التحضير علي الكمبيوتر صح أم خطأ

[احمد متولي عبدالله]

ايه الاخبار مفيش حد بيحضر

[fatenelia]

انا قلت الكلام ده للموجهه
قالت لى
اصل لما بتكبى بايدك بتحفظى المنهج

طيب ما انا برده اللى هكتبه على الكمبيوتر
ولا هو تهعب قلب كل سنة نقعد نكتبه
على رايك بعد مائة سنة
خلينا نعيش فى التخلف

[نبيل عثمان]

هل يوجد تحضيرات جاهزه لكل المناهج

[حسام كمال سيد احمد]

الموضوع يستاهل النقاش
أولأ : التحضير على الكمبيوتر فى الشكل أفضل بكتير.
ثانيا : يمكنك من الأحتفاظ بالتحضير ويمكن التغير والتعديل فية بسهولة.
ثالثا : اما التحضير البور بوينت شيق ويمكنك من وضع صور وأشكال مختلفة تساعد فى عملية الشرح فى غرفة التطوير التكنولوجى.
رابعا : تعطيك التميز والثقة أمام التلاميذ.
خامسا : وهو الأهم أن الموجهين ذو فكر متحجر ومؤهلهم للأسف أقل منا ويشعرون بالنقص فلابد أن يفتو برئيهم الغبى ويقولو هذا خطأ على سبيل الأفتاء فلابد منا الأستمرار على تميزنا وأستخدامنا للكمبيوتر.

[عزت سليمان]

جميع المدرسين تدربوا على دورة (( انتل )) وهى تعليم من أجل المستقبل ــ وهى التحضير والتدريس بالكمبيوتر
هل تدربتم على دورة انتل ؟

[نسمات هادئة]

انا والله ياجماعه في معهد ابتدائي بعمل كمدرسة للغة العربية ولاحظت اني لما بتطرق لاي معلومه خارج نطاق الدرس عن الكمبيوتر بجذب انتباه التلاميذ جدا ففكرت اني اشتري اسطوانات واشرح الدرس علي كمبيوتر وبكده الدرس هيثبت اكتر بس ازاي والمعهد مفيهوش كمبيوتر؟ رحت لشيخ المعهد اعرض عليه الفكره تخيلوا رد عليا بايه؟ ؟؟؟؟؟؟؟؟؟؟؟؟
قالي بقولك ايه الغي الفكره دي متفتحيش عليا ابواب جهنم احنا مش هانجيب كمبيوتر هنا !!!!!!!!!!!! ( ممكن اعرف ايه هيا ابواب جهنم دي؟)
مع انه لو قدم طلب للمنطقه هتبعت له كمبيوتر مباشرة
تخيل بقي ده لو حضرت الدرس علي الكمبيوتر هيعمل ايه؟؟؟؟؟؟؟؟؟؟

[رضاالوادي]

يا سبحان الله انا في معهد ازهري اتمني بس جهاز كمبيوتر في معمل العلوم حتي اتمكن من تحضير الدرس عليه واعرضه للطلبة بطريقة بوربيونت
طريق الألف ميل يبدا بخطوة
واللي عايز التغير بجد يتحمل المواجهة

[اسامه البنا]

علي فكره انا حضرت الترم الاول كمبيوتر وطبعته بعد موافقة الموجه وكان شكله جميل
والرسومات كانت جميله جدا
بس لما جه الموجه الاول معجبوش النظام فحضرت الترم الثاني عادي
انا عندي طبعه واسكنر خصين بي مش منحقي استعين بيهم ليه مش عارف
امال بناخد دورات كمبيوتر ليه

[أستاذ/شفيق الأخضر]

هذه الفكرة مطبقة في المملكة العربية السعودية منذ فترة ليست بالقليلة
وهي فكرة جيدة بس ياريت تلاقي استحسان الموجهين
بالتوفيق ان شاء الله

[مدرس اللغة]

والله أنا شايف التحضير كله ملهوش اى لزمة أهم شىء المادة العلمية اللى هتوصلها للطلاب ومدى استيعابهم لها ومدى تطبيقهم لها فى حياتهم الدنيوية وعلى رأى الدكتور عادل توفيق (العلم فى الراس وليس فى الكراس)والكومبيوتر سلملى على الicdl يامستر

[شريف منير]

كل جديد عندنا لازم له قرار و نشرة لكى يتم الموافقة على تنفيذه .. مش كده و لا ايه ؟ أعداء التكنولوجيا فى كل مكان ..

[safi_hp]

أنا عملت 4 سنوات في السعودية زكنت بحضر بالكمبيوتر
والمفروض يتم عندنا قبل اي بلد عربي بس عندنا التوجيه يقول لازم تحضر بالوضع العادي

[سيد الكومي]

التحضير يكون مطبوع + فلاشة عليها الموضوع

[احمد متولي عبدالله]

المشاركة الأصلية كتبت بواسطة atdr2010

هذه الفكرة مطبقة في المملكة العربية السعودية منذ فترة ليست بالقليلة
وهي فكرة جيدة بس ياريت تلاقي استحسان الموجهين
بالتوفيق ان شاء الله

لازم كلنا نتكاتف من أجل التغيير

[احمد متولي عبدالله]

المشاركة الأصلية كتبت بواسطة حسام كمال سيد احمد

الموضوع يستاهل النقاش
أولأ : التحضير على الكمبيوتر فى الشكل أفضل بكتير.
ثانيا : يمكنك من الأحتفاظ بالتحضير ويمكن التغير والتعديل فية بسهولة.
ثالثا : اما التحضير البور بوينت شيق ويمكنك من وضع صور وأشكال مختلفة تساعد فى عملية الشرح فى غرفة التطوير التكنولوجى.
رابعا : تعطيك التميز والثقة أمام التلاميذ.
خامسا : وهو الأهم أن الموجهين ذو فكر متحجر ومؤهلهم للأسف أقل منا ويشعرون بالنقص فلابد أن يفتو برئيهم الغبى ويقولو هذا خطأ على سبيل الأفتاء فلابد منا الأستمرار على تميزنا وأستخدامنا للكمبيوتر.

الله ينور عليك