كل ما يخص اعدادى صيدلة عين شمس

[dr\wesam]

شكرا جدا ياسارة واناسالت عن قاموس للصيدلة لقيت قاموس متخصص للصيدلة فقط و المورد الطبي لكله اشتري ايه

[dr\wesam]

شكرا يا شرين علي التوصية الجامدة ديه وان كنت عاوزة اكتب الملف الشخصي بتاعى بس مش عارفة

[* dr.sara*]

المشاركة الأصلية كتبت بواسطة dr\wesam

شكرا جدا ياسارة واناسالت عن قاموس للصيدلة لقيت قاموس متخصص للصيدلة فقط و المورد الطبي لكله اشتري ايه

القاموس الطبى ده افضل لانه انتوا هتاخدوا مواد زى الفسيولوجى والهستولوجى زى مواد طب يعنى
وبردو هتلاقى فيه المصطلحات الصيدلانية فهيبقى شامل لكله
بس اعتقد ان سعره غالى ممكن تنزلي احسن من النت قاموس طبى
انا عن نفسى ما اشتريتش قاموس السنة اللى فاتت كان عندى قاموس على الكومبيوتر بشوف فيه

[العمييد]

فى جريدة المصرى اليوم بتاريخ 23/ 7 /2009

فى موضوع مهم جدا ً عن الصيادلة و البطالة اللى مستنياهم

و اللى كاتب الموضوع نقيب الصيادلة
حذرت النقابة العامة للصيادلة، الطلاب، من الالتحاق بكليات الصيدلة فى العام الدراسى المقبل، مؤكدة أن مصيرهم سوف يكون الانضمام إلى طابور البطالة.
وأوضحت النقابة أن سوق العمل «تشبعت» بممارسى المهنة، فى حين تجاوز عدد الصيدليات فى مصر ٤٠ ألف صيدلية، مؤكدة أن هذا العدد يفوق المعدلات العالمية.

[* dr.sara*]

وفى بعد كده ناس بتكتب المحاضرات ورا الدكاتره و تنزّل الورق بتاعها فى المكتبة عشان يبيعوه للطلبة فى مكتبة لازقة فى الكلية و مكتبات أخرى برّه بس بعيدة شوية لكنها بتبيع أرخص بس حوار المكتبات ده بيتضح بعد شهر من بداية الدراسة مش من أول اسبوع

ايوة بظبط مكتبة اوسكار فيها ورق المحاضرات اللى بينزلوا طلبة معانا فى الدفعة زى ما دكتور
aquavia قال اعدادى سهلة والله مش زى ما انتى متخيلة خالص
هى يمكن تحسى بس بصعوبة فى الاول عشان الانجلش وكده لكن صدقينى فى خلال اسبوعين هتلاقى نفسك بقيتى تمام واتعودتى على النظام
ربنا يوفقك يا قمر

[* dr.sara*]

بنسبة يا جماعة للادوات عشان البنات اللى سالونى عليها
انتوا دلوقتى مطلوب منكوا تجيبوا البالطو مش اكتر والدكاترة هيقولوكوا الادوات لكن اللىعايز يعرفها من دلوقتى
بالنسبة للبوتانى
slides
covers
yellow towel
plastic dropper
small beaker (250 ml)
spatula
watch glass

بالنسبة للinorganic
20 test tubes
rack
holder
pipette
filter paper
funnel
eye goggles
دى اغلب الادوات او كلها تقريبا
وهتشتروها ان شاء الله من مول الزعفران من الحكمة فى اول دور
او من المحلات اللى عند طب عند مسجد النور
بس الافضل متستعجلوش وتجبوهم من دلوقتى لانهم بيتكسروا بسرعة فالافضل تستنوا لحد الدراسة ان شاء الله
ربنا يوفقنا جميعا

[* dr.sara*]

بالنسبة للبالطو حاولوا تجيبوا تقيل عشان يستحمل ومش كل شوية تجيبوا واحد بعض النظر عن سعره لان ممكن يكون ارخص شوية بس تقيييييييييل ويعيش معاك هى اسعار البلاطى ببتراوح ما بين 35 ل50
بس انصحكوا تجيبوا البالطو من المحلات اللىجنب طب عشان الاسعار بتكون افضل

[* dr.sara*]

بالتوفيق لينا جميعا وكل سنة وانتوا طيبيبن رمضان خلاص على الابواب
كل عام وانتم الى الله اقرب

[Bent 3bdo]

