تجمع مهندسين البرمجيات الجدد ..

[ahmednafady]

hi ana da5alet hasabat cairo we bsara7a fy el awl kont metdai2 3ashan da3at handasa bs lma 3rft el kolia we kda el7l estria7t el7l

[peter.nageh]

سعيد جدا بالمنتدى وبكل اللى بيشاركو فيه.. ياريت تقبلونى وسطكم يا بشمهندسين

[romio2010445566]

انا أحمد دخلت حاسبات المنصورة

[الاسطورة]

أهلأ بيكم يا باشمهندسين معانا

[eng.ahmed55]

انا احمد دخلت حاسبات الزقازيق ومحول المنصورة

[Eng. Alios]

سلام عليكم
انا حاسبات حلوان و الحمد لله

بس انا عايز استفسار لاشياء مهمة

اولاً : في اشاعات بتقول ان جامعة حلوان دي مش معترف بيها في الخارج ... فهل الكلام دا صحيح ؟
ثانياً : في قسم في جامعة حلوان خاص اسمه هندسة البرمجيات ... طبعاً هو بفلوس , المشكلة مش في الفلوس , المشكلة في الدرجة العلمية , هى الجامعة بتقول انه قسم مميز و من افضل الاقسام و ماشي على النظام الاوروبي و في جامعات اوروبية بتدعم النظام ده و القسم ده مش موجود غير في جامعة حلوان و بس ..... الكلام ده جميل زائد انهم قالوا ان انا باخد بكالوريوس حاسبات قسم هندسة برمجيات ... لكن في ناس بتقول انك بتاخد بكالوريوس علوم حاسب مش هندسة برمجيات , و على حسب علمي ان في فرق ما بين هندسة برمجيات و علوم حاسب , لان علوم حاسب بيبقى مبرمج , و هندسة برمجيات بيبقى مهندس البرمجة ككل ... اما في علوم الحاسب فبيبقى مبرمج في مجال الكمبيوتر فقط ....
الكلام ده فعلاً صحيح ؟ هل ح اخد بكالوريوس علوم حاسب ؟
علشان بس مادفعش على الفاضي


و رمضان كريم

[m_fci]

