¨°o.o (أولى طب عين شمس..........أدخل برجلك اليمين)o.o°¨

[د/ ماجدولين]

يللا يا شباب
أحنا معانا فى التوبيك اتنين دكاترة أكبر مننا فى الكلية
ومستعدين لأسئلتكوا
يللا........استغلوا الفرصة
وكمان راعوا أنكوا مش تتقلوا عليهم
أنا أن شاء الله عندى بعض الأسئلة
بس هبقى أكتبها بعدين
عشان دلوقتى.........كالعادة........
مش مجمعة
عاوزة أكتبهم كدة مرة واحدة:D
فى رعاية الله
اة صحيح يا جماعة
كدة يبقى فاضل الهستولوجى والبيو
ربنا يسهل......وأكمل واحدة فيهم فى خلال يومين
فى رعاية الله

[د/ ماجدولين]

متشكرة أوى ليك يا دكتور
وكل سنة وحضرتك طيب
وانا بقول لحضرتك
اطمن
أنا كنت فى الكلية انهاردة عشان شوية اوراق كدة
ومفييييييش خاااااااالص اى حاجة لسنة أولى
بتوع خامسة بس هم اللى بيمتحنوا ربنا معاهم
الدراسة خلاص بعد العيد ان شاء الله حسب الجدول
وكمان جدول رمضان خلص يوم 25 والجدول التانى هيبدأ 11/10 ان شاء الله
فى رعاية الله

[د/ ماجدولين]

السلام عليكم
عذرا يعنى اذا كنت اتأخرت ع حد أو مقصرة هنا ع البوابة
المهم عدنا من جديد واحتمال نقطع قريب
ادعولنا يا جماعة

أشوف موضوع كتاب القسم الجديد دة

طلع موش جديد

مهري هستو واناتومي

هستو واناتومى بس؟؟؟؟؟؟؟؟؟؟؟!!!!!!!!
امال فين البيو الفسيولوجى يا دكتور.........شكلهم مدلعينكوا مش احنا
ع العموم ربنا يوفق الجميع

هى كلية الطب شغلتكم قوى كدة

لأ......عاملين نفسنا بنذاكر
بنعيش فى الدور يعنى

[mariam-92]

اخيرااااااا لقيت حد طب عين شمس
اناجبت 99 والحمد لله قبلت طب عين شمس بس قابلت واحدة من طب القاهرة قالتلي عين شمس صعبة ومعقدة و القاهرة احسن
هو فعلا المذاكرة معقدةو و احول القاهرة؟؟؟؟؟
طب لو جربت اول سنة عين شمس ومعجبتنيش اقدر احول لقاهرة؟؟؟؟؟

[د/ ماجدولين]

المشاركة الأصلية كتبت بواسطة nada00

صور جميلة يا جماعة بما انكم طلبة كلية الطب عايزة اخد رايكم انا فى سنة تانية وجبت 96.8 يعنى تقريبا 97 فى المائة ايه رايكوا اكمل علمى علوم والحقكم ان شاء الله السنة الجاية فى كلية الطب ولا ابعد احسن ملحقش على فكرة انا مستوايا اعلى من كدة واكتر مادة نقصتنى اشطر مادة فيها الامتحان اصلا كان صعب وانا كمان مكنتش نايمة اصلا وكنت بحل الامتحان وكان مخى ملغى وكنت بعيط فى اللجنة ومعرفش من ايه بس الحمد لله قضاء وقدر او حسد زى ما المستر بتاعى قال انا مش عارفة بجد اعمل ايه ياريت حد يقول لى رايه بجد من غير مجاملة اكمل و لا ابعد مستنية الرد

