرك لسه فى التعليم وكانت ماشيه أكتر من 5سنوات والحمد لله ---ومشكلتى دلوقتى أكبر لأننى فى عام98شهدت شهادة حق ضد وكيل المدرسة الواصل ليس نسبا لكن بطريقة بوس الأيادى وتحول الأمر فجأه ضدى ونلت الجزاء والنقل من المدرسة أدبا على شهادة الحق --لكن شهادة حق لجأت إلى وكيل الوزاره وإلى المحافظ وإلى النقابه فكان رد التلاته يعود الحق لصاحبه وينقل الوكيل خارج الإداره وتم معاقبة من ساندوه فى الإداره كمان- - ودارت الأيام ومرت الأيام ورجع الوكيل إلى المدرسة مديرا لها-- فماذا تفعل لو كنت مكانى؟ والصحه ولا الفلوس المتوفره من مصاريف ثلاثة أولاد تساعدنى للنقل لمدرسة أخرى والسفر من تانى - والغريب أن الناس اللى من النوعيه دى أصحاب الضحكه إياها بيؤثروا جدا فى الموجهين والمتابعين وغيرهم --إنصحنى ياراجل ياطيب وأنا بعد ربع قرن فى التدريس مازلت مدرسا ومن عام 98 وانا أتقدم للترقيه مدرس أول ولاأحصل عليها والورق ماكانش بيسافر أصلا لأن مازال للعصابه بقيه فى الإداره وادى أول طريق للفضفضه -وأنامتأ كد هتلاقى كتير زى ويمكن يكون النص مختلف لكن الأكيد المسرحيه واحده (وأكرر اعتذارى لكل مدير بيخاف ربنا وبيعامل المدرسين زى أخواته أوولاده ودول كتير والحمد لله وأطمنهم إن المدير بتاعنا ليس له مثيل ) شفت انا قد إيه خايف من اللامركزيه و أن القرار يبقى فى إيد مدير المدرسة أوحتى مديرالإدارة ومافضلش مفتوح قدامنا زى غيرنا غير مكتب رئيس الجمهوريه ربنا يخليه لنا 0 وشكرا للجميع

ربنا معاك احنا في بلاد العجائب والغرائب ربنا يحميك

[توفيق رفعت عجيز]

المشاركة الأصلية كتبت بواسطة مستر محمد سلامه

الوزارة بتستطلع اراء المعلمين يعني لسه ما استقروش على نظام الترقيات علينا ان ننتظر و نشوف

قانون ناقص هذا الذي يطبق ويتناقشون فيه مرة اخري

[aml mohamed]

الكل يتحدث فهل من مجيب ؟

[توفيق رفعت عجيز]

المشاركة الأصلية كتبت بواسطة aml mohamed

الكل يتحدث فهل من مجيب ؟

لعل التغيير الذي حدث في الوزارة ياتي بجديد