اى شىء عن الهندسة اتفضل هنا

[heshamoz]

انا اقصد اشراف الجامعتين دول اتلغى و الجامعة مش هتقول كده عشان كل سنة فى وفد من الجامعتين بيجى يشوف المناهج و المتحانات و يقرر و انت حظك لتكون دفعتك معتمدة او لا

[karimadel7]

المشاركة الأصلية كتبت بواسطة heshamoz

انا اقصد اشراف الجامعتين دول اتلغى و الجامعة مش هتقول كده عشان كل سنة فى وفد من الجامعتين بيجى يشوف المناهج و المتحانات و يقرر و انت حظك لتكون دفعتك معتمدة او لا

تمام كده ده اللي انا كنت بسأل عنه
و هحاول اعرف معلومات اكتر عن الموضوع ده
شكرااا علي ردودك

[omar321]

ايه رأيك يا باشا في الجامعة البريطانية؟؟؟ بذات عشان فيها بترول و جامعات قليلة اللي فيها

[titi1]

المشاركة الأصلية كتبت بواسطة omar321

ايه رأيك يا باشا في الجامعة البريطانية؟؟؟ بذات عشان فيها بترول و جامعات قليلة اللي فيها

بص انا ما اقدر اتكلم عن الجامعة البريطانية فى المستوى الدراسى لانى ما اعرف لاكن بالنسبة لقسم البترول عموما من راى الخاص فقط ما عاد لة اهمية كبير فى الزمن هذا لسبب لان زمان كان مهندس البترول يشتغل اول ما يتخرج لان كتير لا يعملون زائد ان الوطن العربى دائما ياتى بالمهندسين الاجانب والشركات البترول الاجانب لانهم اكثرة كفاءة ... وفى الاول والاخر دة راى الشخصى فقط ممكن يكون خطاء

لاكن بالنسبة للتعليم فى الجامعة على ما اسمع من بعض الزملاء لى ان مستوى الدراسة فية كويس وراقى

[Sievn]

اه رايك في جامعة 6 اكتوبر بالنسبة للهندسة
هل استفيد منها؟

[titi1]

المشاركة الأصلية كتبت بواسطة sievn

اه رايك في جامعة 6 اكتوبر بالنسبة للهندسة
هل استفيد منها؟

جامعة 6 اكتور الهندسية فيها ليها وضعها ومكانتها ولا غبار عليها ولاكن يوجد الاحسن منها وهى الامريكية ثم الالمانية لاكن كتعليم فى 6 اكتور كويسة

[عبدالعزيز رضا]

هوا لو الواحد مجموعه مجبش معهد هندسه معتمد من الوزاره


ممكن يخش المعهد الي مش معتمد وياخد اول سنه وبعد كده يحول






يااااااريت حد يفيدني

[titi1]

المشاركة الأصلية كتبت بواسطة عبدالعزيز رضا

هوا لو الواحد مجموعه مجبش معهد هندسه معتمد من الوزاره


ممكن يخش المعهد الي مش معتمد وياخد اول سنه وبعد كده يحول






يااااااريت حد يفيدني

بص اولا لا انصح بانك تدخل معهد غير معتمد لاى سبب لان صعب تحول منة ولما تروح معهد معتمد ممكن ابسط شىء يقولك احنا مش معرفين بالمعهد الى انت جيت منة ومش هنقدر نقبل اوراقك او هنقل لاكن هترجع اعدادى تانى يعنى اول سنة خالص

وكمان الهندسة الخاصة فى الكليات اعرف انها بتاخد من 70% ودة كلام موثوق لاكن لازم تقدم بسرعة لان كل ما تتاخر النسبة بترتفع ولو انت عاوز تقدم فى معهد علشان المصاريف انت ممكن تقدم فى كلية خاصة تشوف ارخص كلية وتقعد فيها وتقعد ترم او سنة وبعدها تحول لاى معهد معتمد انت عاوزة تمام كدة؟

[AHMEDGAMEEL]

والحد الادني لهندسة روسية كام وما هي اقوي اختبارات القبول يارب يكون الحد الادني خيرشكرا

[titi1]