بصى يا قلبى
دة كلام من واحدة مكن تعتبريها زى أختك
دلوقتى أنتى بتقولى أنك عاوزة طب............أوكى
ومجموعك فى تانية مش اللى هو................تمام
أسمعى منى بقى
أدخلى تالتة بعقلية جديدة تمااااااااااااااااما
كأنها أول سنة ليكى ثانوية...........ودايما تمسكى بالأمل
أقولك ع تجربة شخصي
أنا فى تانية كنت 98.8% وكنت كمان مظلومة فى درجة
وكان فى واحد قريبى 98% وواحدة زميلتى 97.5%
أية اللى حصل بقى فى تالتة
أنا مجموعى فى السنتين97.8 وقريبى 99.5%
وزميلتى 98.5%
أنا مش هقولك أنى أتظلمت فى حوالى نص فى المية
أة اتظلمت..........بس بأمانة أنا أرتحت زيادة عن الزوم فى تالتة
عشان مجموعى العالى فى تانية
يمكن يا سكر اللى حصلك دة هو الخير
خلى اللى حصل دة حاجة تدفعك للأمام.........مش العكس
وأنا قولتلك
فكرى فى اللى حصل بطريقة أيجابية
فكرى أن دى آخر فرصة ليكى.......ولابد تعوضى
صدقينى أحنا لما بيبقى الوقت ضيق قدامنا
أو محتاجين حاجة ضروووووووورى ومتمسكين بيها
جسمنا بيطلع منة طاقة لايمكن نتخيلها خاااااااالص
فكرى فى اللى حصل بطريقة أيجابية وليس العكس
واتعلمى من أخطائك فى تانية عشان مش تتكرر فى تالتة
أنا والله فى تالتة يوم أمتحان الفيزياء نمت ساعتين بس
وكنت مستخسرة أضيع الوقت فى النوم
والنتيجة أنى لحد دلوقتى كل ما بفتكر غلطاتى فى المادة دى
بضحك على هبلى وبعيط كمان ..........أخطاء لايمكن يغلطها
مبتدئ فى الفيزياء........بس الحمد لله
عشان كدة بجد لازم مش تعملى كدة فى تالتة خااااااااالص
وبالنسبة لسؤالك

وخصوصا من نظام المستوى الرفيع الجديد بتاع الاحياء حسة انه مش من السهل اجيب فيه عشرة

بصى النظام دة هيطبق ع مصر كلها
واللى هيصيبك هيصيبهم
وفى كلا الحالتين النتيجة واحدة

الفيزياء حد بيجيب فيها 50 ولاحياء

ولية مش يجى فيهم الخمسين؟؟؟؟؟؟؟؟
والله أن الله لايضيع أجر من أحسن عملا
أنا لو قولتلك أنى بعد الفيزياء اتعدلت فى المذاكرة
واتكيت ع الأحصاء جاااااااااااااامد و نمت وقتى الكافى
والحمد لله جبت فى المادة 49
وفى الأحياء قبل الأمتحان كدة بكام يوم
كنت بردوا لسة بقكر فى الفيزياء ومش قادرة أنسى
ولو قولتك ع اللى حصل ليلة الأمتحان والله مش هتصدقى
أنى جبت 49.5 فى المادة دى
بس دة ربنا عارف أنى تعبت فى امادة ومش ضيعنى
الخلاصة أنا بقولك الكلام دة
عشان أنا حاسة أنك تايهة.....ومش قادرة تحددى
وبحاول أوضحلك الأمور بحاجة واقعية
أقرئى كلامى كويس وحاولى تفهمى اللى عاوزة أقولة بين السطور
وفى النهاية أنتى أقعدى مع نفسك وحددى
وطبعا أهم حاجة
الأستخارة
ومعلش أذا كنت طولت
خالص وأرق تمنياتى لكى بالتوفيق

[Dr|shereen]

شكرا ليكى اوى يا دكتورة ماجدولين على ردك بس هى ماما نبتقول لى الدرجات مش وحشة يعنى انا جبت 50 فى الكيمياء والرياضة كمان 50 وفى العربى 28 صدقينى مظلومة المفروض كانت تبقى 29 لان كان عندى غلطة واحدة معنى ولانجليش 22.5 والايطالى 48 ومظلومة ى ده كمان المفروض كنت اجيب 49 بس ان فعلا رديت بالامر الواقع حتى لو كن فى ظلم بس هعمل ايه طبعا انا كان حلمى اجيب مجموع اكبر من كده وادخل طب لكن لو خلاص الحلم بقى شبه مستحيل بس انا اكيد مش هخاطر بنفسى وادور على حاجة تانية زي علمى رياضة بيتهيالى الهندسة اضمن هو دة اللى بسال حضرتك عليه ممكن انى اكمل علمى علوم والحق ولا فى الاخر مش هلحق واندم نا بجد فى اشد حيرة لانه مستقبلى يعنى حياتى كلها فمينفعش اخد خطوة فية وارجع اندم عليها عمرى كله وكمان اكيد انا استخرت ربنا بس لسه محتارة ساعات اقول اللى عنده حلم لازم يسعى له لحد اخره ويحققه وساعات اكتر اقول صعب واحس انى مش هلحق انا محتارة جدا ومش عارفة ايه رد الاستخارة او ربنا كاتب لى الخير فين ان لسه مش عارفة لحد دلوقتى ومش عارفة هعرف ازاي هو انا يعنى لو صليت الاستخارة وحلمت انى دخلت طب ده معناة انى اكمل علمى علوم طب ما ممكن يكون الحلم ده من عقلى الباطن عشان دى حاجة انا عاوزها وميكنش رسالة من ربنا افرق ازاى شىء محيرمعلشى يا دكتورة انا طولت على حضرتك جدا بس حسيت انك هتقدرى تفيدينى ياريت تقول لى رايك فى مشكلتى بجد يعنى اعتبرينى اختك لصغيرة وشكراااااااا.