أحب أرد على الأخ الي بيقول أن علوم الحاسب معناه أنك مبرمج فهذا الكلام غير صحيح بالمرة لأن خريج كلية الحاسبات والمعلمومات قسم علوم حاسب من أهم الأقسام ولا غنى عنه فهو يعتبر مهندس برمجيات لأنه يدرس كورسات هندسة البرمجيات ولأن فيه فرق بينه وبين القسم التاني بإن الي بيغلب على علوم حاسب دراسة المترجمات وأنظمة التشغيل والأسيمبلي والكمبيوتر أركتيكشر وغيره من العلوم الأساسية التي تساعده في أن يعمل في أنظمة كتير مختلفة لكن والله أعلم في القسم الجديد وهو هندسة البرمجيات أشياء أكثر عمقا في هندسة البرمجيات وأكثر عددا من الكورسات الخاصة بهندسة البرمجيات لأن كلا المجالين يتكونون من مجموعة علوم هائلة جدا وليس علم واحد ولا حد لهذه العلوم وعلى فكرة من الناحية العلمية والنظرية كلا القسمين قريبين جدا من بعض ولا يوجد من هو أفضل من الأخر وعايز أعرفك بس الفرق بين العلمين ببساطة وليس لنا علاقة الان باللقب لأن أي حد خريج كلية الحاسبات والعلمومات يعتبر مهندس رغما عن أنف أي أحد وأقول ذلك ليس عصبية ولكن إذا رجعنا لأصول تعريف كلمة مهندس لرأينا أقرب الناس في مصر لهذا اللقب هم خريجين كلية الحاسبات والعلمومات والعاملين في هذا المجال لأسباب كثيرة لا يتسع الوقت الأن للإجابة عليها ولكن أتحدث في هذا الموضوع في وقت لاحق والموضوع ده مش معناه ان انا بدافع عن الكلية لان الكلية مش محتاجة حد يدافع عنها ولكن انا أتحدث من الناحية العلمية وأيضا من الناجية العملية حيث أنا أعمل في المجال ده منذ سنوات كبيرة وأنا خريج كلية الحاسبات والمعلومات قسم الأي تي ولكن دعني أذكر لك الفرق سريعا تمام فأنا أنقل كلام أحد الكتاب المشهورين الذين يكتبون في السوفت وير إنجينيرينج فهو يقول الأتي:
Essentially, computer science is concerned with the theories and methods that underlie computers and software systems, whereas software engineering is concerned with the practical problems of producing software. Some knowledge of computer science is (essential for software engineers in the same way that some knowledge of physics IS essential for electrical engineers.
Ideally, all of software engineering should be underpinned by theories of computer science, but in reality this IS not the case. Software engineers must often use ad hoc approaches to developing the software. Elegant theories of computer science cannot always be applied to real, complex problems that require a software solution.
وهذا الكلام من الناحية النظرية ومن المكن خريح أحد الأقسام يعمل في أي منهما هذا في مصر وخارج مصر وعلى فكرة من معرفتي بقسم علوم الحاسب رغم انني كنت بقسم تكنولوجيا المعلومات أرى أن كورسات علوم الحاسب قاوية جدا جدا ولا غنى عنها حتى تكون مهندس برمجيات محترم والمهم أننا نقرا ونتعلم ونفيد بلادنا ومجتمعنا وهذه العلوم كلها من الاهمية بمكان وقد أكون قد نسيت بعض كورسات علوم الحاسب المهمه ولكن أنا في الأخر إنسان وأسأل كذالك عن كورسات الأقسام الأخرى والفرق ما بينها وأهم شي لازم تتنك طول عمرك عايز تتعلم وتنسى أنك خريج قسم أيه أو أنت لقبك أهم حد سيبك من كلام أي حد وارميه ورا دهرك وأبتدي تتعلم بجدية وإن شاء الله ربنا هيوفقك وإن شاء الله استبشر خير فأنا من واقع العمل أقولك أنت أفضل واحد في مصر من ناحية فرض العمل والمرتبات أيضا والمستوى الإجتماعي وذلك كله إذا تعبت وأديت الي عليك وكنت طموح وفوق كل ده علقتك بربنا كويسة وأخلاقك جميلة والسلام.

[محمد سليمان 2010]

انا جالي حاسبات الزقازيق و عايز اعرف الدراسة بالعربي ولا بالانجليزى

[بنت شبابيك]

انا قدمت فى الزقازيق بعد ما اترفض تحويلى

[بنت شبابيك]

لو حد يعرف المواد اللى بيشتلوها المحولين من الزقازيق للمنصورة ......لان فى ناس قالو ا بيشتالوا 9 مواد و حاسة انهم بيأفوروا

[soso2025]

اهلا بيكوا يا بشمهندسين
والله كان نفسي ابقى معاكوا
حاسبات دى كانت كليه احلامى من زمان
وانا دخلت رياضه 2 مخصوص علشان ادخل حاسبات
بس لما جه المجموع كبير وبسبب اللى حوليا دخلت هندسه
حكم القوى
بس الحمد لله على كل حال
محدش عارف الخير فييين
ربنا معاكوا ويوفقوا

[الاسطورة]

المشاركة الأصلية كتبت بواسطة بنت شبابيك

لو حد يعرف المواد اللى بيشتلوها المحولين من الزقازيق للمنصورة ......لان فى ناس قالو ا بيشتالوا 9 مواد و حاسة انهم بيأفوروا

حضرتك أصلآ لسا فى فرصة التحويل الورقى مش عن طريق النت
انا كنت زيك واترفض تحويلى وحولت بالملف الورقى
ياريت تسألى ف الموضوع ده

بالنسبة لموضوع الزقازيق ها اسأل وارد عليكى

[raghdamohammad]

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

[الاسطورة]

المشاركة الأصلية كتبت بواسطة raghdamohammad

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

انت داخل حامى قوى كده ليه
عايز تشترك ف روبوكون مرة واحدة كده
طيب بس ادخل الكلية انت وظبط نفسك وبعدين ابقى دور على الحاجات دى

[AL_Gawad]

المشاركة الأصلية كتبت بواسطة raghdamohammad

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

هو ايه ال ieee ده ؟؟؟؟