المشاركة الأصلية كتبت بواسطة ahmedgameel

والحد الادني لهندسة روسية كام وما هي اقوي اختبارات القبول يارب يكون الحد الادني خيرشكرا

عادى الحد الادنى 70% حسب المجلس الاعلى للجامعات لاكن دة فى بداية اوائل التقديم بمعنى انك تقدم بدرى اوى مش تتاخر لان كل يوم بتتاخر عنة النسبة بتترفع عن 70% والكلام دة كان قدامى وانا بقدم

بالنسبة للاختبارات ما فيش انت بتروح بالشهادة الثانوية ونصف المصاريف حوالى 9 الاف جنيهة وبس وان شاء الله تتقبل

[جمعه البروف]

عايز اعرف تنسيق الكليات الخاصة كلها ويريت تكون الاجابة فى اسرع وقت وشكرااا جزيلا لسيادتكم

[titi1]

المشاركة الأصلية كتبت بواسطة جمعه البروف

عايز اعرف تنسيق الكليات الخاصة كلها ويريت تكون الاجابة فى اسرع وقت وشكرااا جزيلا لسيادتكم

بس التنسيق دة لانا لا اقدر افيدك فية دة من المجلس الاعلى للجامعات الخاصة ... وما اعتقد انة لسة نزل

لاكن انت ان شاء الله لو طلعت النتيجة بتاعتك قريب وجايب اعلى من 70% فى الثانوية اول ما تاخد الشاهدة الاصلية من المدرسة رووووح الجامعة الخاصة الى انت عاوزها وقدم بسرعة ما تستنى التنسيق للجامعات الخاصة ينزل وبعدها تقدم انا عملت كدة وعرفت انى كنت اقدر اقدم من قبل ما ينزل

[محمدانجينير]

انا دخلت علي موقع النقابة وملقتش غير الكليات الحكومية هندسة تخطيط عمراني فنون جميلة عمارة ياريت توضيح خصوصا في حكاية النقابة لان الكلام كتير انهم عايزين يخلوها حكومي بس ويلغوا الخاص والمعاهد انا خايف جدا ملحقش حكومي انا في تالتة وجايب في تانية 92

[titi1]

المشاركة الأصلية كتبت بواسطة محمدانجينير

انا دخلت علي موقع النقابة وملقتش غير الكليات الحكومية هندسة تخطيط عمراني فنون جميلة عمارة ياريت توضيح خصوصا في حكاية النقابة لان الكلام كتير انهم عايزين يخلوها حكومي بس ويلغوا الخاص والمعاهد انا خايف جدا ملحقش حكومي انا في تالتة وجايب في تانية 92

انت مدورتش كويس لو دورت هتلاقى فية لنك للكيات والمعاهد الخاصة ادخل علية هتلاقى كلة معتمد ومنها الجامعة المصرية الروسية .... بالنسبة لجكاية انهم يلغوا الخاص دة استحالة وكلة بعد اذن ربنا طبعا لاكن الى اقصدة باستحالة انت عارف فية كام جامعة ومعهد خاصة فى مصر . كل دول بيدفعوا ملايين للدولة ضرايب وبيشغلوا دكاترة ومعيدين يعنى بيوفروا على الدولة عبء مادى وبيدولها فلوس وكمان بيوفروا ضغط طلاب لان لو الطلبة الى فى الخاص دول مش كانوا لاقيين خاص كانوا هيبقفوا فى حكومى وهيبقى فية ضغط شديد على الحكومى فعلشان كدة صعب اوى شىء اسمة يلغوا الخاص دول نفسهم يلغوا الحكومى ياراجل

اتمنى اكون طمنتك

ملحوظة مهمة ليك انت جايب 92% فى تانية ثانوى انت لو جبت زيهم فى تالتة ثانوى هيبقى المجموع الكلة 92% ومستوى رفيع عليهم 2.5 % يبقى انت جبت 94.5 % يعنى هتدخل هندسة حكومى ان شاء الله دة لو انت ما شديت حيلك وجبت اعلى من 92%

فاذا انت قدامك حكومى الاول وانا طمنتك فى فى الكليات الخاصة

لو فية شىء تانى قولى

[محمدانجينير]

سؤال معلش هل هندسة الشروق تابعة للنقابة