[romel2007]

الاناتومي دكتورة كاريمان
البايو دكتور رشوان
الهيستو دكتورة ابتهاج
الفسيولوجي دكتورة ابتسام
الجدد احسن كتير من السابقين
انت يا دكتور نيورو اولي ؟

[DR.Neuro]

المشاركة الأصلية كتبت بواسطة romel2007

الاناتومي دكتورة كاريمان
البايو دكتور رشوان
الهيستو دكتورة ابتهاج
الفسيولوجي دكتورة ابتسام
الجدد احسن كتير من السابقين
انت يا دكتور نيورو اولي ؟

شكرا جدا يا دكتور طمنتنى :D

أه أنا أولى يا ريت أتعرف بحضرتك وأتشرف بيك على الايميل

[د/ ماجدولين]

ندى يا قمرى أستنى من رسالة ع الخاص النهاردة أو بكرة بالكتير....أوكى
بس معلش عشان الموضوع مش يخرج عن محتواة والمشرف ........أوكى يا عسل
********************************************

انا شايف ان romel اسم مخطط حربي مش مخططة و لا انتي شايفه ايه

سووووووووووورى يا دكتور...بس أنا لما قرأت الكلام دة

انا كان ليا واحدة زمياتي كانت جايبة في تانية 94 و كملت و دخلت صيدلة

أفتكرت أن حضرتك مش ولد من غير ما أشوف النيك نيم......متآسفة بجد
معلش مرة تانية

يعني عندنا في عين شمس الي بيجيبوا امتياز في حدود 200 الي 220
و في القاهرة بيكونوا في حدود ال500

لأ. خير أن شاء الله
*********************************
طيب يا جماعة نبتدى بقى
وطبعا أن شاء الله الدكتور روميل هيتابع معانا:D
ومفيش بقى داعى للأحراج عشان أقولكوا
أن كل دورى فى الموضوع دة هو أنى بعملة كوبى وبست من منتدى تانى
كتر خيرى الصراحة:D:D
يللا بقى..............نبدأ

[د/ ماجدولين]

طبعا قبل البداية يا جماعة
أحب أنبة ان الموضوع هيبقى مكمل لموضوع الدكتور أنس

http://www.thanwya.com/vb/showthread.php?t=59638

******************************

أهلاً بيكم يا جماعة فى سنة أولى نورتوا طب عين شمس
أنا عارف انكم بلا منازع كلكم أوائل سواء كنتوا من مصر أو من الكويت " زى كده" أو من الإمارات أو السعودية أو أى دولة ( بدون ما حد يزعل كلكم أوائل)

بس أنا عايز انبهكم لحاجة مهمة جداً انهى احتفلاتك بسرعة
....... الموضوع خلاص انتهى على كده
الثانوية مرحلة انتهت :D
و الكلية لا تعترف بمجاميع الثانوية و لا مجهودك بتاع الثانوية لكن بتعترف بحاجة واحده بس و هو انك بتعملها ايه؟؟؟؟؟؟؟؟

لازم تعرف كويس جداً ان ميهمكش ابداً ممكن يقعد جنبك و احد جاب 100% فى الثانوية
.... أهم حاجة من هيدي للكلية؟؟؟؟؟؟؟؟؟؟؟
و احب اضرب مثل عندى زميلي من الإمارات جايب 100% فى الثانوية فى أولى جاب جيد
وانا الحمد لله امتياز بالرغم أنى كنت جايب أقل من كده فى الثانوية مع العلم إن منهج الكويت و الإمارات و احد فى حين ان فى زميلة معانا من الكويت كانت اقل منى بي 0.6% و جابت اعلى منى فى الترتيب طبعا انا احترمها جدا على مجهودها و انا معجب بى اللى عملته
(ما لناش دعوة بقى بالأخوة العرب المهم الفكرة تكون وصلت:D)
حبيت بس اذكركم بالمقدمة دية لأن الإعداد النفسى خطر و أساسى

