هل أنت راضى عن التعليم فى مصر

[سعيد نجم]

الكونجرس: تخصيص ٥٠ مليون دولار لتغيير نظام التعليم في مصر.. والحكومة لا تشرف علي المعونة

للاطلاع على التفاصيل اضغط على الرابط

http://www.almasry-alyoum.com/articl...rticleID=87325

[hana montana]

تعليم هه هو اية التعليم داه حضرتك قول بقايا التعليم اشلاء التعليم تمشى
التعليم سئ جدا جدا جدا كلة بقى مصالح شخصيه كاننا فى حرب الوزير يطلع يقول الامتحانات هتيجى من كتاب المدرسة ومش هتيجى من النماذج ونفاجئ انا الامتحانات جاية من النماذج لو كان مش عارف تبقى مصيبة ولو كان عارف وبيضلل الطلبة تبقى مصيبتين
التعليم بينهااااااار
ونرجو من الله الصبر والسلوان وانا لله وانا الية راجعون

[bakkar101]

السلام عليكم ورحمة الله وبركاته اولاً اشكركم على اتاحة ابداء الرأى ولو انى عارف وانتوا عارفين ان مجرد كتابتنا لآراءنا مافيش اى شئ هيتغير ولكن انا هكتب بس على أمل اننا نتكاتف لصد هذا الخطر الرهيب الذى يواجه التعليم فى مصر فإنه وبدون مبالغة أفشل نظام تعليم فى العالم . اننا ولا فخر الدولة الوحيدة التى تحتقر المعلمين وآـسف على هذه الكلمة ولكنها حقيقة انظروا إلى اى مؤسسة أخرى هتشوفوا انهم واخدين حقوقهم انظروا للظباط او المهندسين او الاطباء هتلاقوا حالهم احسن من حالنا بل والفنيين فى المصرية للاتصالات او الضرائب او الكهرباء او البترول الناس كلها بتنسى اصحاب الفضل وكأننا بقينا عالة على مجتمع قيمه بتنهار بسبب حكومة ظالمة وجهل من الشعب وناس وصلت مناصب كبيرة لا تستحقها بالمرة . وعجبى . عجبى على ورثة الانبياء ألا وهم العلماء اشرف طبقة من الناس اللى كانوا بيحترموهم ملوك وخلفاء الدولة الاسلامية ومش الاسلامية بس ده فى كل عصر هتلاقى احترام للمعلم مهما صغر او كبر ومش زمان بس لأ ودلوقتى هتلاقى الدول الاوروبية كلها بتحترم المعلمين هتلاقى مرتباتهم خيالية اعلى من ناس كتير وكمان هتلاقى فى دول الخليج نفس الكلام هتلاقى ان مدرسين مصر مابيصدقوا يلاقوا إعارة برة مصر وممكن الواحد يدفع كل اللى عملوا فى سنين عشان يطلع دولة من دول الخليج وكمان سمعنا كتير انهم بيعاملوهم معاملة مش كويسة . وده كله دليل على فشل الحكومة المصرية فى سياساتها الداخلية . مرتبات لا تكفى شاب لوحده مش تفتح بيوت زائد ان فى ظلم فى توزيع المدرسين كله وسايط ومحسوبية . وللأسف كمان اننا بنظلم بعض يعنى الموجه المحترم بيوزع المدرسين المبتدئين بمزاجه على حسب واسطته ايه . وفى الاخر عشان الحكومة تتهرب من تنفيذ الكادر يعملولنا امتحانات والكل يسقط فيها عشان مايبقاش لينا حجة ويقولوا احنا امتحنا وانتوا سقطتوا يعنى مش عندكم كفاءة يعنى ماتستحقوش الكادر طبعاً سياسة ذكية . احنا هنا بس بنتفنن فى الحاجات اللى بتإذينا بس وأذكياء جداً فى ده . هقول ايه إلا حسبنا الله ونعم الوكيل زى ما عقدوا الشباب وكرهونا فى أشرف مهنة فيها كرم وتفانى ونشر علم . لنا الله من حكومة ظالمة . لنا الله من نفوس ظالمة لا تعطى الناس حقوقها . وآسف على الاطالة . وأتمنى من كل المدرسين التكاتف لصد قلة القيمة اللى بتحصل دى لازم الكل يرفض الامتحانات . قيمتنا اكبر بكتير من الذل اللى بيعاملونا بيه ده .اذا كانوا مش عايزين يطبقوا الكادر فبلاش قلة قيمة اكتر من كده ويسيبونا فى حالنا ولنا الله فهو القادر على ان يستخلف من بعدهم قوم عادلون يعرفون الله ويتحملون المسئولية التى كلفهم الله بها . وشكراً على اتاحة هذه الفرصة لإبداء الرأى . والسلام عليكم ورحمة الله وبركاته .

