اللى عاوز يلم المنهج ويطلع الأول فى الكام يوم دول

[سلمة بن الأكوع]

جزاك الله خيرا
وبالتوفيق لنا جميعا ان شاء الله

[بس مش انا]

بالنسبة لموضوع التركيز , فى الأيام دى لازم تعمل الحاجات دى:
1- اقفل جميع الأكونتات بتاعتك على مواقع التواصل فورا من غير تفكير " فيس - تويتر - انستجرام- أسك "
2- حاول تقلل خروجك من البيت بقدر الإمكان ولو ماتروحش دروس اليومين دول أفضل
3- اقفل الموبايل بتاعك وشيل الخط ولو فى حاجة مهمة يبقى يتصل على موبايل ماما أو بابا
هو الشهر ونص دوول وبعد كده هتبقى فى أجازة
لو فى موضوع شاغلك أجل التفكير فيه دلوقتى خالص مش وقته مستقبلك أهم
أكثروا من الإستغفار.... واوعى تيأس مهما حصل

[Youssef Hany1]

والله لو اطول ابوسك كنت عملت كده :v

[secret.sea]

المشاركة الأصلية كتبت بواسطة hossamsilent

يا جماعه انا عندى مشكله كبيرة دلوقتى انا مش فاكر حاجه من الالمانى بتاع 1 و 2 كلمات وجرامر كنت بذاكره اى حاجه وخلاص وبعديه ومكنتش بروح فيه دروس وحاولت اروح درس بس مفهمتش حاجه لان المدرس بيشرح حاجات 3 على اساس ان الطلاب فاهمة وحافظه كلمات 1 و 2 فانا قعدت من الدرس فدلوقتى انا عايز ابدأ فى الالمانى مذاكرة ومش عارف لانى مش حافظ كلمات وحاجات المهمة فى 1 و 2 عشان ابدأ 3 فياريت اللى عنده مذكرات او اى حاجه عشان اعرف ابدأ يبعتهالى انا عارف ان الوقت متاخر بس انا الحمد لله المواد التانية كلها مخلصها مفيش حاجه معقدانى غير الالمانى وشكرا

الالمانى مش محتاج حاجه ... انا كنت مضيع فى الالمانى فى 1 و 2 و مكنتش بذاكره بس فى 3 ثانوى راجعت المناهج هى سهله مفيهاش حاجه .... هات كتاب star للمراجعه هو عامل ملخص و اسئله كتير على كل درس لو حلتها الامتحان مش هيخرج منها ... بس لازم يبقى معاك مدرس عشان يشرحلك بعض الدروس الصعبه

[بس مش انا]

مراجعة الرسالة فى الفيزياء لمستر عيد الرفاعى

http://www.thanwya.com/vb/showthread.php?t=590960

لاتنسوا الدعاء لوالدى رحمه الله

[عبد المقصود مصطفى]

بس قى مدرسين يقولولنا حزارى ان تراجعوا اول مراجعة من ملخصات
هما بيقولوا لازم نراجع من اللى كان معانا طول السنة
هل وجهة نظرهم صحيحة ؟
ولا ممكن اراجع من المذكرات دى ويجيب اسئلة من بين الدروس كدا ؟ ولا ايه ؟

[بس مش انا]

أولا كلام المدرسين صحيح 100%
لكن إحنا قولنا دى مش ملخصات خالص دى المنهج فى صورة س و ج
لازم تعرف السؤال بيجى إزاى فى الإمتحانات وايه هى إجابته النموذجية
لأن حل الإمتحانات هيغطى تقريبا من 10 ل 15 % فقط والباقى أسئلة مكررة
ولو حضرتك لامم المنهج كويس من اللى معاك أول السنة خلاص يبقى مش محتاج للمازم دى
وشكرا ليك

[ماليش غيرك يارب]

جزاك الله خيرا ورحم الله والدك واسكنه جنه الفردوس
ممكن مراجعه للفرنساوى تنصحنى بيها او ملزمه لانى مش فاكره منهج اولى وتانيه وكلمات ثالثه بنساها بسرعه

[بس مش انا]

اتفضلى دى مراجعة ممتازة للفرنساوى

لكن يبدو من كلامك أن حضرتك محبطة نوعا ما شدى حيلك وماتخافيش
الموضوع هيعدى إن شاء الله
ولو احتاجتى حاجة تانى عرفينى وماتقلقيش
http://www.thanwya.com/vb/showthread.php?t=607749

[بس مش انا]

وممكن حضرتك تشرفينا هنا وان شاء الله هنساعدك
http://www.thanwya.com/vb/showthread.php?t=642123

[زعيم الثورة]

اولا شكرا جزيلا على الموضوع ده
وثانيا انا عندى مشكلة انى مش عارف احفظ كلمات الانجليزى خالص وهذا الشىء عملى عقدة من الانجليزى لدرجة انى للان لم اذاكر اى شىء بالانجليزى يا ريت تنصحونى اعمل ايه

[..Ginger..]

الله يرحم والدك ويغفر له ويسكنه فسيح جناته
شكرا جدا جدا جدا
اديتنا دفعة امل
ويا ريت تقولنا كل النصايح اللي تعرفها عشان بجد ساعدتنا جدا

[بس مش انا]

ياجماعة مافيش حاجة اسمها حفظ كلمات فى اللغة الأولى ولا فى اللغة تانية دى كلها أوهام
الإمتحان بيعتمد على الحل الكتير والكلمات الصعبة اللى بتيجى بتتخمن لو مش عارف معناها
ذاكرو الإنجليزى والفرنساوى من المذكرات اللى رفعتها وتوكلوا على الله
وسامحونى بلاش شغل الإبتدائى ده انت مش داخل الإمتحان تسمع كلمات ده امتحان ثانوية عامة

وانتظروا نصائح شهر مايو اللى ان شاء الله هترفع مجموعك ل 99,9% ان شاء الله

لاتنسوا الدعاء لأبى

[amal alamir]

بارك الله فى حضرتك يا دكتور وان شاء الله اكون دكتوره وان شاء الله هعمل اللى حضرتك بتقوله اصلا انا حاسه انى بضيع فى المنهاهج

[amal alamir]

ربنا يرحمه يارب