نجي بقى للكلية عموما كدا مع قفز على مقدمات
انت هتاخد
anatomy تشريح (250 درجة)
-physiology وظائف جسم " شبه الأحياء كده بتاعت الثانوية بس بدون اميبا و حشرة ذبابة فاكهة و لا الهبل ده كل"(250 درجة)
- biochemistry كيمياء غدارة اقصد حيوية (150 درجة)
- و هستولوجى يعني انسجة " وحدة الخلية بتاعت الثانوية على تفلطح بقى "(150 درجة)
- كمبيوتر اكيد انتو مذكرينه من قبل ما تدخلوه(50 درجة)
- E اكيد هتقولوا ايه الهبل ده صدق او لا تصدق هتاخد انجليزي و فى الغلب مش termnology كمان " مصطلحات طبية " مما يزيد الطينة بلة (50 درجة)
المؤسف ان المادتين السابقتين اكيد قلتوا " الهبلتين" دول فى المجموع وبيأثروا جامد جداً فى الترتيب لو عايز امتياز و متعملش زي صحبك اللى تأثر بالإنجليزي و وجايبلى 36 من 50

نبدأ اعمل ايه :-

1- هتحضر محاضرات الأولى فى الكلية و ده اساسى علشان كلنا " اقصد تانية كمان "
(الولد دة فى تانية يا جماعة فهو بيكلم عنة وعن زمايلة كمان:D)
عايزين نعرف فكر رؤساء الأقسام
2-الكتب اللى هيقولوا عليها رؤساء الأقساء تجبها " السمع و الطاعة " لأن فى الغالب هى اللى هتذاكر منها من الآخر
(الحقيقة يا جماعة أنا ليا تحفظ ع الجزئية دى
لأن فى ناس كتييييييير قالولى أنى أجيب الكتاب اللى أرتاحلة حتى لو مش كان كتاب القسم
بسأنا كتبت الحتة دى للأمانة فقط)
3- بالنسبة للنشاطات الأسر انا لى تحفظات كبيرة عليها لأنى بصراحة مش مؤيدة لهذه الموضيع و بحس انها مجرد مضيعة للوقت و فى الآخر انت حر ده مجرد رأى شخصى و لك تماماً انك تعمل الى انت عايزه ... بس نصيحة لو حاجة خاصة بالكلية ككل اكيد لازم نشترك بغض النظر عن عدم اهتمامى بالأسر

نيجي بقى اذاكر ازى:
============
تجاوز موضوع انك المصطلحات غريبة و مش قادر تترجمة و كده كل ده كلام فاااارغ بمعنى الكلمة .....انت جواك عارف انك هتعرف تترجم و هتفهم كله اسبوع و لو طولت هيبقى يعني شهر مش مشكلة خالص لسه الكلية بتكون مريحة
أحب أوصفلكوا المراحل اللى هتعشوها بتفصيل كل مادة مع مراعات ان هذه التفاصيل فى حاجات هتتغير بسبب تغير رؤساء الأقسام بالكامل
(وطبعا الدكتور روميل تفضل مشكورا بتوضيح هذة الجزئية)

**************************************
نكمل بقى بعدين يا جماعة مع كل مادة بالتفصيل
عشان مش أطول عليكوا
فى رعاية الله

[romel2007]

المشاركة الأصلية كتبت بواسطة د/ ماجدولين

سووووووووووورى يا دكتور...بس أنا لما قرأت الكلام دة

أفتكرت أن حضرتك مش ولد من غير ما أشوف النيك نيم......متآسفة بجد
معلش مرة تانية

لأ. خير أن شاء الله

حصل خير يا دكتورة ماجدولين و لو عنديك اي اسئلة او استفسارات اكتبي و انا هارد بإذن الله و ربنا معاكم كلكم

دكتور نيورو انا هاضيفك عندي و اتشرف بمعرفتك .

[أميرة الورود]

موضوع جميل اختي ماجي وكملي علشان نستفيد كلنا
و اهه هانت فاضل شهر تقريبا وندخل
هي الدراسة هتبدأ عندنا امتى بالظبط؟

[DR.Neuro]

شكرا جزيلا للدكتورة ماجدولين ...

على الاضافة القيمة .. ومنتظرين الباقى ..

د.رومل .. أنا أكثر شرفا بمعرفتك .. جعلنى الله وإياكم من الذين يدخلون الجنة زمرا ..

جُزيتم الخير كله

[Dr|shereen]

اوكى يا دكتورة

[DR.Neuro]

شكرا جزيلا على الموضوع...

وفعلا معظم الناس بتأجل فسيو عشان تقيل جدا .. أتقل مادة فى أولى ..

ومعظم _أو كل _ الناس بتاخد فيه دروس ..

أنا أخويا كان مأجله برضه :D بس يارب أنا لأ
آه صحيح ..

ممكن الموقع دة ؟!!!!

لو مفهاش تعب لحضرتك