[Mr.Mosaad]

السلام عليكم إخوانى الأعزاء
مشكلة التعليم مشكلة افراد تبحث عن مصالح شخصية و منفعه خاصة مش هاقول ان التعليم فاشل زى كتير ما رد و لكن الفكر احيانا جامد و أحيانا مبنى على --------- على سبيل المثال
كل سنة تيجى من الوزارة نشرات بان المنهج فيه تغيير و يطلع التغيير قشور عارفين ليه لان مؤلفين الكتب الخارجيه متحدين و--------- مش هاقول و الحدق يفهم
كمان فيه حاجة ثانيه
عندى ابن كان فى الشهادة الإعدادي العام الماضى متفوق و كنت اتنبأ له بمركز أول على المدرسة على الأقل
للأسف المفاجأه انه لم يكن فى الترتيب أصلا عارفين ايه السبب مادة الرسم ( التربية الفنية ) كيف نحرم تلميذ من الفرحة بسبب موهبة ربانيه مش بايدى ولا بايدك مش بيعرف يرسم عارفين النتيجه ايه معنويات ابنى محطمه
كانت كلماته كده ( انا تعبت مره و بعدين نجحت و السلام يبقى اتعب نفسى ليه ما النجاح بس مقدور عليه )
ماذا اقول له ؟القلب مليان بس مافيش فايدة

[The_Relativistic200]

انا بقى اخترت راضى عن المناهج ومعترض على طرق التدريس
وطبعا شكرا للجميع االى مخلوش الواحد نفسه فى حاجة يقولها
واستاذ احمد نسى يتكلم عن الانجليزى
واقول حسبى الله ونعم الوكيل المنهج بتاع hello الصراحة قيم جدا
ولكن اصحاب اوكار الدروس الخصوصية ربنا ياخدهم واللى انا فى وكر منهم
كل همهم وده معظمهم مش كلهمchoose & rewrite ( والملازم والفلوس على ودنه)
ولا تقرأ ولا تكتب ولاتنطق حتى انا والله قابلت من اللى اتخرجوا يقول على walk&talk وولك و تالك
وآخر لا يعرف يعنى ايه verb to be ولا ايه اللى بييجىمع he\sheولا you\they

اما عن الفرنساوى فحرام الواحد يلم لغة زى دى فى سنتين
اما الكيمياء فحد يقدر يقوللى بعيد عن كلام الكتب ايه لزمة الباب التانى والتالت والرابع والخامس فى الحياة
وبعدين لازم اللى بيحط الامتحان يبعد عن الحاجات التاريخية
مش فى امتحان الاحياء بتاعى اولى ثانوى يقوللى ايه تاريخ زلازل ولا مش عارف ايه

وهاقوللوكو على قصة طريفةاوى
كان الباحثون الالمان عايزين يثنتوا ان التعليم فى مصر يعتمد على الحفظ
فجابوا اوائل سنة من السنين اللى جابوا50 فى الكيمياء وده طبعا بعد ما دخلوا الجامعة
وعملولهم معسكر لمدة شهر يذاكروا الكيمياء فيه
وجم جابولهم نفس الامتحان اللى جابوا فيه 50







ولا واحد عرف يجيبها

ولا تعليق

[Xx.Youri.xX]

