كل اللى دخل الامتحان النهاردة ياريت يشارك هناااااااااااااااااااااا

[عبدالعزيز عايد]

الاسماعيلية النت فصل فيها

[عبده دياب]

كفر الشيخ النت فاصل بعد أول ربع ساعة
ومش عارفين ايه الحل دلوقت
افرجها يارب

[عصام الفنان]

وايه أخبار المنيا ؟

[عيسى عايد]

السلام عليكم ورحمة الله وبركاته
احنا هنا فى المنيا فصل النت وتركنا عمال المكان وانصرفو
ولكن نحن هنا بسبب فشل الوزير فى عمله بعد كل هذا التاجيل اخفق الوزير فى ان يمتحن المعلمين المظلومين بسبب هذا الامتحان وبسبب فشل الاكاديميه التى ما انشئت الا لظلم المعلم

[abdo_esa]

تيت تيت تيت الشبكة غير متاحه
فصلت شبكة النت فى قنا

[هويدااحمد76]

المشاركة الأصلية كتبت بواسطة عصام الفنان

وايه أخبار المنيا ؟

بالنسبة للمنيا القاعات اللى فى التطوير بالمنيا الجديدة النت فصل ولم يدخلوا الامتحان
زبرضه اللى فى ملوى نفس المشكلة

[شريف حسن .]

المشاركة الأصلية كتبت بواسطة هويدااحمد76

بالنسبة للمنيا القاعات اللى فى التطوير بالمنيا الجديدة النت فصل ولم يدخلوا الامتحان
زبرضه اللى فى ملوى نفس المشكلة

i هو حضرتك كان عندك امتحان مس هويدا ولا حد من اصحابك

شكرا لحضرتك

[هويدااحمد76]

المشاركة الأصلية كتبت بواسطة شريف حسن .

i هو حضرتك كان عندك امتحان مس هويدا ولا حد من اصحابك

شكرا لحضرتك

خمسة من صديقاتى حضروا الامتحان كان فيه ناس فى المنيا الجديدة والباقى فى ملوى
تصور دخلوا الامتحان ثلاث مرات
اول مرة حلوا 18 سؤال والنت فصل
تانى مرة حلوا 37 سؤال والنت فصل كالعادة ربنا ما يقطع لوزارتنا عادة
والمرة التالة دخلوا وةحلوا 70 سؤال وبعد كده قال لهم المراقب دوسوا كنترول واف خمسة لقيوا نفسهم بيعيدوا الامتحان من اول وجديد وحلوا 10 أسئلة وبعدين النت فصل
والله العظيم ده عيب قوى احنا فى عصر التكنولوجيا والوزير عاوز يطور التعليم احنا امتحنا فى 2008 فى ورق للكادر وكان كويس لما انتم مش قد التكنولوجيا بتحطوا الامتحان على النت ليه
طيب خلوا الامتحان على مراحل زى الانتخابات علشان يخف التحميل على السرفر أو خلوا كل محافظة فيها سرفر أو حتى الصعيد يكون له سرفر
والله العظيم حرام السيدات اللى من اخر مراكز محافظة المنيا ومن القرى تركوا اولادهم الرضع واخدوا عربية ب 200 جنيه وقالوا ده يوم والسلام ولازم نتحمله بعدين يحصل لهم كل المهازل دى
ارحمونا التطوير لازم له تغيير

[soso205]

يا جماعه ابعتو روابط اسئله الكادر
انا حملت امتحانات كتير من عالنت ومش عارفه اذاكر ايه فيهم

[nabamhamed]

ان شاء الله هتتحل مشكلتكم ويحدد لكم ميعاد اخر
ربنا معاكم ان شاء الله خير

[super1mr]

المشاركة الأصلية كتبت بواسطة sondok2

السلام عليكم ورحمة الله وبركاته

زمايلي اليوم راحو يختبروا الفترة الاولى من 9 الى 11
وطبعا انا منتظرة تيجي 11 علشان اتصل بيهم اسألهم عملوا ايه لاني همتحن برضه لكن الفترة الثالثة
بكلم صاحبتي الساعة 11 الا ربع بتقولي النت فصل بعد اول 10 اسئلة وادينا مستنين الفرج
و الفترة اللي بعدهم جات كمان و اصبحوا الاتنين منتظرين
وشكل الامتحان هيتلغي اليوم

بقى الوزارة عمالة تاجل و تأجل بحجة الانترنت و ادي النت زفت وفصل على المعلمين .
المفروض تحسوا بقى شوية وتلغوا الامتحان اللى مالوش اي لزمة ده وتوفروا علينا وعليكم الوقت و العناء

فعلا ده اللي حصل و حسبنا الله و نعم الوكيل
ذل الجلوس علي الرصيف

[خرفوشة]

مشكوووووووووووووووووووووووور

[nabamhamed]

والانجليزى اخبارة اية كان منين

[شعبان على شعبان]

اليوم لم ندخل امتحان الكادر فى محافطة الفيوم الذ ى من المفترض انعقاده اليوم 1/4 بسب مشاكل فى سرفر الوزارة كما قيل لنا

[kmmmmmm]

انا امتحنت اليوم بكلية الاداب جامعة سوهاج ولكن للاسف طبعا قاعة الكلية كانت غير مهيئة للامتحان علشان كده تم نقلنا جميعا الى كلية الطب للامتحان وعند السؤال ال30 فصلت الشبكة نهائيا وخرجنا من الحجره نصف ساعة ودخلنا مرة اخرى وكذلك ماحدث ان الشبكة فصلت فكتبونا على محضر بالحدث ومشينا الساعة 2 ظهراده كلة والامتحان معادة الساعة 9 صباحا والموضوع ده فاشل وقالوا اتصلنا بالوزارة وقالوا تعالوا مرة اخرى يوم11/4 لاكمال الامتحان وكان يوم سيء للغاية