زيادة المرتبات فى شهر سبتمبر

[ابوكريم2]

المشاركة الأصلية كتبت بواسطة mr refaat

لا أتعجب من الأستهانة بالمعلم اجتماعيا و ماديا و ذلك للأسباب التالية:
- المعلم دائما يترك حقوقه و يرضي بالقليل من أجل( وهم) اسمه الدروس الخصوصية كما لو كان يتاجر في الممنوعات
-ليس هناك اتحاد بين المعلمين فمنهم يترك حقه من أجل الدروس الخصوصية معتقدا بأن الزيادة في المرتب أجر حصة درس خصوصي و هناك معلمين في الصعيد ليس لديهم رأي و الخوف يسيطر عليهم لدرجة أنهم اذا لم يحصلوا علي المرتب لمدة عام يخافوا أن يطالبوا بمرتباتهم و يقدموا شكوي : هؤلاء هم المعلمين في مصر فليس هناك اتحاد بينهم ليرفعوا من مكانتهم اجتماعيا و ماديا
- أخيرا أخي المعلم زيادة المرتب رزق لأولادك ليس لك الحق أن تتخلي عنه لأنه حق أولادك و أيضا هذا المرتب حق لك لأنك مواطن في هذا الوطن و كل ما فيه من خير لك و لأسرتك حق فيه و يكفي أنك تعمل و تطلب زيادة في المرتب بما يكفي لأسرتك من العيش حياة كريمة رغم أن هناك من لا يعمل و أخذ المليارات و يعاملونا نحن المعلمين كلصوص و حتى أنهم أهانوننا بامتحان الكادر من أجل زيادة ضئيلة في المرتب رغم أن كل العاملين في الدولة حصلوا علي زيادة في المرتب الأن 200 0/0دون امتحانات و أغرب شيء يتكلموا عن مرتبات وهمية للمعلمين
- و نصيحتى للمعلمين الذين يعطون دروس خصوصية لا تنظروا الي الزيادة في المرتب كأجر حصة و متنازلين عنها فأنتم لا تملكون القدر فأنتم الأن تمشون و تتكلمون و لكن لا تعلموا ماذا في الغيب من أقدار ( أتمنى لكم دائما الصحة و العافية )فطالبوا بحقوقكم أولا و ما يأتيكم من دخل أخر ربنا يبارك لكم فيه
- أتمنى أن يقف المعلمين جميعا يد واحدة لاسترداد حقوقهم

اتكلم عن نفسك ولا تتكلم عن معلمى الصعيد فهم ارجل منك ومين اللى قاللك انهم بيخافوا وايه لغة الحوار والتفاهة اللى انت بتتكلم بيها الصعيد كله رجااااااااااااااله ولا يخافون الا من الله عز وجل وبعدين مش معلمى اسيوط دول صعايده وفى قنا والمنيا وسوهاج احتجاجات ياراجل ده فى سوهاج ضربوا نار على المعلمين اثناء احتجاجاتهم وتقولى معلمى الصعيد بيخافوا .......................يا حسرة على التعليم واللى بيتعلمووووووووووووووووووووووووه

[zumam]

المشاركة الأصلية كتبت بواسطة الاستاذ مروان

كفايه كده استهانه واستخفاف بعقولنااضررررررررررررررررررررررررراب ياجماعة ولا تراجع لحد مترجع للمعلم المصرى كرامته

عندك حق وكمان المفروض اننا مندورش على المرتب احنا عاوزين تعيين

[إسماعيل قناوى]

الناس دى لا مؤاخذة بتستعبطنا ولا أيه عملوا كده ونيمونا أثناء الثورة وبعد كده أثناء الثانوية العامة وأخيرا فى شهر سبتمبر ممكن سؤال هو الراجل الفذ وزير المالية هيزود المرتبات من جيب سعادته ولا من ميزانية الدولة ومن ثم يجب الانتظار لعمل الميزانية الجديدة لشهر 7/2012

[خير زاد]

حسبى الله ونعم الوكيل

[الأمير محمد السيد حمودة]

ثورة
ثورة
ثورة
ثورة
ثورة
ثورة
ثورة
ثورة حتى النصر .................. ثورة فى كل مدارس مصر

[محمد كسروى]

[b]أنا مع الذين ينادون ب[الإضراب حتى نأخذ حقوفنا المسلوبة فهل من المعقول أن يأخذ أحد تلاميذتى ثلاث أضعاف مرتبى وأحياناً أربع أضعاف لأن تعين فى الكهرباء أو الضرائب أوالبترول أو فى بنك أنا والله أخجل عندما يسألنى أى شخص عن مرتبى أنا دفعة 1994 وأتقاضى976 جنيه ممكن يخلصوا والله فى يوم دون تبذير خاصة أننى أسكن فى القاهرة الجديدة/b]

[بنت الاثير]

لا *** ولا قوة الا بالله

[محمد يوسف مرسي]

الخبر ده مش حقيقي إلا إذا ذكرت مصدر كلام وزير المالية

[احمد حماد 53]

قبل امتحانت الثانوية العامة قالولنا انى المعلم له هاياخد حافز اثابة 200% لحد ماانتهت الامتحانات ورجعوا فى كلامهم تانى
دلوقتى علشان الدراسة هاتبدا بيقولوا زيادة مرتبات المعلم

[ayman3body]

تذكروا وقفة السبت 10 / 9
وقفة الكرامة لكل من عنده كرامة

[samysayeed]

أشمعنا شهر سبتمبر تسويف عشان المدارس تبدأ بدون مشاكل

[أبو عمر وإلياس]

كله كلاااام مع ايقاف التنفيذ !!!

[fatata]

شبعنا وعود وهميه من سيادة الوزير اللي شبعنا منه هو كمان

[تامر على السيد]

نسى يقول سبتمبر سنة كام

[سندس وشهد]

تصدقوا نفسي تكون في عزيمة قوية فعلا واتحاد على موضوع الاضراب بمنتهى الأمانة وبدون فقدان للسيطرة يعني كلنا نضرب فعلا ف أول يوم ف الدراسة عن دخول الفصول ونجلس في فناء المدرسة بالاجماع ايد واحدة بدون أي تجاوزات نهائيا فقط عدم دخول الفصول ورفع لافتات بالمطالب بدون أي اسفاف أو خروج ينتقص من مكانة مربي الأجيال أرجوكم دا شيء مهم جدا