المشاركة الأصلية كتبت بواسطة * dr.sara*

بنسبة يا جماعة للادوات عشان البنات اللى سالونى عليها
انتوا دلوقتى مطلوب منكوا تجيبوا البالطو مش اكتر والدكاترة هيقولوكوا الادوات لكن اللىعايز يعرفها من دلوقتى
بالنسبة للبوتانى
slides
covers
yellow towel
plastic dropper
small beaker (250 ml)
spatula
watch glass

بالنسبة للinorganic
20 test tubes
rack
holder
pipette
filter paper
funnel
eye goggles
دى اغلب الادوات او كلها تقريبا
وهتشتروها ان شاء الله من مول الزعفران من الحكمة فى اول دور
او من المحلات اللى عند طب عند مسجد النور
بس الافضل متستعجلوش وتجبوهم من دلوقتى لانهم بيتكسروا بسرعة فالافضل تستنوا لحد الدراسة ان شاء الله
ربنا يوفقنا جميعا

شكرا يا دكتور
وربنا يجعله كله ف ميزان حسناتك

المشاركة الأصلية كتبت بواسطة * dr.sara*

بالنسبة للبالطو حاولوا تجيبوا تقيل عشان يستحمل ومش كل شوية تجيبوا واحد بعض النظر عن سعره لان ممكن يكون ارخص شوية بس تقيييييييييل ويعيش معاك هى اسعار البلاطى ببتراوح ما بين 35 ل50
بس انصحكوا تجيبوا البالطو من المحلات اللىجنب طب عشان الاسعار بتكون افضل

وحالوا كمان متنسهوش ف المعمل علشان هترجعوه مش هتلاقوه
وهتضطروا تجيبوا واحد تانى

المشاركة الأصلية كتبت بواسطة * dr.sara*

بالتوفيق لينا جميعا وكل سنة وانتوا طيبيبن رمضان خلاص على الابواب
كل عام وانتم الى الله اقرب

وانتى طيبه يا جميل

[* dr.sara*]

وحالوا كمان متنسهوش ف المعمل علشان هترجعوه مش هتلاقوه
وهتضطروا تجيبوا واحد تانى

اها متفكرينيش بقى

[dr/riham]

جزاك الله كل خير على المعلومات دى بجد انا قرات التوبيكات الخاصة باعدادى صيدله بس مستفدش منهم بقدر مستفدت منك يا اجمل دكتورة فى الدنيا انا عايزة اعرف يادكتوره هى صيدلة طنطا زى صيدلة عين شمس اعتقد انها مبتختلفش عنها

[* dr.sara*]

المشاركة الأصلية كتبت بواسطة dr/riham

جزاك الله كل خير على المعلومات دى بجد انا قرات التوبيكات الخاصة باعدادى صيدله بس مستفدش منهم بقدر مستفدت منك يا اجمل دكتورة فى الدنيا انا عايزة اعرف يادكتوره هى صيدلة طنطا زى صيدلة عين شمس اعتقد انها مبتختلفش عنها

جزانا واياكى يا دكتورة ريهام
ربنا يخليكى يا رب
اها هوا تقريبا صيدلة طنطا اقل من عين شمس 5 مواد تقريبا (فيزيا وكيميا ونبات وحيوات وانجلش)
عشان الكيميا مش متجزئة عندكوا زينا احنا متقسمة ل 3 مواد عضوية وغير عضوية وفيزيائية ومعندكوش ماث ولا احصا يعنى بيتهيالى اسهل كتير من عين شمس
بس كل حاجة محتاجة مذاكرة طبعااااااا ربنا يوفقك يا جميل وتجيب امتياز ان شاء الله

[* dr.sara*]

