هانصلي يعني هانصلي... .يللا بينا

[عبدالقادر محمد]

المشاركة الأصلية كتبت بواسطة هنا الفقي

السلام عليكم

بنكمل
بنسمع اغاني كتير واحنا مع اصحابنا وتسأل :سمعت البوم عمرو الجديد وايه رايك في كليب تامر

دلوقتي حد يقولي اه هاتقوللنا بنعمل المعاصي عادي ونتكسف نقول لاصحابنا يللا نقوم نصلي
صح؟؟!!

لا مش صح

لأننا تخطينا مرحلة الكسوف دي من زمان
والحمدلله الى حد ما بطلنا اننا نتريق ع اللي بيقول انا رايح اصلي
بس احنا عاوزين حاجة تانية

عاوزين نصاحب صحبة بتصلي

بس انا شلتي ما بتصليش
يمكن فيها واحد بيصلي الجمعة لما يصحى بدري يوميها

ودول اصحابي وشلتي
وبحبهم واصدقاء الطفولة وعشرة عمر وما اقدرش و ..و....و....................

هانقولك
ماهو عشان اصحابك
وما ينفعش تسيبهم
وبتحبهم
واكيد بتحبلهم الخير
لازم زي مانت بقيت بتصلي
تخليهم زيك

افرض عليهم انهم يحترمو وقت الصلاة ويقدسوه ويقومو يصلو فورا لما يسمعو الاذان

طيب هاتكسف افتح الموضوع ده مع اصحابي
اقولهم ايه

ابدا

ف قعده صفا
وروقان جميلة كده وتسألهم :هو في حد هنا ما بيصليش؟؟
يمكن تكون تعليقاتهم مش ظريفة وفيها تريقة كتير
لكن معلش
في سبيل الله

قولهم السبب ف السؤال

خايف اشوف حد منكم ف النار يوم القيامة
او الاقي نفسي ف النار عشان ما نصحتكوش وانتو اقرب الناس ليا.

طيب
ليه اصحابك؟

لأن دول اللي ممكن يجروك معاهم اما لجنة الفردوس واما لقاع جهنم

باختصار لكلامنا
بدل ما نقول صاحب شلة بتصلي
هانقول خلي شلتك بتصلي
هاتكون اخدت مثل اجر كل واحد فيهم بقى بيصلي بسببك
وهاتكون مصاحب شلة بتصلي
وهاتقربو لربنا _سبحانه وتعالى_ مع بعض اكتر واكتر

السلام عليكم

جزاكى الله خيرا
ربنا يوفقك ويكرمك

[هنا الفقي]

المشاركة الأصلية كتبت بواسطة عبدالقادر محمد

جزاكى الله خيرا
ربنا يوفقك ويكرمك

ويوفقك ويجزيك خير يا عبدالقادر

[mostafahamam]

جزاكى الله خيرا
ربنا يوفقك ويكرمك ويدخلك جنة الفردوس

[هنا الفقي]

المشاركة الأصلية كتبت بواسطة mostafahamam

جزاكى الله خيرا
ربنا يوفقك ويكرمك ويدخلك جنة الفردوس

ويكرمك ويجزيك خير يا مصطفى
اشكرك على الدعوة الجميلة دي
الله يجزيك الجنة

[استاذ على]

بارك الله فيكى وجزاكى خيرا ورزقك الفردوس الاعلى من الجنه

[لن يسبقنى الى الله احد]

جزاك الله كل خير اخت هنا

اسلوب طيب

اسال الله العظيم

ان يجمعنى بك فى الفردوس الاعلى من الجنة

اتابع باذن الله جديدكم ................

[هنا الفقي]

السلام عليكم

مرحبتين

ماكنتش ناوية اكتب حاجة النهرده ... لكن كنت بتكلم مع بنانيت ف موضوع زي ده
ووحده حكتلنا قصة حلوة اوي
حبيت اقولها
واعلق عليها


بسم الله الرحمن الرحيم السلام عليكم ورحمة اللة وبركاتوا بجد كلامك جميل ويارب يارب يجعلة في ميزان حسناتك بصي يا ستي انا كنت مش منتظمة خالص في الصلاة يعني بقطع واصلي وكنت اضحك علي نفسياقول هو انا عندي وقت فاضي مع اني ربة منزل واقول انا كل يوم والتاني في المستشفي علشان بنتي الكبيرة رحمة اللة عليها كانت مريضة بالقلب ومشاكل كتير في القلب والصدر والنمو بتاعها كانت هي تسمع الاذان تجري تجيب سجادة الصلاة وتصلي مع ان عمرها صغير جدا وكانت اغاني لا وافلام فيها رقص واغاني يعني الافلام العربية بتاعتنا كانت تقولي وحشة مع انها كان سنها 4سنوات وكنت اقول طفلها لحد ما توفها الله من 3 شهور وسنها 6سنوات توفيت في حضني وهي مسكة في صدري جامد وكنت انا وهي لوحدينا في الشقة وشفت لحظة موتها بعيني والله العظيم من ساعتها مسبتش فرض واسال الله ان يثبتني علي الدين و الاخلاص في القول و العمل والله والله الدنيا دي ما تساوي اي حاجة من ساعتها وانا بمشي بكلامها-اغاني حرام افلام حرام وعلي قد ما اقدر الصلاة في وقتها لاني عايزاها تبقي فخورة بية يوم ما اقابلها تاني

معلش طولت عليكي


ام ......(اسال الله العظيم ان يرزقني الصبر علي وفاة ابنتي .... )




اوقات بنكون على معصية .. وربنا بيحبنا اوي .. وعاوزنا نقرب منو .. بيحبنا لدرجة انو بيرزقنا واحنا بنعصيه ... وقتها ممكن ياخد مننا اي نعمة عشان يقولنا خلو بالكو ... انا موجود .. ما تنسوش ... عطيتكم نعمة .. واقدر اخدها ....
من فضلكم مش عاوزين نستنى ان النعمة تروح عشان نعرف ان لينا رب
بالشكر تدوم النعم
وهي الصلاه ايه غير محاولة لشكر الله على نعمه
وان كان الشكر نعمة تستحق الشكر