دبلومه التربوى . ايه احسن مكان من حيث سهوله الدراسه و الامتحانات و المصروفات

[versailles2006]

التكلفة بتكون كام ؟

[كرامة المعلم]

دمنهور فيها تربوى عام ومهنية وضم وبكم فى المهنية انا عملت المهنية ممكن تعملها عندنا وخلاص دى اقربلك

[versailles2006]

>>>>>>>>>>

[مصطفى العبادى]

عاوز تنجح بتقدير جيد جدا على الاقل تعالى خدها من قنا جامعة جنوب الوادى ومتحضرش اى محاضرات ومتحجزش اى مذكرات بس الكارنيه ب 750 جنيه واقسملك بالله ان شاء الله هتنجح عشان الغش هناك على ودنه

[meslmat]

أحسن تقدم فى جامعة القاهرة معهد الدراسات التربوية دبلوم التعليم الالكترونى (دراسة عن بعد)
تمام والرسوم 1200 فقط



عاوز تنجح بتقدير جيد جدا على الاقل تعالى خدها من قنا جامعة جنوب الوادى ومتحضرش اى محاضرات ومتحجزش اى مذكرات بس الكارنيه ب 750 جنيه واقسملك بالله ان شاء الله هتنجح عشان الغش هناك على ودن



هههههههههههههههههههه
يا غشاش

[marwa elminia]

المشاركة الأصلية كتبت بواسطة versailles2006

القرار 75
اللى مر عليه 3 سنوات اتثبت
بس من غير درجه ماليه
و لا اجازه بدون مرتب
و لا اى زياده عن مرتب العقد

ازاى اتثبت من غير درجه ماليه وازاى برضوه ما اخدتش زياده انا اتثبت على درجه ماليه واخدت زياده 75 %وال125 هاخدها الشهر ده مع العلم انا معلم مساعد واتثبت

[m-farouk]

الدبلومة التربوي لازم بالنسبة للأخصائي الاجتماعي ولا ايه

[tomjerry741]

انا قدمت فى كلية البنات بجامعة طيبة عشان اخد الدبلومة التربوية اللسنة دى ودفعت فلوس الكارنية حوالى 506ج اما بالنسبة لمصاريف الكتب 370ج..... بالنسبة لخريجى الازهر الكارنية ببلاش
انا خريج اداب 2008 لغة عربية .. اشتغلت بالحصة وطفحت الكوتة تلات سنين وفى الاخر اخدت اية ؟؟
مجرد عقد وزارى سخيف ومفيش مرتبات لنهم بيدونا المرتب بالقطارة ومفيش حوافز ولا اى زفت لحد دلوقتى من اول ما مضيت العقد


بالنسبة للدبلومة فى طيبة بالاقصر حوالى 17 مادة
منها 7 سبعة مواد شريعة ودين
المصيبة ان اللى يسقط فى مادة يعيد السنة بال 17 مادة يعنى ما فيش امتحان تخلف ولا دور تانى ولا زفت
ربنا يسترها

[bkarlovestory]

أحسن و أريح حته كلية التربية بأســــــــــوان و مفيش تعب و لا حضور و لا أى حاجة تعالى بسرعة هنا

[sheer2010]

الزقازيق افضل كلية تربية
تقديرات كويسة دكاترة محترمة
مافيش حضور
بس اهم حاجة تشتري الكتب

[salam0ny1]

ايوه احسن مكان هو جامعه القاهره انا ليا زملتى فى المدرسه مدرسه حاسب الى اخذتها فى جامعه القاهره وهى عبارة عن تعليم عن بعد وكل تعاملك مع موقع الكليه لو هتبعت ابحاث او تعرف ايه الجديد بالنسبه للمواد وبسم اللة ماشاء الله جابت تقدير جيد وعلى فكرة ملكش اى نسبه حضور خالص لانها زى ماقولت لحضرتك تعليم عن بعد وربنا يوفقك انشاء الله هو حضرتك من محافظه ايه علشان كيف اتثبت وانت عقد وبقالك قد ايه فى التربيه والتعليم على فكرة انا اخصائى تطوير تكنولوجى

[hannanmattar]

المشاركة الأصلية كتبت بواسطة وليد زكير

ازاى اتثبت وانت مش معاك دبلومة اصلا ولا انت بالعقد

جامعة شبين الكوم احسن لان مصاريف اقل ومفبش حضور غير يوم واحد هو يوم عملى والامتحانات اخر السنه سهلة وبينجحوا كله

[versailles2006]

>>>>>>>>>>

[RED EAGLE]

كفر الشيخ أو طنطا كل اللى أخدها من هناك بيقولوا أسهل
أنا واخدها من المنصورة لانها قريبه منى

[نزيهة على]

أنا واصحابى اخدناها فى شبين الكوم كل الحكاية تحضر التدريب العملى يوم فى الاسبوع وحسب الموجة بتاعك ممكن تحضر مرة فى الشهر وتمضى فى الدفتر بره لانه بيكون مع المدرسة مش الموجه وتحضر الامتحان العملى والنظرى بس والمكتبات اللى قدام الكلية بتبيع الملخصات للمواد ومحدش بيصقت فيها والتقدير من امتياز لجيد جدا وترمين متعتبر ارخص كلية وربنا يوفقك