طرائف إمتحان الجيولوجيا.عملنا كل حاجة تفائلنا وحزنا وتشائمنا معدتش فيه الا نهيس شوية

[blackarmy50]

السلام عليكم

موضوع امتحان الجيولوجيا النهاردة عدي مرحلة التشاؤم والحزن والهم ووصل لمرحلة التهيس حتي لو هنشيل المادة محدش يفكر التهيس هنا معناه اني بضحك لا دة معناه اننا اتهبلنا من كتر التفكير

انا عايز كل واحد يدخل ويقول هو اية اللي شافه في اللجنة من نظرات تضحك يعني تتنيح في الصبورة
او نوم علي ورقة الإمتحان او اي حاجة غريبه شافها


هبدأ انا....

انا بعد اما خلصت الإمتحان ومهموم جدا جدا ومش عارف انا ضحكت ازاي رغم همي واني كنت حزين اوي
لاقيت واحد فاشل(اسغفر الله العظيم)ومعروف انه مش بيذاكر لاقيته خارج من اللجنة فرحان بقوله شكلك ظبط بقي
قالي امال اية احسن حاجة اني عديت وجبت درجة النجاح (هو اساسا اهم حاجة عنده انه يجيب درجة النجاح وخلاص في اي امتحان)
قولتله طب وريني حليت ايه قالي حليت السؤال الأول والتاني (لو افترضنا انهم كلهم صح يبقي كدة جاب 20 وعدي ) قولتله كويس طيب سبت حاجة او مش متأكد من حاجة قالي الرسمة اللي في السؤال الأول محلتهاش
قولت في سري بلاش اقوله انه كدة هيشيل المادة لحسن يحصله حاجة فقمت قايله طب تعالا اراجعلك السؤال التاني
لقيت عنده غلطتين قمت قولت لنفسي لا خلاص لازم اصارحه قولتله انتا كدة شايل المادة قالي هههه ازاي مش النجاح من 15 قولتله ههههه لا النجاح من 20 قام اغمي عليه