هكمل يا جماعة النصائح اللى بدات جزء منها
* نصيحة مهمة لتوفير الوقت :
1-يا جماعة انتوا بيبقى عندكوا سكاشن طبعا و وطبعا هتجيبوا كتاب العملى من القسم لان بيبقى عليه درجات
يا ريت يا جماعة بعد ما تخلصوا شغل العملى حلوا فى الكتاب بحيث توفر لنفسك وقت لما ترجع البيت تقرا فيه السكاشن او المحاضرات لكن لو قعدت ترغى وطنشت الكتاب هترجع ادامك لسه تحله وعقبال ما تحله هتلاقى مش ادامك وقت تذاكر
فحل الكتاب اول باول وروح للدكتور عشان يصححهالك فى نفس السكشن بدل ما تتراكم عليك لان الدكتور بيديك grade عليها
ودرجة العملى بتكون 40 درجة منهم 10 على الكتاب والحضور
و30 على امتحان practical
2- تانى حاجة
بتوفرلك الوقت جامدو عليها ثواب عظيييييييييم هى الصلاة فى وقتها
يعنى انت فاضى بين محاضرتين او سكشنين روح صلى متاخرش الصلوات لما ترجع وتصليهم
* حاول تبقى ليك صحبة صالحة يعنى البنت تكون لها صحبة من البنات والولد كذلك صحبة من الشباب ويا ريت نتجنب الاختلاط خاااااااالص
الصحبة هتعينك على المذاكرة هتحمسوا بعض خاصة لو كلكوا ما شاء الله شاطرين هتبقى حافز كبير جدااااااا للمذاكرة والتفوق
* بالنسبة للمذاكرة فيه ناس كتييييييير بتسال اذاكر منين؟؟؟؟؟؟؟من الكتاب ولا المحاضرة ولا المذكرات اللى فى اوسكار؟؟؟؟؟
هقولكوا مثلا بالنسبة لمواد الترم الاول:
الفيزيكس :تتذاكر من المحاضرة فقط الكتاب ملوش اى لازمة فيها لانه مليان حشو كبيييييير والدكاترة مش بيسالوا غير فى اللى قالوه فى المحاضرات + امتحانات السنين اللى فاتت ودى بتنزل على اخر الترم
الان اورجانيك: زى ما قولت من المحاضرة اهم حاجة وبردو نبص على الحاجات اللى بيقولها الدكاترة فى الكتاب ونذاكرها لكن لو حاجة مقالهاش الدكتور يبقى متذاكرهاش هتبقى مضيعة للوقت على الفاضى
يبقى اذن المحاضرات+ الكتاب الحاجات اللى بيقولها الدكتور نخطط عليها
ولو فى محاضرة ملحقتش تكتبها ورا الدكتور جيب ورقها من اوسكار
البوتانى :بالنسبةللترم الاول الكتاب + المحاضرات اللى بينزلها الدكاترة على السايت
الماث: الكتاب اهم حاجة + المسائل اللى بيقولها الدكتور بس اغلبها او كلها بتبقى من الكتاب
زولوجى بالنسبة لجزء الفسيولوجى بتاع دكتور محمد مصطفى ده يتذاكر من الكتاب
لكن الهستولوجى من الكتاب بردو بس فيه حاجات كتييييييير الدكتور لاغيها فاحضر المحاضرات عشان تعرف ايه اللى عليك وبالنسبة للهستولوجى كان فيه ورق محاضرات فى اوسكار حلو اوووى هيساعدكوا بس بردو لازم الكتاب
ترمينولوجى الكتاب + محاضرات الدكاترة اللى بتنزل على السايت لو نزلوا
orientation: المحاضرة + الدكتور هينزلكوا ملخص واسئلة مهمة جدااااااا
انجلش الكتاب ملوش مصدر غير كده
نظام الامتحانات :
مادة زى الفيزيكس امتحانها بيبقى essay مقالى كله +proplems
الان اورجانيك mcq- true& false-proplems- give reason-
وبيجبلك الperiodic table وبيسالك عليه
البوتانى mcq &true and false &matching&
وبيجبلك رسومات وبيسالك عليها
وممكن يجيب short notes او give reason
الزولوجى mcq- true&false
short notes
drawing
الماث كله مسائل طبعا خاصة بالتفاضل والتكامل
الانجلش كلها mcq
او بيجبلك جملة فيها واحدة من الاختيارات غلط وتقول ايه هى + 4 قطع comrehension
الترمينولوجى بتعمل تعريف للمصطلح الطبى اللى بيجبهولك
او بيجبلك matching بتوصل المصطلح بمعناه وهكذا
انا حبيت اقولكوا نظام الامتحانات عشان هوا ده اللى على اساسه هتذاكروه ان شاء الله ولما الواحد بيكون عارف نظام الامتحان بيكون مطمن اكتر
ربنا معاكوا ان شاء الله ونسمع عنكوا كل خير

[Bent 3bdo]

ايه النصايح الجامده دى يا دكتورة
ربنا يجازيكى عنها كل خير
يارب
ويجعلها ف ميزان حسناتك
ويديكى ع قد نيتك
....
حلو اوى نظام الامتحانات
صح وغلط ووصل


......

أحد اهم احلام حياتى
أعرف ياعنى ايه
mcq
قريتها كتير أوى
ف
منتديات للصيادله
وطبعا ولا فاهمه اى حاجه

[aquavia]

mcq
multiple choice questions
أسئلة متعددة الاختيار

بمعنى آخر: تخير الإجابة الصحيحة مما بين القوسين