لو سمحت أيها الشاب....أنا مش مزة

[wafa2y]

المشاركة الأصلية كتبت بواسطة igita

كلكم بتتحججوا بلبس البنت والناس اللي حللت اللبس ده وانه مثير ووووووو........الخ

الزمن مختلفش من حين لتاني
وزمان كان في رجالة برده
واكيد كان في بنات

بس الفرق في التفكير

زمان البنت كانت بتلبس الميني جيب
والكت واللي من غير كم خالص (الكب)
وكانت الفساتين فوق الوصف
يعني احنا دلوقتي ارحم بيكوا

وزمان برده كان في رجالة
بس مش عارفة ليه مكانتش بتعاكس
ولا بتقول مزة

وكان اللي بيعاكس ده حتي كان محترم
لما كان بيقول كلمة ولا بتاع
كان بيتكلم ويودي وشه الناحية التانية

أنا هسأل حضرتك كام سؤال:
1-الكلام ده حصل إمتي و فين؟؟؟
2- ولو حصل مين اللي قال لحضرتك إن هما مش كانوا بيتعاكسوا؟
3-و حضرتك شايفة إن ده حل
إن إحنا نبص للأوحش مننا؟؟؟
ولا الواحد بيحاول يغير من الأوحش إلي الأحسن؟؟؟

[igita]

المشاركة الأصلية كتبت بواسطة opti0n

أنا هسأل حضرتك كام سؤال:

1-الكلام ده حصل إمتي و فين؟؟؟
2- ولو حصل مين اللي قال لحضرتك إن هما مش كانوا بيتعاكسوا؟
3-و حضرتك شايفة إن ده حل
إن إحنا نبص للأوحش مننا؟؟؟
ولا الواحد بيحاول يغير من الأوحش إلي الأحسن؟؟؟

الكلام ده حصل في السبعينات والتمانينات
يعني مش بعيد

بابا وماما هما اللي قاللولي

لا مش هو الحل
بس كمان مش الحل ان احنا نقول البنات هي اللي بتلبس
ولبسها مثير
ونشيل المسئولية من علي الشاب



علي فكرة ده مش رايي
ده كان راي دكتور هشام حتاتة
وده دكتور نفسي

وكمان ده راجل

[thequeenlove]

بعدنا عن دينا فا حصل فينا كدة
البت بتغلط وهى الى بتخلى الشاب يقول كدة
والشباب بقوا بيتنافسوا على اكتر ولد يعاكس بنات
وفى بنات هى الى بتعاكس الشباب
يعنى بجد
ربنا يرحمنا من الزمن دة

[اميرة الورد]

كلنا اختلفنا الغلط من البنات من ااشباب ولا من البنات مش مهم الغلط من مين وياما في معاكسات كتيييييييييير ولوكلحد قعد يحكي علي مواقفه يبقي عايزين 100 صفحة المهم ان في الاخر كل اللي يقرأ الموضوع يحاول يستفيد منه البنات تلتزم بالزي الشرعي والشباب يحاولو يبطلو معاكسة والاتنين يفتكرو ربنا ويراعوه في تصرفاتهم

[wafa2y]

المشاركة الأصلية كتبت بواسطة اميرة الورد

البنات تلتزم بالزي الشرعي والشباب يحاولو يبطلو معاكسة والاتنين يفتكرو ربنا ويراعوه في تصرفاتهم

علي فكرة هو ده مجمل الكلام
يعني فعلا العيب من الإتنين
و كل واحد يحاول علي قد ما يقدر
وربنا يهدينا جميعا

ان الولد بردوا ربنا مش حيحاسبنا جماعه
لاء
كل واحد لوحده
فهو مش حيقول لاء اصلها كانت بتعمل و تشوى
بردو عليه ذنب و هى عليها ذنب
مشتركين

هو ده الكلام الصح
"كل نفس بما كسبت رهينة"
و ربنا يهدي شباب المسلمين في
الأيام اللي ما يعلم بيها إلا ربنا
فعلا الفتنة زادت و والله ثم والله لو أهم واحدة إتغلبنا عليها
كله بعدها هيهون
"ماتركت في أمة فتنة أشد علي الرجال من النساء"
و يلا سلللللام

[طـفـلـة الامـس]

هو انا شايفة فعلا ان العيب من الولد والبنت بس البنت اكتر
يعنى مثلا اما واحد يشوف واحدة من اولها لاخرها متغطية استحالة انه هيبصلها
وهيبص لايه فعلا

انا بتكلم عن تجربتى على الاقل
يعنى لحد وانا كنت بلبس بلوزات وجيبات او فساتين وعبايات وطرح كبيرة كان برده بقع فى المشكلة دى انما الحمد لله من ساعة ما لبست النقاب خلاص كل ده انتهى خااااااالص الحمد لله

بس مش عارفة والله هى فعلا دى مقاييس يعنى
انا هحيلكم على موقف حصل معايا الصيف اللى فات ده علطول
كنت ماشية عالبحر بس من على الشاطىء نفسه عالناحية التانية بعد مانعدى السكة( طبعا لو مشيت عالشاطىء نفسه مناظر لاتوصف)
وكنا بالليل يومها بعد المغرب كده
كنت ماشية انا وجارتى هى فى جامعة وكان فيه شارع تقاطع الشارع الرئيسى فاحنا جايين نعدى لقينا عربية جاية فوقفنا لحد ماتعدى
والله بالضبط كده اللى حصل
العربية وقفت ادامنا وكان اللى بيسوقها شاب وجنبه واحد وورا قاعد واحد او اتنين وبيقولنا ايه تخيلوا،،
اتفضلواااااااا
انا لقيت جارتى شدتنى من ايدى ولفينا من ورا العربية وجرت بسرعة
انا مكنتش فاهمة اصلا فهى شرحتلى بقى
مش عارفة بجد يعنى للدرجة دى وصلت الامور لكده
كنت لابسة جيبة وبلوزة وطرحة كبيرة
مش عارفة طب هى المقاييس بتاعتهم ايه مش فاهمة انا
والكلمة اللى كانت تتقالى علطول الساعة كام فى النظارة؟
يللا الحمد لله الذى هدانا لهذا وماكنا لنهتدى لولا ان هدانا الله