من الاخر


مفيش حاجه اسمها تعليم فى مصر


ونتائج التصويت دليل كافى


سلامى

[compozo]

التعليم فاشل واللى يدل على ذلك التعديل الذى حدث فى المناهج تغير سلبى بالمرة وا ينفع لطلبة الثانوية العامة والقصة فى الصف الثالث الثانوى (قصة الايام) قصة طويلة جدا ومعقدة وتحتوى على لغويات كثيرة

[compozo]

Originally posted by compozo@Apr 13 2006, 12:36 PM
التعليم فاشل واللى يدل على ذلك التعديل الذى حدث فى المناهج تغير سلبى بالمرة ولا ينفع لطلبة الثانوية العامة والقصة فى الصف الثالث الثانوى (قصة الايام) قصة طويلة جدا ومعقدة وتحتوى على لغويات كثيرة

[snapback]95892[/snapback]

[elnono_308]

والله التعليم في مصر مش كويس ومش وحش بس المفروض كل حاجه منصبه من الاسره لان مثلا لو الاسره منعت الاولاد من انهم يغيبوا واجبرالطالب المدرس على انه يشتغل الحصه في الفصل ولو يعتمد الطالب الاعتماد الكلي على الدروس الخصوصيه هيبقى التعليم على حسب تفكيري ممتاز في مصر يعني السبب الاسابا المحوريه هي الطالب والمدرس فس فشل العمليه التعليميه في مصر او مش الفشل اللعبكه

[الاماراتية]

خلاص خلاص بدال ما تتخنقوا دوروا على الحل
اكيد في حل لتطوير المنهج في مصر بس المشكله الصراحه في الشعب اولا وفي الحكومه ثانيه الشعب متعصب مب عاطي فرصه للدوله وخلي بالكم انتوا مب 2 او 3 مليون انتوا بتكملون 80 مليون فلازم انتوا تساعدون الدوله والحكومه في تطوير البلاد كلها مب بس التعليم والحمدلله شيوخ دولتنا الامارات عندهم نظره مستقبليه يعني يفكرون للاجيال القادمة وتقدرون اتكون عندكم نظره مستقبلية يعني فكروا في الاجيال القادمة كونوا ايد واحد وانا اسفه اذا اتعديت حدودي بس لي الحق لاني عشت في مصر فوق 12 سنه وحسيت بالفرق في كل شي بين مصر وبين بلدي الامارات وسوري مرة ثانيه

[الأسكندرانية]

سىء للغاية مع الرأفة

لن مفيش اقل من كده فالاستبيان

[rakb_1]

[attachmentid=2158]لا توجد علاقه بين التعليم والواقع والحياه العمليه اتخرج وابدا من جديد

[نعيم أحمد زمزم]

ولنكن أمناء مع أنفسنا . التعليم فى مصر يمر بنفق مظلم ولابد لنا من الخروج به الى بر الأمان ، وهذا لايتأتى الا عن طريق :
1) الاعتناء الكامل بالمعلم والبدء فورا فى تطبيق الكادر الخاص به
ان المعلم والطبيب كليهما لاينصحان اذا هما لم يكرما
2) تجريم الدروس الخصوصية تجريما رادعا
3) تقليل كثافة الفصول
4)تدريب المعلم على طرق التدريس تدريبا حقيقيا وليس تدريبا كما كان يحدث من قبل
أنا أعلم أن هذا صعب التحقيق جدا ولكن بهذا فقط تكون الجودة التعليمية فى مصر
نعيم زمزم

[LA STELLA]

يا جماعة ده تعليم بايظ خاااااااااااااااااااااااااااااااااااااااالص من كل حاجة



ده الدول العربية كلها 22 دولة بس مصر تحتل المركز العشرين فى مستوى التعليم على مستوى الدول العربية



اما الدولة رقم واحد هى الامارات


و الكلام ده مؤكد من الادارة التعليمية و من مدرستنا من مجلس الامناء كمان

[gomaa]

طيب أقرئي رد الأمارتيه فى نفس المشاركه حتعرفى أننا الأحسن بكثير