جواب نهائى (عقد لشغل وظيفة معلم ليس تعيين)

[محمدطعيمة]

لا إله إلا الله

[اشرف بيك]

حسبي الله ونعم الوكيل في كل الظلمة

[اشرف بيك]

ماهو لو كل بيه ولا باشا من الكبار غيرولو منصبه وخلوه تعاقد كان عيط ورفس في التراب

[اشرف بيك]

يعني يخلو بقي مدير بالتعاقد ووكيل وزارة بالتعاقد ووزير تعليم بالتعاقد ورئيس وزرا بالتعاقد ورئيس جمهورية بالتعاقد

[اشرف بيك]

وكمان مرة حسبي الله ونعم الوكيل

[ABOFARES MOSTAFA]

على فكرة لو كان فيه تثبيت كانوا قالوا عليه فى الفيديو كونفرنس لم يتفوه بكلمة التثبيت اطلاقا مش كفاية قاعدين خامس سنة بدون اى اعتراف بينا مع اننا افضل من المتثبتين وبنشتغل بضمير عنهم هى الدنيا بقت ماشية بالمقلوب هو احنا نتعب فى الكلية والاخر يحصلنا كدة بجد شئ مؤسف لازم نطالب بحقنا الواحد مش عارف يكون نفسه ياريتنا سافرنا من بعد الكلية ومكناش نسمع الشعارات اللى بتتردد على طول كل المتعاقدين عايزين يتثبتوا ومش مهم الفلوس اهم حاجة التثبيت أكيد موفقينى فى الرأى

[دبدوب زهران]

ابنائى الاعزاء وليه ما يكونش لنا تحرك من الان ونعتبر كلام بعض المسؤلين عن انه تعاقد وليس تعيين دائم سبب للتحرك
والتحرك اللى انا اقصده الارسال اليومى على ايميل الوزارة ورئاسة مجلس الوزراء بصورة مهذبة تليق بالمعلم تطلب تنفيذ
قانون الكادر والذى ينص بان المعلم لابد وان يكون على الدرجة الثالثة يعنى معين تعيينا تاما بمعنى انه اذا تمكن اى زميل
من الحصول على عقد للعمل بالخارج ليعود ليجد عمله .


السيد الدكتور / وزير التربية والتعليم السلام عليكم ورحمة الله وبركاته
مقدمه لسيادتكم ........................... معلم مساعد مادة ............. بمدرسة ............. ادارة .........
محافظة ............. .
بعد صبر سنين طويلة فى العمل فى التدريس بمرنبات بدات ب 105 جنيه على امل انه سياتى اليوم الذى يتم تحسين
اوضاعنا بالتعيين الدائم لنصبح كبقية الزملاء .
وكنا نستبشر خيرا كلما شاهدنا سيادتكم على شاشات التليفزيون لتقول سنكون الوزارة الوحيدة التى تعين بعد مرور 5 سنوات
على اخر تعيين .
وكم تعبنا ومازلنا ونتكلف مئات الجنيهات لنحصل على ال icdl ومراجعة ومذاكرة لنكون بالمستوى الذى عاهدت الدولة عليه.
وبعد كل ذلك يخرج علينا مسؤلوا الوزارة ليبثوا فينا روح الاحباط بان بعد ذلك سيكون المعلم بعقد جديد بالرغم من سماعنا يوميا بان هناك معلمون ( الفصل الواحد) يتم تثبيتهم بدون اى امتحان ونشكر السيدة الاولى لمصر لرعاية هؤلاء الزملاء.
لذا نهيب بسيادتكم العمل على بث روح الامل فينا بتصريح من سيادتكم .
وتفضلوا سيادتكم بقبول فائق الاحترام


مقدمه لسيادتكم / ....................................



وكل يوم كل يوم اول ما نقعد على النت نرسل هذه الرسالة
ونرسل الى الصحف المصرى اليوم - الدستور - الاسبوع - والبرامج المشهورة العاشرة مساء - 90 دقيقة - 48 ساعة
وماحدش يقول وانا مالى احسن يعملوا لى حاجة لان ماحدش بيدور على المتخاذلين
وانا كاب لاثنين متعاقدين ح ابدا من دى الوقت
وربنا يوفقكم وكل يوم نقول احنا عملنا كام ايميل وارسلنا لمين

[طاهر الشاعر]

كلامك صحيح ياستاذ دبدوب اشمعني مدرسي الفصل الواحد اتثبتوا بدون اي امتحانات, دة غير الناس التانية اللي في الوزارات اللي بيتثبتوا وكمان تاشيرات اعضاء مجلس الشعب اللي بعضها تثبيت من اول مرة

[أ/محمد على عاشور]

تعالوا نعمل حاجة بسرعة منسنتاش لحد ما المصيبة تقع
انا سمعت ان النتيجة 20/11 هيبقي فيها مفاجات كتيير
ملحوظة
1- لم اسمع الوزير او اى مسئول اتكلم عن التثيبت
قالوا تعيين ما انت متعين بعقد معلم مساعد
2- القانون بيقول تعيين مش تثيبت ودى تفرق كتير
3-لابد من الحصول على 85% للنجاح الاساسيين كانت نسيتهم 45%
انا عرفت المعلومات من واحد يعمل فى الوزارة
انا ما بانمش
اللى هيرسب فى الكادر هيمتحن امتى انتوا عارفين العقود تنتهى فى شهر 1 2 3 4 المعظم يعنى
(فى فرق كبير بين تعيين بتاعة القانون وتثبيت)

[دبدوب زهران]

تم ارسال اول رسالة للوزير الساعة 2،30 صباحا

[Mr.Shaaban]

يلا يا جماعة نبعت للناس دي أرجوكم بدون أي تردد

[ابو سليمان]

المشاركة الأصلية كتبت بواسطة محمدطعيمة

مادة(73)
((يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء.
ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة.
ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية .
ويسري حكم الفقرة الأولى على الأخصائيين الاجتماعيين والنفسيين وأخصائيي التكنولوجيا وأخصائي الصحافة والإعلام وأمناء المكتبات المشار إليهم في المادة (70) من هذا القانون الذين يعينون بعقود مؤقتة .))
المادة ((73))تك هي بيت القصيد واتي تخصنا فلينظر الجميع إلي الجزء الذي يقول .
(((ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية .))
قال يعين بقرار من المحافظ المختص
وهذا ما يتم معنا بالفعل حتي الآن وكذلك قانون الكادر الأنف الذكر هذا ينص علي أن وظيفة ((معلم مساعد )) فقط هي من تشغل بالتعاقد أما باقي درجات الكادر من معلم إلي كبير معلمين فهي بالتثبيت الدائم
فليهدأ الجميع مرة ثانية ولا تلتفتوا إلي أية إشاعة فأنتم ناس مؤهلات عليا ولابد من أن تعملوا عقولكم أولا .
ووفق الله الجميع وكل عام وأنتم بخير

انا معاك فى هذا الخبر بس لو طلع الكلام غير كدا لازم نعمل حاجة حرام نسكت عن حقنا دة احنا اتبهدلنا خالص

[دبدوب زهران]

تم الارسال الى الاستاذة منى الشاذلى ( برنامج العاشرة مساءا) الساعة 11،50 صباحا

[amirahdi]

ربنا يتولانا بس لازم نعمل اللى علينا

[دبدوب زهران]

تم الارسال الى برنامج 90 دقيقةالساعة 12،20ظهرا