زيادة فى المرتب للمتعاقدين

[عمادالنقيب]

يا جماعة المهم التثبيت والزيادة هتيجى بعد التثبيت مش التعاقد 300 و350 ايه فى ناس بتعدى 1000 وأكثر بس لأساسى .المهم التثبيت لازم نعمل حاجة مننتظرش حد يساعدنا لازم حل سرييييييييييييييييييع

[alaa128]

الزيادة اكيده اكيده فى راتب شهر 7 اخت توتاه ولا يهمك مشكورة على الخبر ولكى جزيل الشكر ولا احد من اخوانك هنا قصد انك تكذبى انت تعرفى انهم معلقون بقشه واى خبر بيربكهم الله معكم

[Samar Essam]

حضرات سعادتكم و بدون أر أو حسد إحنا ادارة العامرية الأسكندرية بنقبض 310 و 90 قرش ومش عارف فيه سحتوت و لا لأ لكن أتمني تطمنوني بأي جديد علشان نسأل لأن ادارتنا فلة الفلل كلها.

[MISS.DINA]

ايه ياجماعة انتو متعاقدين وبتقبضو كدة ازاى انا مش بحسد والله بس انا متعاقدة مميز فى كفرالشيخ وبقبض 318.25 ومش انا بس دة كل زمايلى كدة احنا بقى عكسكو احنا كنا السنة اللى فاتت 322 وبعد كدة قبضنا مرة 339 بس دلوقتى رسينا على 318 يلا الحمد لله ربنا يزيد ويبارك

[teacher120]

كل المتعاقدين فى الازهر تم توحيد المرتب ل 310 قديم زى جديد والكلام دا من شهر 7 الماضى

[توتا25]

المشاركة الأصلية كتبت بواسطة alaa128

الزيادة اكيده اكيده فى راتب شهر 7 اخت توتاه ولا يهمك مشكورة على الخبر ولكى جزيل الشكر ولا احد من اخوانك هنا قصد انك تكذبى انت تعرفى انهم معلقون بقشه واى خبر بيربكهم الله معكم

اولا شكراااااااااااااا على مرورك
ثانيا : والله العظيم ان سمعت الخبر من وزميله معايا وقبل كده سمعتخبران مرتب هيزيد منها وطلع صح وزاد علشان كده ان قلت افرحكم واسعدكم والله انا هشعر بالذنب وانا لسه مقبتش شهر 4 لو فى زياده كما قيل لى الحمدلله وان لا هكتب اعتزار وانا اسف واتمنى للجميع ان يسمعوا دائما ما يرضيهم واسفه اسفه

[توتا25]

المشاركة الأصلية كتبت بواسطة طارق الادريسى

ياجماعة الخير تفاوت مرتبات المتعاقدين سببه المحافظات
ثانياً بالنسبة للاجازات المتعاقد له 6 أيام عن السنة التعاقدية كعوارض

ياخ طارق حضرتك من ادارة البلينا ويخيل ليا انها الاداره الوحيده الى مش فاهمه حاجه فى اى حاجه واكيد حضرتك عارف الوضع هناك صح اصلا مكتوب فى العقد7 يبقى ازاى 6 واحنا فى المدرسه قالوا نفس الكلام وكل ده من الاداره

[توتا25]

المشاركة الأصلية كتبت بواسطة pyony

بالنسبة للاجازة احنا في المدرسة كانوا بيحسبوها من اول شهر 9الى شهر8 رحنا شئون العاملين جنا ورقة بالاجازات وقالوا انها بتبدا من شهر يناير و7عرضةو 15اعتيادى و10مرضى باجر و10بدون اجر و3شهور وضع باجر
بالنسبة للمرتب احنابنقض347 وكان فى الاول345وزاد2جنيه من فترة

وهو ده الصح شكرااااااااااااااااااا لك اخى مشكور

[حازم الهنتش]

الاخت توتا احنا فى ادارة طهطا بنقلض 330جنيه فقط رغم اننا نفس المحافظة فهذا امر عجيب

[وليد سرحان]

احنا في جهينة بنقبض 339جنيه
كله علي بعضه

[mamdouh2090]

بسم الله الرحمن الرحيم
أخوكم من سوهاج
أولا أتمنى أن يكون الخبر صحيح ولكن الأهم هو التثبيت

[بابا محمود]

والله انا مش فاهم حاجة وكل حاجة فى البلد دية ماشية بالبركة

[hemalotfy]

اشمعنا احنا الازهر بناخد 310 جندي مش هيزيدوا بقى

[رضاالوادي]

انا مرتبي 353
وفي العقد مفيش رقم للمرتب

[محمد ابوصلاح]

انا مش فاهم حاجة انا تبع إدارة القنايات بمحافظة الشرقية ومرتبنا 325 وأغلب إدارات الشرقية كلها كده وتتراواح من 315 إلي 325 يعني محدش فاهم حاجة بس احنا بيتخصم مننا نقابة وتأمينات هل المعلمين اللي في الإدارات التانية بيتخصم منهم نفس الحاجات ام ماذا وياريت حد يجاوبني