لكل من سيدخل طب اسنان اسئلتكم هنا هنرد عليها

[شريف ابوالنصر]

انا سامع ان االاسنان فيها صراصير

[dr.islam's pearl]

تروحو كلية علوم و هتلاقو كل الدفعة موجودة او اللى عايز يسال الناس هناك هتدله و الموضوع بيبقى لطيف اوى
بالنسبة لحفلة التعرف فانا معتقدش انها موجودة اصلا الا يمكن فى الجامعات الخاصة

طب كويس أوي ... شكراااااااااااا

[دكتور ريهام]

طب لازم ناخد حاجة اسمها icdl

[thedentistmod]

شكرا علي الموضوع وكنت عاوزة اسأل هل الدراسة في اسنان مكلفة جدا زي ما يقول الناس وصحيح ان احنا حنضطر نجيب اجهزة غالية في ثالثة ورابعة
و اول اسبوع في الدراسة حيبدؤا انجليزي عالطول
وكان عندي سؤال عن جراحة و جه و فكين القسم دة في اسنان ولا طب وبتبقي بالتقديرات و ايه

الدرساة فعلا مكلفة فى اخر سنتين و ممكن تدخل فى اكتر من 5 الاف جنيه فى السنة الواحدة ( من السنتين اللى ف الاخر )
الدراسة اكيد انجليزى بس الدكاترة بيكونوا فاهمين الطلبة و الى حد ما بيمشوا شوية عربى شوية انجلش لغاية ما تتعودوا بس ده غالبا فى الجامعات الحكومية اما الخاصة فده حوار تانى لان هما انجلش ع طول
جراحة الوجه و الفكين ده قسم فى الكلية عندنا ملوش دعوة ببشرى لكن بيكون فى عمليات بتحتاج مساعدة من دكاترة جراحة عامة زى لو شغال فى سقف الحلق او غيره لانك بتدخل كده على الانف و الحنجرة
يعنى ايه بتبقى بالتقديرات؟؟؟
لو قصدك التعيين فى القسم كمعيد فده طبعا محتاج تقدير + تخد حقك و الواسطة متتدخلش + القسم يكون عايز اصلا معيدين

[thedentistmod]

انا سامع ان االاسنان فيها صراصير

ضفادع بس
بيبقى فى كمان سحالى و اسماك و ارانب بس ده بيكون شرح سريع انما الشغل الكتير ع الضفادع

طب لازم ناخد حاجة اسمها icdl

لا مش لازم بس يستحسن يعنى انا خدتها عن نفسى

[دكتور ريهام]

طب دى لازم ناخدها ف اعداى اسنان

[دكتور ريهام]

طب احنا بعد الاعدادى بنقضى بقيه الاربع سنوات ف طب اسنان ولا كمان هنروح طب

[thedentistmod]

طب دى لازم ناخدها ف اعداى اسنان

لو قصدك icdl
يبقى مش لازم لا فى اعدادى و لا فى غيرها و ممكن تتخد فى اى عمر و مش حاجة مهمة اوى يعنى

طب احنا بعد الاعدادى بنقضى بقيه الاربع سنوات ف طب اسنان ولا كمان هنروح طب

الاربع سنين يبقوا فى كليتنا خلاص بقى بس بنروح يوم او اتنين فى الاسبوع طب بشرى عشان فى مواد بنخدها لها علاقة بالطب البشرى زى التشريح مثلا او الكمياء الحيوية او علم وظائف الاعضاء فسيولوجى و هكذا و بيكون فيها سكاشن فى طب و ساعات المحاضرات بتتشرح عندنا فى الكلية

[ماما ميا ميا]

هل اطباء الاسنان لهم تكليف من وزارة الصحة؟

[thedentistmod]

هل اطباء الاسنان لهم تكليف من وزارة الصحة؟

هو فى تكليف ايوه بس الوزارة احتمال هتلغى التكليف لخريجى الطب البشرى و طب الاسنان و فى كلام ان اخر دفعة هتتكلف هما خريجى 2011 والله اعلم

[dr zidan]

انا شوفتها مرة هتبقي الي 2014

[msh_871992]

يا جماعة ايه الكورسات اللى تخلينا مطلوبين لسوق العمل بعدين وتدينا فرص اكتر؟
هل مثلا icdl او toiefl ولا ايه؟

[thedentistmod]

المشاركة الأصلية كتبت بواسطة msh_871992

يا جماعة ايه الكورسات اللى تخلينا مطلوبين لسوق العمل بعدين وتدينا فرص اكتر؟
هل مثلا icdl او toiefl ولا ايه؟

الحاجات دى مكملات و ملهاش دعوة بسوق عمل طب الاسنان يمكن تكون مهمة فى الصيدلة و اى حاجة فيها بيزنس و تسويق و دعاية و كده انما انت كطبيب اسنان مش مهم ليك اوى الاى سى دى ال احسن حاجة انك تدرس مقررات الكلية كويس وتقرأ اخر الابحاث و تحضر لك مؤتمرات طبية
بس

[ماما ميا ميا]

ايه اقسام الكلية و ايه مميزات و عيوب كل قسم

[thedentistmod]

المشاركة الأصلية كتبت بواسطة ماما ميا ميا

ايه اقسام الكلية و ايه مميزات و عيوب كل قسم

الكلام ده لسه بدرى عليه لكن على اى حال
الاقسام

Oral biology and oral pathology
ده قسم نظرى اكتر منه عملى وبالتالى اللى بيحضر دبلوم او ماجستير ميدخلش هنا

Dental materials
زى اللى قبله

operative dentistry
ده قسم الحشو كويس و شغله منتشر

removable prosthodontics
الاطقم وده قسم تقيل شوية و برضو عن نفسى منصحش لو حد بيعمل ماستر او دبلومة يدخل هنا

fixed prosthodontics
تركيبات ثابتة و ده قسم كويس و مش صعب

oral radiology
دى الاشعة و ده مش مستاهل يتحضر فيه

oral and maxillo facial surgery
جراحة وده قسم كل الناس بتحب تدخل فيه تعمل دبلوم او ماستر

orthodontics
التقويم و من الاخر ده لازم ياما تعمل فيه دكتوراة ياما ما تفكرش فيه بس اللى بيعرف يدخله بيبقى غنى اوى و بيكسب كتير

endodontics
حشو العصب و علاج الجذور و ده قسم جميل جدا و شغله كتير و حلو

pedodontics
طب اسنان الاطفال و هو حاليا مطلوب فى الخليج كتير و بدأ يبقى له طلب كتير بس انا عن نفسى مش مقتنع بيه لكن هو قسم كويس

oral medicine
ده قسم نظرى بيفيد فى التشخيص و كده بس يعنى التحضير فيه مش اوى