وزير التعليم: انتهاء مشروع كادر المعلمين بعد العيد. والمرحلة الأولي 100%

[ابوسمرة88]

يا رجالة انا لى زميل يعمل فى جهة ما بيأخذ 3000 جنية بدل مصيف وللاسف معاة دبلوم تجارة انتم بتتكلمو فى اية 100% اية بعد الصبر دة والغلب ال احنا شوفناة وضياع حياتنا كلها فى العملية التعليمية ونقول 100 انا بقالى 30 سنة شغل ما حصلتش 1400 جنية كفاية بقى عليا غلب عاوزين نعيش يومين قبل ما نموت

[أ / محمود هيكل]

المشاركة الأصلية كتبت بواسطة مستر / سعيد كفراوى

و أنا اقول لك أننى
اتمنى من كل معلم مخلص فى البلد دى
أن يكون منصف و أن يكون متفائل
و أعتقد أنه لا مكان للمتشائمين
و اليائسين وسط صفوف المعلمين

وأعتقد أن هذا ليس الوقت المناسب لتخدير المعلمين

فإما المعلم أن يناصر إخوانه في قضيتهم التي ينادون بها أو ينصرف مشكورا من بينهم

وأعتقد أيضا لا يوجد بيننا مكان للمتخاذلين المثبطين

تحياتي

[بن الخطاب]

ياجماعه كله كلاااااااااااااااااااااااااااااااااااااااااااااااا ااااااااااااااااااااااااااااااااام البلد دى مفيش حقوق من غير اضراب .وان شاء الله يكون الحل فى مليونية 10\9

[أبو إسراء A]

لا نهضة دون تعليم ، و لا تعليم دون أن يشعر المعلم أن الدولة تقدره ماديا و أدبيا .

[ayman_0]

اهلا يعنى 100% اللى قالوا عليها هترسى على 50% اهلا وسهلا
انا مش عارف ايه الهبل ده
فى المرتب بتاعنا أساسى وبدل اعتماد وحوافز وكادر وفى الأخر الاقى نفسى يدوب مرتبى يحصل مرتب عامل فى المحليات على الدرجة الرابعة
وقال ايه لينا كادر خاص
واللى يخليك تتنقط ان كل وزير يجى يقول احنا زونا المعلمين 200% والتانى يقولك المدرس اول مرتب ليه 1200 جنيه علشان كده مش مكفى وبيدى درورس خصوصية ( كنت بحس انهم بيتكلموا عن مدرسين فى بلد تانى مش عن مصر )
والوزير الأخير بيقول بعد العيد هنطبق المرحلة الأولى من الكادر بزيادة نسبة 100%
انا عاوز اعرف ليه المعلمين الكادر بتاعهم الوزراء بتكلموا عنه بالنسب المئوية
هوه مينفعش يقولوا المعلم هيقبض كام صافى ولا ده حرام
على العموم ربنا يستر علينا ويغنينا من فضله يارب

[ابوسمرة88]

تقريبا كدة خايفين يقولو هقبض كام علشان الحسد

[ابو محمد ع م]

صرح الدكتور ابراهيم احمد غنيم وزير التربية والتعليم بان مشروع قانون كادر المعلمين الجديد سوف يتم الانتهاء منه بعد العيد مباشرة. مؤكدا ان مشروع القانون يعطي للمعلمين حقوق محترمة حيث تبدا المرحلة الاولي بزيادة في المرتب تصل الي 100% ومع استقرار البلد وبدء العمل والانتاج سوف تزيد هذه النسبة.
الزيادة لاية بالضبط حافز الاثابة و لا بدل المعلم و لا الاعتماد

[Amr mustafa]

ياسيادة الوزير ياريت تلغى الجودة التى لا توجد الا على الورق فقط فهى تعتبر اهدار للمال العام سيحاسبك الله علية وياريت نلغى كلمة كله تمام يافندم ياسيادة الوزير لو عيز تعليم بجد فى مصر عليك ان تعرف موطن الداء حتى نعالجة كما يلى:
1-تقليل عدد التلاميذ داخل الفصل بحيث لايتجاوز 35 تلميذ
2- عودة الانضباط داخل المدرسة من خلال القضاء على ظاهرة الغياب لدى الطلاب والمدرسين خاصة بالمرحلة الثانوية ومعاقبة المقصرين
3-ان يكون احترام المعلم وهيبته فوق كل شىء وان يتفرغ للعملية التعليمية فقط وليس لأعمال الامن والكتب واستلام الملفات وخلافة فالمسمى الوظيفى المعين علية معلم ........
4زيادة مرتبات المعلمين فهم ليسوا اقل من العملين فى القضاء و البترول فهذة الزيادة ستقضى على ظاهرة الدروس الخصوصية التى تستنزف دخل الاسر المصرية
5-تحسين الرعاية الصحية للمعلمين بحيث يتوفر مستشفيات خاصة بهم و بأسرهم مثل العاملين بالشرطة والقوات المسلحة
6- الاهتمام بالمنهج التعليمى بحيث يقيس كافة قدرات المتعلم لا الحفظ فقط ان يتسلم كل طالب cd مع الكتاب الذى يتسلمة
7-الاهتمام بالنشاط الرياضى وعودة دورى المدارس
ياسيادة الوزير ماسبق ذكرة يعتبر ( الجودة التى تنهض بمصر وليست الجودة الورقية)
ياريت حد يوصل هذة الرسالة لوزير التعليم وجزاكم الله خيرا

