((( التعليم زمان .... حدوتة قبل النوم )))

[طارق ممدوح ذكي محمد]

كان ياما كان ..يا سعد يا كرام
ولا يحلى الكلام الا بذكر النبي عليه الصلاة والسلام
****
كان فيه طالب اسمه ( مطيع ) وكان فيه معلم اسمه ( مهـــاب )
الطالب مطيع كان بيحب استاذه مهاب .. لانه كان بياخد بالاسباب
ويشرح لطلابه .. اللي في الكتاب.. واللي برة الكتاب
المهم ان الطالب مطيع شعر انه عايز افادة اكتر من استاذه مهاب
قال انا ممكن اخد عنده درس خصوصي .. وده برده اخد بالاسباب
لكن ما قدرش يقوله .. انا عايزك تشرفني في بيتي ..او خد دول تحت الحساب
طب يعمل ايه ...فكر وفكر .. وبعدها قرر يبعت له جواب
وصل الجواب للاستاذ مهاب .. راح على طول جمع الطلاب
وبخهم .. ***هم ..شخط فيهم
( ايه...ايه شخط فيهم...معقولة!!!!!! ا.. مالكم اتخضيتم ليه ؟ ..بقول كان زمااااااااااااااان )

وبخهم .. ***هم ..شخط فيهم .. قال فين الواد اللي اسمه .. هباب؟؟
.................................................. ...............................
بعدها مطيع قرر يعتمد على نفسه ويفتح كتاب من بعده كتاب
جه يوم الامتحان وراح مطيع اللجنة .. من بعد مذاكرة كتير وعذاب
دخل اللجنة وهوه خايف ياترى.. يا سؤال هتيجي من ايه باااااااااااب ؟؟؟؟
( ايه ده .. هو ما كنش معاه الامتحان !!! معقولة !!! .. .. اه ما تتعجبوش بقولكو كان زماااااااااااااااان )
.................................................. ........................................
نجح مطيع وطلع الاول .. على كل الطلاب
وفي عز ما كان فرحان بيغني قال عن اذنكُ يا شباب
جري على طول وبسرعه شديده مسك ايد استاذه مهاب
قبل ايده.. علشان بيفيده .. وياريتنا جميعاً ناخد بالاسباب

حلوة الحدوتة ولا ملتوتة