وقفتنا الأحد 25/7/2010

[احمدمسعود]

اليوم 25/7/2010 يوم مناسب لكل المتعاقدين

[مستر طه أبوسمرة]

يا جماعة خلاص
إن شاء الله استقرينا على

25/7

الميعاد اتحدد خلاص

يا ريت نشوف الخطوات التانية

التجمع والتواصل بين المراكز والمحافظات

نشر الخبر

وبالنسبة للإعلام

ادخلوا على أي موقع للجرائد المنتشرة على الانترنت

وراسلوا الموقع واعلنوا الخبر واكتبوا صفحة الفيس بوك للتأكيد

وكثير من الجرائد هتنشر الخبر

لأنهم بيحبوا الحاجات دي


فلنبدأ من الآن

[مستر طه أبوسمرة]

أنا أحد أصدقائي محرر في جريدة الدستور

إن شاء الله هبلغه الخبر

[احمدمسعود]

على بركة الله يا ابطال وان شاء الله موفقون يوم 25/7/2010 وما ضاع حق ورائة مطالب

[اشرف عبد الحى]

أنا إسمى الحقيقى يوسف نبيل

[أ/سلوى]

يا جماعة انا شايفة ان الافضل يكون يوم سبت عشان يكون اجازة او يكون بعد الساعة 2 ظهرا
لأن التجمع فى وقت العمل حيكون مبرر للتحقيق مع المتعاقدين

[امجد7007]

تم الاتفاق على يوم 25/7 ومفيش اسهل من نشر الدعوه وعلى فكره احنا عملناها قبل كده فى محافظه سوهاج وكان العدد فعلا كبير فما بالك بموضوع زى التثبيت طبعا اولى واهم

[احمدمسعود]

لابد من احضار كل المستندات الخاصة بنا حتى تنشر فضائحهم وسائل الاعلام المختلفة

[احمدمسعود]

الاخ خايف من التحقيق ومش خايف على مستقبلة

[احمدمسعود]

اعقلها وتوكل

[اشرف عبد الحى]

شوفوا اللى ينفع و ياريت نستعين بأى خبراء قانونيين أو محامين و نسألهم عن بعض الأمور
لكن بلاش إتصال بأى أحزاب أو جمعيات لكى لا يقولون أن الموضوع وراه أهداف و خلفيات سياسية
إحنا المعلمين يا جماعة إحنا المفروض (ناس تقيلة) و احنا المفروض ضمير البلد دى.
صدقونى لازم نتأكد من قدسية مهنتنا علشان نعرف ندافع عنها و عن كرامتها.
و كمان مهم إنه يكون عدد المشتركين فى مجموعة الفيس بوك كتير علشان ده أظن يعطى ثقل للقضية.

[khaled_A]

ايو كده يارجاله الفكرة دي كانت في كل الخوطر بس مش عارفة تطلع للنور
انا معاكم و كل اللي اعرفهم
الميعاد 25/7 الاحد مناسب جدا

[elmister]

الرجاء من المشرفين تثبيت هذا الموضوع

[ahmedgomaa47]

احنا معاك يا ريس
انا اشتركت فى الجروب بس يا ريت تظهر عدد المشتركين

[hemalotfy]

طيب ومتعاقدي الازهر ممكن نشاركم ونزود العدد