[العدوى1]

انا عارف دووووول فى النهاية هيصفوا على كام ههههههههههه
زى 200 %

[هشام الضبع]

اليوم يبحث الكثير من المعلمين فى مصر عن من سيحسن اوضاعهم حيث انهم لم يجدو فى الحكومات السابقة سواء نظام مبارك او حكومة عصام شرف او حكومة الجنزورى من يستمع لمطالبهم وذلك فى الوقت الذى كانت فيه هذه الحكومات تستمع لمطالب الاخرين ، وعندما حاولت تنفيذ بعض مطالب المعلمين قامت برفع اجور المعلمين بنسبة ضئيلة للغاية جعلت من المعلم نكتة يسخر منها الجميع. اليوم فى هذه الصفحة اذكر لكم اخر اخبار زيادة اجور المعلمين فى مصر بعد فوز محمد مرسى بالرئاسة ، فقد قال السيد الرئيس محمد مرسى ان التعليم هو اهم اولويات مشروع النهضة و هو الداعم الرئيسى لتقدم البلاد ، و لذلك ينتظر الكثير من المعلمين من الحكومة الجديدة حكومة هشام قنديل ان تقدم شئ يذكر للمعلمين وهو رفع اجورهم لمستوى يضمن لهم حياة كريمة بعيدا عن الاجبار على اعطاء دروس خصوصية.
و عن اخر اخبار زيادة اجور المعلمين فى مصر بعد فوز محمد مرسى فقد اكد اليوم مصدر فى وزراة التربية والتعليم انه تم الاجتماع مع السيد الوزير ابراهيم احمد غنيم وزير و الذى اكد على عدة نقاط مهمة اولها ان كرامة المعلم هى مسئوليته فى الوزارة وايضا مشروع الكادر هو اول اولوياته القادمة و اشار الى ان هناك بعض التعديلات التى تم اضافتها الى المشروع على ان يتم عرضه على مجلس الوزراء بعد العيد ، و هذه التعديلات لم يشير اليها هو بنفسه و لكنها صدرت مع بعض الصحف والتى قالت ان مشروع الكادر الجديد سيجعل راتب المعلمين فى مصر يزيد بنسبة 100% من الراتب الاساسى. و هو الامر الذى لم يعجب بعض قيادات الحركة المستقلة و لذلك دعو للقيام بمظاهرة كبيرة امام مجلس الوزراء يوم 10 سبتمبر القادم و ذلك للمطالبة بتحسين اوضاع المعلمين فى مصر بعد فوز محمد مرسى

[هشام الشوري]

مطلوب ادارة مستقلة عن الوزارة لوضع الامتخانات والمراقبة ووضع المناهج والمقررات واعتماد النتائج والمرتبات والتصدي لكل فساد وتجاوز ومهمة الوزارة فقط هي التعليم ووضع الخطط

[معلم بحراوي]

يا اخوانا الخطأ جاي من اساسي المرتب الضعيف
يعني انا اساسي مرتبي 231 و الاجمالي 740
يعني اضافة 100% = 740+231=971
وسلملي علي الكادر اللي ولع الاسعار
وشكررررررر

[boltmaged]

i don't believe

[Soaad-532]

والله لو قال 500% برده هيحاربوه ويقولوا500% بس
القناعة كنز لايفنى
أشعر أن المتآمرين لن يرضوا بأى حل الا حل وحيد وهو خراب البلد والتدخل الأجنبى
ارحموا مصر

[khaloud]

يا ستاذ مصطفى عامر ايه هى الحلوه ده الله يفتح عليك تعديلت الكادر غير كده خالص واضح انك مش متابع الموضوع اصلا تعديلات الكادر تنص على 1500 جنيه للمعلم المساعد 2000 جنيه للمعلم و2500 جنيه للمعلم الاول و3000 جنيه للمعلم الاول أ و3500 جنيه للمعلم الخبير و4000 جنيه للمعلم الكبير هذا الذى تم اعداده فى الوزراره فى خلال سنه وبهد كده يطلعوا ويقولوا 100 فى الميه اللى انت فرحان بها لا نقبل يبقى شوف مرتب الغفير بقى كام وتعالى اتكلم